Wara u bɛɛ takaa kua?

1 Gusunɔ u wɔnnu ka tem kua.​—Torubu 1:1

2 Gusunɔ u yĩsiru mɔ. Win yĩsira Yehofa.​—Womu 83:​18, NW

Yehofa u wãa wɔllɔ. U sãawa hunde. A ǹ kpɛ̃ a wi wa.​—Esai 66:1; Yohanu 1:18; 4:24

3 Yehofa Gusunɔ u maleeka dabinu kua wɔllɔ. Ben tii ba sãawa hundeba. Be kpuro ba raa wã. Yellu, ba ra gasɔn tɔn wasi sue tɔmbu bù ka kpĩ bù be wa n sɔ̃.​—Heberu 1:7

4 Yehofa u yɛɛ kua saa tɛɛbun di, u sere tɔnu kua.​—Torubu 1:25

5 Yehofa u mà tɔn durɔ wi ba mɔ̀ Adamu kua ka win kurɔ, wi ba mɔ̀ Efa.​—Torubu 1:27

Gusunɔ u be doke gbaa bura bakarɔ, tè ba mɔ̀ alusanna. Kurɔ turo dege degewa U Adamu kua. Sere tɔn durɔ u n wãa ka win kurɔ turo.​—Torubu 2:​8, 21, 22, 24

6 Tɔnu sãa- wa yãro.​—Torubu 2:​7, NW

7 Yɛɛ sãawa yãrobu.​—Torubu 1:​24, NW