Төшөрмә

a «Көйөндө» тип тәржемә ителгән грек һүҙе эмбримаомаи тигән ҡылымдан барлыҡҡа килгән. Был ҡылым бик көслө, тәрән тулҡынланыуҙы аңлата. Изге Яҙма буйынса бер белгес шуға иғтибар итә: «Ғайсаны солғап алған тойғолар шул тиклем көслө булған, ул хатта ирекһеҙҙән ыңғырашыу тауышы сығарған». Изге Яҙманың төп нөсхәһендә ошо өҙөктә шулай уҡ «борсолдо» тигән һүҙ бар. Ул тарассо тигән грек һүҙенән барлыҡҡа килгән һәм аптырап ҡалыуҙы аңлата. Лексикография өлкәһендәге белгес әйтеүенсә, был грек һүҙе «кеше күңел әрнеүе... йәки ҡайғыға төшөү арҡаһында аптырап ҡалғанда» ҡулланыла. «Күҙҙәренән йәш тәгәрәне» тигән һүҙҙәр грек телендәге дакрио тигән ҡылымдан барлыҡҡа килгән, ул «күҙ йәштәре түгеүҙе, шым ғына илауҙы» аңлата.