Wunɛn waaru sɔɔ, mba n Bibeli?

YE BIBELI YA GERUMƆ

“Gusunɔn Gari kpuro yi weewa saa Gusunɔn min di.”​—2 Timɔte 3:16.

À N GARI YI NAANƐ KUA, ARUFAANI YERÀ KAA WA YI SƆƆ?

Kaa wisi geebu wa wãarun gari giri sɔɔ.​—Mɔnnu 2:1-5.

Kaa swaa ye n weenɛ ba swĩi baadomman wãaru sɔɔ tubu.​—Womusu 119:105.

Kaa maa yĩiyɔ geebu wa sian sɔ̃.​—Romu 15:4.

SA KO KPĨ SU YE BIBELI YA GERUMƆ NAANƐ KO KA GEM?

Oo! Gãa dabinun saabu, yen ita wee:

• Bibelin gari yi nɔɔnɛwa too. Bu ka Bibeli yore, wɔ̃su nɔrɔbu ka nata (1 600) ka sɔndiruwa ba kua. Tɔmbu nge weerun sakawa ba ye yorua. Ben dabina kun yinnare, pai. Ka mɛ, tire ten gari kpuro kun burisinɛ, sɔ̃ɔsi giri tee tera ta swĩi saa yen tɔren di sere ka yen nɔrɔ!

• Yen faagi yi koora ka gem. Handunian faagi yɛ̃robu ba ra kiri kiri ben tɔmbun daa kɔ̃si berewa. Adama, Bibeli yoro ba ben daa kɔ̃si ka ben tem gim giasia kpasasa.—2 Bandun Gari 36:15, 16; Womusu 51:3-6.

• Ye sɔmɔ ba gerua Bibeli sɔɔ ya ra koore ka gem. Bibeli ya raa gerua ma ba koo yellun wuu ge ba mɔ̀ Babiloni kam koosia saa wɔ̃su goobun (200) di yà sere koora. (Esai 13:17-22) Ya maa sɔ̃ɔsi mɛsun ya koo ka wɔruma. Adama n ye tɔna, baa wi u koo ye kamian tiin yĩsiru, Bibeli ya kpam te gerua!—Esai 45:1-3.

  Sɔmɔbun gari dabinu ni Bibeli gerua nu maa koora deedee. Yera sa mara saa tire te ta wee Gusunɔn min di!—2 Piɛɛ 1:21.