BƆNU 13

Mba n Weenɛ Su Ko Su ka Gusunɔ Wɛ̃re?

A ye ya kɔ̃sa sãa suurio. 1 Korinti 6:9, 10

Gãa ni Gusunɔ u tusa—gbɛna, tam nɔrubu, gee nɔrubu, sannɔ, bwãarokunun sãaru, ka bũu sãaru

Má sa Yehofa kĩ, sa ǹ gãa ni u tusa mɔ̀.

Yehofa kun kĩ su gbɛni, sa n sãa tam nɔro ǹ kun mɛ su gè loo ko.

Gusunɔ u tɔn goberu, gura yaribu, ka be ba ka ben tɔn durɔsibu ǹ kun mɛ ben tɔn kurɔsibu kpunamɔ, tusa. U ǹ kĩ sa n sãa binɛgibu ǹ kun mɛ su ka gabu sanna.

Ya ǹ weenɛ su bwãarokunu sã ǹ kun mɛ su tim kankam ko.

Tɔn be ba gãa kɔ̃sunu mɔ̀ ba ǹ ayeru wasi tem Alusanna ye ya wee mi sɔɔ.

A ye ya gea sãa kowo. Mateu 7:12

Gãa ni nu ra Gusunɔ wɛ̃re—su gabu kĩru sɔ̃ɔsi, sa kun sãa keetagii, kpa sa n da gabu suuru kue

Sà n ka Gusunɔ wɛ̃remɔ, tirasi su hania ko su ka nùn weenasia.

A gabu kĩru sɔ̃ɔsio saa wunɛn daa geenu ka wunɛn gɔ̃run kɛ̃run di.

A de a n sãa gemgii.

A gabu Yehofa ka win kookoosu giasio.—Esai 43:10.

Yehofan seeda diobu yiru ba durɔ goo waasu kuammɛ

A de a n sãa wɔnwɔndugii ka suurugii.