Güclü daşqınlar. Müqəddəs Kitabda bu barədə nə deyilir?

Dünyanın hər yerində insanlar güclü daşqınlardan əziyyət çəkir. Gəlin bəzi məlumatlara baxaq:

«Çinin paytaxtında bir neçə gün ərzində yağan yağışların miqdarı son 140 ilin ən yüksək səviyyəsinə çatıb... Şənbə günündən çərşənbə gününə qədər yağan yağışın miqdarı ümumilikdə 744,8 millimetr təşkil edib» («AP News», 2 avqust 2023-cü il).
«Cümə axşamı, “Kanun” qasırğasının ikinci günü qasırğa özü ilə Yaponiyanın cənubuna güclü küləklər və leysan yağışlar gətirib. Nəticədə ən azı iki nəfər həyatını itirib... Qasırğa nəticəsində Tayvanın mərkəzində yağıntının səviyyəsinin 0,6 metrə çatacağı gözlənilir» («Deutsche Welle», 3 avqust 2023-cü il).
«Kanadanın Atlantik sahili bölgəsində yağan son 50 ilin ən güclü leysan yağışı [Yeni Şotlandiya] əyalətində həftə sonu daşqına səbəb oldu» («BBC News», 24 iyul 2023-cü il).

Bu kimi hadisələr barədə Müqəddəs Kitabda nə deyilir?

«Axırzaman»ın əlaməti

Müqəddəs Kitabda deyilir ki, biz «axırzamanda» yaşayırıq (2 Timutiyə 3:1). İsa peyğəmbər qabaqcadan demişdi ki, yaşadığımız dövrdə «dəhşətli mənzərələrin», yəni dəhşətli hadisələrin şahidi olacağıq (Luka 21:11). İqlim dəyişikliyi gözlənilmədən baş verən, daha tez-tez və daha şiddətli olan ekstremal hava şəraitinə səbəb olur.

Ümid üçün səbəb

Müqəddəs Kitabda deyilir ki, dünyada baş verən dəhşətli hadisələr əslində ümid üçün əsas verir. Nəyə görə belə demək olar? İsa Məsih demişdi: «Bütün bunların baş verdiyini görəndə bilin ki, Allahın Padşahlığı yaxındadır» (Luka 21:31; Mətta 24:3).

Gözümüzün qarşısında baş verən hadisələr göstərir ki, Allahın Padşahlığı tezliklə su dövranı da daxil olmaqla bütün təbii prosesləri tam nəzarəti altına alacaq (Əyyub 36:27, 28; Zəbur 107:29).

Allahın Padşahlığı ətraf mühitlə bağlı problemləri necə həll edəcək? Bu barədə daha ətraflı məlumat almaq üçün «Planetimizi kim xilas edəcək?» adlı məqaləni oxuyun.