53-СӨ ДӘРЕС

Йәһүәне ҡыуандырған күңел асыуҙар һайла

Баҫтырылған формат

Йәһүә — бәхетле Алла (1 Тимофейға 1:11). Ул беҙҙең дә бәхетле булыуыбыҙҙы һәм тормошҡа кинәнеп йәшәүебеҙҙе теләй. Беҙ эштән һуң ял итеүгә ваҡыт бүлгәндә, ул шатлана. Әммә нисек ял итеү ваҡытын шатлыҡлы һәм күңелле, шул уҡ ваҡытта Йәһүәгә яраҡлы итеп үткәреп була? Ошо дәрестән беҙ был һорауға яуап алырбыҙ.

1. Күңел асыу һайлағанда, нимәне иҫтә тоторға кәрәк?

Һин нисек ял итергә яратаһың? Ҡайһы берәүҙәр тыныс ҡына өйҙә ял итә: китап уҡый, музыка тыңлай, фильм ҡарай йә интернет гиҙә. Башҡалар иһә ҡайҙалыр барып ял итергә ярата: улар дуҫтары менән тәбиғәткә сыға, тауға менә, һыу инә, уйындар уйнай. Беҙгә ниндәй генә ял оҡшаһа ла, күңел асыуыбыҙ Аллаға «хуш кил[ергә]» тейеш (Ефестарға 5:10). Был бик мөһим, сөнки бөгөн популяр булған күп кенә күңел асыуҙарҙа Йәһүә күрә алмаған нәмәләр — көс ҡулланыу, енси әхлаҡһыҙлыҡ йә сихырсылыҡ бар. (Зәбур 11:5-те уҡы.) Күңел асыуҙы дөрөҫ һайларға беҙгә нимә ярҙам итер?

Йәһүәне яратҡан кешеләр менән дуҫлашһаҡ, улар беҙгә ыңғай йоғонто яһар һәм яҡшы күңел асыуҙар һайларға ярҙам итер. Үткән дәрестәрҙең береһенән белгәнебеҙсә, «зирәктәр менән йөрөүсе зирәк булыр» (Ғибрәтле һүҙҙәр 13:20). Ә Йәһүәнең нормаларын һанға һуҡмаған кешеләр менән йыш аралашһаҡ, беҙ зыян күрербеҙ.

2. Күңел асыу тураһында әйткәндә, ни өсөн самаһын белеү мөһим?

Күңел асыу яҡшы булһа ла, уға сиктән тыш күп ваҡыт сарыф итмәҫ өсөн һаҡ булырға кәрәк. Юғиһә, мөһимерәк эштәргә ваҡыт ҡалмауы бар. Изге Яҙма беҙҙе «ваҡытты мөмкин тиклем яҡшыраҡ ҡулланы[рға]» өндәй. (Ефестарға 5:15, 16-ны уҡы, ЯДТ.)

КҮБЕРӘК БЕЛ

Күңел асыу һайлағанда нимәне иҫәпкә алырға кәрәклеген бел.

3. Зыянлы күңел асыуҙарҙан ситтә тор

Күңел асыуҙы һайлағанда ни өсөн иғтибарлы булырға кәрәк? ВИДЕОЯҘМАНЫ ҡара һәм һорауҙарға яуап бир:

ВИДЕОЯҘМА: «Ниндәй күңел асыуҙы һайларға?» (4:39)

Боронғо гладиатор уйындары бөгөнгө ҡайһы бер күңел асыуҙарға нимәһе менән оҡшаш?
Дэнни күңел асыуҙар тураһында нимә аңлаған?

Римдарға 12:9-ҙы уҡы һәм яуап бир:

Был аят нисек һиңә яҡшы күңел асыу һайларға ярҙам итер?

Йәһүә нимәне нәфрәт итә? Ғибрәтле һүҙҙәр 6:16, 17 һәм Галаттарға 5:19—21-ҙе уҡы. Һәр өҙөктө уҡығандан һуң, һорауға яуап бир:

Был аяттарҙа иҫкә алынған нәмәләрҙең ҡайһылары бөгөнгө күңел асыуҙарҙа бар?

Яҡшы күңел асыуҙы нисек һайларға?

Үҙеңдән былай тип һора:

Нимә? Унда Йәһүә күрә алмаған нәмәләр бармы?
Ҡасан? Ул мөһимерәк эштәргә бүленгән ваҡытты урламаймы?
Кем менән? Миңә Йәһүәне яратмаған кешеләр менән яҡын йә йыш аралашырға тура килерме?

Ҡурҡыныстан мөмкин тиклем йыраҡ тороу хәйерлерәк. Шуға күрә, әгәр күңел асыу үҙеңә тиҫкәре йоғонто яһар кеүек тойолһа, унан ситтә торорға кәрәк

Машина тау ситенән китеп бара. Уның артҡы тәгәрмәсе аҫҡа төшөп бара.

4. Ваҡытыңды бушҡа үткәрмә

ВИДЕОЯҘМАНЫ ҡара һәм һорауға яуап бир:

ВИДЕОЯҘМА: «Ваҡытыңа кем хужа?» (2:45)

Был ҡәрҙәш, бер ниндәй насар нәмә ҡарамаһа ла, ваҡытын аҡыллы ҡулландымы?

Филиптарға 1:10-ды уҡы һәм яуап бир:

Был аят ял итеүгә күпме ваҡыт бүлергә икәнен хәл итергә нисек ярҙам итер?

5. Яҡшы күңел асыу һайла

Ҡайһы бер күңел асыуҙар Йәһүәгә оҡшамаһа ла, беҙгә шатлыҡ килтерә алған һәм рәхәтләнеп ял итергә ярҙам иткән шөғөлдәр бик күп. Вәғәзсе 8:15 һәм Филиптарға 4:8-ҙе уҡы ла яуап бир:

Яҡшы күңел асыуҙарҙың ниндәйҙәре һиңә оҡшай?

«Төрлө йәштәге кешеләр файҙалы итеп күңел аса» тигән фотоһүрәттәр: 1) ҡыҙыҡай, музыка тыңлап, һүрәт төшөрөп ултыра; 2) өс егет баскетбол уйнай; 3) ике малай велосипедта йөрөй; 4) малай уйынсыҡ машина йыя; 5) ир кеше барабанда уйнай; 6) малай атаһы менән видеоуйын уйнай; 7) ҡатын ҡоштарҙы фотоға төшөрә. — Ваҡытты күңелле һәм файҙалы итеп үткәрер өсөн байтаҡ мөмкинлектәр бар

ҠАЙҺЫ БЕРӘҮҘӘР БЫЛАЙ ТИ: «Көс ҡулланыу, енси әхлаҡһыҙлыҡ йә сихырсылыҡ менән бәйле күңел асыуҙарҙың бер насарлығы ла юҡ. Мин бит үҙем ундай эштәр ҡылмайым».