6 milyon insanın ölümünə səbəb olmuş COVID-19. Müqəddəs Kitabda bu barədə nə deyilir?

Ümumdünya Səhiyyə Təşkilatının (ÜST) 2022-ci il mayın 23-nə olan rəsmi məlumatına əsasən, bütün dünyada COVID-19 pandemiyası nəticəsində 6,27 milyon insan ölüb. Amma ÜST-ün 5 may 2022-ci il tarixində dərc olunan press-relizində deyilirdi ki, əslində bu say daha çoxdur. Orada qeyd olunurdu ki, 2020—2021-ci illərdə «COVID-19 pandemiyası ilə birbaşa və ya dolayısı ilə bağlı olan ölüm hallarının sayı təxminən 14,9 milyon olub». Müqəddəs Kitabda bu cür dəhşətli hadisələr barədə nə deyilir?

Müqəddəs Kitabda dəhşətli pandemiyalar peyğəmbərlik olunmuşdu

• İsa peyğəmbərlik etmişdi ki, «axırzaman» adlanan vaxt kəsiyi ərzində bütün dünyada dəhşətli xəstəliklər, epidemiyalar olacaq (Luka 21:11; 2 Timutiyə 3:1).

İsanın peyğəmbərliyi bu gün yerinə yetir. Daha ətraflı məlumat üçün «Axırzamanda yaşayırıq?» adlı məqaləni oxuyun.

Müqəddəs Kitab təsəlli verir

• «Hər cür təsəlli Allahı... hər dərdimizdə bizə təsəlli verir» (2 Korinflilərə 1:3, 4).

Əzizlərini itirmiş bir çox insanlara Müqəddəs Kitabda yazılmış xoş xəbər təsəlli verib. Daha ətraflı məlumat üçün «Kədərlə mübarizə. Bu gün nə edə bilərsiniz?» və «Kədərin ən yaxşı dərmanı» adlı məqalələri oxuyun.

Müqəddəs Kitabda bütün problemlərin birdəfəlik necə həll olunacağı göstərilib

• «Qoy Padşahlığın gəlsin. Qoy Sənin iradən göydə olduğu kimi, yerdə də yerinə yetsin» (Mətta 6:10).

Tezliklə «Allahın Padşahlığı» bütün xəstəliklərə birdəfəlik son qoyacaq və «heç bir sakin “xəstəyəm” deməyəcək» (Mark 1:14, 15; Əşiya 33:24). Səmavi hökumət və onun görəcəyi işlər barədə daha çox öyrənmək üçün «Allahın Padşahlığı» adlı videoya baxın.

Müqəddəs Kitabda yazılanlar barədə daha ətraflı öyrənin. Orada qələmə alınmış hikmətli məsləhətlər və gələcəyə dair gözəl vədlər sizin və ailənizin həyatını dəyişəcək.