12-се бүлеккә инеш һүҙ

Ғайса кешеләргә күктәге Батшалыҡ хаҡында һөйләгән. Ул шулай уҡ уларҙы, Алла исеме изгеләнһен, уның Батшалығы килһен, Алла ихтыяры ерҙә лә үтәлһен, тип доға ҡылырға өйрәткән. Был китапты балағыҙ менән уҡыһағыҙ, Ғайсаның өлгөлө доғаһындағы һүҙҙәрҙең мәғәнәһен аңлатығыҙ. Шайтан Ғайсаға ҡотҡо һалғанда, ул Йәһүәгә тоғро ҡалған. Ғайса илселәр һайлаған. Улар Батшалыҡтың беренсе ағзалары булып киткән һәм унда мөһим роль уйнай башлаған. Баланың иғтибарын Ғайсаның хаҡ ғибәҙәтте ни ҡәҙәр ныҡ яратҡанына йүнәлтегеҙ. Кешеләргә ярҙам итеү Ғайсаға бик оҡшаған, шуға ул ауырыуҙарҙы һауыҡтырған, астарҙы туйындырған һәм хатта үлгәндәрҙе терелткән. Был мөғжизәләрҙе ҡылып ул Батшалыҡ идараһы аҫтында тормош ни ҡәҙәр яҡшырасаҡ икәнен күрһәткән.