Amɔsunwa a sia waasinɛ?
Mba kaa wisi, bɛsɛn handunia ya . . .
ko n sãa mɛsum ya sãa tɛ̃?
koo ra sankire pati pati?
koo ra wɛ̃ra too?
YE BIBLI YA GERUMƆ
“Gusunɔn tii . . . u koo bu ben nɔni yĩresu kpuro woka. Gɔɔ kun ko n maa wãa ka win nuku sankiranu ka swĩi ka wuriribu domi gasɔn gãanu nu doona kpuro.”—Kãsiru 21:3, 4.
AMƆSUNWA NƆƆ MWƐƐ TENI TA KOO KPĨ TU WUNƐN WÃARU WƐ̃RASIA
Kaa sɔm funɛgiru ko te ta nuku dobu mɔ..—Esai 65:21-23.
Bararu ǹ kun mɛ wuriri bwese garu kun ko n maa wãa.—Esai 25:8; 33:24.
Kaa maa bwɛ̃ɛ dora wa wãaru te ta ku ra kpee sɔɔ ka wunɛn dusibu ka wunɛn bɔrɔba.—Womusu 37: 11, 29.
SA KOO KPĨ SU YE BIBELI YA GERUMƆ NAANƐ KO KA GEM?
Oo, Gãa dabinun saabu, yen yiru wee:
Gusunɔ u koo kpĩ u win nɔɔ mwɛɛru yibia. Bibeli sɔɔ,Yehofa Gusunɔ tɔnawa ba soka “Dam kpurogii.” Domi win dam kun nɔru mɔ. (Kãsiru 15:3) Yen sɔ̃ ka gem u koo kpĩ u win nɔɔ mwɛɛru yibia kpa u bɛsɛn handunia kɔsi yu wɛ̃ra mam mam. Nge mɛ Bibeli ya gerumɔ “gãanu sari ni Gusunɔ u kpanɛ.”—Mateu 19:26.
Gusunɔ u kĩ too u win nɔɔ mwɛɛru yibia. Nge weenasia Yehofa u “bɛkɛ barɔ” u ka gɔribu wesiama wãaru sɔɔ.—Yoobu 14:14, 15.
Bibeli ya maa sɔ̃ɔsi ma Gusunɔn Bii, Yesu u barɔbu bɛkia. Mban sɔ̃na u yen bweseru kua? Yeǹ sɔ̃ u yen kĩru mɔ. (Maaku 1:40, 41) Nge win tundo, Yesu u kĩ u tɔn be ba somirun bukata mɔ nɔɔri.—Yohanu 14:9.
Yen sɔ̃, sa yɛ̃ kam kam ma Yehofa ka Yesu ba kĩ bu sun somi su ka sia wãarun dobu di.—Womusu 72:12-14; 145:16; 2 Piɛɛ 3:9.
A BWISIKUO YENI SƆƆ
Amɔsunwa Gusunɔ u koo bɛsɛn handunia kɔsi yu wɛ̃ra?
Bibeli ya bikia bi wisimɔ MATEU 6:9,10 ka DANIƐLI 2:44 Sɔɔ.