Тәбиғилек

Филип нисек эш иткән?

ВИДЕОЯҘМА: «Филип хәбәш түрәһенә вәғәзләй»

1. ВИДЕОЯҘМАНЫ ҡарағыҙ йә Илселәр 8:30, 31-ҙе уҡығыҙ. Шунан ошо һорауҙар өҫтөндә уйланығыҙ:

1. а) Филип әңгәмәне нисек башлаған?

2. б) Һөйләшеүҙе шулай башлау ни өсөн тәбиғи булған? Был Филипҡа Изге Яҙмалағы фекер менән бүлешергә нисек ярҙам иткән?

Беҙ Филиптан нимәгә өйрәнәбеҙ?

2. Һөйләшеү тәбиғи барһа, кеше, моғайын, үҙен иркенерәк тойор һәм Изге Яҙмалағы хәбәрҙе тыңлар.

Филиптан өлгө алығыҙ

3. Күҙәтеүсән булығыҙ. Кешенең сырайы, торошо һәм ишаралары уның тураһында күпте әйтә ала. Уның һеҙҙең менән һөйләшергә әҙер икәне күренәме? Әгәр ҙә шулай икән, Изге Яҙмалағы берәй фекер менән бүлешеп ҡарағыҙ. Әңгәмәне «Ә һеҙ... икәнен белә инегеҙме?» тигән һорауҙан башлап була. Әммә кешенең һөйләшкеһе килмәһә, һөйләшеүҙе дауам итергә тырышмағыҙ.

4. Түҙемле булығыҙ. Шунда уҡ Изге Яҙмаға күсергә ашыҡмағыҙ. Барыһы ла тәбиғи булһын өсөн, уңайлы мәлде көтөгөҙ. Ҡайһы саҡта ундай мәл киләһе һөйләшеү ваҡытында ғына булырға мөмкин.

5. Һығылмалы булығыҙ. Әңгәмәсе ҡапыл һүҙҙе башҡа яҡҡа борорға мөмкин. Шуға күрә икенсе темаға аралашырға йыйынған булһағыҙ ҙа, уның өсөн ҡыҙыҡлы булған фекер менән бүлешергә әҙер булығыҙ.