Amɔsunwa bɛsɛn kparanu nu ra ka yorure kpa nu ka tusiara?

Hania ye sa mɔ̀ “Labaari gea” yu ka nɔɔra “tem baamɛre ka bweseru baatere ka barum baamɛre ka tɔmbu kpuron mi,” ya dera sa kparanu yaramɔ ka barum nge 750 n saka. (Kãsiru 14:6) Amɔsunwa sa kpĩa sa ka sɔm baka tenin bweseru yibiamɔ? Ya ra koore yèn sɔ̃ sa kĩnasibu gabu mɔ ba sãa tire yorobu, ba tɛrie handunia gira sɔɔ. Barum tusiobu be ba kookari baka mɔ̀, ba ra maa sun somi, be kpuro Yehofan Seeda Dioba.

Ba ra gina yori yin sɔɔru kowa ka grɛsim. Sina Asakpɔru ta ra Tire yorobun Kãasan sɔmburu nɔni doke, bɛsɛn Sin Yee Bakarɔ. Kãasa yera, ya maa tire yoro be ba wãa bɛsɛn Sin Yee Bakarɔ ka bɛsɛn gbankɔkɔn kãasi ganu sɔɔn sɔmburu kpare. Nge mɛ tire yorobun wuu te, ta wãa baama kpuro tem mɛ sɔɔ, ya dera ye ya ra yari kpuro ya ra bwese dabinu babewa kpa yu de bɛsɛn kparanu nu garira baama kpuro handunia sɔɔ.

Ba ra yori yi barum tusiobu mɔrisie. Sanam mɛ ba yorua ba kpa ma ba yori yi wura, ba ra yi tusiobun wuunu mɔriɔsiewa saa intɛɛnɛtin di tem baamɛre sɔɔ, kpa be bu yi tusia. Bà n kpa ba ra yi wɛ̃ɛri kpa bu gari. Ba ra kookari ko yori yi ba tusiamɔ yin ka sãa “gari gee” yi yi mwaanɛ ka yi ba yorua grɛsim sɔɔ.—Waasu kowo 12:10.

Yirikisi yi ra maa de sɔmbu te, ta n sãu. Yirikisi ya ǹ kpɛ̃ yu tire yorobu ǹ kun mɛ tusiobu kɔsire ko. Adama, ben sɔmbura koo fuuku ko bà n garin tubusianun tirenu, barum ka kason sɔm yãnu ni nu wãa yirikisi sɔɔ dendimɔ. Yehofan Seeda Dio ba yirikisin sɔm yãa kpaanu yara, ni ba mɔ̀ système électronique de photocomposition multilingue (MEPS) ka ni, ba koo kpĩ bu barum yori nge wunɔbun saka duusia yirikisi sɔɔ, bu yori yi nɛrenasia ka fotoba sãa sãa, kpa ba n ka yin yaribu mara saa masinin di.

Mba n sɔ̃na sa hania yeni kpuro mɔ̀, baa tɔn be ba barum gam gerumɔ bà n kun nɔrɔbu dabinu kere? Yen sɔ̃ Yehofan kĩra: “tɔnu baawere kpuro ù ka wiru we kpa ù kpĩ ù garin gee gia mam mam.”—1 Timɔte 2:3, 4 VB.

• Amɔsunwa bɛsɛn kparanu nu ra yorure?

• Mba n sɔ̃na sa ra bɛsɛn yori tusie barum dabi dabinu sɔɔ?