DƏRS 4

Ayələrə keçid

Mətta 22:41—45

İCMAL: Ayəni oxumazdan əvvəl dinləyiciləri hazırla.

Ayəni nəyə görə oxuduğun barədə düşün. Hər ayəni elə təqdim et ki, dinləyicilər ayədə vurğulamaq istədiyin fikri tuta bilsinlər.

Konteksti nəzərə al. Sitatın müəllifinin və Müqəddəs Kitab bölməsini yazan şəxsin adını çəkəcəksənsə, əmin ol ki, düzgün məlumat verirsən.
Sözlərini Müqəddəs Kitaba əsaslandır. Allaha inanan insanlara müraciət edəndə diqqəti Allahın Kəlamı olan Müqəddəs Kitaba yönəlt. Bununla kitabın ən ali hikmət mənbəyi olduğunu qeyd etmiş olacaqsan.
Ayəyə maraq oyat. Elə sual ver ki, ayədə cavabı olsun. Elə problemə toxun ki, ayədə həlli göstərilsin. Yaxud Müqəddəs Kitab parçasında əks olunan prinsipi vurğula.

Dinləyicilərin mövzu və ayə haqqında biliyini nəzərə al. Hətta tanış ayəyə də elə keçid et ki, dinləyicilərə maraqlı olsun və ayədən yeni fikir öyrənsinlər.