Məsihilər və müharibə. Müqəddəs Kitabda bu barədə nə deyilir?

Ukraynadakı müharibə açıq-aşkar göstərdi ki, xristian dünyası müharibəni fəal surətdə dəstəkləyir. Görün din xadimləri hər iki tərəfi necə dəstəkləyir:

•  Ukraynanı qoruyan bütün hərbçilərin qarşısında baş əyirik və onlara minnətdarlığımızı bildiririk. Qəlbimiz sizinlədir, ürəkdən etdiyimiz dualarla sizə dəstəyik (Kiyev Mitropoliti I Epifani, «Jerusalem Post», 16 mart 2022-ci il).

•  Rus Provaslav Kilsəsinin rəhbəri rus əsgərləri üçün bazar günü mərasim təşkil edib və onları Moskvanın Ukraynaya qarşı apardığı hərbi kompaniyada ölkəni «rus xalqına layiq şəkildə» müdafiə etməyə təşviq edib (Reuters, 3 aprel 2022-ci il).

Məsihilər müharibədə iştirak etməlidir? Müqəddəs Kitabda bu barədə nə deyilir?

Müqəddəs Kitabda bu barədə nə yazılıb?

Müqəddəs Kitabdan aydın görmək olar ki, İsa Məsihin əsl davamçıları müharibədə iştirak etmir və onu dəstəkləmir.

•  «Qılıncını qaytar qoy qınına. Qılınc götürən hər kəs qılıncdan öləcək» (Mətta 26:52).

  Müharibəni dəstəkləyən, yaxud müharibədə iştirak edən insan bu sözlərə əməl edir?

•  «Sizə yeni bir əmr verirəm: bir-birinizi sevin. Bir-birinizi mən sizi sevdiyim kimi sevin. Aranızda məhəbbət olsa, hamı biləcək ki, siz mənim şagirdimsiniz» (Yəhya 13:34, 35).

  Müharibəni dəstəkləyən insan İsanın şagirdlərini tanıdan bu cür məhəbbəti təzahür etdirir?

Əlavə məlumat üçün «Məsihi üçün müharibə yolveriləndir?» məqaləsinə baxın.

Məsihilər və zəmanəmizdəki müharibələr

Bu gün məsihilərin müharibəyə qarışmaması mümkündür? Bəli. Müqəddəs Kitabda peyğəmbərlik olunmuşdu ki, axırzamanda, yəni bizim yaşadığımız dövrdə elə insanlar olacaq ki, İsanın təlimlərinə uyğun olaraq, «artıq müharibə etməyi öyrənməyəcəklər» (Əşiya 2:2, 4).

•  Əlavə məlumat üçün «Gözətçi qülləsi» silsilə məqalələrindən «Allah müharibələrə necə yanaşır?» adlı məqaləni oxuyun.

Tezliklə «sülh Allahı» Yehovaa səmavi Padşahlığı vasitəsi ilə insanları «zülmdən, zorakılıqdan qurtaracaq» (Filippililərə 4:9; Zəbur 72:14).

•  Allahın bunu necə edəcəyini bilmək üçün «Allahın Padşahlığı» adlı videoya baxın.