BƆNU 6

Mba Nim Yibu Bakaru ta Sun Sɔ̃ɔsimɔ?

Gusunɔ raa tɔn kɔ̃sobu kam koosia adama u Nɔwɛ ka win dusibu faaba kua. Torubu 7:11, 12, 23

Kpakorora gɛrua, tɔn kɔ̃soba nim diira, ma maleeka kɔ̃soba ben tɔn wasi deri

Gura raa na sɔ̃ɔ sɔɔ 40 ka wɔ̃kuru 40, ma nim mu tem gira kpuro yibia. Tɔn kɔ̃sobu kpuro ba gu.

Maleeka tekobu ba raa ben tɔn wɛsi deri ma ba gɔsia wɛrɛkunu.

Nɔwɛ, win yɛnugibu, ka yɛɛ ba yara kpakoro ten di ma guru waa ya sɔ̃ɔsira wɔllɔ

Be ba raa wãa kpakororu te sɔɔ ba faaba wa. Baa ye Nɔwɛ ka win dusibu ba raa na ba gu, Gusunɔ koo be wesiama wãaru sɔɔ, ba koo kpĩ ba n wãa sere ka baadomma.

Gusunɔ koo kpam tɔn kɔ̃sobu kam koosia kpa u tɔn geobu faaba ko. Mateu 24:37-39

Setam ka win wɛrɛkuba ba swɛɛ dabinu loo mɔ̀ bu ka tɔmbu torasia

Setam ka wɛrɛkunu ba tie ba tɔmbu nɔni wɔ̃kumɔ.

Gisɔ, nde Nɔwɛn tɔ̃ru sɔnu, tɔn dabinu ba Yehofan swaa kĩrugiru yina. N Tie fiiko, Yehofa koo tɔn kɔ̃sobu kpuro kam koosia.—2 Piɛɛ 2:5, 6.

Yehofan seeda diobu ba Bibeli loo mɔ̀ ba ka durɔ goo waasu kuammɛ; duro goo Bibeli garimɔ

Tɔn gaba sãa nde Nɔwɛ. Ba ra Gusunɔ swaa daki ma ba mɔ̀ ye u gerua; ba sãawa Yehofan Seeda Diobu.