Изге Яҙманың төп темаһы Алла Батшалығы менән бәйле. Был Батшалыҡ ярҙамында Йәһүә ерҙе ожмахҡа әйләндерәсәк. Нимә ул Батшалыҡ? Уның әле идара иткәнен беҙ ҡайҙан беләбеҙ? Ул инде нимәләр эшләгән? Киләсәктә нимәләр эшләйәсәк? Был һорауҙарға яуапты ошо һәм киләһе ике дәрестән белеп була.

1. Алла Батшалығы нимә ул һәм уның Батшаһы кем?

Батшалыҡ — ул Йәһүә Алла урынлаштырған хөкүмәт. Уның батшаһы — Ғайса Мәсих, ул күктән идара итә (Матфей 4:17; Яхъя 18:36). Изге Яҙмала Ғайса тураһында, ул «мәңгелек батшалыҡ итер», тиелгән (Лука 1:32, 33). Алла Батшалығының Батшаһы булараҡ, Ғайса ер йөҙөндә йәшәгән бөтә кеше өҫтөнән идара итәсәк.

2. Ғайса менән бергә кем идара итә?

Ғайса үҙе генә идара итмәҫ. Уның менән бергә «һәр ҡәбиләнән һәм телдән, халыҡтан һәм милләттән» кешеләр ер өҫтөнән идара итер (Асылыш 5:9, 10). Уларҙың һаны күпме булыр? Ғайса ерҙә йәшәгәндән бирле миллиондарса кеше мәсихсе булып киткән. Әммә уларҙың 144 000-е генә Ғайса менән идара итер өсөн күккә бара. (Асылыш 14:1—4-те уҡы.) Бөтә башҡа мәсихселәр ерҙә йәшәр һәм Алла Батшалығының граждандары булыр (Зәбур 37:29).

3. Алла Батшалығы кеше хөкүмәттәренән нимәһе менән яҡшыраҡ?

Был донъялағы идарасылар яҡшы нәмәләр эшләргә тырышһалар ҙа, теләгәндәренең барыһын башҡарырға көстәре етмәй. Ваҡыт үтеү менән улар урынына башҡа идарасылар килә, ә ул идарасылар тик үҙҙәрен генә уйлай һәм кешеләргә ярҙам итергә теләмәй. Әммә Алла Батшалығының Батшаһы, Ғайса, һәр ваҡыт идара итәсәк, уны берәү ҙә алмаштырмаясаҡ. Алла «бер ҡасан да емерелмәйәсәк батшалыҡ» урынлаштырған (Данил 2:44). Ғайса бөтә ер өҫтөнән идара итәсәк һәм бар кешене бер тигеҙ күрәсәк. Ул ҡайғыртыусан, мәрхәмәтле һәм ғәҙел. Ул кешеләрҙе лә бер-береһен яратырға, бер-береһенә ҡарата мәрхәмәтле һәм ғәҙел булырға өйрәтәсәк. (Ишағыя 11:9-ҙы уҡы.)

4. Бөтә ер өҫтөнән ҡеүәтле хөкүмәт идара итер

Ғайса Мәсих тарихтағы һәр ҡайһы идарасыға ҡарағанда ҙурыраҡ хакимлыҡҡа һәм ҡеүәткә эйә. Матфей 28:18-ҙе уҡы һәм яуап бир:

• Ғайсаның хакимлығы кешеләрҙекенән нимә менән айырылып тора?

Кеше хөкүмәттәре йыш алмашынып тора, һәм уларҙың һәр береһе ерҙең ниндәйҙер бер өлөшө менән генә идара итә. Ә Алла Батшалығы тураһында нимә әйтеп була? Данил 7:14-те уҡы һәм ошо һорауҙарға яуап бир:

• Һинеңсә, Алла Батшалығының емерелмәҫ хөкүмәт булыуы ниндәй файҙа килтерәсәк?

• Һинеңсә, уның бөтә ер өҫтөнән идара итәсәге ниндәй файҙа килтерәсәк?

5. Кеше хөкүмәттәрен алмаштырырға кәрәк

Ни өсөн Алла Батшалығы кеше хөкүмәттәрен алмаштырасаҡ? ВИДЕОЯҘМАНЫ ҡара һәм һорауға яуап бир.

ВИДЕОЯҘМА: «Алла Батшалығы нимә ул?» (өҙөк) (1:41)

• Кешеләрҙең идара итеүе нимәгә килтергән?

Вәғәзсе 8:9-ҙы уҡы һәм яуап бир:

• Һин нисек уйлайһың, Алла Батшалығы кеше хөкүмәттәрен алмаштырырға тейешме? Ни өсөн?

6. Алла Батшалығының идарасылары беҙҙе яҡшы аңлай

Батшабыҙ Ғайса, ерҙә кеше булып йәшәгәнгә, йомшаҡ яҡтарыбыҙҙы аңлап беҙҙең хәлгә инә ала (Еврейҙарға 4:15). Ғайса менән бергә идара итәсәк 144 000 тоғро ир-ат һәм ҡатын-ҡыҙ — «һәр ҡәбиләнән һәм телдән, халыҡтан һәм милләттән» сыҡҡан кешеләр. Йәһүә уларҙы үҙе һайлап ала (Асылыш 5:9).

• Ғайса һәм уның менән бергә идара итеүселәр хистәребеҙҙе һәм ниндәй ауырлыҡтар менән осрашҡаныбыҙҙы аңлай. Был һине йыуатамы? Аңлат.

7. Алла Батшалығының закондары иң яҡшыһы

Үҙ граждандарын яҡлар өсөн, хөкүмәттәр төрлө закондар сығара. Алла Батшалығының да закондары бар, һәм уның граждандары уларҙы үтәргә тейеш. 1 Коринфтарға 6:9—11-ҙе уҡы һәм ошо һорауҙарға яуап бир:

• Һәр кеше Алла закондарын үтәһә, һинеңсә, донъя ниндәй булыр?a

• Нисек уйлайһың, Йәһүәнең Батшалыҡ граждандарынан үҙенең закондарын хөрмәт итеүҙе талап итергә хаҡы бармы? Ни өсөн?

• Был закондар буйынса йәшәмәгән кешеләрҙең үҙгәрә алыуы нимәнән күренә? (11-се аятты ҡара.)

ТӨП ФЕКЕР

Алла Батшалығы — күктә урынлашҡан хөкүмәт. Ул бөтә ер өҫтөнән идара итәсәк.

Ҡабатлау

• Алла Батшалығында кем идара итәсәк?

• Алла Батшалығы кеше хөкүмәттәренән нимә менән яҡшыраҡ?

• Йәһүә Батшалыҡ граждандарынан нимә талап итә?

ӨҪТӘМӘ МӘҒЛҮМӘТ

Ғайсаның Алла Батшалығының ҡайҙа урынлашҡаны тураһында нимә әйткәнен бел.

«Алла Батшалығы кеше йөрәгендәме?» (интернет-мәҡәлә)

Ни өсөн Йәһүә шаһиттары кеше хөкүмәттәренә түгел, ә Алла Батшалығына тоғро?

«Алла Батшалығына тоғробоҙ» (1:43)

Изге Яҙмала Ғайса менән идара итәсәк 144 000 кеше хаҡында нимә әйтелгәнен ҡарап сыҡ.

«Күккә кемдәр бара?» (интернет-мәҡәлә)

Төрмәлә ултырған бер ҡатын тик Алла ғына ерҙә ғәҙеллек урынлаштыра аласағын ишеткән. Уны быға нимә ышандырған?

«Ғәҙеллек тантана итәсәген белеп ҡалдым» («Уянығыҙ!», 2011 йыл, ноябрь)

Алла Батшалығы 1914 йылда күктә идара итә башлаған. Шул уҡ йылда кеше идараһының һуңғы көндәре башланған. Беҙ быны ҡайҙан беләбеҙ? Әйҙә, Изге Яҙмалағы пәйғәмбәрлектәрҙе, шулай уҡ 1914 йылдан бирле кешеләрҙең һәм донъя хәленең нисек үҙгәргәнен ҡарап сығайыҡ.

1. Изге Яҙмалағы пәйғәмбәрлектәрҙән нимә белеп була?

Данил китабынан күренеүенсә, Алла Батшалығы «ете ваҡыт» тип аталған осорҙоң аҙағында идара итә башларға тейеш булған (Данил 4:16, 17). Бер нисә быуат үткәс, Ғайса был осорҙо «мәжүсиҙәр... ваҡыты» тип атаған. Ул шулай уҡ, был осор әле тамамланмаған, тип әйткән (Лука 21:24). Ошо дәрестән беҙ шул «ете ваҡыттың» 1914 йылда тамамланғанын күрербеҙ.

2. 1914 йылдан бирле донъя һәм кешеләр нисек үҙгәргән?

Ғайсаның шәкерттәре унан былай тип һораған: «Һинең килеүеңде һәм был донъяның бөтәсәген ниндәй билдәләр күрһәтер?» (Матфей 24:3). Яуап итеп Ғайса, күктә Алла Батшалығының Батшаһы булып идара итә башлағас, ерҙә ниндәй ваҡиғалар буласағын алдан әйткән. Мәҫәлән, ул һуғыштар, аслыҡ һәм ер тетрәүҙәр буласағын пәйғәмбәрлек иткән. (Матфей 24:7-не уҡы.) Изге Яҙмала шулай уҡ, һуңғы көндәрҙә кешеләр насар яҡҡа үҙгәрер һәм шул арҡала тормош үтә ауыр булып китер, тип тә алдан әйтелгән булған (2 Тимофейға 3:1—5). Эйе, 1914 йылдан алып донъя һәм кешеләр бик ныҡ үҙгәргән.

3. Ни өсөн Алла Батшалығы идара итә башлағандан һуң донъя хәле насарланған?

Алла Батшалығының Батшаһы булып киткәндән һуң күп тә үтмәҫтән, Ғайса күктә Шайтан менән ендәргә ҡаршы һуғыш башлаған. Шайтан был һуғышта еңелгән. Изге Яҙмала былай тип әйтелә: «Шайтан... ергә бәреп төшөрөлдө, уның менән бергә фәрештәләре лә ырғытылды» (Асылыш 12:9, 10, 12). Иблис бик ярһып йөрөй, сөнки үҙенең юҡ ителәсәген белә. Шуға күрә ул бөтә ер йөҙөндә кешеләргә ҡайғы һәм ғазап килтерә. Бына ни өсөн донъя хәле шул тиклем насар. Алла Батшалығы бөтә был проблемаларҙы юҡ итәсәк!

КҮБЕРӘК БЕЛ

4. Изге Яҙмалағы хронология 1914 йылға күрһәтә

ВИДЕОЯҘМА: «Алла Батшалығы 1914 йылда идара итә башлаған» (5:02)

Алла, боронғо Вавилон батшаһы Набуҡаднизарға пәйғәмбәри төш биреп, киләсәктә нимә булырын күрһәткән. Был төштән һәм Данилдың һүҙҙәренән күренеүенсә, Набуҡаднизар күргән нәмәләр уның идараһына ла, Алла Батшалығына ла ҡағылған. (Данил 4:17-не уҡы.)a

Данил 4:20—26-ны уҡы һәм, таблицаны ҡулланып, ошо һорауҙарға яуап бир:

• А. Набуҡаднизар батша төшөндә нимә күргән? (20-се һәм 21-се аяттарҙы ҡара.)

• Б. Ағас менән нимә булырға тейеш булған? (23-сө аятты ҡара.)

• В. «Ете ваҡыт» тигән осорҙоң аҙағында нимә булырға тейеш булған? (26-сы аятты ҡара.)

Ағас тураһындағы төш Алла Батшалығы менән нисек бәйле?

ПӘЙҒӘМБӘРЛЕК (Данил 4:20—36)

Идара

А. Ғәйәт ҙур ағас

Идара туҡтатылған

Б. «Ағасты киҫеп ташлағыҙ», һәм «ете ваҡыт үтһен»

Идара торғоҙолған

В. «Батшалығың яңынан үҙеңә ҡайтарыласаҡ»

Пәйғәмбәрлектең беренсе үтәлеше

• Г. Ағас кемде аңлата? (22-се аятты ҡара.)

• Ғ. Был батшаның идараһы нисек туҡтатылған? (Данил 4:29—33-тө уҡы.)

• Д. «Ете ваҡыт» осороноң аҙағында Набуҡаднизар батша менән нимә булған? (Данил 4:34—36-ны уҡы.)

БЕРЕНСЕ ҮТӘЛЕШ

Идара

Г. Вавилон батшаһы Набуҡаднизар

Идара туҡтатылған

Ғ. Б. э. т. 606 йылдан һуң Набуҡаднизар аҡылдан яҙа һәм ете йыл дауамында идара итә алмай

Идара торғоҙолған

Д. Набуҡаднизар аҡылына ҡайта һәм ҡабат идара итә башлай

Пәйғәмбәрлектең икенсе үтәлеше

• Ҙ. Ағас кемде аңлата? (1 Йылъяҙма 29:23-тө уҡы.)

• Е. Был батшаларҙың идараһы нисек туҡтатылған? Ғайса ерҙә йәшәгән ваҡытта шул батшаларҙың идараһы торғоҙолмағанын беҙ ҡайҙан беләбеҙ? (Лука 21:24-те уҡы.)

• Ж. Был идара ҡасан һәм ҡайҙа торғоҙолған?

ИКЕНСЕ ҮТӘЛЕШ

Идара

Ҙ. Алланың идараһы Израиль батшалары аша башҡарыла

Идара туҡтатылған

Е. Иерусалим емерелә. Израиль батшаларының идараһы 2 520 йылға туҡтатыла

Идара торғоҙолған

Ж. Ғайса күктә Алла Батшалығының Батшаһы булып идара итә башлай

5. 1914 йылдан бирле донъя бик ныҡ үҙгәргән

ВИДЕОЯҘМАНЫ ҡара.

ВИДЕОЯҘМА: «1914 йылдан башлап донъя ныҡ үҙгәргән» (1:10)

Ғайса үҙенең Батша булып китеүенән һуң ерҙә ниндәй шарттар буласағын алдан әйткән. Лука 21:9—11-ҙе уҡы һәм яуап бир:

• Һин был ваҡиғаларҙың ҡайһыларын күргәнең йә ишеткәнең бар?

Илсе Павел һуңғы көндәрҙә кешеләрҙең ниндәй буласағы тураһында яҙған. 2 Тимофейға 3:1—5-те уҡы һәм һорауға яуап бир:

• Һин бөгөн кешеләрҙең шундай сифаттар сағылдырғанын күрәһеңме? Аңлатсы.

6. Батшалыҡ инде идара итә. Эш итергә ваҡыт!

Матфей 24:3, 14-те уҡы һәм ошо һорауҙарға яуап бир:

• Ер йөҙөндә башҡарылған ниндәй мөһим эш Алла Батшалығының инде идара итеүен күрһәтә?

• Һин был эштә нисек ҡатнаша алаһың?

Алла Батшалығы инде идара итә башлаған, һәм тиҙҙән бөтә ер шары уның хакимлығы аҫтында буласаҡ. Еврейҙарға 10:24, 25-те уҡы һәм яуап бир:

• «Раббы көнөнөң яҡынлашыуын» күреп, беҙҙең һәр беребеҙ нимә эшләргә тейеш?

ТӨП ФЕКЕР

Изге Яҙмалағы пәйғәмбәрлектәр һәм донъялағы шарттар Алла Батшалығының инде идара итеүен дәлилләй. Быға ышанғаныбыҙҙы күрһәтер өсөн, беҙ башҡаларға шул хаҡта һөйләйбеҙ һәм йыйылыш осрашыуҙарына йөрөйбөҙ.

Ҡабатлау

• Данил китабында пәйғәмбәрлек ителгән ете ваҡыт тамамланғас, нимә булған?

• Ни өсөн беҙ Алла Батшалығының 1914 йылда идара итә башлағанына һис тә шикләнмәйбеҙ?

• Алла Батшалығының инде идара иткәненә ышанғаныңды һин нисек күрһәтә алаһың?

ӨҪТӘМӘ МӘҒЛҮМӘТ

Тарихсылар һәм башҡа кешеләр донъяның 1914 йылдан бирле нисек үҙгәргәне тураһында нимә әйткәнен бел.

«Әхлаҡи катастрофаның башы» («Уянығыҙ!», 2007 йыл, апрель)

Матфей 24:14-тә яҙылған пәйғәмбәрлек тураһында белгәндән һуң, бер ирҙең тормошо нисек үҙгәргән?

«Мин бейсболды үлеп ярата инем!» («Күҙәтеү манараһы», 2017 йыл, № 3)

Данил китабының 4-се бүлегендә яҙылған пәйғәмбәрлек Алла Батшалығына ҡағылғанын беҙ ҡайҙан беләбеҙ?

«Алла Батшалығы ҡасан идара итә башлаған? (1-се өлөш)» («Күҙәтеү манараһы», 2014 йыл, 1 октябрь)

Данил китабының 4-се бүлегендә телгә алынған «ете ваҡыт» 1914 йылда тамамланғаны нимәнән күренә?

«Алла Батшалығы ҡасан идара итә башлаған? (2-се өлөш)» («Күҙәтеү манараһы», 2014 йыл, 1 ноябрь)

Алла Батшалығы инде идара итә. Тиҙҙән ул ерҙә ҙур үҙгәрештәр яһаясаҡ. Әйҙә, Батшалыҡтың ниндәй эштәр башҡарасағын ҡарап сығайыҡ.

1. Нисек Алла Батшалығы ерҙә тыныслыҡ һәм ғәҙеллек урынлаштырасаҡ?

Ғайса, Алла Батшалығының Батшаһы, Армагеддон һуғышында яуыз кешеләрҙе һәм кеше хөкүмәттәрен юҡ итәсәк (Асылыш 16:14, 16). Шул саҡта Изге Яҙмалағы: «Тағы бер аҙҙан яуыздар инде юҡ буласаҡ», — тигән һүҙҙәр тулыһынса үтәләсәк (Зәбур 37:10). Батшалыҡ ярҙамында Ғайса бөтә ер йөҙөндә тыныслыҡ һәм ғәҙеллек урынлаштырасаҡ. (Ишағыя 11:4-те уҡы.)

2. Ерҙә Алла ихтыяры үтәлгәс, тормош ниндәй буласаҡ?

Алла Батшалығының идараһы аҫтында «тәҡүәләр ерҙе мираҫ итеп аласаҡ һәм унда мәңге йәшәйәсәк» (Зәбур 37:29). Күҙ алдыңа килтереп кенә ҡара: ерҙә тик һәйбәт кешеләр генә йәшәй, улар Йәһүәне һәм бер-береһен ярата, бер кем дә ауырымай, һәм барыһы ла мәңге йәшәй!

3. Яуыз кешеләр юҡ ителгәс, Алла Батшалығы нимә эшләйәсәк?

Яуыздар юҡ ителгәс, Ғайса тағы 1 000 йыл Батша булып идара итәсәк. Был ваҡыт дауамында Ғайса һәм уның 144 000 хакимдашы кешеләргә камил булып китергә һәм гонаһтың эҙемтәләренән арынырға ярҙам итер. Был осорҙоң аҙағында ер иҫ киткес ожмахҡа әйләнер. Кешеләр бәхетле булыр, сөнки Йәһүәнең ҡанундарына буйһоноп йәшәр. Шул саҡта Ғайса хакимлыҡты үҙенең Атаһы Йәһүәгә ҡайтарыр, һәм Йәһүәнең исеме быға тиклем һис ҡасан булмағанса изгеләндерелер (Матфей 6:9, 10). Быларҙың барыһы Йәһүәнең яҡшы идарасы булғанын һәм кешеләр хаҡында ҡайғыртҡанын күрһәтер. Шунан Йәһүә Шайтанды, ендәрҙе һәм улар яҡлы булған бөтә кешеләрҙе юҡ итер (Асылыш 20:7—10). Алла Батшалығы ерҙә мәңгегә камил шарттар булдырыр.

КҮБЕРӘК БЕЛ

4. Алла Батшалығы кеше хөкүмәттәрен юҡҡа сығарасаҡ

«Кешенең башҡа кеше өҫтөнән хакимлыҡ итеүе зыян ғына» килтерә (Вәғәзсе 8:9). Йәһүә Батшалыҡ ярҙамында был зыянды ҡаплар һәм ғәҙелһеҙлекте бөтөрөр.

Данил 2:44 һәм 2 Фессалоникаларға 1:6—8-ҙе уҡы һәм ошо һорауҙарға яуап бир:

• Йәһүә һәм уның Улы Ғайса кеше хөкүмәттәре һәм улар яҡлы булған кешеләр менән нимә эшләйәсәк?

• Йәһүә менән Ғайсаның ғәҙел эш итәсәгенә һине нимә ышандыра?

5. Ғайса — иң яҡшы идарасы

Ғайса, Алла Батшалығының Батшаһы булараҡ, үҙ граждандары өсөн күп файҙалы эштәр башҡарасаҡ. ВИДЕОЯҘМАНЫ ҡарап, һин Ғайсаның кешеләргә ярҙам итергә бик теләгәнен һәм, быны эшләр өсөн, Алланың уға көс биргәнен белерһең.

ВИДЕОЯҘМА: «Ғайса Алла Батшалығының кешеләр өсөн нимә эшләйәсәген күрһәткән» (1:13)

Ерҙә булғанда, Ғайса Батшалыҡтың ниндәй эштәр башҡарасағын күрһәткән. Түбәндә һанап кителгән ниндәй фатихаларҙы һин айырыуса күрергә теләйһең? Килтерелгән бөтә аяттарҙы уҡы.

6. Алла Батшалығы кешеләргә матур тормош бүләк итәсәк

ВИДЕОЯҘМА: «Беҙҙе иҫ киткес киләсәк көтә!» (4:38)

Зәбур 145:16-ны уҡы һәм яуап бир:

• Йәһүәнең «һәр тере йәндең теләген» ҡәнәғәтләндерәсәген белеү һиндә ниндәй хистәр уята?

ТӨП ФЕКЕР

Алла Батшалығы Йәһүәнең ниәтен тормошҡа ашырасаҡ. Ул бөтә ер йөҙөн ожмахҡа әйләндерәсәк. Ерҙә тик яҡшы кешеләр генә йәшәйәсәк, улар Йәһүәгә мәңге табынасаҡ.

Ҡабатлау

• Алла Батшалығы Йәһүәнең исемен нисек изгеләндерер?

• Алла Батшалығының Изге Яҙмалағы вәғәҙәләрҙе үтәйәсәгенә ниндәй дәлилдәр бар?

• Изге Яҙмалағы ниндәй вәғәҙәнең үтәлеүен һин түҙемһеҙлек менән көтәһең?

ӨҪТӘМӘ МӘҒЛҮМӘТ

Армагеддондың нимә икәнен бел.

«Армагеддон һуғышы нимә ул?» (интернет-мәҡәлә)

Ғайса «бөйөк афәт» тип атаған ваҡытта ниндәй ваҡиғалар буласағын бел (Матфей 24:21).

«Бөйөк афәт нимә ул?» (интернет-мәҡәлә)

Бер ғаилә Батшалыҡ килтерәсәк фатихалар тураһында уйлана.

«Үҙеңде ожмахта күҙ алдыңа килтер» (1:50)

«Мине күп һорауҙар борсой ине» тигән мәҡәләнән бер сәйәси енәйәтсенең нисек үҙгәргәнен бел.

«Изге Яҙма тормошто үҙгәртә» («Күҙәтеү манараһы», 2012 йыл, 1 ғинуар)