Allaha yaxınlaşın

«Ey Allahım, məni yadda saxla və mənə xeyirxah ol!»

«FİKİRLƏŞİRDİM Kİ, Allah məni yaxşı tanıdığından heç vaxt sevə bilməz və mən Onun razılığını qazana bilərəm». Bu sözləri özünün dəyərsiz olduğunu düşünən Yehovanın Şahidi olan bir qadın yazmışdı. Bu hisslər sizə də tanışdırmı? Allahın sizə gözucu baxmasına belə layiq olmadığınızı nə vaxtsa düşünmüsünüzmü? Əgər belədirsə, Nehemya 13:31 ayəsində yazılan sözlər sizi ruhlandıra bilər.

Eramızdan əvvəl beşinci əsrdə yaşamış yəhudilərin valisi Nehemya Allahı razı salmaq üçün əlindən gələni edirdi. Düşmənlərin müqavimətinə baxmayaraq, o, Yerusəlimin qala divarlarının bərpa işlərinə rəhbərlik edirdi. Nehemya Allahın Qanununun riayət olunmasına nəzarət edirdi, məzlumların qayğısına qalır və həmvətənləri israillilərin imanını möhkəmləndirməyə çalışırdı. Görəsən, bu saleh insanın etdiyi yaxşı işləri Allah nəzərə aldımı? Yehova Nehemyaya rəğbət göstərdimi? Bu suallara cavabı Nehemyanın adını daşıyan kitabın sonunda yazılan sözlərdən tapa bilərik.

«Ey Allahım, məni yadda saxla və mənə xeyirxah ol!» — deyə Nehemya Allaha yalvarıra. Görəsən, Nehemya etdiyi yaxşılıqların Allahın nəzərindən qaçacağından, yaxud da onu unudacağındanmı qorxur? Xeyr. O, Müqəddəs Yazıların əlində olan kitablarından bilir ki, Yehova Öz sadiq xidmətçilərilə yaxından maraqlanır və onların xeyirxah əməllərinə nəzər yetirir (Çıxış 32:32, 33; Məzmur 56:8). Bəs yaxşı, onun Allahdan dilədiyi nə idi? Bir mənbəyə əsasən, «yadda saxla» kimi tərcümə olunan ibrani sözünün altında «əqli bağlılıq və xatirələrdən irəli gələn əməl» nəzərdə tutulur. Duanın gücünə tam əmin olaraq Nehemya Allahdan onu yadda saxlamağı və xeyir-dualandırmağı xahiş edir (Nehemya 2:4).

Yehova Nehemyanın duasına cavab verəcəkmi? Müəyyən mənada, artıq O, bunu edib. Yehovanın bu duanın Müqəddəs Yazılarda həkk olunmasının qayğısına qalması bizi əmin edir ki, O, Nehemyanı unutmayıb. Ancaq «duaları eşidən» Rəbb Nehemyanın səmimi xahişinə cavab olaraq daha çox şey edəcək (Məzmur 65:2).

Allah təmiz ibadət üçün etdiklərinə görə Nehemyanı mükafatlandıracaq (İbranilərə 11:6). Yehovanın vəd etdiyi yeni dünya qurulanda O, Nehemyanı ölülərdən dirildəcək (2 Peter 3:13; Vəhy 21:3, 4)b. Yerüzü Cənnətdə əbədi yaşamaq imkanını əldə edəndə Nehemya görəcək ki, Yehova həqiqətən də xeyirxahlıq göstərib onu yaddan çıxarmayıb.

Nehemyanın duası Davud padşahın sözlərinin həqiqiliyini təsdiq edir: «Ya Rəbb, salehə xeyir-dua verirsən, lütfünlə sipər kimi onları hifz edirsən» (Məzmur 5:12). Doğrudan da, Allah Onu razı salmaq üçün etdiyimiz bütün səmimi səylərimizi görür və qiymətləndirir. Əgər Allaha sidqi-ürəkdən ibadət etsəniz, əmin ola bilərsiniz ki, O, sizi unutmayacaq və bol-bol xeyir-dualandıracaq, çünki O, sizi ürəkdən sevir.

[Haşiyələr]