МӘСИХСЕ ТОРМОШОБОҘ
Ялған мәғлүмәт таратмағыҙ
Бөгөнгө көндә мәғлүмәт бөтә донъяға гәзиттәр, радио, телевизор һәм интернет аша бик тиҙ тарала ала. Хәҡиҡәт Аллаһына хеҙмәт итеүселәр, хатта аңһыҙ рәүештә булһа ла, ялған таратыуҙа ҡатнашырға теләмәй (Зәб 31:5; Сғ 23:1). Тикшерелмәгән мәғлүмәтте таратыу ҙур зыян килтерә ала. Был мәғлүмәттең дөрөҫлөгөнә инаныр өсөн, үҙегеҙҙән һорағыҙ:
«Тәүге хәбәр дөрөҫмө?» Был хәбәрҙе һөйләүсе, бәлки, бөтә факттарҙы белмәйҙер. Хәбәр кешенән-кешегә күсһә, ул барыбер үҙгәрә. Шуға күрә мәғлүмәттең сығанағын теүәл белмәгәндә, һаҡ булырға кәрәк. Айырыуса яуаплы ҡәрҙәштәргә һаҡ булырға кәрәк, сөнки йыйылыштағы ҡәрҙәштәр уларға ышана.
«Был мәғлүмәт яла түгелме?» Ишеткән хәбәр берәйһенең исеменә тап төшөрһә, уны таратмау яҡшы булыр (Ғһ 18:8; Фп 4:8).
«Был яңылыҡ дөрөҫкә оҡшағанмы?» Шаҡ ҡатырғыс хәбәрҙәрҙе һәм осраҡтарҙы ишеткәндә, һаҡ булығыҙ.
«ҒӘЙБӘТ ҺАТЫУҘЫ НИСЕК ТУҠТАТЫРҒА?» ТИГӘН ҠӘЛӘМ МЕНӘН ТӨШӨРӨЛГӘН ЙӘНҺҮРӘТТЕ ҠАРА ҺӘМ ОШО ҺОРАУҘАРҒА ЯУАП БИР:
Ғибрәтле һүҙҙәр 12:18 буйынса, һүҙ ниндәй көскә эйә?
Башҡалар тураһында һөйләгәндә, Филиптарға 2:4-тәге принцип беҙгә ауыҙҙы үлсәп асырға нисек ярҙам итә ала?
Аралашҡан саҡта башҡалар тураһында мыҫҡыллы һәм тиҫкәре һүҙҙәр яңғыраһа, нимә эшләргә?
Берәй кеше хаҡында һөйләр алдынан үҙебеҙгә ниндәй һорауҙар бирергә кәрәк?