JEREMIA

1 On ma hata ni si Jeremia* anak ni Malim Hilkia, sahalak sian malim na di Anatot+ di luat ni marga Benjamin. 2 Dung 13 taon mamaretta si Josia+ anak ni si Amon+ raja ni Juda, makkatai ma Jahowa tu si Jeremia. 3 Makkatai do muse Debata tu si Jeremia di tikki pamarettaon ni si Jehoyakim+ anak ni si Josia raja ni Juda. Makkatai do Debata tu ibana sahat tu na marujung 11 taon pamarettaon ni si Sedekia,+ anak ni si Josia raja ni Juda, i ma sahat tu na diboan musu penduduk ni Jerusalem di bulan na palimahon.+

4 Didok Jahowa ma tu au,

Nungnga hupillit ho lao gabe panurirang* tu akka bangso.”

 6 Alai hudok ma, “Ale Jahowa Tuan Natumimbul!

Dang malo au makkatai,+ ai poso dope au.”+

 7 Didok Jahowa ma tu au,

“Unang ma dokkon, ‘Poso dope au.’

9 Dung i dijama Jahowa ma pamanganku.+ Didok Jahowa ma tu au, “Nungnga hupeakkon be hatakki di pamanganmu.+ 10 Saonari, hulehon ma tu ho huaso, asa boi dirajai ho akka bangso dohot akka harajaon. Lehonokku ma tu ho huaso lao mancabut jala mangaruppakkon, manegai jala manghancurhon, pajongjokkon jala manuan.”+

11 Dung i didok Jahowa ma muse tu au, ninna ma, “Aha do na diidami Jeremia?” Hualusi ma, “Adong huida dakka ni hau almond.”*

12 Didok Jahowa ma tu au, “Sittong do na nidokmi. Ai toktong do Au jaga lao pasautton hatakki.”

13 Makkatai ma muse Jahowa tu au, “Aha do na niidami?” Hualusi ma, “Adong huida hudon na gurgur isina.* Hudon i ro sian utara jala babana miring tu sabola selatan.” 14 Dung i didok Jahowa ma tu au,

2 Makkatai ma Jahowa tu au, didok ma, 2 “Lao ma ho jala paboa ma tu penduduk ni Jerusalem, ‘Songon on do hata ni Jahowa,

 3 Badia do halak Israel i di Jahowa,+ dos songon hasil panenna na parjolo.”’

‘Manang ise na naeng pamatehon halak Israel i, didok do marsala.

Jala masa ma hasusaan tu nasida,’ ninna Jahowa.”+

 5 Songon on ma hata ni Jahowa,

 8 Dang didok akka malim, ‘Beta ma talului Jahowa!’+

10 ‘Menyeberang ma ho tu pulo ni halak Kittim+ jala ida ma.

Suru ma halak tu Kedar,+ jala manat ma pikkiri,

Parrohahon ma atik naung hea masa sisongon on.

11 Dang adong bangso na asing na hea manggatti debatana gabe debata na so sittong.

Alai anggo bangsokki, nungnga ditukkar nasida be hamuliaokku tu na so marguna.+

14 Dang parkarejo manang hatoban na tubu di jabu ni tuanna halak Israel,

Alai boasa gabe songon halak na diboan musu nasida?

Dibahen nasida do luat i gabe inganan na massai ngeri.

Ditutung do akka kotana, asa unang adong be na tinggal di luat i.

16 Akka halak Nop*+ dohot Tahpanhes+ manghancurhon luatmi.*

Alai didok ho do, “Dang olo au manomba Ho,”

23 Sian dia ma boi dohononmu, ‘Dang ramun au.

Dang adong husomba debata Baal.’

Ida ma jo na dibahen ho di rura i.

Pikkirhon ma jo aha naung dibahen ho.

Molo ro nafsuna, ise ma na boi mangarajai i?

Dang pola maol lao mangalului ibana,

Ai molo dung juppang musim kawin,* dapot ni nasida do ibana.

Alai didok ho do, ‘Daong, dang mungkin masa i!+

27 Didok nasida do tu hau, ‘Ho do bapakku,’+

Jala tu batu, ‘Ho do na manubuhon au.’

Alai anggo tu Au dipadao nasida do bohi ni nasida jala ditundalhon nasida do Au.+

28 Ale Juda,+ didia do akka debata na binahenmuna i?+

29 ‘Boasa sai torus dialo hamu Au?

Boasa laos sude hamu mangalo Au?’+ ninna Jahowa.

30 Marisuang do huattuk akka anakmuna.+

31 Hamu akka na mangolu saonari on, parrohahon hamu ma hata ni Jahowa.

Na gabe songon gurun do Au di halak Israel?

Manang songon luat na massai golap di nasida?

Boasa didok bangsokki songon on, ‘Lomo-lomonami do manang na tudia hami lao.

Dang na lao mulak be hami tu Ho.’+

Alai anggo bangsokki, nungnga leleng dilupahon nasida Au.+

33 Malo situtu do ho mangalului haholongan ni roham!

Malo situtu do ho lao mangulahon na jahat.+

35 Alai didok ho do, ‘Dang adong salakku.

Pasti dang muruk be Ibana tu au.

36 Ai boasa mura-mura ho paubahon sipillitonmu?

3 Didok halak ma, “Molo adong sahalak bawa palaohon istrina, dung i lao ma istrina i jala muli tu bawa na asing, boi dope mulak bawa i tu istrina i muse?”

Da naung ramun* luat i?+

 2 “Ida ma pussu ni akka dolok.

Adong dope sian inganan i na so hea gabe ingananmu modom dohot akka halletmi?

6 Di tikki pamarettaon ni Raja Josia,+ didok Jahowa do tu au, “‘Nungnga diida ho be na diulahon halak Israel na so setia on? Lao do nasida tu sude dolok na timbo dohot tu toru ni hau na balga jala na lomak lao mangulahon ulaon ni boru-boru na so hasea.+ 7 Nang pe diulahon ibana songon i, torus do husuru ibana mulak tu Au.+ Alai dang olo ibana mulak. Torus do diparrohahon Juda pangalaho ni kakakna na so setia i.+ 8 Tikki huida i, hupalao ma Israel na so setia i jala hulehon ma tu ibana surat sirang.+ Ai nungnga mangalakkup ibana.+ Alai dang gabe mabiar Juda anggina na berhianat i. Lao do ibana gabe boru-boru na so hasea.+ 9 Leas do rohana tu ulaonna gabe boru-boru na so hasea i. Torus do dibahen ibana gabe ramun luat i jala mangalakkup do ibana marhite manomba batu dohot hau.+ 10 Alai nang pe songon i, dang olo si Juda anggina na so setia i mulak tu Au sian nasa rohana. Holan hatana do i,’ ninna Jahowa.”

11 Dung i didok Jahowa ma tu au, “Undenggan dope pangalaho ni Israel na so setia i sian apala pangalaho ni Juda na berhianat i.+ 12 Lao ma ho jala paboa ma songon on tu utara:+

“‘“Mulak ma ho ale Israel naung manimbil,” ninna Jahowa.’+ ‘“Dang na lao muruk be Au tu ho,+ ai setia do Au,” ninna Jahowa.’ “‘Dang na pasombuonku sogo rohakku tu ho saleleng ni lelengna. 13 Alai akkui hamu ma salamuna. Ai nungnga mangalo hamu tu Jahowa Debatamuna. Torus do mangulahon seks hamu dohot halak na so ditanda hamu* di toru ni sude hau na lomak. Alai anggo hatakku dang dioloi hamu,” ninna Jahowa.’”

14 “Mulak ma hamu, akka pinoppar na manimbil,” ninna Jahowa. Ai Au nama na gabe tuanmuna* na sah. Buatokku ma sada sian ganup kota, jala dua sian ganup keluarga. Jala boanokku ma hamu tu Sion.+ 15 Lehonokku ma tu hamu akka parmahan na mangulahon lomo ni rohakku.+ Lehonon ni nasida ma tu hamu parbinotoan jala urupan ni nasida ma hamu mangattusi. 16 Di tikki i lam torop ma hamu jala lam godang ma hamu di luat i,” ninna Jahowa.+ Dang na lao dihatai hamu be taringot tu poti parpadanan ni Jahowa! Dang na lao dipikkiri hamu be taringot tusi manang diingot hamu manang masihol rohamuna. Ai dang na lao dibahen be poti parpadanan i. 17 Di tikki i, dohononmuna ma Jerusalem i do tahta ni Jahowa.+ Dipapungu ma sude bangso lao pasangappon goar ni Jahowa di Jerusalem.+ Dang na lao marjugul be hamu lao mangihutton lomo ni rohamuna na jahat i.”

18 “Tikki i rap mardalan ma hamu, halak Juda rap dohot halak Israel.+ Rap kaluar ma hamu sian luat na di sabola utara tu luat na hulehon tu akka ompumuna gabe warisanmuna.+ 19 Najolo ninna rohakku do, ‘Las situtu nama rohakku. Ai nungnga hubahen be ho di tonga-tonga ni anakku. Lehonokku ma luat na undenggan sian sude luat di tonga-tonga ni sude bangso lao gabe warisanmuna!’*+ Hurippu do jouonmuna Au bapakmuna, jala dang na lao marbalik hamu sian Au, jala torus nama diihutton hamu Au. 20 ‘Alai dos songon sahalak istri na so setia tu suamina* jala na maninggalhon ibana, songon i ma hamu ale halak Israel. Dang setia hamu tu Au,’+ ninna Jahowa.”

22 “Mulak ma hamu ale akka pinoppar na manimbil.

Pamalumokku ma hamu asa unang manimbil be.”+

23 Dang sittong ulaon na dibahen hami di sude akka dolok i.+

Tutu holan Ho do Jahowa Debatanami, na boi paluahon Israel.+

Dang dioloi hami hata ni Jahowa Debatanami.”

Jala dipuji-puji nasida ma Ibana.”+

3 Ai songon on do hata ni Jahowa tu Juda dohot tu Jerusalem,

 5 Paboa ma i tu Juda jala pasahat ma i tu Jerusalem.

Marsurak ma ho jala ombus ma tarompet na sian tanduk di sude luat.+

 6 Pasang ma sada tiang lao patuduhon dalan tu Sion.

Lului ma inganan parlinggoman, unang ma sai so hamu,”

Ai na lao parookku ma hasusaan sian utara,+ hasusaan na massai borat.

Nungnga lao be ibana sian ingananna lao mambahen luatmuna i gabe inganan na massai ngeri.

Maruppak ma akka kotamuna jala dang adong be na mangingani.+

10 Dung i hudok ma, “Ale Jahowa Tuan Natumimbul! Nungnga tung dioto-otoi Ho be halak Juda+ dohot Jerusalem. Didok Ho do, ‘Dame nama ngolumuna,’+ hape nungnga di rukkungnami be podang.”

11 Di ari i, dohonon ni halak Juda dohot Jerusalem ma,

12 Marhite parettakku, ro do alogo na massai gogo sian akka inganan i.

Saonari, paboaokku ma aha hukuman na lao hubahen tu nasida.

Ukkatop do akka hodana sian lali.+

‘Marjea ma hita, ai hancur nama hita!

14 Ale Jerusalem, paias ma rohamuna sian na jahat asa selamat hamu.+

Ai sadia leleng nai sai disippan hamu pikkiranmuna na jahat i?

18 “Hilalaonmu ma akibat ni pambahenanmu dohot pangalahomi.+

19 Haccitna i, dangolna i!

Massai haccit do ate-atekku.

Taroktokon do au.

Akka anak na oto do nasida, dang diattusi manang aha.

23 Huida ma luat on, nungnga kosong be jala nungnga tarulang.+

Huida ma tu langit, ida ma, dang tiur be.+

30 Saonari nungnga hancur be ho, aha nama na lao ulahononmu?

Dipatoltol ibana ma tanganna,+ huhut didok:

“Marjea ma au, ai nungnga loja be au dibahen akka pambunu i!”

5 Dalani ma akka dalan na di Jerusalem.

Ida ma tu sakaliling jala parrohahon ma.

 2 Nang pe didok nasida tikki marsumpa, “Songon pastina Jahowa mangolu!”*

Alai sasittongna, dang tutu na nidokna i.+

 3 Ale Jahowa, halak na setia do dilului Ho kan?+

Diattuk Ho do bangsomi, alai dang dipardulihon nasida Ho.*

Nungnga godang dipamate Ho sian nasida, alai dang olo nasida marsiajar sian i.+

 4 Alai ninna rohakku, “Pasti halak na lea do nasida.

Manang ise na kaluar sian i pasti diharat.

 7 Songon dia ma Au boi manesa dosam?*

 9 Didok Jahowa ma, “Alani sude pangalaho ni nasida i, patut do kan hukumokku nasida?

Patut do kan balosokku pangalaho ni bangso sisongon i.”+

Lok ma dohot nasida dipamate!”*

14 Alani i, songon on ma hata ni Jahowa Pamimpin ni Akka Tentara* i,

15 Didok Jahowa ma, “Ale halak Israel, parookku ma tu hamu sada bangso sian na dao,+

Bangso na toktong adong,

17 Habis ma bahenon ni nasida sude hasil ni panenmuna dohot rotimuna,+

Bunuon ni nasida ma anak dohot borumuna,

Pamateon ni nasida ma hambing, biru-biru, dohot lombumuna,

Segaan ni nasida ma sude hau anggur dohot hau aramuna,

Hancur ma bahenon ni podang ni nasida akka kotamuna na martembok na diasakkon hamu.”

18 Didok Jahowa ma, “Alai nang di ari i pe, dang na lao mate hamu sude bahenokku.+ 19 Molo disukkun nasida, ‘Boasa dibahen Jahowa Debatanta i songon on tu hita?’ Alusi ma nasida, ‘Ditadikkon hamu do Debata, asa boi sombaonmuna debata na asing di luatmuna. Alani i ma, hamu pe gabe hatoban ni bangso na asing ma di luat na so appunamuna.’”+

21 “Tangihon ma ale bangso na oto jala na so marroha,+

24 Dang hea didok nasida di roha ni nasida,

26 Ai adong do halak na jahat di tonga-tonga ni bangsokki,

Torus do nasida mangintip dos songon sitakkup pidong na martabuni.

Dipasang nasida do jorat na pamatehon,

Jala jolma do na ditakkup nasida.

Alani i do umbahen na marhuaso nasida jala gabe mamora.

29 Didok Jahowa ma, “Alani sude pangalaho ni nasida i, patut do kan hukumokku nasida?

Patut do kan balosokku pangalaho ni bangso sisongon i?

30 Nungnga masa be akka na palongang roha jala na massai ngeri di luat on.

Alai lomo do roha ni bangsokki tu sudena i.+

Alai molo dung marujung sudena i, aha ma na lao ulahononmuna?”

6 Ale pinoppar ni marga Benjamin, lului ma parlinggoman na dao sian Jerusalem.

Ai na lao ro nama hasusaan sian utara, hasusaan na massai borat.+

 2 Boru Sion i dos do songon borua na massai bagak jala na manja.+

 3 Na lao ro ma akka parmahan dohot binatang ni nasida,

 4 “Parade* hamu ma dirimuna lao marporang mangalo Jerusalem!

Borhat ma hamu, serang ma kota i di tikki arian!”

 6 Ai didok Jahowa Pamimpin ni Akka Tentara* i do,

“Taba ma hau jala pajongjong ma benteng lao mengepung luat Jerusalem.+

 9 Didok Jahowa Pamimpin ni Akka Tentara i ma,

“Dos songon anggur na tinggal di akka rattingna do akka halak Israel na mangolu i dope.

Papungu ma nasida sude, dos songon halak na papunguhon anggur na tinggal di ladang anggur.”

10 “Tu ise ma Au ikkon makkatai jala mangalehon sipasingot i?

Ise ma na lao mambege i?

Ida ma, tutup do* pinggol ni nasida, alani i ma dang diparrohahon nasida.+

Ai angkatokku nama tanganku lao mangalo pangisi ni luat i,” ninna Jahowa.

Hape so adong dame.+

15 Nungnga diulahon nasida ulaon na huhagigihon, tung hea ma nasida maila?

Daong! Tung so maila do nasida nanggo otik,

Tung so adong do nasida na maila.+

Madabu ma nasida di tonga-tonga ni halak na madabu.

Jala tartuktuk ma nasida tikki hona hukum nasida hubahen,” ninna Jahowa.

16 Songon on ma hata ni Jahowa,

“Jongjong ma ho di akka sippang ni dalan jala ida ma.

Alai dohonon ni nasida ma, “Dang olo hami mangihutton dalan i.”+

Alai didok nasida do, “Dang olo hami manangihon i.”+

18 “Alani i ale akka bangso, tangihon hamu ma!

19 Hamu akka pangisi ni tano on, tangihon hamu ma!

21 Alani i, didok Jahowa ma songon on,

22 Songon on ma hata ni Jahowa,

“Na lao ro ma sada bangso sian utara,

Dohot sada bangso na bolon ro sian luat na undao di tano on.+

23 Ditiop nasida do panah dohot tombak* ni nasida,

Kejam do nasida jala dang marasi ni roha.

Mardalan do nasida marbaris dos songon tentara na naeng marporang mangalo ho, ale boru Sion.”

24 Nungnga hubege hami be barita taringot i,

29 Nang pe nungnga sappe tartutung alat lao mangombus apina i,

Alai holan timah hitam do na kaluar sian api i.

7 Songon on ma hata ni Jahowa tu si Jeremia, 2 “Jongjong ma ho di gerbang ni jabu ni Jahowa, baritahon ma barita on disi, dokkon ma, ‘Tangihon hamu ma hata ni Jahowa, hamu sude halak Juda na masuk sian akka gerbang on lao manomba Jahowa. 3 Didok Jahowa Pamimpin ni Akka Tentara,* Debata ni Israel i ma, “Pauba hamu ma pangalahomuna dohot pambahenanmuna, asa hupaloas hamu toktong tinggal di luat on.+ 4 Unang ma porsea hamu tu hata ni halak na mangoto-otoi jala mandok, ‘On* do bagas joro ni Jahowa, bagas joro ni Jahowa, bagas joro ni Jahowa!’+ 5 Ai molo marsitutu hamu paubahon pangalaho dohot pambahenanmuna, molo diulahon hamu hukum na tigor tikki mangadili parsoalan ni sasahalak dohot donganna,+ 6 molo dang kejam hamu tu halak na sian bangso na asing, tu akka na so marama so marina,* dohot tu ina na mabalu,+ molo dang dipamate hamu halak na so marsala di inganan on, jala molo dang diihutton hamu akka debata na asing na parohon jea tu hamu,+ 7 paloasokku ma hamu tinggal di luat on, di luat naung hulehon tu akka ompumuna saleleng ni lelengna.”’”*

8 “Alai porsea do hamu tu hata ni halak na mangoto-otoi,+ hape dang adong guna ni i. 9 Manakko+ do hamu, mambunu, mangalakkup, mambahen sumpa na so sittong,+ mangalehon pelean* tu debata Baal,+ jala mangihutton akka debata na so ditanda hamu. 10 Nang pe nungnga diulahon hamu sude ulaon na huhagigihon i, ro do hamu jala jongjong di jolokku di jabu na hupillit lao pasangappon goarhi. Didok hamu do, ‘Pasti selamat do hami bahenonna.’ 11 Ai na dirippu hamu do naung gabe inganan* ni akka pangarampok jabu na hupillit lao pasangappon goarhi?+ Ai huida sandiri do na binahenmuna i,” ninna Jahowa.

12 “‘Saonari, lao ma hamu tu inganakku na di Silo,+ inganan na parjolo hupillit lao pasangappon goarhu.+ Ida ma aha naung hubahen tu inganan i alani hajahaton ni Israel bangsokki.+ 13 Alai torus do diulahon hamu sudena i,’ ninna Jahowa, ‘nang pe sai torus Au makkatai* tu hamu, dang olo hamu manangihon.+ Nang pe sai torus hamu hujou, dang olo hamu mangalusi.+ 14 Alani i songon dia naung hubahen tu Silo,+ songon i ma bahenokku tu jabu na hupillit lao pasangappon goarhi,+ tu jabu na diasakkon hamu,+ jala tu inganan naung hulehon tu hamu dohot tu akka ompumuna. 15 Bolokkonokku ma hamu sian jolokku dos songon di tikki Au mambolokkon sude donganmuna sabangso, i ma sude pinoppar ni si Epraim.’+

16 “Alai anggo ho Jeremia unang pola tangiakkon bangso i, unang pola mangandungi ho, unang pola martangiang ho, jala unang pola mangelek-elek ho tu Au alani dosa ni bangso i.+ Ai dang tangihonokku ho.+ 17 Ai na so diida ho do aha na diulahon nasida di akka kota na di Juda dohot di akka dalan na di Jerusalem? 18 Akka dakdanak papunguhon soban, akka ama-ama pagalakkon api, akka istri ni nasida mambahen adonan lao mambahen kue asa dipelehon tu Ratu Surga.*+ Diusehon nasida do pelean siinumon tu debata na asing lao mambahen haccit rohakku.+ 19 ‘Sasittongna, rohakku do na haccit dibahen nasida? Daong!’ ninna Jahowa. ‘Na mambahen haccit roha ni nasida sandiri do nasida disi jala na pailahon diri ni nasida sandiri.’+ 20 Alani i, songon on ma hata ni Jahowa Tuan Natumimbul i, ‘Ida ma! Usehonokku ma muruk dohot rimashu tu inganan on,+ tu sude jolma dohot binatang, tu sude hau na di ladang dohot tu sude hasil ni suan-suanan. Marsigorgor ma murukku songon api jala dang adong na boi mangittopi.’+

21 “Makkatai ma Jahowa Pamimpin ni Akka Tentara, Debata ni Israel i. Didok ma, ‘Lehon hamu ma pelean situtungon rap dohot akka pelean na asing i, jala allang hamu ma jagalna.+ 22 Ai di ari tikki huboan akka ompumuna sian Mesir, dang hea huhatahon manang huparettahon tu nasida taringot tu pelean situtungon dohot akka pelean na asing.+ 23 Alai songon on do parettakku tu nasida, “Oloi hamu ma hatakku, Au ma na gabe Debatamuna jala hamu ma na gabe bangsokku.+ Ikkon torus do diihutton hamu parettakku asa sonang ngolumuna.”’+ 24 Alai dang ditangihon nasida manang diparrohahon nasida i.+ Gariada lomo ni roha ni nasida sandiri do na diihutton nasida. Marjugul do nasida lao mangihutton roha ni nasida na jahat i,+ alani i lam jahat do nasida dang na lam denggan. 25 Songon i ma na masa mulai sian na kaluar ompumuna sian Mesir sahat tu saonari.+ Alani i, torus do husuru akka panurirangku* tu hamu. Torus do husuru nasida ganup ari* manjuppangi hamu.+ 26 Alai dang olo nasida manangihon Au jala dang adong na olo mamparrohahon Au.+ Gariada, lam takkang do nasida jala unjahat do pangalaho ni nasida sian akka ompu ni nasida!

27 “Nang pe dipaboa ho sudena on tu nasida,+ dang na lao ditangihon nasida ho. Nang pe dijou ho nasida, dang na lao alusan ni nasida ho. 28 “Alani i dokkon ma tu nasida, ‘On ma bangso na so olo mangoloi hata ni Jahowa Debata ni nasida, jala bangso na so olo manjalo pissang-pissang. Dang adong be sian nasida halak na setia jala dang dihatai be di tonga-tonga ni nasida songon dia asa boi setia.’*+

29 “Cukkur ma obukmuna* i sappe habis jala bolokkon ma obukmuna na ganjang i. Endehon ma muse ende andung-andung di akka dolok. Ai dang dijalo Jahowa be bangso on, jala ditinggalhon nama nasida. Ai nungnga dibahen bangso on muruk Ibana. 30 ‘Nungnga diulahon halak Juda na jahat di jolokku,’ ninna Jahowa. ‘Dipeakkon nasida do patung ni nasida na huhagigihon i di jabu na hupillit lao pasangappon goarhu, lao mambahen ramun* inganan i.+ 31 Dipajongjong nasida do akka inganan panombaon* di Topet, di Rura Anak ni Hinnom*+ lao manutung anak dohot boru ni nasida tu api.+ Hape dang hea huparettahon i, jala dang hea tubu di rohakku ulaon sisongon i.’+

32 “Didok Jahowa ma, ‘Alani na masa i, di ari na naeng ro, dang digoari be inganan i Topet manang Rura Anak ni Hinnom,* alai Rura Pamunuan nama goar ni i. Dikuburhon nasida ma akka halak di Topet sappe dang adong be inganan lao mambahen kuburan.+ 33 Gabe siallangon ni akka pidong na di langit ma bakke ni bangso on, jala gabe siallangon ni akka binatang buas na di tano on. Dang na lao lari nasida, ai dang adong na mambahen akka binatang i mabiar.+ 34 Pasookku ma soara ni na marlas ni roha dohot na marsonang-sonang, soara ni pengantin bawa dohot soara ni pengantin borua.+ Pasookku ma soara ni nasida di akka kota na di Juda dohot di akka dalan na di Jerusalem. Ai na lao maruppak nama luat i.’”+

8 Didok Jahowa ma, “Di tikki i dipakaluar ma akka holi-holi ni raja na di Juda, holi-holi ni akka pamimpinna, holi-holi ni akka malim, holi-holi ni akka panurirang,* dohot holi-holi ni akka penduduk ni Jerusalem. 2 Dipasserakkon ma akka holi-holi i di toru ni mataniari, bulan, dohot sude akka na di langit. Najolo, dihaholongi nasida do sudena i, dioloi, diihutton, disomba,+ jala dijalo nasida do sian i tudu-tudu. Dang na lao dipapungu holi-holi ni nasida manang na lao dikuburhon. Gabe songon kotoran ma i di atas ni tano.”+

3 “Akka halak na mangolu dope di tonga-tonga ni bangso na jahat on, bahenokku ma marserak tu sude inganan, jala tumagonan do di roha ni nasida mate sian apala na mangolu,” ninna Jahowa Pamimpin ni Akka Tentara* i.

4 “Ikkon dohononmu do songon on tu nasida, ‘Songon on ma hata ni Jahowa,

“Molo madabu sasahalak, kan ikkon jongjong do ibana muse?

Molo dipauba sasahalak dalanna, kan ikkon mangihut do donganna na sada nai paubahon dalanna?

 5 Boasa torus bangso on, penduduk ni Jerusalem on, dang setia tu Au?

 6 Torus do nasida huparrohahon jala hutangihon, alai dang adong dihatahon nasida na sittong.

Dang adong nanggo sahalak pe sian nasida na olo muba sian ulaonna na jahat, manang manukkun, ‘Boasa huulahon songon on?’+

Ai ganup sian bangso on mangihutton aha na diulahon godangan halak, dos songon hoda na marlojong tu parporangan do nasida.

Alai anggo bangsokki, laos so diattusi do aturan naung ditottuhon Jahowa.”’+

 8 ‘Barani do hamu mandok, “Marbisuk do hami, adong do di hami patik* ni Jahowa.”

Hape holan lao manurat akka gabus do dipakke pulpen*+ ni akka sekretaris i.

 9 Dipaila do akka halak na marbisuk,+ mabiar do nasida jala tartakkup di bagasan jorat.

Ai dang dijalo nasida hata ni Jahowa,

Attong bisuk na songon dia do na adong di nasida?

Hape so adong dame.+

12 Nungnga diulahon nasida ulaon na huhagigihon, tung hea ma nasida maila?

Daong! Tung so maila do nasida nanggo otik,

Tung so adong do nasida maila!+

Madabu ma nasida di tonga-tonga ni halak na madabu.

Jala tartuktuk+ ma nasida tikki hona hukum nasida hubahen,’ ninna Jahowa.

13 Didok Jahowa ma, ‘Di tikki hupapungu nasida, pamateonku ma nasida sude,

Jala dang adong be anggur di hau anggur ni nasida, jala hau ara ni nasida pe dang adong be, haru bulungna pe nungnga malos.

Aha naung hulehon tu nasida, ikkon mago sian nasida.’”

14 “Boasa sai hundul hita dison?

Beta ma hita marpungu jala masuk tu akka kota na marbenteng,+ disi ma hita mate.

16 Nungnga tarbege sian huta Dan, soara ni hoda na hosa-hosa,

Didok do, “Na so di Sion do Jahowa?

Na so disi do rajana?”

Jala mabiar situtu do au.

22 Na so adong do miak balsam* di Gilead?+

Na so adong do pangubati disi?+

Ai boasa dang marna malum+ bangsokki?*

 2 Autsugari ma adong inganan lao marborngin appunakku di gurun lao tu akka halak na mardalani!

Dipasomal-somal nasida do dila ni nasida makkatahon gabus,+

Habis do gogo ni nasida holan lao mangulahon na sala.

 6 Di tonga-tonga ni akka panipu do nasida* tinggal.

Alani i do dang olo nasida mananda Au,” ninna Jahowa.

 7 Alani i songon on ma hata ni Jahowa Pamimpin ni Akka Tentara* i,

 8 Makkatahon gabus do dila ni nasida dos songon anak panah na parohon hamatean.

 9 Didok Jahowa ma, “Alani sude pangalaho ni nasida i, patut do kan hukumokku nasida?

Patut do kan balosokku pangalaho ni bangso sisongon i?+

Nungnga habang be akka pidong, jala nungnga lari be akka binatang buas, nungnga lao be nasida dao.+

12 Ise ma halak na malo na boi mangattusi on?

Tu ise ma Jahowa makkatai asa ibana muse na paboahon i tu na asing?

Boasa hancur luat on?

13 Dialusi Jahowa ma, “Ai dang dijalo nasida patik naung hulehon i tu nasida. Dang diihutton nasida i jala dang diulahon nasida hatakku.* 14 Gariada marjugul do nasida lao mangihutton lomo ni roha ni nasida sandiri.+ Disomba nasida do akka patung Baal dos songon na niajarhon ni akka ompu ni nasida.+ 15 Alani i didok Jahowa Pamimpin ni Akka Tentara Debata ni Israel i ma, ‘Bahenokku ma bangso on mangallang suan-suanan na paet jala manginum aek na marraccun.+ 16 Bahenokku ma nasida marserak di tonga-tonga ni akka bangso na so ditanda nasida dohot akka ompu ni nasida.+ Parookku ma podang lao mangalele nasida sahat tu na mate nasida sude.’+

19 Ai nungnga tarbege soara ni andung-andung sian Sion+ na mandok,

“Nungnga dihancurhon be hami!

Nungnga tung marlea hami!

Ai nungnga ditinggalhon hami be luatnami, nungnga diruppakkon nasida be jabunami.”+

20 Ale akka borua, tangihon ma hata ni Jahowa.

Jalo hamu ma hata na kaluar sian pamanganna.

22 Dokkon ma, ‘Songon on do hata ni Jahowa,

23 Songon on do hata ni Jahowa,

24 “Alai manang ise na naeng marbalga ni roha, ikkon marbalga ni roha do ibana.

25 Didok Jahowa ma, “Ida ma! Na lao ro ma tikkina, hukumokku ma sude halak na marsunat, alai sasittongna dang marsunat nasida.+ 26 Nasida, i ma halak Mesir,+ halak Juda,+ halak Edom,+ halak Ammon,+ halak Moab+ jala sude halak na tinggal di gurun naung mancukkur jabbangna sappe habis.+ Ai dang marsunat sude bangso i jala sude halak Israel dang paiasson roha ni nasida na jahat i.”+

10 Ale halak Israel, tangihon ma hata ni Jahowa na dipasahat tu hamu. 2 Songon on ma hata ni Jahowa,

 3 Ai dang marlapatan sude hasomalan ni akka jolma i.

 6 Dang adong na songon Ho ale Jahowa,+

Sangap do Ho, sangap do goarmu jala massai balga situtu do huasom.

 8 Dang marroha jala oto do nasida sude.+

Dang marguna poda na dijalo sian sada hau.+

Baju ni nasida dibahen sian bonang na balau dohot sian wol na ungu.

Sudena i, dibahen akka parkarejo na malo.

10 Alai Jahowa do Debata na sittong.*

Ibana do Debata na mangolu,+ Raja na saleleng ni lelengna.+

11 * Songon on ma dokkon tu nasida,

14 Pangalaho ni ganup halak patuduhon dang marroha jala dang marparbinotoan nasida.

15 Dang marlapatan sude akka patung i, tama do i lao gabe sirehe-rehean.+

Ai molo dung juppang ari panguhuman i, dihancurhon do i sude.

Ditanda do Ibana Jahowa Pamimpin ni Akka Tentara.*+

18 Ai songon on do hata ni Jahowa,

19 Marjea ma au, ai nungnga hancur be au!+

Dang tarubatan be lukka na di dagingki.

Hudok ma, “On ma sahitti, ikkon taonokku do on.

20 Nungnga hancur be kemah appunakki, jala nungnga putus be akka talina.+

Nungnga ditadikkon akka anakku be au jala dang adong be nasida.+

Dang adong be na boi mamasang kemahki manang manggattukkon kain kemah i.

22 Tangihon ma! On ma barita na baru dipasahat!

23 Ale Jahowa, takkas do huboto dang marhuaso jolma lao manottuhon dalan ni ngoluna,

Jala dang marhuaso jolma lao manottuhon lao tudia ibana mangalakka.+

11 On ma hata ni Jahowa tu si Jeremia, 2 “Sude hamu, tangihon hamu ma isi ni parjanjian on!

“Paboa ma* i tu halak Juda dohot penduduk ni Jerusalem 3 jala dokkon ma, ‘Songon on ma hata ni Jahowa Debata ni Israel i, “Hona bura ma manang ise pe na so mangoloi isi ni parjanjian on,+ 4 i ma parjanjian na huparettahon tu akka ompumuna di ari tikki huboan nasida kaluar sian Mesir,+ inganan ni panutungan ni bosi.*+ Hudok do tu nasida, ‘Oloi hamu ma hatakku, ulahon hamu ma akka parettakku. Au ma na gabe Debatamuna jala hamu ma na gabe bangsokku.+ 5 Molo diulahon hamu songon i, pasautokku ma sude na husumpahon tu akka ompumuna, i ma lao mangalehon tu nasida luat na godang susu dohot madu.+ Jala saonari, tinggal do hamu di luat i.’”’”

Dung i hualusi ma, “Songon i ma tutu,* ale Jahowa.”

6 Dung i didok Jahowa ma muse tu au, “Paboa ma muse hata on di akka kota na di Juda dohot di akka dalan na di Jerusalem, ‘Tangihon hamu ma parjanjian on jala ulahon hamu ma i. 7 Mulai sian na huboan kaluar akka ompumuna sian Mesir, torus do sai hupasingot nasida. Jala sahat tu sadari on mulak-ulak do sai hupasingot* nasida. Torus do hudok, “Oloi hamu ma hatakku.”+ 8 Alai dang ditangihon nasida manang diparrohahon nasida i. Gariada marjugul do nasida lao mangihutton roha ni nasida na jahat i.+ Alani i, hukumokku ma nasida mangihutton na adong di parjanjian i. Ai nungnga huparettahon tu nasida asa diulahon parjanjian i jala dang olo nasida mangulahon i.’”

9 Dung i didok Jahowa ma tu au, “Marsada do halak Juda dohot penduduk ni Jerusalem lao mangalo Au. 10 Nungnga mulak be muse nasida mangulahon hasalaan ni akka ompu ni nasida najolo i, na so olo mangoloi hatakki.+ Diihutton nasida do muse akka debata na asing jala marsomba do nasida tusi.+ Nungnga dilanggar halak Israel dohot halak Juda be parjanjian na hubahen dohot akka ompu ni nasida.+ 11 Alani i didok Jahowa ma, ‘Parookku ma jea tu nasida+ jala dang boi nasida malua sian i. Molo dijou nasida Au lao mangurupi nasida, dang tangihonokku nasida.+ 12 Lao do akka halak na di Juda dohot penduduk ni Jerusalem tu akka debata ni nasida lao mangalehon pelean.* Lao do nasida tusi lao mangido asa diurupi nasida.+ Alai dang na lao boi paluaon ni akka debata i nasida di tikki ro jea tu nasida. 13 Ale Juda, nungnga dos be godang ni akka debatamuna songon godang ni akka kotamuna. Dipajongjong hamu do akka langgatan jala dilehon hamu do pelean di langgatan i lao tu Baal+ debata na pailahon i. Godang ni akka langgatanmuna nungnga dos be godangna songon akka dalan na di Jerusalem.’

14 “Alai anggo ho Jeremia, unang pola tangiakkon bangso i. Unang pola mangandungi ho jala unang pola tangiakkon nasida.+ Ai tikki ro jea i tu nasida, jouon ni nasida ma Au, alai dang tangihonokku nasida.

Boi ma disundati nasida dang ro jea i marhite mangalehon binatang* gabe pelean ni nasida?

Jala boi ma nasida marlas ni roha di tikki ro jea i?

17 “Nungnga dipaboa Jahowa Pamimpin ni Akka Tentara* na manuan ho,+ na lao paroonna jea i tu ho. Ai paroonna do i alani hajahaton ni halak Israel dohot halak Juda. Ai dibahen nasida do haccit rohana, dipelehon nasida do pelean tu Baal.”+

19 Nungnga songon anak ni biru-biru na jinak jala na diboan tu pamotongan au.

Dang huboto naung direncanahon nasida na jahat tu au,+ didok nasida do,

21 Alani i, songon on ma hata ni Jahowa tu halak Anatot+ na naeng pamatehon au jala na mandok, “Unang be manurirangi ho di bagasan goar ni Jahowa.+ Molo dang, mate ma ho di tangannami.” 22 Songon on ma hata ni Jahowa Pamimpin ni Akka Tentara i, “Hukumokku ma nasida. Mate ma akka doli-doli dibahen podang,+ jala mate ma anak ni nasida dohot boru ni nasida dibahen haraparon.+ 23 Dang adong nanggo sahalak pe sian nasida na hupasombu mangolu. Ai parookku do jea tu halak Anatot,+ di taon tikki hupangido pertanggung jawaban sian nasida.”

 2 Disuan Ho do nasida, jala gabe marurat ma nasida.

Tubu ma nasida jala marparbue.

Sai dihatahon nasida do taringot tu Ho, alai ianggo roha* ni nasida mandao do sian Ho.+

Ai didok nasida do, “Dang diida Ibana na masa tu hita.”

Diburai nasida do ho.

 7 “Nungnga hutinggalhon be jabukki,+ jala nungnga hupasombu be bangsokki.*+

Nungnga hupasahat be bangso na huhaholongi i tu tangan ni akka musuna.+

 8 Nungnga songon singa na di tombak be bangsokki.

Marauang do ibana tu Au.

Alani i gabe sogo ma rohakku tu ibana.

Dibahen nasida do tano parbagiananku na massai arga i gabe songon tano na tarulang.

11 Nungnga gabe inganan na harsang be luat i di jolokku,

Dang adong nanggo sahalak pe na dame ngoluna.

13 Disabur nasida do gandum, alai ramba na marsuga-suga do na dipanen nasida.+

Nungnga sappe satonga mate nasida karejo, alai dang marlapatan sude ulaonna i.

14 Songon on ma hata ni Jahowa, “Taringot tu sude bangso na jahat na di labbung ni Israel i, na manegai tano parbagiananku na hulehon tu bangsokku Israel,+ cabutokku ma nasida sian tano ni nasida.+ Jala cabutokku ma halak Juda sian tonga-tonga ni nasida.” 15 Alai molo dung hupalao* nasida, patuduokku ma muse asi ni rohakku tu nasida. Boanokku ma ganup sian nasida mulak tu luat ni nasida tu tano parbagianan ni nasida.”

16 “Molo diparsiajari akka bangso i do pangalaho ni bangsokki jala marsumpa nasida di bagasan goarhu didok nasida songon on, ‘Songon pastina Jahowa mangolu!’* dos songon na diulahon nasida najolo tu bangsokki, i ma mangajarhon bangsokki lao marsumpa di bagasan goar ni Baal, mandapot inganan ma nasida di tonga-tonga ni bangsokki. 17 Alai molo dang dioloi nasida hatakki, palaookku* ma bangso i jala pamateonku ma nasida sude,” ninna Jahowa.+

13 Didok Jahowa ma tu au, “Lao ma ho tuhor ma ikat pinggang na sian linen jala pakke ma i, alai unang hona aek bahen.” 2 Dung i hutuhor ma ikat pinggang i songon na nidok ni Jahowa tu au, jala hupakke ma i. 3 Makkatai ma muse Jahowa tu au, 4 “Boan ma ikat pinggang na dituhormi jala na dipakkemi. Lao ma ho tu Sunge Euprat, tabunihon ma i di sada lubang na di dolok batu.” 5 Dung i, lao ma au jala hutabunihon ma ikat pinggang i di labbung ni Sunge Euprat songon na didok ni Jahowa tu au.

6 Dung manang na piga-piga leleng didok Jahowa ma tu au, “Lao ma ho tu Sunge Euprat, buat ma ikat pinggang na husuru tabunihononmu disi.” 7 Lao ma au tu Sunge Euprat, hugali ma inganan ni ikat pinggang na hutabunihon i. Huida ma nungnga sega be ikat pinggang i jala dang tarpakke be.

8 Dung i didok Jahowa ma tu au, 9 “Songon on ma didok Jahowa, ‘Dos songon ikat pinggang i, songon i ma bahenokku manghancurhon ginjang ni roha ni Juda dohot Jerusalem.+ 10 Dang olo bangso na jahat on mangoloi hatakku,+ marjugul do nasida lao mangihutton lomo ni roha ni nasida sandiri.+ Diihutton nasida do akka debata na asing, disomba nasida do i, jala marsinggang do nasida tusi. Alani i, bahenokku ma bangso on gabe songon ikat pinggang na so tarpakke i.’ 11 Didok Jahowa ma, ‘Ai dos songon ikat pinggang na gomos diikkat tu pinggang ni sasahalak, songon i ma solhot ni halak Israel dohot sude halak Juda tu Au. Hubahen do nasida gabe bangsokku,+ hubahen do nasida gabe dalan lao mambahen Au tarbarita,+ hubahen do nasida mamuji Au, jala hubahen do nasida pasangappon Au. Alai dang dioloi nasida Au.’+

12 “Dung i, ikkon dokkononmu do songon on tu nasida, ‘Songon on do hata ni Jahowa Debata ni Israel i, “Ikkon isionmuna do anggur tu gucci na balga i sappe gok.”’ Dung i didok nasida ma, ‘Huboto hami do na ikkon ision anggur tu gucci na balga i.’ 13 Dokkon ma tu nasida, ‘Songon on do hata ni Jahowa, “Dos songon mangisi anggur tu gucci na balga i, isiokku ma anggur tu sude penduduk ni luat on sappe mabuk nasida.+ Songon i ma bahenokku tu akka raja na hundul di tahta ni si Daud, tu akka malim, tu panurirang, dohot tu sude penduduk ni Jerusalem. 14 Dung i marsiattukan ma nasida bahenokku, bapakna tu anakna,” ninna Jahowa.+ “Dang na lao asi rohakku mangida nasida, manang na lungun rohakku, manang na marsak rohakku. Pamateonku do nasida sude, jala dang adong na boi mangabbati Au.”’+

15 Tangihon ma jala parrohahon.

Unang ginjang rohamuna, ai Jahowa do naung makkatai.

19 Akka gerbang ni kota na di selatan nungnga ditutup* be, dang adong be halak na lao mambukka i.

Nungnga diboan sude halak Juda tu luat ni musu.+

20 Tatap ma jala ida ma, nungnga ro be akka halak sian utara.+

Nungnga didia be biru-biru na bagak naung dilehon i tu ho?+

Tottu haccit ma pakkilalaanmu, dos songon borua na naeng partus.+

22 Jala molo didok ho di bagasan roham, ‘Boasa ma masa on sude tu au?’+

Boto ma, alani hasalaanmu na massai balga i do umbahen na dipalua bajum,+

Jala massai haccit dihilala ho di tumitmu.

23 Tung boi ma halak Kus* paubahon warna ni kulitna?

Hamu akka naung somal mangulahon na jahat.

24 Alani i, bahenokku ma nasida marserak dos songon durame na dihabangkon alogo na sian gurun.+

Marjea ma ho ale Jerusalem!

Sadia leleng nai ma ho toktong ramun?”*+

14 Songon on ma hata ni Jahowa tu si Jeremia taringot tu logo ni ari,+

 2 Mangandungi+ ma Juda jala nungnga ruppak be akka gerbangna.

 3 Disuru akka tuan ni nasida ma parkarejona lao mangalului aek.

Lao ma nasida tu akka sumur, alai dang dapot ni nasida aek disi.

Diboan nasida ma mulak kosong inganan ni aekna i.

 6 Jongjong ma halode liar di atas ni dolok-dolok.

Unang ma tinggalhon hami.

10 Songon on ma hata ni Jahowa taringot tu bangso on, “Las do roha ni nasida mardalan tusan tuson,+ dang olo so pat ni nasida.+ Alani i dang lomo roha ni Jahowa mangida nasida.+ Saonari, ingoton ni Debata ma hasalaan ni nasida jala hukumonna ma nasida alani dosa ni nasida.”+

11 Dung i didok Jahowa ma muse tu au, “Unang pola martangiang ho lao mangido na denggan tu bangso on.+ 12 Di tikki marpuasa nasida, dang tangihonokku pangidoan ni nasida.+ Di tikki dilehon nasida pelean situtungon dohot pelean sipanganon,* dang lomo rohakku tu akka peleanna i.+ Ai parookku do podang, haraparon, dohot sahit lao pamatehon nasida sude.”+

13 Alani i hudok ma, “Ale Jahowa, Tuan Natumimbul! Didok akka panurirang do tu nasida, ‘Dang na lao idaonmuna podang, jala dang na lao masa haraparon tu hamu. Alai lehonon ni Debata do hadameon na sasittongna tu luat on.’”+

14 Dung i didok Jahowa ma tu au, “Dipaboa akka panurirang i do akka na lao masa di bagasan goarhu.+ Alai gabus do na nidok ni nasida i. Dang adong husuru nasida, dang adong huparettahon nasida jala dang adong Au makkatai tu nasida.+ Dang sittong parnidaan na pinaboa ni nasida i, dang sittong ramalanna i.+ Na dikarang-karang nasida do i lao mangoto-otoi. 15 Nang pe dang husuru nasida, alai dipaboa nasida do akka na lao masa di bagasan goarhu. Didok nasida do dang na lao ro podang dohot haraparon tu luat on. Alani i, Au Jahowa, songon on ma hatakku taringot tu akka panurirang i, ‘Parookku ma podang dohot haraparon lao pamatehon nasida sude.+ 16 Jala mate do bahenokku akka halak na manangihon hata ni akka panurirang i. Disappatton ma nasida tu akka dalan na di Jerusalem. Mate ma nasida alani haraparon dohot podang, jala dang adong na lao makkuburhon nasida.+ Masa ma i tu nasida, tu istri ni nasida, tu anakna, dohot tu akka boru ni nasida. Ai parookku ma hasusaan na patut masa tu nasida.’+

Ai nungnga lao be panurirang songon i nang akka malim tu luat na so ditanda nasida.’”+

19 Na so olo be Ho manjalo halak Juda i, manang naung magigi do Ho mangida Sion?+

Boasa massai gogo diattuk Ho hami sappe so boi tarubatan lukkanami?+

Ingot ma parjanjian naung dibahen Ho tu hami jala pasaut ma i.+

Holan Ho do na boi mangulahon i, ale Jahowa Debatanami.+

15 Dung i didok Jahowa ma tu au, “Nang pe jongjong si Musa dohot si Samuel di jolokku,+ dang na lao asi rohakku mangida bangso on. Palao ma nasida sian jolokku. Lok ma lao nasida. 2 Jala molo didok nasida tu ho, ‘Tudia ma hami lao?’ Dokkon ma tu nasida, ‘Songon on do hata ni Jahowa,

“Lok ma mate deba dibahen sahit!

Na deba mate dibahen podang!+

Na deba mate dibahen haraparon!

Jala na deba nai lok ma diboan tu luat ni musu!”’+

3 “‘Nungnga hutottuhon lao parookku opat jea* tu nasida,’+ ninna Jahowa. ‘Parookku ma podang lao pamatehon nasida, biang lao makkarat nasida, pidong na di tonga-tonga langit dohot akka binatang buas na di tano on lao mamboddut jala manghancurhon nasida.+ 4 Bahenokku ma sude harajaon na di tano on mabiar alani na masa tu nasida.+ Hubahen pe songon i, alani pangalaho ni si Manasse anak ni si Hiskia raja ni Juda na di Jerusalem i do.+

 6 ‘Nungnga ditadikkon ho Au,’ ninna Jahowa.+

‘Torus do ho marbalik sian Au jala mandao sian Au.*+

Alani i, huangkat ma tanganku lao mangalo ho jala hancurhonokku ma ho.+

Nungnga loja Au torus marasi ni roha tu ho.*

 7 Dipiari ma nasida dos songon na mamiari gandum di gerbang ni luat on.

Rampasokku ma akka anak ni nasida.+

 8 Gumodang ma bahenokku ina na mabalu di luat ni nasida sian apala pasir na di laut.

Di tikki arian, parookku ma halak lao manghancurhon nasida, lao pamatehon akka ina-ina dohot doli-doli.

Toppu do bahenokku na gaor jala na ngeri tu nasida.

Baloshon ma akka halak na jahat i,+

Unang ma pasabarhu Ho tu nasida, asa unang sanga au mate dibahen nasida.

Ingot ma, alani Ho do au umbahen na marlea.+

17 Dang hundul au dohot halak na marsonang-sonang dohot na mekkel-ekkel.+

18 Boasa ma torus haccit huhilala jala dang tarubatan lukkakki?

Ai dang olo malum lukkakki.

19 Alani i, songon on ma hata ni Jahowa,

20 “Bahenokku ma ho gabe songon tembok na sian tombaga di tonga-tonga ni akka bangso on.+

16 Dung i didok Jahowa ma muse tu au, 2 “Unang pola mangoli ho, unang pola maranak marboru ho di inganan on. 3 Ai songon on do hata ni Jahowa taringot tu bawa dohot borua na tubu di inganan on, dohot taringot tu omak dohot bapak ni nasida sandiri na adong di luat on, 4 ‘Mate ma nasida alani sahit na posi,+ alai dang adong na lao mangandungi nasida jala dang adong na lao makkuburhon nasida. Dos ma nasida songon kotoran na peak di atas ni tano.+ Mate ma nasida alani podang dohot haraparon.+ Jala bakke ni nasida gabe siallangon ni akka pidong na di langit dohot akka binatang buas na di tano on.’

 6 Ikkon mate do sude jolma na di luat on.

9 “Ai songon on do hata ni Jahowa Pamimpin ni Akka Tentara,* Debata ni Israel, ‘Di inganan on, di tikki ni ngolum jala di jolo ni matam, bahenokku ma asa unang tarbege be soara ni na marlas ni roha dohot soara ni na marsonang-sonang, soara ni pengantin bawa dohot soara ni pengantin borua.’+

10 “Tikki dipaboa ho sudena on tu bangso i, sukkunon ni nasida ma ho. Jala dohonon ni nasida ma, ‘Boasa dipaboa Jahowa sude hasusaan na borat on tu hami? Aha do huroa sala dohot dosa na diulahon hami tu Jahowa Debatanami?’+ 11 Dokkon ma tu nasida, ‘“Ai nungnga ditadikkon akka ompumuna Au,”+ ninna Jahowa. “Dioloi nasida do akka debata na asing, marhobas do nasida tusi, jala disomba nasida do akka debata i.+ Alai ianggo Au, ditadikkon nasida do jala dang dioloi nasida akka patikku.+ 12 Jala hamu pe, unjahat do hamu sian akka ompumuna i.+ Marjugul do hamu lao mangihutton lomo ni rohamuna na jahat i, dang dioloi hamu Au.+ 13 Sappattonokku ma hamu sian luat on tu luat na so ditanda hamu jala na so ditanda akka ompumuna.+ Sombaonmuna ma disi akka debata na asing arian nang borngin,+ ai dang asi be rohakku mangida hamu.”’

14 “Didok Jahowa ma, ‘Alai na lao juppang ma tikkina dang dokkonon ni nasida be, “Songon pastina Jahowa mangolu,* Debata na mamboan Israel kaluar sian Mesir!”+ 15 Alai dohonon ni nasida ma, “Songon pastina Jahowa mangolu, na mamboan kaluar halak Israel sian luat na di utara dohot sian luat manang didia pe inganannami dibahen Ibana marserak!” Dung i, boanokku ma nasida mulak tu luat ni nasida, tu luat naung hulehon tu akka ompu ni nasida.’+

17 Ai diida matakku do sude pangalaho ni nasida.

17 “Nungnga disurat be dosa ni Juda mamakke pulpen na sian bosi.

 4 Alani pangalahomuna sandiri, mago ma sian hamu tano naung hulehon lao gabe parbagiananmuna.+

Na torus marsigorgor sahat tu saleleng ni lelengna.”+

 5 Songon on ma hata ni Jahowa:

 6 Dos songon sada hau na tubu di gurun ma ibana.

 9 Massai akkal situtu do roha i, jala dang adong na songon i, sai naeng lomona do pasautonna.+

Ise ma na umboto roha ni jolma?

14 Ale Jahowa, molo dipamalum Ho au, pasti malum do au.+

15 Ida ma! Adong do halak na mandok tu au,

“Boasa dang saut dope hata ni Jahowa i?+

Sai anggiat ma nian saut i saonari!”

17 Unang ma bahen au mabiar.

Ai Ho do inganakku marlinggom tikki ro ari hasusaan.

19 Songon on ma hata ni Jahowa tu au, “Jongjong ma ho di gerbang ni halak Israel na dipakke akka raja ni Juda lao masuk dohot lao kaluar sian kota i. Dung i jongjong ma ho muse di sude gerbang ni Jerusalem.+ 20 Dokkon ma tu nasida, ‘Tangihon ma hata ni Jahowa, hamu akka raja ni Juda, sude halak Juda, dohot sude penduduk ni Jerusalem na masuk sian gerbang on. 21 Songon on ma hata ni Jahowa, parrohahon hamu ma hata on, “Molo adong barang na ikkon boanonmuna lewat sian gerbang ni Jerusalem, dang boi boanonmuna i lewat sian gerbang i di tikki ari Sabat.+ 22 Dang boi boanonmuna kaluar manang barang aha pe sian jabumuna di tikki ari Sabat, jala dang boi hamu karejo di ari i.+ Ikkon badia do di hamu ari Sabat i, dos songon naung huparettahon tu akka ompumuna.+ 23 Alai dang olo nasida manangihon manang mamparrohahon hata i. Takkang* do nasida, dang olo nasida mangoloi Au jala dang olo nasida manjalo sipasingot.”’+

24 “‘Didok Jahowa ma, “Alai molo torus do dioloi hamu Au, jala dang diboan hamu masuk akka barang sian gerbang ni kota on di ari Sabat, dipabadia hamu ari Sabat i marhite dang karejo di ari i,+ 25 na lao masuk ma raja dohot akka pejabatna na hundul di tahta ni si Daud+ sian gerbang ni kota on. Masuk ma nasida mamakke kareta hoda jala nakkok di atas ni hoda. Masuk ma nasida rap dohot akka pejabatna, halak Juda, dohot penduduk ni Jerusalem+ jala diingani ma kota on saleleng ni lelengna. 26 Marroan ma akka halak sian kota na di Juda, sian inganan na di sakaliling ni Jerusalem, sian luat ni marga Benjamin,+ sian huta na di rura,+ sian huta na di dolok, dohot sian Negeb.* Ro ma nasida mamboan pelean situtungon,+ pelean sipanganon,*+ haminjon,* pelean hamauliateon, dohot akka pelean na asing+ tu jabu ni Jahowa.+

27 “‘“Alai molo dang dioloi hamu parettakku lao pabadiahon ari Sabat i, molo diboan hamu do akka barang sian gerbang na di Jerusalem di ari Sabat, tutungokku ma akka gerbangna i. Rarat ma apina i manutung akka menara ni Jerusalem na marbenteng i,+ jala dang adong na boi pamatehon apina i.”’”+

18 Songon on ma hata ni Jahowa tu si Jeremia, 2 “Lao ma ho tu jabu ni sitopa hudon,+ disi pe hudok hatakku tu ho.”

3 Dung i lao ma au tu jabu ni sitopa hudon, di tikki i karejo do sitopa hudon i mamakke alat-alatna. 4 Alai hudon tano liat na dibentuk ibana, dang songon na di rohana i. Ujungna dibentuk ibana ma muse tano liat i gabe bentuk na asing, songon lomo ni rohana.

5 Dung i didok Jahowa ma tu au, 6 “‘Ale halak Israel, bahenokku ma tu hamu dos songon na binahen ni sitopa hudon on,’ ninna Jahowa. ‘Ai dos songon tano liat di tangan ni sitopa hudon, songon i do hamu di tanganku.+ 7 Ai ganup hudok lao mangusir, mangaruppakkon, manghancurhon sada bangso manang sada harajaon,+ 8 gabe muba do bangso i, dang diulahon nasida be ulaon na jahat songon naung hupaboa i. Au pe, hupauba ma aha naung hutottuhon hian di rohakku* taringot tu hasusaan na lao sibahenokku tu nasida.+ 9 Alai ganup hudok naeng hupajongjong manang hubahen sada bangso manang sada harajaon, 10 gabe diulahon bangso i do na jahat di jolokku, dang dioloi nasida hatakku. Au pe, paubaokku ma aha naung hutottuhon hian di rohakku* taringot akka na denggan na lao bahenokku tu nasida.’

11 “Saonari hupangido ma tu ho, dokkon ma tu akka bawa ni marga Juda dohot penduduk ni Jerusalem, ‘Songon on do hata ni Jahowa, “Nungnga huparade be hasusaan jala nungnga hurencanahon akka na jahat na lao parookku tu hamu. Unang be ulahon hamu na jahat. Pauba hamu ma pangalahomuna dohot pambahenanmuna.”’”+

12 Alai didok nasida ma, “Dang adong lapatan ni i!+ Aha na adong di pikkirannami do ihuttononnami. Jala lomo ni rohanami na jahat i do ulahononnami.”+

13 Alani i didok Jahowa ma,

“Sukkun ma jo tu akka bangso na asing.

Adong do na hea mambege sisongon i?

Nungnga diulahon halak* Israel be ulaon na massai jahat.+

14 Ai tung boi ma mago salju sian pussu ni dolok batu na di Libanon?

Jala tung boi ma marsik aek na ias na mardalan sian inganan na dao?

15 Alai ianggo bangsokki nungnga lupa be tu Au.+

Marsisir ma ibbulu ni sude halak na lewat sian i jala mangupir do nasida.+

17 Dos songon alogo na sian timur na paserakkon orbuk, bahenokku ma nasida marserak di jolo ni musu ni nasida,

Di ari tikki masa hasusaan i tu nasida, padaookku ma bohikku sian nasida.”*+

18 Dung i didok nasida ma, “Beta, tabahen ma rencana lao mangalo si Jeremia.+ Ai anggo malim, torus do mangajari hita taringot tu patik,* halak na marbisuk torus do mamodai hita, jala akka malim, torus do pasahatton hata ni Debata. Beta, tadok ma ibana mangulahon na jahat jala unang pola tatangihon hatana.”

20 Ai tama do na denggan dibalos dohot na jahat?

Nungnga digali nasida be lubang lao pamatehon au.+

Pasombu ma mate akka anak ni istri ni nasida jala gabe mabalu.+

19 Songon on ma hata ni Jahowa, “Lao ma ho tu sitopa hudon jala tuhor ma sada botol na dibahen sian tano liat.+ Jou ma piga-piga pangituai* ni bangso on dohot piga-piga halak malim na marpengalaman. 2 Dung i lao ma ho tu Rura Anak ni Hinnom*+ di jolo ni Gerbang Sitopa Hudon. Disi ma paboa hata na hupaboa tu ho. 3 Paboa ma songon on, ‘Tangihon ma hata ni Jahowa, hamu akka raja ni Juda dohot penduduk ni Jerusalem. Tangihon ma hata ni Jahowa Pamimpin ni Akka Tentara,* Debata ni Israel na mandok,

“‘“Parookku ma hasusaan tu inganan on jala tarsonggot ma* manang ise pe na mambege i. 4 Masa ma songon i tu nasida, ai ditadikkon nasida do Au,+ jala dibahen nasida do gabe dang hutanda inganan i.+ Dilehon nasida do disi akka pelean tu debata na asing na so ditanda nasida jala na so ditanda akka ompu ni nasida dohot akka raja ni Juda. Digohi nasida do inganan i dohot mudar ni akka halak na so marsala.+ 5 Dipajongjong nasida do akka inganan panombaon* tu Baal lao manutung anak dohot boru ni nasida tu api lao gabe pelean situtungon tu Baal.+ Hape dang hea huparettahon i, dang hea hudokkon taringot i tu nasida jala dang hea tubu di rohakku ulaon sisongon i.”’+

6 “‘Didok Jahowa ma, “Alani na masa i, di ari na naeng ro, dang digoari be inganan i Topet manang Rura Anak ni Hinnom,* alai Rura Pamunuan+ nama i. 7 Bahenokku ma dang marhasil rencana ni Juda dohot Jerusalem di inganan on. Mate ma nasida sude alani podang ni musu ni nasida, jala dipamate tangan ni halak na naeng mambunu ma nasida. Lehonokku ma bakke ni nasida gabe siallangon ni akka pidong na di langit dohot siallangon ni akka binatang buas na di tano on.+ 8 Bahenokku ma kota on gabe inganan na massai ngeri jala dileai akka halak. Manang ise na lewat mangida luat i, marsisir ma ibbuluna, jala dileai nasida ma luat i alani sude jea na masa tu luat i.+ 9 Nungnga dikalilingi musu dohot akka halak be kota i naeng mambunu nasida. Marsak situtu ma nasida ala nungnga dikepung. Alani i, bahenokku ma nasida mangallang daging ni anak ni nasida dohot boru ni nasida. Jala ganup halak ma mangallang daging ni donganna.”’+

10 “Dung i puttarhon ma botol i di jolo ni akka halak na lao rap dohot ho. 11 Dokkon ma tu nasida, ‘Songon on do hata ni Jahowa Pamimpin ni Akka Tentara, “Dos songon cara ni sasahalak mamuttarhon hudon tano na so boi dipadenggan be, songon i ma bahenokku manghancurhon bangso on dohot kota on. Dikuburhon ma bakke ni nasida di Topet, sappe dang adong be inganan na kosong lao kuburan ni nasida.”’+

12 “Didok Jahowa ma, ‘Songon i ma na lao bahenokku tu luat on dohot tu akka pendudukna, bahenokku ma kota on songon Topet. 13 Gabe ramun* ma akka jabu na di Jerusalem dohot istana ni akka raja na di Juda. Ramun ma i songon Topet,+ ai dilehon nasida do pelean di atap ni jabu ni nasida lao tu sude akka na di langit+ jala diusehon nasida do disi pelean siinumon lao tu akka debata na asing.’”+

14 Dung mulak si Jeremia sian Topet, sian inganan na sinuru ni Jahowa lao paboahon na lao masa, jongjong ma ibana di alaman ni jabu ni Jahowa. Dung i didok ibana ma tu sude bangso i, 15 “Songon on ma hata ni Jahowa Pamimpin ni Akka Tentara, Debata ni Israel i, ‘Parookku ma akka jea tu kota dohot tu sude huta songon naung hudok i. Ai takkang do roha ni nasida, ai marjugul do nasida lao mangalo Au jala dang olo nasida mangoloi hatakku.’”+

20 Dibege si Pashur anak ni si Immer ma hata ni si Jeremia taringot tu na lao masa. Sahalak malim do si Pashur jala pengawas na untimbo di jabu ni Jahowa. 2 Dung i diattuk si Pashur ma Panurirang* Jeremia, dipasung ma ibana+ di Gerbang ni Benjamin na adong di inganan na untimbo di jabu ni Jahowa. 3 Alai marsogotna i, dipalua si Pashur ma si Jeremia sian pasung. Di tikki i didok si Jeremia ma tu ibana,

“Dang dijou Jahowa be goarmu si Pashur, alai jouonna ma ho mamakke sada goar na lapatanna Biar ni Roha manang Didia pe.*+ 4 Ai didok Jahowa do, ‘Bahenokku ma ho mabiar rap dohot sude donganmu alani na masa tu ho. Mate ma nasida di jolom+ dibahen podang ni musu. Pasahatonku ma sude halak Juda tu tangan ni raja ni Babel. Boanonna ma nasida tu Babel jala pamateonna ma nasida mamakke podang.+ 5 Pasahatonku ma sude hamoraon, sude arta, dohot sude akka barang na arga na adong di kota, songon i nang sude arta ni akka raja ni Juda tu tangan ni akka musu ni nasida.+ Papunguonna ma i sude, dirampas jala diboan tu Babel.+ 6 Alai ianggo ho Pashur dohot sude na tinggal di jabum, boanon ni musu ma ho. Diboan ma ho tu Babel jala mate disi ma ho. Disi ma ho dikuburhon rap dohot sude donganmu, ai dang sittong na nidokmu taringot tu aha na lao masa i.’”+

 7 Ale Jahowa, nang pe dang tolap huhilala mangulahon i, dipapos Ho do rohakku.

Dipatuduhon Ho do na umgogo Ho sian au, jala monang do Ho.+

Marlea do au ganup ari jala direhei alani hata ni Jahowa.+

Didok nasida do, “Beta ma taaluhon, beta ma taaluhon ibana!”+

Haru halak na makkatahon na denggan pe, dipaima-ima do andigan au madabu.

11 Alai Jahowa do na mandongani au dos songon tentara na massai gogo jala na parohon biar.+

Alani i, manang ise pe na mambahen na jahat tu au, ikkon tartuktuk jala dang monang.+

Massai maila situtu ma nasida, ai dang marhasil.

Maila ma nasida saleleng ni lelengna jala torus do i ingotonna.+

13 Marende ma hamu tu Jahowa! Puji hamu ma Jahowa!

Ai Ibana do na paluahon halak na pogos sian tangan ni parjahat.

14 Hona bura ma ari hatutubukku!

Sai unang ma dipasu-pasu ari tikki ditubuhon omakku au!+

15 Hona bura ma halak na mamboan barita na uli tu bapakku,

Barita na mambahen las roha ni bapakki, ai didok do,

“Nungnga tubu be anakmu, bawa do anakmi!”

16 Lok ma halak sisongon i gabe songon kota na hancur dibahen Jahowa, dang manolsoli rohana tikki manghancurhon kota i.

Lok ma dibege ibana soara ni na mangandungi di tikki manogot, jala soara ni na lao marporang di tikki arian.

21 Makkatai ma Jahowa tu si Jeremia tikki disuru Raja Sedekia+ si Pashur+ anak ni si Malkia dohot Malim Sepania+ anak ni si Maaseya mandapotton si Jeremia. Songon on ma hata ni raja na pinaboa ni nasida, 2 “Tolong ma jo pangido tu Jahowa tudu-tudu taringot tu hita. Ai naeng ro nama si Nebukadnesar* raja ni Babel marporang mangalo hita.+ Olo do ra bahenon ni Jahowa sada tanda halongangan* asa mundur si Nebukadnesar i sian hita.”+

3 Didok si Jeremia ma tu nasida, “Songon on do na ikkon dokkononmuna tu si Sedekia, 4 ‘Didok Jahowa Debata ni Israel ma, “Adong do di tanganmuna sinjata lao mangalo raja ni Babel+ dohot halak Kasdim naung mengepung kotamuna i. Sinjata na dipakke hamu lao marporang bahenokku ma i mangalo hamu sandiri. Papunguokku ma sudena i di tonga-tonga ni kota. 5 Angkatokku ma tanganku na gogo i dohot huasokku na balga i lao mangalo hamu+ jala di bagasan muruk dohot rimashu na massai balga i ma Au mangalo hamu.+ 6 Pamateonku ma sude pangisi ni kota on, jolma dohot binatang. Mate ma nasida sude alani sahit na masa di godang inganan.”’+

7 “‘Didok Jahowa ma, “Dung masa i, pasahatonku ma akka halak na malua sian sahit, podang, dohot haraparon tu tangan ni raja ni Babel. Pasahatonku ma si Sedekia raja ni Juda, akka parkarejona, dohot sude penduduk ni kota i tu tangan ni si Nebukadnesar* raja ni Babel. Pasahatonku ma nasida tu tangan ni musu ni nasida dohot tu tangan ni akka halak na naeng pamatehon nasida.+ Pamateon ni Raja Nebukadnesar ma nasida mamakke podang. Dang parduli ibana tu nasida, dang manolsoli rohana mangulahon i jala dang asi rohana tu nasida.”’+

8 “Dokkon ma tu bangso i, ‘Songon on do hata ni Jahowa, “Nungnga hulehon tu jolomuna sipilliton, dalan tu hangoluan dohot dalan tu hamatean. 9 Mate ma akka halak na toktong tinggal di kota on, mate ma nasida dibahen podang, haraparon, dohot sahit na masa di godang inganan. Alai ianggo halak na kaluar jala na menyerah tu halak Kasdim na ro mengepung hamu, toktong ma ibana mangolu jala malua ma hosana.”’+

10 “‘“Nungnga hutottuhon di rohakku na so parookku na denggan tu kota on,* alai parookku do jea tu kota on,”+ ninna Jahowa. “Na lao dipasahat ma kota on tu tangan ni raja ni Babel+ jala tutungon ni raja i ma i.”+

11 “‘Hamu akka keluarga ni raja ni Juda, tangihon hamu ma hata ni Jahowa. 12 Hamu akka pinoppar ni si Daud, songon on ma hata ni Jahowa,

Ai didok hamu do, “Ise ma na olo turun mangalo hami?

Ise ma na lao ro tu inganannami lao manaluhon hami?”

22 Songon on ma hata ni Jahowa, “Lao ma ho tu istana ni raja ni Juda, jala paboa ma songon on tu ibana. 2 Dokkon ma, ‘Ale raja ni Juda na hundul di tahta ni si Daud dohot sude parkarejo nang akka rakyat na masuk sian gerbang on, tangihon hamu ma hata ni Jahowa. 3 Songon on ma hata ni Jahowa, “Dalatton hamu ma hukum na tigor dohot na sittong. Urupi hamu ma halak na hona rampok sian pangarampok. Unang ma bahen hamu na jahat tu akka halak na sian bangso na asing. Unang ma kejam hamu tu halak na so marama* manang tu ina na mabalu.+ Jala unang usehon hamu mudar ni halak na so marsala di luat on.+ 4 Ai molo marsitutu hamu mangulahon hata on sian nasa rohamuna, masuk ma akka raja na hundul di atas tahta ni si Daud+ sian gerbang ni istana on mamakke kareta hoda jala nakkok di atas ni hoda. Masuk ma nasida rap dohot akka parkarejona dohot rakyatna.”’+

5 “‘Alai molo dang dioloi hamu hata on, marsumpa ma Au marhite dirikku sandiri, bahenokku ma tarulang istana on,’ ninna Jahowa.+

8 “‘Godang do halak sian marragam bangso lewat sian kotam, jala didok nasida ma tu akka donganna, “Ai boasa dibahen Jahowa songon on tu kota na massai balga on?”+ 9 Dohonon ni nasida ma, “Ai dilanggar nasida do parjanjian ni nasida dohot Jahowa Debata ni nasida. Disomba nasida do akka debata na asing jala dioloi nasida do i.”’+

11 “Dipaboa Jahowa do aha na lao masa taringot tu si Sallum*+ anak ni si Josia raja ni Juda, na mamaretta manggattihon si Josia bapakna+ jala naung lao sian luat on. Didok do, ‘Dang na lao mulak be ibana tuson. 12 Ai na lao mate ma ibana di luat ni musu i, jala dang na lao idaonna be luat on.’+

Pasangokku ma akka jandelana

Hulappis ma i pakke hau ares, jala cetna massai merah.’

15 Na dirippu ho do boi ho toktong mamaretta ala unggodang ho mamakke hau ares martimbakkon na asing?

‘Ala ditanda ibana do Au umbahen na dibahen ibana songon i kan?’ ninna Jahowa.

“Amango anakku! Haccit nai anggikku! Amango ibotokku!”

Dang tangis nasida jala mandok,

“Amango tuannami! Nungnga marujung be hasangaponmi!”

21 Nungnga hupodai ho di tikki dame ngolum.

Alai didok ho do, ‘Dang olo au mangoloi hatam.’+

Dung i dileai jala dipaila ma ho alani sude jea na masa tu ho.

24 “‘Songon pastina Au Debata na mangolu,’* ninna Jahowa, ‘nang pe si Konia*+ anak ni si Jehoyakim+ raja ni Juda i songon cincin cap di tangan kananku, cabutokku do ibana sian tanganki! 25 Pasahatonku ma ho tu tangan ni akka halak na naeng mambunu ho, tu tangan ni akka halak na dihabiari ho, tu tangan ni si Nebukadnesar* raja ni Babel, jala tu tangan ni halak Kasdim.+ 26 Sappattonokku ma ho dohot omakmu na manubuhon ho tu luat na asing. Dang i tano hatubuanmuna, alai disi do hamu mate. 27 Masihol do hamu naeng mulak tu tano hatubuanmuna, alai dang na lao boi be hamu mulak.+

29 Ale tano,* tano, tano, tangihon ma hata ni Jahowa.

30 Songon on ma hata ni Jahowa,

23 “Marjea ma akka parmahan na pamatehon jala na mambahen marserak akka biru-biru di inganan panjappalan appunakki!” ninna Jahowa.+

2 Alani i songon on ma hata ni Jahowa Debata ni Israel taringot tu akka parmahan na marmahan bangsona i, “Dibahen hamu do marserak biru-birukki. Dibahen hamu do marsirang na sada sian na asing, jala dang diurus hamu nasida.”+

“Alani i hukumokku ma hamu alani pangalahomuna na jahat i,” ninna Jahowa.

3 “Dung i papunguokku ma muse akka biru-birukku na mangolu dope sian sude luat inganan ni nasida hubahen marserak i.+ Boanokku ma nasida mulak tu inganan panjappalan ni nasida.+ Disi, marpinoppari ma nasida asa lam godang.+ 4 Pillitokku ma akka parmahan na burju marmahan nasida.+ Dang na lao mabiar be nasida manang tarsonggot. Jala dang adong nanggo sada pe sian nasida na mago,” ninna Jahowa.

5 “Ida ma, na lao ro ma tikkina,” ninna Jahowa, “bahenokku ma sahalak na tigor marroha sian pinoppar ni si Daud hundul di atas ni tahta.*+ Mamaretta ma ibana gabe raja.+ Marbisuk do ibana jala diulahon ibana do hukum na sittong dohot na tigor di luat on.+ 6 Di tikki pamarettaonna, aman ma ngolu ni halak Juda+ jala sonang ma ngolu ni halak Israel.+ Dijou ma goar ni ibana Jahowa do Mual ni Hatigoran.”+

7 Didok Jahowa ma, “Alai na lao juppang ma tikkina, dang dokkonon ni nasida be, ‘Songon pastina Jahowa mangolu,* Debata na mamboan Israel kaluar sian Mesir!’+ 8 Alai dohonon ni nasida ma, ‘Songon pastina Jahowa mangolu, na mamboan kaluar jala na mamboan mulak pinoppar ni halak Israel sian luat na di utara dohot sian luat manang didia pe,’ i ma sian inganan ni nasida hubahen marserak i. Jala bahenokku ma nasida tinggal di luat ni nasida sandiri.”+

9 Songon on ma hatakku tu akka panurirang,*

Nungnga malala be ate-atekku.

Jala nungnga makkahitir be sude holi-holikku.

Ai diulahon nasida do na jahat jala lomo-lomo ni nasida do mamakke huaso ni nasida.

11 “Nungnga manimbil* be panurirang dohot malim.+

Haru di jabukku sandiri, huida do nungnga mangulahon na jahat nasida,”+ ninna Jahowa.

13 “Huida do akka ulaon na huhagigihon diulahon akka panurirang ni Samaria.+

14 Adong do huida akka ulaon na massai jahat di akka panurirang ni Jerusalem.

Songon Sodom+ do nasida sude di Au, jala songon Gumora+ do pendudukna.”

15 Alani i songon on ma hata ni Jahowa Pamimpin ni Akka Tentara* taringot tu akka panurirang,

Ai akka panurirang ni Jerusalem do na mambahen rarat halak na manimbil di luat i.”

16 Songon on ma hata ni Jahowa Pamimpin ni Akka Tentara,

“Unang ma tangihon hata ni panurirang na paboahon na lao masa tu hamu.+

Mangaliluhon do nasida.*

Ise do na mamparrohahon jala na mambege hatana i?

Di ujung ni akka ari i, takkas ma diattusi hamu lapatan ni na masa i.

21 Dang adong husuru akka panurirang i, alai pittor lari do nasida tusi.

Dang adong Au makkatai tu nasida alai dipaboa nasida do aha na lao masa.+

23 “Dang holan na masa na jonok na boi huida,

Alai boi do huida na lao masa na dao sian Au,” ninna Jahowa.

24 “Tung tarbahen ni sasahalak ma martabuni di inganan na massai buni asa unang boi huida?”+ ninna Jahowa.

Didok Jahowa ma muse, “Ai adong ma na buni sian matakku di langit dohot di tano on?”+

25 “Nungnga hubege hata ni akka panurirang na makkatahon gabus di bagasan goarhu. Didok nasida do, ‘Marnipi do au! Marnipi do au!’+ 26 Sadia leleng nai paboaon ni akka panurirang i gabus? Sian roha ni nasida sandiri do na dipaboa akka panurirang i lao mangoto-otoi.+ 27 Dos songon akka ompu ni nasida naung lupa tu goarhu alani Baal,+ songon i ma na lao bahenon ni panurirang i tu bangsokku, asa lupa nasida tu goarhu marhite paboa-boahon akka nipi ni nasida tu akka donganna. 28 Pasombu ma dipaboa panurirang na marnipi i akka nipina. Alai anggo panurirang na mambege hatakki, ikkon sittong do paboaonna hatakki.”

“Ai dang boi disarupahon eme* tu durame,” ninna Jahowa.

29 Didok Jahowa ma, “Songon api do hatakki,+ dang i? Jala songon tokkok na boi mambahen hancur dolok batu.”+

30 “Hukumokku ma panurirang i. Ai nungnga dipabalik-balik* nasida hatakku asa boi dipaboa nasida lomo ni roha ni nasida,”+ ninna Jahowa.

31 “Hukumokku ma akka panurirang i, ai hata ni nasida sandiri do na dipaboa nasida.* Didok nasida do, ‘Songon on ma hata ni Ibana!’”+ ninna Jahowa.

32 “Hukumokku ma akka panurirang na paboahon nipi na so sittong i,” ninna Jahowa. “Ai dipaboa-boa nasida do nipi na so sittong i. Jala dililuhon nasida do bangsokki marhite gabus dohot hata manggang.”+

“Ai dang hea husuru nasida manang hulehon paretta tu nasida. Alani i, dang adong lapatan ni nasida sude di bangso on,”+ ninna Jahowa.

33 “Molo disukkun bangso on, manang panurirang, manang malim ho, ‘Aha do hata ni* Jahowa?’ alusi ma, ‘Didok Jahowa do, “Boban do hamu di Au. Alani i bolokkonokku ma hamu.”’+ 34 Ai taringot tu akka halak, panurirang, manang malim na mandok, ‘Sada boban* na borat do hata ni Jahowa i!’ hukumokku ma halak na mandok i dohot sude keluargana. 35 Disukkun hamu do tu donganmuna dohot tu haha anggimuna, ‘Aha do alus ni Jahowa? Aha do hata ni Jahowa?’ 36 Unang be dok hamu sada boban* do hata ni Jahowa. Ai hatamuna sandiri i do na gabe boban di ganup halak. Jala ala dipabalik-balik hamu do hata ni Jahowa Pamimpin ni Akka Tentara Debatanta na mangolu i umbahen na gabe boban i di hamu.

37 “Dokkon ma songon on tu akka panurirang i, ‘Aha do alus ni Jahowa tu hamu? Aha do hata ni Jahowa? 38 Molo torus do didok hamu, “Boban* do hata ni Jahowa!” Songon on ma hata ni Jahowa tu hamu, “Ala nungnga torus didok hamu, ‘Boban do hata ni Jahowa i!’ hape nungnga hudok tu hamu, ‘Unang be dok hamu, “Boban do hata ni Jahowa i!”’ 39 ida ma! Angkatokku ma hamu jala sappatonokku ma hamu sian jolokku. Songon i ma bahenokku tu hamu dohot tu kota naung hulehon tu hamu dohot tu akka ompumuna. 40 Bahenokku ma hamu maila jala marlea sahat tu saleleng ni lelengna. Jala torus ma i diingot.”’”+

24 Dung i diboan Jahowa ma tu au dua karanjang na marisi parbue ni hau ara, na di jolo ni bagas joro ni Jahowa. Dipatuduhon Ibana ma i tu au, dung diboan si Nebukadnesar* raja ni Babel i si Jekonia*+ anak ni si Jehoyakim+ raja ni Juda, akka pejabat ni Juda, akka tukkang logam,* dohot akka tukkang na malo sian Jerusalem tu Babel.+ 2 Karanjang na parjolo marisi hau ara na massai denggan dos songon parbue ni hau ara na parjolo dipanen. Karanjang na sada nai marisi parbue ni hau ara na massai roa. Alani roana sappe dang boi tarallang.

3 Dung i didok Jahowa ma, “Aha do na niidami Jeremia?” Hualusi ma, “Parbue ni hau ara. Parbue ni hau ara na denggan i massai denggan do. Alai parbue ni hau ara na roa i massai roa do. Alani roana dang boi tarallang.”+

4 Dung i didok Jahowa ma muse tu au, 5 “Songon on ma hata ni Jahowa Debata ni Israel, ‘Songon parbue ni hau ara na denggan on ma di Au akka halak Juda na diboan musu, naung hupalao sian inganan on tu luat ni halak Kasdim. 6 Parrohahonokku ma nasida asa dapot ni nasida na denggan. Bahenokku ma nasida mulak tu luat on.+ Bahenokku ma nasida mamora jala dang bahenokku nasida hancur. Suanokku ma nasida jala dang na lao cabutokku.+ 7 Jala lehonokku ma tu nasida roha lao mananda Au, ai Au do Jahowa.+ Nasida ma na gabe bangsokku jala Au ma na gabe Debata ni nasida.+ Ai mulak nama nasida tu Au sian nasa roha ni nasida.+

8 “‘Alai taringot tu parbue ni hau ara na massai roa i jala na so tarallang i,+ songon on ma hata ni Jahowa, “Songon parbue ni hau ara na roa i ma di Au si Sedekia+ raja ni Juda dohot akka pejabatna, sude penduduk ni Jerusalem na adong di luat on, dohot sude halak na tinggal di Mesir.+ 9 Bahenokku ma sude harajaon na di tano on+ mabiar dung diida nasida jea na hubahen tu bangso Israel i. Dileai akka halak ma nasida jala dipakke do goar ni bangso i di uppasa lao mangarehei. Manang didia pe inganan ni nasida hubahen marserak,+ dileai akka halak do nasida jala diburai.+ 10 Hukumokku ma nasida. Parookku ma podang,+ haraparon, dohot sahit na masa di godang inganan,+ sappe mate nasida sude sian luat na hulehon tu nasida dohot tu akka ompu ni nasida.”’”

25 Di taon na paopatton pamarettaon ni si Jehoyakim+ anak ni si Josia raja ni Juda, i ma di taon na parjolo pamarettaon ni si Nebukadnesar* raja ni Babel, makkatai ma Debata tu si Jeremia taringot tu sude halak Juda. 2 Songon on ma hata ni si Jeremia taringot tu* halak Juda dohot sude penduduk ni Jerusalem,

3 “Nungnga 23 taon lelengna Jahowa paboahon hatana tu au. Mulai ma i sian taon na pasappulu toluhon pamarettaon ni si Josia+ anak ni si Amon raja ni Juda sahat tu sadari on. Torus do hupaboa tu hamu aha na nidokna i.* Alai dang hea ditangihon hamu.+ 4 Disuru Jahowa do sude panurirangna* asa makkatai tu hamu. Sai torus do disuru ibana* nasida. Alai nang pe songon i, dang olo hamu manangihon manang mamparrohahon hatana.+ 5 Didok akka panurirang i do, ‘Tolong ma, muba ma hamu sian pangalahomuna dohot pambahenanmuna na jahat i,+ asa boi hamu toktong tinggal di luat naung dilehon Jahowa sian najolo tu hamu dohot tu akka ompumuna. 6 Unang ma ihutton hamu akka debata na asing. Unang ma oloi hamu nasida jala unang ma marsomba hamu tu nasida. Unang bahen hamu haccit rohakku marhite akka patung na binahen ni tanganmuna i. Ai molo diulahon hamuna i, parookku ma jea tu hamu.’

7 “‘Alai dang ditangihon hamu Au,’ ninna Jahowa. ‘Gariada dibahen hamu do haccit rohakku marhite akka patung na binahen ni tanganmuna, na mambahen gabe ro jea tu hamu.’+

8 “Alani i songon on ma hata ni Jahowa Pamimpin ni Akka Tentara* i, ‘“Ala dang ditangihon hamu hatakku, 9 jouokku ma sude bangso sian utara+ jala jouokku ma si Nebukadnesar* raja ni Babel naposokki,”+ ninna Jahowa. “Suruokku ma nasida ro lao marporang mangalo luat on,+ pendudukna, dohot sude bangso na di sakalilingna.+ Pamateonku ma nasida sude jala mabiar ma sude bangso i mangida na masa tu nasida. Direhei halak ma* nasida jala hancur ma nasida saleleng ni lelengna. 10 Pasookku ma soara ni na marlas ni roha dohot na marsonang-sonang,+ soara ni pengantin bawa dohot soara ni pengantin borua,+ dohot soara ni batu gilingan.* Jala pamateonku ma lampu. 11 Maruppak ma sude bangunan na di luat on, jala mabiar do sude halak mangida luat on. Gabe hatoban ni raja ni Babel ma sude bangso on saleleng 70 taon.”’+

12 “‘Alai dung salpu 70 taon,+ hukumokku ma raja ni Babel dohot bangso i alani hasalaan ni nasida,’+ ninna Jahowa. Jala luat ni halak Kasdim bahenokku ma gabe luat na harsang jala na tarulang sappe saleleng ni lelengna.+ 13 Pasautokku do sude naung hudok taringot tu luat on, i ma sude naung tarsurat di bukku on, sude naung dipaboa si Jeremia taringot tu na lao masa tu sude bangso. 14 Ai godang do akka bangso dohot akka raja na gogo+ mambahen nasida gabe hatoban.+ Balosokku ma nasida hombar tu pangalaho dohot pambahenan ni nasida.’”+

15 Songon on ma hata ni Jahowa tu au, “Buat ma makkuk na marisi anggur rimashu sian tanganku. Tu bangso na dia pe ho husuru, ikkon suruonmu do nasida minum sian makkuk i. 16 Ikkon minum do nasida sian i jala gabe mabuk. Gabe songon halak na rittik ma pangalaho ni nasida di tikki huparo podang i tu tonga-tonga ni nasida.”+

17 Dung i hubuat ma makkuk i sian tangan ni Jahowa. Jala tu bangso na dia pe au disuru Jahowa, husuru do nasida minum sian makkuk i.+ 18 Mulai ma i sian Jerusalem dohot akka kota na di Juda,+ tu akka raja dohot tu akka pejabatna, asa sude nasida hancur. Gabe mabiar ma sude halak mangida na masa tu nasida. Dileai halak ma nasida jala dipakke halak ma goar ni nasida gabe uppasa lao mangaleai+ dos songon na lao masa sadari on. 19 Dung i lao ma au tu si Firaun raja ni Mesir, tu akka parkarejona, pejabatna, dohot sude rakyatna.+ 20 Jala lao ma muse au tu sude halak na sian bangso na asing na tinggal di luat i, tu sude raja na di Us, tu sude raja na di luat ni halak Palistim,+ Askelon,+ Gasa, Ekron, dohot tu sude halak na tinggal dope di Asdod, 21 tu Edom,+ Moab,+ dohot tu halak Ammon,+ 22 tu sude raja na di Tirus, tu sude raja na di Sidon,+ dohot akka rajana di pulo na di tonga-tonga ni laut, 23 tu Dedan,+ tu Tema, tu Bus, dohot tu sude halak naung maccukur jambangna sappe habis,+ 24 tu sude raja ni halak Arab,+ dohot tu sude raja ni akka halak na sian bangso na asing na tinggal di gurun, 25 tu sude raja na di Zimri, tu sude raja ni Elamit,+ dohot tu sude raja ni halak Media,+ 26 tu sude raja na sian utara na dao dohot na jonok, marturut-turut do nasida juppangakku, dohot sude akka harajaon na adong di tano on. Jala dung sae nasida sude, Raja Sesak*+ ma na minum sian makkuk i.

27 “Dokkon ma songon on tu nasida, ‘Songon on do hata ni Jahowa Pamimpin ni Akka Tentara, “Minum ma hamu sude sappe mabuk, muta-uta, jala madabu. Dang na lao boi be hamu jongjong.+ Ai parookku nama podang tu tonga-tongamuna.”’ 28 Molo dang olo nasida mambuat makkuk i sian tanganmu jala dang olo minum sian i, dokkon ma tu nasida ‘Songon on do hata ni Jahowa Pamimpin ni Akka Tentara, “Ikkon minum do ho sian makkuk i! 29 Ida ma, haru kota na hupillit lao mamakke goarhi,+ tusi do huparo parjolo jea i. Alani i, unang ma dirippu hamu na so hona hukum hamu.”’+

“‘Pasti hona hukum do hamu. Ai parookku do podang lao manghukum sude halak na di tano on,’ ninna Jahowa Pamimpin ni Akka Tentara.

Massai gogo do Ibana marauang sian ingananna na di tano on.

Ibana sandiri do na lao manghukum sude jolma.+

Pasahatonna ma halak na jahat tu podang,’ ninna Jahowa.

32 Songon on ma hata ni Jahowa Pamimpin ni Akka Tentara,

33 “‘Akka halak na dipamate Jahowa di tikki i marpeakan ma di atas ni tano on, sian ujung sahat tu ujung ni tano on. Dang adong na lao mangandungi nasida, dang na lao dipapungu nasida manang dikuburhon. Jala gabe pupuk ma nasida na martimbun-timbun di atas ni tano.’

34 Tangis ma hamu sagogo ni gogona, hamu akka parmahan!

26 Di mula ni pamarettaon ni si Jehoyakim+ anak ni si Josia raja ni Juda didok Jahowa ma, 2 “Songon on ma didok Jahowa, ‘Jongjong ma ho di alaman ni Jabu ni Jahowa. Jala paboa ma aha na lao masa taringot* tu sude halak na di kota Juda, na ro marsomba tu jabu ni Jahowa. Pasahat ma sude naung huparettahon tu ho, unang orui nanggo sada hata. 3 Atik boha olo bangso i manangihon, jala ganup halak olo muba sian pangalaho ni nasida na jahat. Molo diulahon nasida i, Au pe hupauba ma aha naung hutottuhon hian di rohakku* taringot tu jea na lao huparo tu nasida alani pangalaho ni nasida na jahat i.+ 4 Dokkon ma tu nasida, “Songon on do hata ni Jahowa, ‘Molo dang olo hamu manangihon Au, dang olo hamu mangihutton patik* naung hulehon i tu hamu, 5 jala dang olo hamu manangihon+ hata ni akka naposokku, i ma akka panurirang* na sai torus husuru* tu hamu, 6 bahenokku ma jabu on songon Silo,+ jala pakkeon ni sude bangso na di tano on ma goar ni kota on gabe uppasa lao mamburai.’”’”+

7 Dibege akka malim, akka panurirang, dohot sude rakyat do si Jeremia makkatahon taringot on sude di jabu ni Jahowa.+ 8 Dung sae dipaboa si Jeremia sude na diparettahon Jahowa tu sude rakyat i, ro ma akka malim, panurirang, dohot rakyat manakkup ibana. Didok ma, “Ikkon mate do ho. 9 Boasa dipaboa ho barita panguhuman di bagasan goar ni Jahowa? Didok ho do na lao gabe songon Silo nama jabu on, na lao dihancurhon nama i jala dang adong na mangingani.” Ujungna sude ma rakyat i makkaliangi si Jeremia di jabu ni Jahowa.

10 Tikki dibege pamimpin ni Juda sude na masa i, ro ma nasida sian istana ni raja tu jabu ni Jahowa. Hundul ma nasida di pintu masuk ni gerbang na baru na di jabu ni Jahowa.+ 11 Dung i didok malim dohot panurirang i ma tu akka pamimpin dohot tu sude rakyat i, “Ikkon pamateon do jolma sisongon on.+ Ai didok ibana do na lao masa jea tu kota on, dos songon na dibege pinggolmuna sandiri.”+

12 Dung i didok si Jeremia ma tu sude pamimpin dohot tu sude rakyat i, “Jahowa do na manuru au lao paboahon aha na lao masa taringot tu jabu on dohot tu kota on dos songon na binegemuna.+ 13 Alani i, saonari pauba hamu ma pangalahomuna dohot pambahenanmuna. Oloi hamu ma hata ni Jahowa Debatamuna, asa dipauba Jahowa aha naung ditottuhon Ibana hian di rohana* taringot tu hasusaan naung dipaboa Ibana lao masa tu hamu.+ 14 Alai anggo taringot tu au, bahen hamu ma songon dia lomo ni rohamuna. Bahen hamu ma songon dia na sittong di rohamuna. 15 Alai takkas ma boto hamu, molo dipamate hamu au pasti didok ma hamu marsala. Marsala ma kota on, dohot sude penduduk na dison ala nungnga dipamate hamu halak na so marsala. Ai sasittongna, Jahowa do naung manuru au lao pasahatton sude hata naung binegemuna i.”

16 Dung i didok akka pamimpin dohot akka rakyat i ma tu akka malim dohot tu panurirang i, “Dang patut dipamate bawa on. Ai di bagasan goar ni Jahowa Debatanta i do ibana makkatai tu hita.”

17 Asing ni i, adong do manang na piga halak pangituai* ni luat i mandok tu akka halak na pungu disi, 18 “Hea do si Mika+ na sian Moreset paboahon barita panguhuman di tikki pamarettaon ni si Hiskia+ raja ni Juda. Didok ibana do tu sude halak na di Juda, ‘Songon on do hata ni Jahowa Pamimpin ni Akka Tentara,*

19 “Kan dang dipamate si Hiskia raja ni Juda dohot sude halak na di Juda i ibana? Mabiar do kan raja i tu Jahowa? Jala dipangido ibana do kan asi ni roha ni Jahowa? Ai dipangido ibana do asa dipauba Jahowa aha naung ditottuhon Ibana hian di rohana,* taringot tu jea naung dipaboa hian tu nasida.+ Alani i molo tapamate si Jeremia, na parohon jea na balga do i tu diritta sandiri.

20 “Adong do muse halak na asing na paboahon barita panguhuman di bagasan goar ni Jahowa, i ma si Uria anak ni si Semaya na sian Kiriat-jearim.+ Dipaboa ibana do aha na lao masa taringot tu kota on dos songon na nidok ni si Jeremia. 21 Tikki dibege si Jehoyakim+ dohot sude tentarana, nang akka pejabatna taringot tu hatana i, dilului raja i ma dalan lao pamatehon si Uria.+ Tikki dibege si Uria taringot i, mabiar ma ibana jala lari tu Mesir. 22 Dung i disuru si Jehoyakim ma si Elnatan+ anak ni si Akbor dohot piga-piga halak na asing tu Mesir. 23 Diboan nasida ma si Uria sian Mesir tu jolo ni Raja Jehoyakim. Dipamate raja i ma ibana mamakke podang+ jala disappatton ma bakkena tu kuburan umum ni rakyat biasa.”

24 Alai anggo si Jeremia, diurupi si Ahikam+ anak ni si Sapan+ do ibana, asa unang dipasahat ibana tu tangan ni akka rakyat lao dipamate.+

27 Di mula ni pamarettaon ni si Jehoyakim* anak ni si Josia raja ni Juda, makkatai ma Jahowa tu si Jeremia. 2 Dung i didok si Jeremia ma, “Songon on do hata ni Jahowa tu au, ‘Buat ma piga-piga tali pangikkat dohot piga-piga auga.* Dung i pasang ma i tu rukkungmu. 3 Kirim ma tali dohot auga i tu raja ni halak Edom,+ tu raja ni halak Moab,+ tu raja ni halak Ammon,+ tu raja ni Tirus,+ dohot tu raja ni Sidon.+ Kirim ma i marhite akka utusan na disuru manjuppangi si Sedekia raja ni Juda di Jerusalem. 4 Paboa ma tu nasida asa dipaboa paretta on tu akka raja ni nasida,

“‘“Songon on do hata ni Jahowa Pamimpin ni Akka Tentara,* Debata ni Israel, songon on ma hata na ikkon paboaonmuna tu akka rajamuna i, 5 ‘Au do na manoppa tano on, jolma, dohot akka binatang na di tano on. Hutoppa do i marhite tanganku na gogo i dohot huasokku na balga i. Jala hulehon do sudena i tu manang ise pe lomo ni rohakku.*+ 6 Nungnga hupasahat be sude luat on tu tangan ni naposokku si Nebukadnesar+ raja ni Babel. Gariada, binatang buas na di ladang pe, nungnga hubahen tunduk tu ibana. 7 Sude bangso ikkon tunduk do tu ibana, tu anakna, dohot tu akka pahoppuna sahat tu na juppang tikkina marujung harajaonna i.+ Di tikki marujung harajaonna i, godang do akka bangso dohot akka raja na gogo ro naeng mambahen ibana gabe hatoban ni nasida.’+

8 “‘“‘Alai molo adong bangso dohot harajaon na so olo tunduk tu si Nebukadnesar raja ni Babel, jala dang mangoloi* raja ni Babel i, hukumokku ma bangso i mamakke podang,+ haraparon, dohot sahit na masa di godang inganan sahat tu na mate nasida sude di tanganna,’ ninna Jahowa.

9 “‘“‘Unang ma tangihon hamu hata ni akka panurirang, akka peramal, akka penafsir nipi, akka datu, dohot tukkang sihir na mandok, “Dang na lao tunduk hamu tu raja ni Babel.” 10 Ai gabus do na nidok ni nasida i. Alani i molo dibege hamu hata ni nasida, na lao diboan ma hamu dao sian luatmuna on. Bahenokku ma hamu marserak jala mate ma hamu sude.

11 “‘“‘Alai bangso na dia pe na olo mangoloi* raja ni Babel jala tunduk tu ibana, pasombuonku ma bangso i toktong tinggal di luat ni nasida. Ulaonna ma tano na di luat i jala tinggal ma ibana disi,’ ninna Jahowa.”’”

12 Jala songon i do hudok tu si Sedekia+ raja ni Juda, “Oloi ma* raja ni Babel jala tunduk ma ho tu ibana, tu rakyatna, asa toktong ho mangolu.+ 13 Boasa ma pola ikkon mate ho rap dohot rakyatmu alani podang,+ haraparon,+ dohot sahit na masa di godang inganan?+ Ai songon i do didok Jahowa taringot tu bangso na so olo mangoloi tu raja ni Babel. 14 Unang ma tangihon hata ni akka panurirang na mandok, ‘Dang na lao tunduk ho tu raja ni Babel,’+ ai gabus do na nidok ni nasida i tu ho.+

15 Didok Jahowa ma, “‘Dang adong husuru nasida. Alai di bagasan goarhu do nasida paboahon aha na lao masa. Jala dang sittong na nidokna i. Molo ditangihon hamu nasida, bahenokku ma hamu marserak jala mate ma hamu sude rap dohot akka panurirang na mangoto-otoi hamu.’”+

16 Hudok do muse tu akka malim dohot tu sude halak na disi, “Songon on do hata ni Jahowa, ‘Unang tangihon hamu akka panurirang na mandok tu hamu, “Ida ma! Satokkin nai, diboan nama mulak sian Babel akka parkakas ni jabu ni Jahowa!”+ Ai sasittongna na margabus do nasida disi.+ 17 Unang pola tangihon nasida. Tunduk ma hamu tu raja ni Babel asa boi hamu toktong mangolu.+ Ai molo dang diulahon hamu songon i, hancur ma kota on. 18 Alai molo tutu do nasida akka panurirang na paboahon hata ni Jahowa, suru ma dipangido nasida tu Jahowa Pamimpin ni Akka Tentara i, asa unang diboan tu Babel akka parkakas na adong dope di jabu ni Jahowa, di istana ni raja ni Juda, dohot na adong di Jerusalem.’

19 “Ai songon on do hata ni Jahowa Pamimpin ni Akka Tentara i taringot tu akka tiang,+ Laut Tombaga,+ akka kareta,+ dohot parkakas na asing na adong dope di kota on, 20 i ma akka na so diboan si Nebukadnesar raja ni Babel i sian Jerusalem. Dang diboan ibana akka parkakas i tu Babel tikki ditakkup ibana si Jekonia anak ni si Jehoyakim raja ni Juda, rap dohot sude akka halak na sangap na adong di Juda dohot di Jerusalem.+ 21 Tutu, songon on ma hata ni Jahowa Pamimpin ni Akka Tentara Debata ni Israel taringot tu akka parkakas na adong dope di jabu ni Jahowa, di istana ni raja ni Juda, dohot na di Jerusalem, 22 ‘“Sudena parkakas i diboan do tu Babel,+ jala disi ma i sahat tu na huboan muse mulak tu luat on,” ninna Jahowa. “Di tikki i, boanokku ma i mulak jala paulakokku ma i tu luat on.”’”+

28 Laos di taon na sarupa, di mula ni pamarettaon ni si Sedekia+ raja ni Juda, i ma di bulan na palimahon di taon na paopatton, makkatai ma Panurirang Hanania anak ni si Azur na sian Gibeon+ di jabu ni Jahowa di jolo ni akka malim dohot sude rakyat, 2 “Songon on ma hata ni Jahowa Pamimpin ni Akka Tentara,* Debata ni Israel, ‘Paluaokku ma hamu sian raja ni Babel na mambahen hamu gabe hatoban.*+ 3 Nang pe nungnga diboan si Nebukadnesar raja ni Babel i sude parkakas na di jabu ni Jahowa tu Babel, alai di bagasan dua taon boanokku do i muse mulak tuson.+ 4 Jala boanokku ma muse mulak si Jekonia+ anak ni si Jehoyakim+ raja ni Juda dohot sude halak Juda naung diboan musu tu Babel.+ Boanokku ma nasida mulak tu inganan on. Ai paluaokku ma nasida sian raja ni Babel na mambahen nasida gabe hatoban,’* ninna Jahowa.”

5 Dung i makkatai ma Panurirang* Jeremia dohot Panurirang Hanania di jolo ni akka malim dohot di jolo ni sude rakyat na jongjong di jabu ni Jahowa. 6 Didok Panurirang Jeremia ma, “Amen!* Sai anggiat ma dipasaut Jahowa sude na nidokmi! Sai anggiat ma diboan Jahowa mulak sian Babel akka parkakas na di jabu ni Jahowa dohot sude akka halak na ditakkup. 7 Alai tolong ma jolo tangihon hata na lao hupaboa tu ho dohot tu sude rakyat on. 8 Nungnga godang dipaboa akka panurirang naung parjolo sian au dohot naung parjolo sian ho taringot tu luat dohot harajaon na balga, taringot tu porang, jea, dohot sahit na masa di godang inganan. 9 Molo adong panurirang paboahon na lao masa hadameon jala tutu saut hatana i, botoon ni jolma ma, na tutu ibana panurirang na sinuru ni Jahowa.”

10 Mambege hata i, dibuat Panurirang Hanania ma auga* na di rukkung ni Panurirang Jeremia. Jala diponggolhon ibana ma i.+ 11 Di jolo ni sude, didok si Hanania ma, “Songon on do hata ni Jahowa, ‘Di bagasan dua taon on, songon i ma carakku lao paluahon sude bangso sian tangan ni si Nebukadnesar raja ni Babel.’”*+ Dung i lao ma Panurirang Jeremia sian i.

12 Dung diponggolhon Panurirang Hanania auga na sian rukkung ni Panurirang Jeremia i, didok Jahowa ma tu si Jeremia, 13 “Lao ma ho jala dokkon ma tu si Hanania, ‘Songon on do hata ni Jahowa, “Nungnga diponggolhon ho auga na sian hau,+ alai ikkon gattionmu do i dohot auga na dibahen sian bosi.” 14 Ai songon on do hata ni Jahowa Pamimpin ni Akka Tentara, Debata ni Israel, “Bahenokku ma sude bangso gabe hatoban* jala tunduk tu si Nebukadnesar raja ni Babel. Ikkon dioloi nasida do ibana.+ Gari binatang buas na di tombak pe, nungnga hupatunduk tu ibana.”’”+

15 Dung i didok Panurirang Jeremia ma tu Panurirang Hanania,+ “Hanania, tangihon ma jolo hatakku! Dang na disuru Jahowa ho. Alai dibahen ho do sude rakyat on gabe porsea tu gabus na nidokmi.+ 16 Alani i, songon on ma hata ni Jahowa, ‘Bolokkonokku ma ho sian tano on. Jala di bagasan taon on ikkon mate do ho. Ai nungnga dijujui ho sude rakyat on lao mangalo Jahowa.’”+

17 Jadi mate ma Panurirang Hanania di bulan na papituhon di taon i.

29 Tikki di Jerusalem Panurirang* Jeremia, dikirim ibana ma surat tu akka pangituai* na rap dohot akka halak na diboan musu, tu akka malim, tu akka panurirang, dohot tu sude rakyat, i ma halak na diboan si Nebukadnesar sian Jerusalem tu Babel. 2 Diulahon ibana do i dung diboan sian Jerusalem Raja Jekonia,+ omak ni raja i,+ akka pejabat na adong di istana, akka pamimpin ni Juda dohot pamimpin ni Jerusalem, akka tukkang logam,* dohot akka tukkang na malo.+ 3 Dikirim ibana ma surat i marhite si Elasa anak ni si Sapan+ dohot marhite si Gemaria anak ni si Hilkia na disuru si Sedekia+ raja ni Juda tu Babel lao mandapotton si Nebukadnesar raja ni Babel. Songon on ma isi ni surat i,

4 “Songon on ma hata ni Jahowa Pamimpin ni Akka Tentara,* Debata ni Israel tu sude halak naung diboan musu, na hupasombu diboan sian Jerusalem tu Babel, 5 ‘Pajongjong hamu ma jabu jala ingani hamu ma i. Suan hamu ma akka ladang jala allang hamu ma hasilna. 6 Lului hamu ma borua lao gabe istrimuna jala maranak marboru ma hamu. Lului hamu ma istri lao tu akka anakmuna jala pamuli hamu ma borumuna, asa ditubuhon nasida anak dohot boru. Ikkon tamba do godangmuna, dang boi moru. 7 Marsitutu ma hamu asa dame ngolumuna di kota ingananmuna na diboan musu i. Tangiakkon hamu ma tu Jahowa kota i. Ai molo dame kota i, dame do ngolumuna.+ 8 Ai songon on do hata ni Jahowa, Pamimpin ni Akka Tentara, Debata ni Israel i, “Unang ma olo hamu dioto-otoi akka panurirang dohot akka peramal na adong di tonga-tongamuna.+ Jala unang ma porsea hamu tu nipi ni nasida. 9 Ai ‘nang pe di bagasan goarhu nasida paboahon aha na lao masa, gabus do hata ni nasida i. Jala dang adong husuru nasida,’+ ninna Jahowa.”’”

10 “Ai songon on do hata ni Jahowa, ‘Molo dung 70 taon hamu di Babel, parrohahonokku do hamu muse,+ pasautokku do janjikku lao mamboan hamu mulak tuson.’+

11 “‘Ai takkas do huboto aha na lao bahenokku tu hamu,’ ninna Jahowa, ‘hadameon do na lao bahenokku tu hamu dang jea.+ Jala marjanji do Au na boi pos rohamuna na lao denggan do ngolumuna di ari na naeng ro.+ 12 Jouonmuna ma Au. Ro nama hamu martangiang tu Au, jala tangihonokku do hamu.’+

13 “‘Luluanmuna ma Au jala juppangmuna ma Au.+ Ai luluanmuna ma Au sian nasa rohamuna.+ 14 Paloasokku do dirikku boi juppangmuna,’+ ninna Jahowa. ‘Papunguokku ma hamu akka na diboan bangso i. Jala papunguokku ma hamu sian marragam bangso, ingananmuna na hubahen marserak i,’+ ninna Jahowa. ‘Boanokku ma hamu mulak sian inganan ni musu i.’+

15 “Alai didok hamu do, ‘Nungnga dipillit Jahowa be akka panurirang lao di hami di Babel.’

16 “Songon on ma hata ni Jahowa tu raja na hundul di tahta ni si Daud+ dohot tu sude halak na tinggal di kota on, i ma dongan sabangsomuna na so olo lao rap dohot hamu tu luat ni musumuna. 17 ‘Songon on ma hata ni Jahowa Pamimpin ni Akka Tentara, “Parookku ma podang, haraparon, dohot sahit na masa di godang inganan tu nasida.+ Bahenokku ma nasida songon parbue ni hau ara na busuk,* na so tarallang be alani roana.”’+

18 “‘Leleokku ma nasida mamakke podang,+ haraparon, dohot sahit na masa di godang inganan. Bahenokku ma sude harajaon na di tano on mabiar mangida na masa tu nasida.+ Diburai halak ma nasida, longang ma roha ni halak mangida nasida, direhei do nasida,+ jala dileai di tonga-tonga ni sude bangso inganan ni nasida na hubahen marserak i.+ 19 Ai dang ditangihon nasida akka hata na hupaboa marhite panurirang naposokki, na sai torus husuru* tu nasida,’+ ninna Jahowa.

“‘Dang olo hamu manangihon,’+ ninna Jahowa.

20 “Alani i tangihon ma hata ni Jahowa, hamu akka halak naung diboan musu naung huusir sian Jerusalem tu Babel. 21 Songon on do hata ni Jahowa Pamimpin ni Akka Tentara, Debata ni Israel, taringot si Ahab anak ni si Kolaya dohot si Sedekia anak ni si Maaseya na makkatahon gabus tu hamu di bagasan goarhu,+ ‘Pasahatonku ma nasida tu tangan ni si Nebukadnesar* raja ni Babel. Pamateon ni raja i ma nasida di jolomuna. 22 Molo mamburai halak Juda na diboan musu tu Babel i, didok nasida ma, “Sai anggiat ma dibahen Jahowa tu ho songon na binahenna tu si Sedekia dohot tu si Ahab, na dipanggang raja ni Babel di bagasan api. 23 Ai nungnga diulahon nasida ulaon na so umboto ila di Israel.+ Mangalakkup do nasida dohot akka istri ni dongan ni nasida jala dipasahat nasida do akka hata gabus di bagasan goarhu, nang pe sasittongna dang adong husuru nasida.+

“‘“Au do na mamboto i jala Au do na gabe saksina,”+ ninna Jahowa.’”

24 “Dokkononmu do songon on tu si Semaya+ halak Nehelam i, 25 ‘Songon on do hata ni Jahowa Pamimpin ni Akka Tentara, Debata ni Israel, “Di bagasan goarmu sandiri do dibahen ho surat tu sude halak Jerusalem, tu Malim Sepania+ anak ni si Maaseya, dohot tu akka malim na asing. Dibahen ho do di suratmi songon on, 26 ‘Nungnga dibahen Jahowa be ho gabe malim gatti ni Malim Jehoyada na gabe pengawas di jabu ni Jahowa. Jala ho do na martanggung jawab tu halak na rittik na mambahen dirina songon panurirang. Ho do na martanggung jawab mamasung* pat ni nasida, tanganna, dohot rukkungna.+ 27 Alai boasa dang dimuruki ho si Jeremia halak Anatot+ na mambahen dirina songon panurirang di tonga-tongamuna?+ 28 Ai dikirim ibana do surat tu hami di Babel, didok ibana do, “Hamu akka halak na ditakkup, na lao leleng dope hamu tinggal dison. Pajongjong hamu ma akka jabu jala ingani ma i. Suan hamu ma akka ladang jala allang ma hasilna,+ . . .”’”’”

29 Tikki dijahahon Malim Sepania+ surat on tu Panurirang Jeremia, 30 makkatai ma Jahowa tu si Jeremia, ninna ma, 31 ‘Bahen ma surat tu sude halak naung diboan musu i. Songon on ma isina, ‘Songon on ma hata ni Jahowa taringot tu si Semaya halak Nehelam, “Nungnga dipaboa si Semaya taringot aha na lao masa tu hamu, hape so adong husuru ibana. Marsitutu do ibana lao mambahen hamu porsea tu gabus na nidokna i.+ 32 Alani i songon on ma na nidok ni Jahowa, ‘Hukumokku ma si Semaya halak Nehelam i dohot pinopparna. Dang adong nanggo sahalak pe sian pinopparna na boi toktong mangolu di tonga-tonga ni bangsokkon. Jala dang na lao idaonna akka na denggan na lao bahenokku tu bangsokki,’ ninna Jahowa, ‘ai nungnga dijujui ibana sude jolma lao mangalo Jahowa.’”’”

30 Didok Jahowa ma tu si Jeremia, 2 “Songon on ma hata ni Jahowa Debata ni Israel, ‘Surat ma di sada bukku sude hata na hupaboa tu ho. 3 “Ai ida ma, na lao juppang ma tikkina,” ninna Jahowa, “papunguokku nama bangsokki, halak Israel dohot halak Juda sian luat ni musu,”+ ninna Jahowa, “boanokku nama nasida mulak tu luat na hulehon tu akka ompu ni nasida, jala appuna ni nasida ma muse luat i songon najolo.”’”+

4 Songon on ma hata ni Jahowa tu halak Israel dohot tu halak Juda.

 5 Songon on ma hata ni Jahowa,

 6 Sukkun ma, ai boi do bawa manubuhon anak?

Boasa puccat sude bohi ni nasida?

 7 Marjea nai! Massai ngeri* situtu do di ari i.+

Alai boi do ibana selamat sian i.”

8 Didok Jahowa Pamimpin ni Akka Tentara* i ma, “Di ari i, ponggolhonokku ma auga* sian rukkungmi, jala putus ma bahenokku tali pangikkatmi. Dang adong be halak na sian bangso na asing na mambahen ibana* gabe hatoban. 9 Oloan ni nasida ma Jahowa Debata ni nasida dohot si Daud raja ni nasida na lao hupillit i.”+

11 “Ai Au do na mandongani ho lao mambahen ho selamat,” ninna Jahowa.

12 Ai songon on do hata ni Jahowa,

“Nungnga massai posi be sahitmu,

Dang haubatan be lukkam.+

Dang tarubatan be ho.

14 Nungnga lupa be tu ho sude halak na massai makkaholongi ho.+

Dang dilului nasida be ho.

15 Boasa mangangguki ho alani akka lukkami?

Ai dang na boi be dipamalum sahitmi!

‘Ale Sion, inganan na so dilului manang ise pe.’”+

18 Songon on ma hata ni Jahowa,

19 Mandok mauliate ma nasida, pola tarbege soara ni na marlas ni roha.+

Hukumokku ma sude halak na kejam tu nasida.+

Paloasokku ma ibana jonok tu Au, jala ro tu labbungku.”

“Ai molo dang songon i, ise ma na barani ro jonok tu Au?” ninna Jahowa.

22 “Hamu ma na gabe bangsokku+ jala Au ma na gabe Debatamuna.”+

Di ujung ni akka ari i, diattusi hamu ma sude na masa i.+

31 Didok Jahowa ma, “Di tikki masa i, Au ma na gabe Debata ni sude keluarga ni Israel, jala nasida ma na gabe bangsokku.”+

 2 Songon on ma hata ni Jahowa,

 3 Sian na dao, dipataridahon Jahowa ma dirina tu au, jala ninna ma,

“Holong na martahan saleleng ni lelengna do holong ni rohakku tu ho.

Jala alani holong* i, toktong do Au setia*+ tu ho jala hutarik do ho tu Au.

 4 Padengganokku ma ho muse jala gabe denggan ma ho,+

 6 Na lao ro ma tikkina, marsurak ma akka panjaga na di akka Dolok Epraim, dohonon ni nasida ma,

‘Parade hamu ma dirimuna, beta ma nakkok tu Dolok Sion, tu inganan ni Jahowa Debatanta.’”+

 7 Ai songon on do hata ni Jahowa,

“Marsurak ma hamu tu si Jakkob huhut marlas ni roha.

Marsurak ma hamu huhut mardongan las ni roha, ai hamu do na mamimpin akka bangso i.+

 8 Boanokku ma nasida mulak sian luat na di utara.+

Papunguokku ma nasida sian inganan na di ujung ni tano on.+

Mulak ma nasida sude tuson+ songon punguan na massai balga.

 9 Ro ma nasida huhut tangis-tangis.+

Di tikki na mangelek-elek i nasida, huboan ma nasida.

Ai Au do Bapak ni halak Israel, jala Epraim ma anak siakkangakku.”+

“Ibana do na mambahen halak Israel marserak jala Ibana do na lao papunguhon.

Ibana do na lao manjaga nasida songon parmahan na manjaga biru-biruna.+

Paubaokku ma lungun ni roha ni nasida gabe las ni roha.+

Apulokku ma nasida, lehonokku ma las ni roha gatti ni arsak ni roha ni nasida.+

15 “Songon on ma hata ni Jahowa,

‘Tarbege do soara ni na mangangguki dohot soara ni na mangandungi sian Rama,+

Diangguki si Rahel do akka ianakkonna.+

16 Songon on do hata ni Jahowa,

‘Na lao mulak do nasida sian luat ni musu.’+

17 ‘Adong do janji na lao pasautonna di ari na naeng ro,’+ ninna Jahowa.

‘Na lao mulak do akka anakmi tu luat ni nasida sandiri.’”+

20 “Kan si Epraim do anak hasianku?+ Anak haholongakku do ibana.

Nang pe jotjot Au muruk tu ibana, toktong do huingot ibana.

Alani i do sai tu ibana rohakku.+

Jala asi do rohakku mangida ibana,” ninna Jahowa.+

Parrohahon ma akka dalan i, dalan na ikkon sidalananmu.+

Mulak ma ho ale bangso Israel, mulak ma ho tu kotam.

22 Ale bangso na so setia, sappe andigan ma hamu mardua roha?

Nungnga ditoppa Jahowa na baru di tano on,

Jala marsitutu do sahalak istri mangalului suamina.”*

23 Songon on ma hata ni Jahowa Pamimpin ni Akka Tentara* Debata ni Israel i, “Di tikki hupapungu muse akka halak na binoan ni musu i, dohonon ni nasida ma songon on di luat ni Juda dohot di akka kotana, ‘Ale dolok na badia+ inganan ni halak na mangulahon na sittong,+ sai dipasu-pasu Jahowa ma hamu.’ 24 Diingani nama Juda dohot akka kotana. Adong ma disi akka partani dohot akka parmahan na mamiaro akka biru-biruna.+ 25 Bahenokku ma margogo halak na loja, jala bahenokku ma butong halak na gale ala male.”+

26 Alani i tarsunggul ma au, hubukka ma matakku, nungnga tabo parpodomhu.

27 Didok Jahowa ma, “Ida ma! Na lao juppang ma tikkina bahenokku ma gok luat ni Israel dohot luat ni Juda. Bahenokku ma godang akka jolma* dohot binatang na dipiaro di luat i.”+

28 “Songon rade ni rohakku najolo lao mangaruppakkon, manghancurhon, manegai, mancabut, jala mambahen nasida marjea,+ songon i ma rade ni rohakku di tikki na naeng ro lao mambahen nasida sonang jala tinggal di luat i,”+ ninna Jahowa. 29 “Di tikki i, dang dohonon ni nasida be, ‘Bapakna do mangallang anggur na asom, alai ngingi ni anakna do na ngilu.’+ 30 Alai manang ise na mangallang anggur na asom, ngingina sandiri ma na ngilu. Jala ganup ma jolma mate alani dosana sandiri.”

31 Didok Jahowa ma, “Ida ma, na ro ma tikkina, bahenokku ma parjanjian na imbaru+ tu halak Israel dohot tu halak Juda. 32 Parjanjian na imbaru na hubahen i, dang songon parjanjian na hubahen tu ompu ni nasida, di ari tikki hutogu nasida kaluar sian Mesir.+ ‘Dilanggar nasida do parjanjiakki,+ nang pe sasittongna Au do Tuan* ni nasida,’ ninna Jahowa.”

33 “On ma parjanjian na lao bahenokku tu bangso Israel dukkon na masa i,” ninna Jahowa. “Bahenokku ma akka patikku di bagasan diri ni nasida+ jala surattonokku ma i di roha ni nasida.+ Au ma na gabe Debata ni nasida jala nasida ma na gabe bangsokku.”+

34 “Dang porlu be ajaran ni nasida donganna sabangso dohot haha anggina lao mananda Jahowa.+ Ai sude nama nasida mananda Au, mulai sian akka na poso sahat tu na matua,”+ ninna Jahowa. “Dang ingotokku be akka dosa ni nasida jala sesaokku ma hasalaan ni nasida.”+

37 Songon on ma hata ni Jahowa, “‘Dos songon langit na so boi diukkur dohot fondasi ni tano on na so boi didalani, Au pe dang jalookku sude pinoppar ni halak Israel i tung manang aha pe na diulahon nasida,’ ninna Jahowa.”+

38 Didok Jahowa ma, “Ida ma! Na lao ro ma tikkina na lao dibangun do muse kota i+ di Jahowa mulai sian Menara Hananel+ sahat tu Gerbang Sudut.+ 39 Paganjang ma tali pangukkur+ tu Dolok Gareb, dung i marbelok ma tu Goa. 40 Sude rura inganan mambolokkon bakke dohot abu,* gabe badia di Jahowa.+ Songon i ma nang sude ladang na adong sahat tu Rura Kidron+ dohot sahat tu sudut ni Gerbang Hoda+ na di sabola timur. Dang na lao hea be i disegai jala dang na lao hea be i dihancurhon.”

32 Makkatai ma muse Jahowa tu si Jeremia di taon na pasappuluhon pamarettaon ni si Sedekia raja ni Juda, i ma taon na pasappulu ualuhon pamarettaon ni si Nebukadnesar.*+ 2 Di tikki i ma akka tentara ni raja ni Babel mengepung Jerusalem. Jala Panurirang* Jeremia nungnga dihurung di penjara na di Alaman ni Panjaga+ na di istana ni raja ni Juda. 3 Ai dihurung si Sedekia raja ni Juda do Panurirang Jeremia.+ Didok do, “Ai boasa songon on didokkon ho, ‘Songon on do hata ni Jahowa, “Pasahatonku do kota on tu tangan ni raja ni Babel jala taluhononna ma kota on.+ 4 Dang na lao boi si Sedekia raja ni Juda i lari sian Kasdim. Ai pasti do dipasahat ibana tu tangan ni raja ni Babel. Ikkon pajuppang bohi do ibana dohot raja i jala makkatai langsung tu raja i.”’+ 5 ‘Boanon ni raja i ma si Sedekia tu Babel jala torus ma ibana disi sahat tu na hutottuhon aha na lao bahenokku tu ibana,’ ninna Jahowa. ‘Ai nang pe torus dialo hamu halak Kasdim i, dang na lao marhasil hamu.’”+

6 Didok si Jeremia ma, “Didok Jahowa ma tu au, 7 ‘Na lao ro ma si Hamamel anak ni si Sallum bapa tuami* mandapotton ho. Dohononna ma tu ho, “Tuhor ma ladangku na di Anatot i.+ Ai ho do na parjolo marhak lao manuhor i muse.”’”+

8 Ro ma si Hamamel anak ni bapa tuakki mandapotton au tu Alaman ni Panjaga songon hata ni Jahowa. Didok si Hamamel ma tu au, “Tuhor ma ladangku na di Anatot i, na di luat ni marga Benjamin. Ai ho do na marhak nappunasa i jala na manuhor i muse. Tuhor ma ladang i.” Sian i huboto ma hata ni Jahowa do na nidokna i.

9 Dung i hutuhor ma ladang na di Anatot i sian si Hamamel anak ni bapa tuakki. Hutimbang ma hepeng na lao lehonokku tu ibana.+ Hutimbang ma pitu sekel* dohot sappulu logam perak. 10 Dung i hubahen ma surat ni tano i.+ Hubahen do materai di surat i. Hujou do akka saksi+ jala hutimbang do hepeng i mamakke timbangan. 11 Dung i huboan ma surat ni tano naung hutuhor jala naung hubahen materaina i mangihutton paretta dohot peraturan pengadilan. Jala huboan do muse surat na so marmaterai. 12 Di jolo ni si Hamamel anak ni bapa tuakki, di jolo ni sude saksi na manandatangani surat ni tano i, dohot di jolo ni sude halak Jahudi na hundul di Alaman ni Panjaga,+ hulehon ma surat ni tano i tu si Baruk,+ anak ni si Neria,+ pahoppu ni si Maseya.

13 Di jolo ni nasida sude, hudok ma tu si Baruk, 14 “Songon on do hata ni Jahowa Pamimpin ni Akka Tentara,* Debata ni Israel i, ‘Buat ma akka surat ni tano i, surat ni tano naung dimaterai dohot na so dimaterai. Sippan ma sudena i tu bagasan hudon na dibahen sian tano liat, asa boi leleng tahan surat i.’ 15 Ai songon on do hata ni Jahowa Pamimpin ni Akka Tentara, Debata ni Israel i, ‘Ai na lao tuhoron dope jabu, ladang, dohot porlak anggur di luat on.’”+

16 Dung hulehon surat ni tano i tu si Baruk anak ni si Neria, martangiang ma au tu Jahowa. Hudok ma, 17 “Ale Jahowa Tuan Natumimbul, marhite huasom na balga i dohot tanganmu na gogo i,+ ditoppa Ho do langit dohot tano on. Dang adong na so boi bahenonmu. 18 Dipatudu Ho do holongmu na manoktong* i tu marribu halak. Dipasombu Ho do akka anakna manaon hasusaan alani dosa ni bapakna.*+ Ho do Debata na sittong, na sangap, na gogo, jala Pamimpin ni Akka Tentara na margoar Jahowa. 19 Massai denggan situtu do akka podam.* Jala massai longang do roha mangida akka na binahenmu.+ Diparrohahon Ho do sude na niulahon ni jolma+ asa dibalos Ho ganup halak hombar tu pambahenanna dohot pangalahona.+ 20 Dibahen Ho do akka tanda dohot mukjizat di Mesir, jala diboto halak do i sahat tu sadari on. Songon i ma Ho mambahen tarbarita goarmi di tonga-tonga ni Israel dohot di tonga-tonga ni akka jolma,+ songon na lao masa sadari on. 21 Diboan Ho do bangso Israel kaluar sian Mesir marhite tanda halongangan, mukjizat, tanganmu na gogo i, hagogoonmu na tung massai balga i, dohot ulaon na parohon biar.+

22 “Dung i lehononmu ma tu nasida luat on, luat naung dijanjihon Ho mardongan sumpa tu akka oppu ni nasida,+ i ma luat na godang susu dohot madu.+ 23 Dung i ro ma nasida tu luat on. Dibuat nasida ma luat on gabe appuna ni nasida. Alai dang dioloi nasida hatam jala dang diulahon nasida akka patikmu. Dang diulahon nasida sude paretta na dilehon Ho tu nasida. Alani i, diparo Ho ma sude jea on tu nasida.+ 24 Marroan ma akka halak jala dibahen ma tembok lao mengepung dohot manaluhon kota on.+ Alani porang,+ haraparon, dohot sahit na masa di godang inganan,+ gabe talu ma kota i di tangan ni halak Kasdim na ro mangalo nasida. Sude na nidokmi nungnga saut be songon na niidam saonari. 25 Alai, ale Jahowa Tuan Natumimbul, nang pe naeng dipasahat kota on tu tangan ni halak Kasdim, didok Ho dope tu au, ‘Tuhor ma ladang on jala jou ma akka saksi.’”

26 Dung i didok Jahowa ma muse tu si Jeremia, 27 “Au do Jahowa Debata ni saluhut jolma. Ai adong huroa na so boi bahenokku? 28 Songon on ma hata ni Jahowa, ‘Pasahatonku nama kota on tu tangan ni halak Kasdim jala tu tangan ni si Nebukadnesar* raja ni Babel. Taluhononna nama kota i.+ 29 Ro ma halak Kasdim lao manaluhon kota on jala manutung kota on. Tutungonna+ ma sude jabu na atapna dipakke lao mangalehon pelean tu debata Baal, jala mangusehon pelean siinumon tu debata na asing.’+

30 “‘Diulahon nasida do i lao mambahen haccit rohakku. Ai sian mulai poso halak Israel dohot halak Juda, sai diulahon nasida do na jahat di jolokku.+ Sai torus do dibahen halak Israel haccit rohakku marhite akka parniulaon ni nasida,’ ninna Jahowa. 31 ‘Ai mulai sian na dipajongjong kota on sahat tu sadari on, sai holan na muruk do Au jala tarrimas dibahen nasida.+ Alani i, ikkon dihancurhon do kota on sian jolokku.+ 32 Ai sude do halak Juda dohot halak Israel mangulahon na jahat lao mambahen haccit rohakku. Sude do nasida mangulahon i, i ma akka raja,+ pamimpin,+ malim, panurirang,+ halak Juda, dohot akka penduduk ni Jerusalem. 33 Nang pe sai torus Au* mangajari nasida, alai dang olo nasida manangihon sipasingottu.+ Gariada sai torus do ditundali nasida Au jala dipadao nasida do bohi ni nasida sian Au.+ 34 Jala dibahen nasida do akka patung na huhagigihon i di jabu na hupillit lao pasangappon goarhu, asa ramun* jabu i.+ 35 Asing ni i, dipajongjong nasida do akka inganan panombaon* tu Baal di Rura Anak ni Hinnom.*+ Dibahen nasida do i lao manutung anak dohot boru ni nasida tu api lao gabe pelean situtungon tu Molok.+ Dang hea huparettahon i,+ jala dang hea tubu di rohakku lao manuru halak Juda mangulahon ulaon na huhagigihon na mambahen nasida mardosa.’

36 “Didok hamu do na lao ditaluhon raja ni Babel kota on alani podang, haraparon, dohot sahit na masa di godang inganan. Alani i songon on ma hata ni Jahowa Debata ni halak Israel taringot tu kota on, 37 ‘Papunguokku ma nasida sude sian akka luat inganan ni nasida marserak i. Ai di tikki muruk jala marrimas situtu Au tu nasida,+ hubahen do nasida marserak. Alai boanokku ma nasida muse mulak tu inganan on jala sonang ma nasida maringanan dison.+ 38 Nasida ma na gabe bangsokku jala Au ma na gabe Debata ni nasida.+ 39 Paubaokku ma roha ni nasida+ dohot pangalaho ni nasida asa toktong dihabiari nasida Au, asa denggan ngolu ni nasida dohot akka pinoppar ni nasida.+ 40 Bahenokku ma parjanjian na marlakku saleleng ni lelengna.+ Di parjanjian i, dohonokku ma na toktong bahenokku na denggan tu nasida.+ Jala toktong ma bahenokku roha ni nasida mabiar tu Au, asa unang manimbil nasida sian Au.+ 41 Las situtu do rohakku lao mangulahon na denggan tu nasida,+ jala sian nasa rohakku dohot sian nasa gogokku,* bahenokku ma nasida toktong tinggal di luat on.’”+

42 “Songon on ma hata ni Jahowa, ‘Songon carakku mambahen akka jea tu bangso on, songon i ma carakku parohon akka na denggan naung hujanjihon tu nasida.+ 43 Tuhoron ni akka halak ma di luat on akka ladang,+ nang pe didok nasida inganan na harsang inganan on. Ai so adong jolma manang binatang dison jala nungnga dipasahat luat on tu halak Kasdim.’

44 “‘Pakkeon ni akka halak ma hepengna lao manuhor akka ladang. Bahenon ni nasida ma surat ni tano i jala dimaterai. Dijou ma akka saksi di luat ni halak Benjamin,+ di luat na di sakaliling ni Jerusalem, di akka kota na di Juda,+ di akka kota na di dolok, di akka kota na di rura,+ dohot di akka kota na di sabola selatan. Ai boanokku nama mulak akka halak na diboan musu i,’+ ninna Jahowa.”

33 Tikki dihurung dope si Jeremia di penjara na di Alaman ni Panjaga,+ makkatai ma muse Jahowa tu ibana. Didok ma, 2 “Songon on ma didok Jahowa Sitoppa tano on, Jahowa na membentuk jala na pajongjokkon togu tano on, Jahowa do goarna, 3 ‘Jou ma Au, alusakku do ho jala rade do Au paboahon akka na palongang roha, na so boi diattusi ho, jala na so hea dope diboto ho.’”+

4 “Nungnga dipaboa Jahowa Debata ni Israel aha na lao masa tu akka jabu na di kota on dohot taringot tu istana ni akka raja ni Juda. Nungnga diruppakkon be i asa boi nasida martahan mangadopi podang ni musu dohot tembok na dibangun musu i.+ 5 Dipaboa Ibana do muse taringot tu akka halak na lao ro marporang mangalo halak Kasdim. Jala dipaboa Ibana do muse taringot tu kota na lao digohi Ibana dohot bakke ni akka halak na hona bunu di tikki na muruk situtu Ibana. Nungnga ditadikkon Ibana kota on alani hajahaton ni akka jolma i. 6 Didok Ibana do, ‘Pamalumokku ma kota on jala bahenokku ma i sehat muse.+ Pamalumokku ma nasida jala lehonokku ma gok hadameon dohot hasonangan.+ 7 Boanokku ma mulak halak Juda dohot halak Israel na diboan musu i.+ Jala hulehon ma muse gok pasu-pasu tu nasida dos songon na huulahon najolo.+ 8 Paiasokku ma nasida sian sude hasalaan, ala nungnga mangulahon dosa nasida tu Au.+ Jala sesaokku ma sude dosa dohot hasalaan na diulahon nasida tu Au.+ 9 Parohon las ni roha ma tu Au goar ni kota on. Gabe dipuji ma Au alani kota on jala gabe lam uli ma Au di tonga-tonga ni akka bangso, na mambege akka na denggan na hubahen tu bangsokki.+ Mabiar do sude bangso jala hitir-hitir+ alani akka na denggan na hubahen dohot alani hadameon na huparo tu kota i.’”+

10 “Songon on do hata ni Jahowa, ‘Inganan na harsang do didok hamu luat on. Dang diingani jolma manang binatang. Jala akka kota na di Juda dohot akka dalan na di Jerusalem nungnga tarulang. Dang adong jolma, manang penduduk, manang binatang disi. Alai na lao tarbege ma muse di akka inganan i 11 soara ni na marlas ni roha dohot soara ni na marsonang-sonang,+ soara ni pengantin bawa dohot soara ni pengantin borua. Dohot soara ni halak na mandok, “Mandok mauliate ma tu Jahowa, ai na burju do Jahowa.+ Toktong do dipatudu Ibana holong ni rohana* sahat tu saleleng ni lelengna!”’+

“‘Boanon ni nasida ma pelean hamauliateon tu jabu ni Jahowa.+ Ai nungnga huboan nasida sian luat ni musu, jala hubahen do muse nasida songon na parjolo i,’ ninna Jahowa.”

12 “Songon on ma hata ni Jahowa Pamimpin ni Akka Tentara,* ‘Bahenokku ma inganan panjappalan di inganan na harsang on, di inganan na so diingani jolma dohot binatang, dohot di sude kotana, asa diboan akka parmahan tusi biru-biruna.’+

13 “‘Di akka kota na di dolok, di akka kota na di rura, di akka kota na di sabola selatan, di akka inganan na di luat ni marga Benjamin, di akka inganan na di sakaliling ni Jerusalem,+ dohot di akka kota ni halak Juda,+ na lao adong ma muse akka parmahan na mangetong biru-biruna,’ ninna Jahowa.”

14 “Ninna Jahowa ma, ‘Na lao ro ma tikkina, pasautokku ma akka na denggan na hujanjihon taringot halak Israel dohot halak Juda.+ 15 Di tikki i, bahenokku ma sahalak na tigor marroha sian pinoppar ni si Daud*+ mandalatton hukum na tigor dohot na sittong di luat i.+ 16 Di ari i paluaokku ma Juda+ jala aman ma penduduk ni Jerusalem tinggal.+ Jala digoari ma kota i: Jahowa Mual ni Hatigoran.’”+

17 “Ai songon on do hata ni Jahowa, ‘Na lao toktong do adong sahalak sian pinoppar ni si Daud na hundul di tahta ni Israel.+ 18 Jala na lao toktong do adong pinoppar ni si Lepi lao gabe malim di jolokku. Lao mangalehon pelean situtungon, manutung pelean sipanganon,* jala mangalehon pelean na asing.’”

19 Dung i makkatai ma muse Jahowa tu si Jeremia, 20 “Songon on ma hata ni Jahowa, ‘Adong do parjanjiakku tu arian dohot tu borngin asa boi masa di tikkina be arian dohot borngin i. Autsugari ma boi disundati hamu parjanjian i,+ 21 baru pe boi disundati hamu parjanjian na hubahen tu naposokku si Daud,+ asa unang adong sian anakna na boi mamaretta gabe raja di tahtana.+ Suang songon i ma nang tu parjanjian na hubahen dohot akka malim halak Lepi na marhobas di jolokku.+ 22 Dos songon godang ni sude akka na di langit na so taretong godangna jala songon pasir di laut na so boi ditakkari, songon i ma bahenokku godang ni pinoppar ni si Daud naposokki dohot halak Lepi na marhobas di jolokku.’”

23 Makkatai ma muse Jahowa tu si Jeremia. Didok ma, 24 “Na so hea do dibege hamu hata na mandok, ‘Dang dijalo Jahowa be dua keluarga naung pinillitna i’? Leas do roha ni nasida mangida bangsokki. Jala dang sada bangso be di nasida akka naposokki.

25 “Songon on ma hata ni Jahowa, ‘Dos songon parjanjian naung hutottuhon tu arian dohot borngin,+ jala dos songon aturan taringot tu langit dohot tano on+ na so boi disundati, 26 songon i ma bahenokku tu akka pinoppar ni si Jakkob dohot tu pinoppar ni si Daud naposokki. Pasti jalookku do nasida jala sian pinopparna do bahenokku lao mamaretta pinoppar ni si Abraham, si Isak, dohot si Jakkob. Ai na lao papunguokku nama muse nasida sian luat ni musu,+ jala asi nama rohakku tu nasida.’”+

34 Tikki marporang si Nebukadnesar* raja ni Babel rap dohot sude tentarana, dohot sude harajaon na dirajai ibana di tano on, dohot sude bangso mangalo Jerusalem dohot sude kotana,+ makkatai ma muse Jahowa tu si Jeremia,

2 “Songon on ma hata ni Jahowa Debata ni Israel, ‘Dokkon ma tu si Sedekia+ raja ni Juda songon on, “On ma hata ni Jahowa, ‘Pasahatonku nama kota on tu tangan ni raja ni Babel, jala tutungon+ ni ibana nama kota on. 3 Dang na lao malua ho sian tanganna, pasti ditakkup do ho jala dipasahat tu tanganna.+ Ikkon lao do ho tu Babel.+ Pasti pajuppang bohi do ho dohot raja ni Babel jala langsung makkatai dohot ibana.’ 4 Alai tangihon ma hata ni Jahowa, ale Sedekia raja ni Juda, ‘Songon on do hata ni Jahowa taringot tu ho, “Dang na lao mate ho dibahen podang. 5 Na lao sonang do parmatem,+ bahenon ni halak do upacara lao manutung ho mamakke dupa, dos songon na diulahon nasida tu akka ompum, tu akka raja andorang so ho. Andungan ni nasida ma ho jala didok ma, ‘Amango tuannami!’ ai ‘Au do naung mandok i,’ ninna Jahowa.”’”’”

6 Dung i dipaboa Panurirang* Jeremia ma sudena on tu si Sedekia raja ni Juda di Jerusalem, 7 i ma tikki ro tentara ni raja Babel marporang mangalo Jerusalem dohot sude akka kota na di Juda na adong dope,+ i ma kota Lakis+ dohot kota Azeka.+ Ai holan kota i nama na tinggal sian sude kota na marbenteng di Juda.

8 Makkatai ma Jahowa tu si Jeremia dung na dibahen si Sedekia parjanjian dohot sude halak di Jerusalem paboahon na so gabe hatoban be nasida.+ 9 Ikkon paluaon ni ganup halak ma hatobanna halak Heber, bawa nang borua. Jala dang adong be sian nasida na mambahen donganna halak Jahudi gabe hatoban. 10 Dioloi sude pamimpin dohot sude bangso i do paretta taringot tu parjanjian i. Setuju do nasida lao paluahon sude hatoban bawa dohot hatoban borua, jala dang mambahen nasida be gabe hatoban. Dioloi bangso i do i jala dipasombu nasida do lao hatoban i. 11 Alai di pudian ni ari, diboan nasida do muse mulak hatoban bawa dohot hatoban borua i. Dipaksa nasida do akka hatoban i karejo muse. 12 Dung i makkatai ma muse Jahowa tu si Jeremia, songon on ma hata ni Jahowa,

13 “Songon on ma hata ni Jahowa Debata ni Israel, ‘Nungnga hubahen be parjanjian tu akka ompumuna+ di ari tikki huboan nasida kaluar sian Mesir, sian inganan ni nasida tikki gabe hatoban.*+ Hudok do tu nasida, 14 “Molo dijual tu hamu donganmuna halak Heber lao gabe hatoban, ikkon paluaonmuna do ibana molo dung karejo ibana saleleng onom taon. Ikkon paluaonmuna do ibana di taon na papituhon.”+ Alai dang diparrohahon jala dang ditangihon akka ompumuna i Au. 15 Baru* dope hamu muba jala mangulahon na sittong di jolokku. Baru dope dipalua hamu akka donganmuna naung dibahen hamu gabe hatoban. Jala baru dope dibahen hamu parjanjian di jolokku di jabu na hupillit lao pasangappon goarhi. 16 Alai pittor muba do hamu jala dibahen hamu do marlea goarhu.+ Diboan hamu do muse mulak hatoban bawa dohot hatoban borua naung dipaloas hamu lao tu inganan na dihalomohon nasida. Dipaksa hamu do muse nasida karejo jala gabe hatobanmuna.’

17 “Alani i, songon on ma hata ni Jahowa, ‘Ala dang dioloi hamu hatakku di tikki hudok asa dipalua hamu akka donganmuna na gabe hatobanmuna i,+ Au ma na parohon haluaon,’ ninna Jahowa. ‘Tutu, paluaokku ma hamu di tikki dipamate hamu mamakke podang, sahit na masa di godang inganan, dohot haraparon.+ Bahenokku ma sude harajaon na di tano on mabiar mangida aha na masa tu hamu.+ 18 Songon on ma na lao masa tu akka halak na mangalanggar parjanjian na hubahen i. Nang pe nungnga dibola dua nasida sada anak ni lombu, jala mardalan nasida sian holang-kolang ni lombu na dibola dua i,*+ alai dang diulahon nasida isi ni parjanjian na dibahen nasida di jolokki. 19 Tutu, nungnga lewat sian holang-kolang ni lombu na dibola dua i akka pamimpin ni Juda, akka pamimpin ni Jerusalem, akka pejabat ni istana, malim, dohot sude penduduk ni luat on. 20 Pasahatonku ma nasida tu tangan ni musu ni nasida, tu tangan ni akka halak na naeng pamatehon nasida. Bahenokku ma bakke ni nasida gabe siallangon ni akka pidong na di langit dohot akka binatang liar na di tano on.+ 21 Pasahatonku ma si Sedekia raja ni Juda dohot akka pejabatna tu tangan ni musu ni nasida, tu tangan ni akka halak na naeng mambunu nasida jala tu tangan ni tentara ni raja ni Babel+ naung mundur sian hamu.’+

22 “Didok Jahowa ma, ‘Bahenokku ma paretta, jala boanokku ma muse nasida mulak tu kota on. Aloon ni nasida ma kota on, taluhononna, jala tutungonna.+ Bahenokku ma akka kota na di Juda gabe tarulang jala dang adong na mangingani.’”+

35 Di tikki pamarettaon ni si Jehoyakim+ anak ni si Josia raja ni Juda i, makkatai ma muse Jahowa tu si Jeremia. Didok ma, 2 “Lao ma ho tu jabu ni pinoppar ni si Rekab.+ Makkatai ma ho dohot nasida jala boan ma nasida tu jabu ni Jahowa, tu sada sian ruang makan na adong disi. Dung i lehon ma tu nasida anggur lao inumon ni nasida.”

3 Hualap ma si Jesania anak ni si Jeremia anak ni si Habassinia, dohot sude haha anggina, sude anakna bawa, dohot sude pinoppar ni si Rekab. 4 Huboan ma nasida tu jabu ni Jahowa, tu ruang makan ni akka anak ni si Hanan, anak ni si Igdalit naposo ni Debata na sittong i. Ruangan i adong di sapping ni ruang makan ni akka pamimpin na adong di ginjang ni ruang makan ni si Maaseya anak ni si Sallum panjaga pintu i. 5 Dung i huparade ma akka cakkir dohot akka galas na marisi anggur di jolo ni akka bawa pinoppar ni si Rekab i. Hudok ma, “Inum hamu ma anggur on.”

6 Alai didok nasida ma, “Dang diinum hami anggur. Ai diparettahon si Jehonadab*+ anak ni si Rekab ompunami i do tu hami songon on, ‘Dang boi inumonmuna anggur dohot akka pinopparmuna sahat tu saleleng ni lelengna. 7 Dang boi dibangun hamu jabu, disuan hamu boni, disuan hamu anggur, manang dibahen hamu porlak anggur. Ikkon torus do hamu tinggal di akka kemah asa ganjang umurmuna di luat ingananmuna tinggal gabe halak panoppang.’ 8 Alani i, torus do oloannami hata ni si Jehonadab* anak ni si Rekab ompunami i. Oloannami do sude parettana. Dang na lao olo hami minum anggur, istrinami, dohot akka anakkonnami, bawa manang borua. 9 Dang na lao dipajongjong hami jabu lao inganannami tinggal. Dang na lao dibahen hami porlak anggurnami, manang ladangnami jala dang na lao disabur hami boni. 10 Toktong do hami tinggal di akka kemah jala oloannami do sude paretta ni si Jehonadab* ompunami i. 11 Alai tikki ro si Nebukadnesar* Raja ni Babel mangalo luat on,+ hudok hami ma, ‘Beta ma hita lao tu Jerusalem asa selamat hita sian tentara ni halak Kasdim dohot halak Siria.’ Alani i ma tinggal hami di Jerusalem.”

12 Dung i didok Jahowa ma muse tu si Jeremia, 13 “Songon on ma hata ni Jahowa Pamimpin ni Akka Tentara* Debata ni Israel, ‘Lao ma ho jala dokkon ma tu halak Juda dohot tu penduduk ni Jerusalem, “Nungnga torus hamu disuru kan mangoloi hatakku?”+ ninna Jahowa. 14 “Diparettahon si Jehonadab anak ni si Rekab i do tu pinopparna asa unang diinum nasida anggur, jala dioloi akka pinopparna i do asa unang diinum nasida anggur sahat tu sadari on. Songon i ma nasida mangoloi paretta ni ompu ni nasida.+ Alai ianggo hamu, dang hea dioloi hamu Au nang pe nungnga torus-torus Au* makkatai tu hamu.+ 15 Torus do husuru akka naposokku, i ma akka panurirang* lao mandapotton hamu. Mulak-ulak+ do nasida husuru lao* mandok, ‘Tolong ma, muba ma hamu sian pangalahomuna na jahat i+ jala ulahon hamu ma na sittong. Unang oloi hamu akka debata na asing jala unang marsomba hamu tusi. Molo diulahon hamu i, toktong ma hamu tinggal di luat na hulehon tu hamu dohot tu akka oppumuna.’+ Alai dang diparrohahon hamu jala dang ditangihon hamu Au. 16 Diulahon pinoppar ni si Jehonadab anak ni si Rekab do paretta ni ompu ni nasida.+ Alai ianggo bangso on, dang ditangihon nasida Au.”’”

17 “Alani i, songon on ma hata ni Jahowa, Debata Pamimpin ni Akka Tentara, Debata ni Israel, “Parookku ma jea tu Juda tu penduduk ni Jerusalem songon naung hea hudok tu nasida.+ Ai nungnga makkatai Au tu nasida, alai dang olo nasida manangihon Au. Torus do hujou nasida alai dang olo nasida mangalusi Au.’”+

18 Dung i didok si Jeremia ma tu akka keluarga pinoppar ni si Rekab. Songon on ma hata ni Jahowa, Debata Pamimpin ni Akka Tentara, Debata ni Israel, ‘Ala dioloi hamu do paretta ni si Jehonadab ompumuna i jala torus do diulahon hamu sude parettana dos songon na ditonahon ibana tu hamu, 19 songon on do hata ni Jahowa Pamimpin ni Akka Tentara, Debata ni Israel, “Sai toktong do adong sahalak sian pinoppar ni si Jehonadab* anak ni si Rekab marhobas di jolokku.”’”

36 Di taon na paopatton pamarettaon ni si Jehoyakim+ anak ni si Josia raja ni Juda, didok Jahowa ma muse songon on tu si Jeremia, 2 “Buat ma sada gulungan,* surat ma sude na huhatahon tu ho mulai sian na parjolo makkatai Au tu ho di tikki pamarettaon ni si Josia sahat tu sadari on.+ Surat ma sude aha na hudok taringot tu Israel, taringot tu Juda,+ dohot taringot tu sude bangso on.+ 3 Atik boha molo dung dibege halak Juda taringot tu sude jea na lao huparo tu nasida, gabe olo nasida muba sian pangalaho ni nasida na jahat i. Gabe husesa ma dosa ni nasida dohot hasalaan ni nasida.”+

4 Dung i dijou si Jeremia ma si Baruk+ anak ni si Neria. Didiktehon si Jeremia ma sude hata ni Jahowa tu ibana. Disurat si Baruk ma i di gulungan* i.+ 5 Diparettahon si Jeremia ma muse tu si Baruk songon on, “Dang dipaloas be au masuk tu jabu ni Jahowa. 6 Alani i, ho nama na ikkon masuk tusi jala jahahon ma sude hata ni Jahowa na hudiktehon tu ho naung disurat ho di gulungan i. Lao ma ho tu jabu ni Jahowa di ari tikki marpuasa bangso on. Jahahon ma gogo isi ni gulungan i tu halak Juda na ro sian akka kota ni nasida. 7 Atik boha gabe dipangido nasida asa asi roha ni Jahowa mangida nasida. Jala gabe muba nasida sude sian pangalaho ni nasida na jahat i. Ai nungnga dipaboa Jahowa naung muruk jala tarrimas situtu Ibana tu bangso on.”

8 Dung i diulahon si Baruk anak ni si Neria do sude paretta ni Panurirang* Jeremia i. Dijahahon ibana ma gogo sude hata ni Jahowa na adong di gulungan* i di jabu ni Jahowa.+

9 Di bulan na pasiahon, di taon na palimahon pamarettaon ni si Jehoyakim+ anak ni si Josia raja ni Juda, ro ma sude penduduk ni Jerusalem dohot sude halak na sian akka kota na di Juda marpungu tu Jerusalem. Ai nungnga dipaboa na ikkon marpuasa sude halak di jolo ni Jahowa.+ 10 Dijaha si Baruk ma hata ni si Jeremia na adong di gulungan* i tu sude halak na adong di jabu ni Jahowa. Dijahahon ibana ma i sian ruangan ni si Gemaria+ anak ni si Sapan+ panalin* i, na adong di alaman parginjang na di jolo ni gerbang na baru na di jabu ni Jahowa.+

11 Tikki dibege si Mikaya anak ni si Gemaria anak ni si Sapan sude hata ni Jahowa na sian gulungan* i, 12 pittor lao ma ibana tu ruangan ni akka sekretaris na di istana ni raja. Hundul do disi sude akka pejabat,* i ma si Elisama+ sekretaris i, si Delaya anak ni si Semaya, si Elnatan+ anak ni si Akbor,+ si Gemaria anak ni si Sapan, si Sedekia anak ni si Hanania, dohot sude akka pejabat na asing. 13 Jadi dipaboa si Mikaya ma tu nasida hata na dibege ibana sian isi ni gulungan* na dijahahon si Baruk tu akka halak.

14 Dung i disuru sude pejabat i ma si Jehud anak ni si Netania anak ni si Selemia anak ni si Kusi manjuppangi si Baruk lao mandok, “Ro ma ho jala boan ma gulungan na dijahahon ho tu akka halak i.” Dung i diboan si Baruk anak ni si Neria ma gulungan i jala lao ma ibana mandapotton nasida. 15 Didok nasida ma tu ibana, “Hundul ma ho, jala gogo ma jahahon gulungan i tu hami.” Dung i dijahahon si Baruk ma i tu nasida.

16 Dung sae dibege nasida sude hata i, tarsonggot ma nasida huhut marsiberengan jala mabiar. Didok nasida ma tu si Baruk, “Ikkon tapaboa do sudena on tu raja.” 17 Disukkun nasida ma tu si Baruk, “Paboa ma jo tu hami, ai songon dia do boi disurat ho sude hata i. Na disuru si Jeremia do ho manurat sudena i?” 18 Dialusi si Baruk ma, “Ido. Ibana do na mandiktehon sude hata i tu au. Husurat ma i di gulungan* on mamakke tinta.” 19 Didok akka pejabat i ma tu si Baruk, “Lao ma ho rap dohot si Jeremia, martabuni ma hamu jala unang adong na mamboto manang didia hamu.”+

20 Lao ma akka pejabat i tu alaman manjuppangi raja. Disippan nasida do gulungan i di ruangan ni si Elisama sekretaris i. Jala dipaboa nasida ma sude hata na binege ni nasida tu raja.

21 Dung i disuru raja ma si Jehud+ mambuat gulungan i. Dibuat si Jehud ma gulungan i sian ruangan ni si Elisama sekretaris i. Dijahahon ibana ma musena i tu raja dohot tu sude pejabat na jongjong di labbung ni raja i. 22 Di tikki i bulan na pasiahon,* jala di tikki i hundul do raja di jabuna di ruangan na dipakke di tikki musim dingin. Di jolona adong do parapian na marsigorgor apina. 23 Dung sae dijaha si Jehud tolu manang opat kolom isi ni gulungan i, pittor diseat raja ma bagian i mamakke piso ni sekretaris. Disappatton ibana ma i tu parapian na marsigorgor i. Songon i ma dibahen ibana sappe habis gulungan i ditutung. 24 Nang pe nungnga dijaha muse gulungan i, dang mabiar nasida sude, raja dohot sude pegawaina. Dang adong nanggo sahalak pe sian nasida na mangaribak baju ni nasida. 25 Nang pe nungnga sai dielek-elek si Elnatan,+ si Delaya,+ dohot si Gemaria+ asa unang ditutung raja i gulungan i, dang olo ibana manangihon nasida. 26 Dung i disuru raja ma si Jerahmeel anak ni raja i, si Seraya anak ni si Asriel, dohot si Selemia anak ni si Abdeel manakkup si Baruk sekretaris i dohot Panurirang Jeremia. Alai ditabunihon Jahowa do nasida na dua.+

27 Dung habis ditutung raja sude isi ni gulungan na marisi hata ni si Jeremia na disurat si Baruk i, makkatai ma muse Jahowa tu si Jeremia,+ didok ma, 28 “Buat ma muse gulungan na asing jala surat ma muse sude isi ni gulungan na parjolo i, i ma gulungan naung ditutung+ si Jehoyakim raja ni Juda i. 29 Jala ikkon dokkononmu do songon on tu si Jehoyakim raja ni Juda i, ‘Songon on do hata ni Jahowa, “Nungnga ditutung ho be gulungan i jala didok ho, ‘Boasa disurat ho di gulungan i na ikkon ro raja ni Babel manghancurhon luat on jala pamatehon sude jolma dohot binatang sian on?’+ 30 Alani i songon on ma hata ni Jahowa taringot tu si Jehoyakim raja ni Juda, ‘Dang na lao adong sian pinopparna lao hundul di tahta ni si Daud.+ Dipasombu ma bakkena hona las ni ari di tikki arian, jala hona ngali ni ari di tikki borngin.+ 31 Hukumokku ma ibana, pinopparna, dohot sude parkarejona alani hasalaan ni nasida. Parookku ma jea tu nasida, tu penduduk ni Jerusalem dohot tu halak Juda songon naung hupaboa hian.+ Ai dang ditangihon nasida Au.’”’”+

32 Dung i dibuat si Jeremia ma gulungan na asing. Dilehon ma i tu si Baruk anak ni si Neria sekretaris i.+ Disurat si Baruk ma muse sude hata na didiktehon si Jeremia, i ma na disurat di gulungan* na parjolo naung ditutung+ si Jehoyakim raja ni Juda i. Disurat ibana do muse akka hata na asing tamba ni akka hata na disurat di gulungan na parjolo.

37 Mamaretta ma Raja Sedekia+ anak ni si Josia manggattihon si Konia*+ anak ni si Jehoyakim. Ai nungnga dibahen si Nebukadnesar* raja ni Babel ibana gabe raja di luat ni Juda.+ 2 Alai dang olo ibana manangihon hata ni Jahowa na dipaboa marhite Panurirang* Jeremia. Songon i do nang sude parkarejona i, dohot penduduk ni luat i.

3 Dung i disuru Raja Sedekia ma si Jehukal+ anak ni si Selemia dohot si Sepania+ anak ni Malim Maaseya mandapotton Panurirang Jeremia lao mandok, “Tangiakkon ma sude bangsotta on tu Jahowa Debatanta i.” 4 Tikki i bebas dope si Jeremia lao manang na tudia di tonga-tonga ni bangso i. Ai dang dipamasuk nasida dope ibana tu penjara.+ 5 Di tikki i, dikepung halak Kasdim do Jerusalem. Alai tikki dibege nasida naung borhat tentara ni si Firaun sian Mesir,+ gabe mundur ma nasida sian Jerusalem.+ 6 Dung i didok Jahowa ma muse tu Panurirang Jeremia, 7 “Songon on ma hata ni Jahowa Debata ni Israel, ‘Ikkon dokkononmuna do songon on tu raja ni Juda na manuru hamu lao mangido tudu-tudu sian Au, “Na lao mulak nama tu Mesir akka tentara ni si Firaun na ro lao mangurupi hamu.+ 8 Alai na lao ro do muse halak Kasdim mangalo kota on, taluhononna ma on jala tutungonna.”+ 9 Songon on do hata ni Jahowa, “Unang ma dioto-otoi hamu dirimuna sandiri marhite mandok, ‘Dang na lao mulak be halak Kasdim i tuson,’ ai sasittongna pasti ro do nasida. 10 Autsura pe boi ditaluhon hamu sude tentara ni Kasdim na ro marporang mangalo hamu, jala gabe holan halak na lukka nama na tinggal disi, pasti boi do nasida hehe sian kemah ni nasida lao manutung kota on.”’”+

11 Di tikki mundur tentara ni halak Kasdim sian Jerusalem alani tentara ni si Firaun,+ 12 lao ma si Jeremia sian Jerusalem tu luat ni marga Benjamin+ lao manjalo tano parbagiananna di tonga-tonga ni bangsona i. 13 Alai tikki sahat ibana di Gerbang ni Benjamin, ro ma kepala panjaga goarna si Jeria anak ni si Selemia pahoppu ni si Hanania manakkup Panurirang Jeremia. Didok si Jeria ma, “Naeng lari nama ho kan tu halak Kasdim!” 14 Alai didok si Jeremia ma, “Daong! Dang naeng lari au tu halak Kasdim.” Alai dang olo si Jeria manangihon ibana. Ditakkup si Jeria ma si Jeremia jala diboan tu jolo ni akka pejabat. 15 Muruk situtu ma akka pejabat i tu si Jeremia,+ diattuki ma ibana jala dipenjarahon+ di jabu ni si Jehonatan sekretaris i. Ai di jabuna i do dibahen penjara. 16 Dung i dipamasuk ma si Jeremia tu penjara na di toru ni tano jala disi ma ibana saleleng piga-piga ari.

17 Dung i disuru Raja Sedekia ma halak mangalap si Jeremia, sipsip ma raja i manukkun tu ibana di istana.+ Didok ibana ma, “Ai adong do ro hata ni Jahowa tu ho?” Didok si Jeremia ma, “Adong!” jala didok ibana ma muse, “Na lao dipasahat nama tuan tu tangan ni raja ni Babel!”+

18 Dung i disukkun si Jeremia ma tu Raja Sedekia, “Ai aha do huroa salakku tu ho ale tuan dohot tu sude parkarejom, dohot tu bangso on umbahen na dipamasuk hamu au tu penjara? 19 Didia do akka panurirang na mandok tu hamu, ‘Na so ro raja ni Babel marporang mangalo hamu dohot luat on?’+ 20 Saonari ale raja, tuannami. Tolong ma jo tangihon au, tolong ma jo oloi pangidoakkon. Unang ma paulak au tu jabu ni si Jehonatan+ sekretaris i. Ai molo mulak au tusi, mate disi nama au.”+ 21 Gabe diparettahon Raja Sedekia ma asa dipenjarahon si Jeremia di Alaman ni Panjaga.+ Ganup ari dilehon do tu ibana roti na bulat na sian tukkang roti na di dalan i.+ Dilehon do tu ibana roti sahat tu na habis roti sian kota i.+ Alani i, toktong ma si Jeremia tinggal di Alaman ni Panjaga.

38 Tikki makkatai si Jeremia tu bangso i, dibege si Sepatia anak ni si Matan, si Gedalia anak ni si Pashur, si Jukhal+ anak ni si Selemia, dohot si Pashur+ anak ni si Malkia do hatana i. Didok si Jeremia do, 2 “Songon on ma hata ni Jahowa, ‘Halak na toktong tinggal di kota on, na lao mate ma dibahen podang, haraparon, dohot sahit na masa di godang inganan.+ Alai manang ise na menyerah tu halak Kasdim, toktong ma ibana mangolu jala malua ma hosana.’+ 3 Ai songon on do didok Jahowa, ‘Pasti dipasahat do kota on tu tangan ni tentara ni raja ni Babel, jala taluhonon ni raja i do kota on.’”+

4 Didok akka pejabat i ma tu raja i, “Pamate ma bawa on.+ Ai gabe gale do roha* ni akka tentara na tinggal dope di kota on dohot sude jolma na dison mambege hatana i. Ai dang lomo rohana dame ngolu ni halak di kota on. Ninna rohana, marjea ma bangso on.” 5 Didok Raja Sedekia ma, “Terserah hamuna ma! Bahen hamu ma lomo ni rohamuna tu ibana. Anggo raja do, dang boi mangulahon manang aha lao mangabbati hamu.”

6 Diboan nasida ma si Jeremia, jala disappatton ma ibana tu lubang panampungan ni aek na di Alaman ni Panjaga+ appuna ni si Malkia anak ni raja i. Dipaturun nasida ma si Jeremia mamakke tali. Dang adong be aek di panampungan ni aek i, holan gambo nama na adong disi. Lonong ma si Jeremia di bagasan gambo i.

7 Dibege si Ebedmelek+ sahalak pejabat istana* na sian Etiopia ma naung dipamasuk nasida si Jeremia tu panampungan ni aek. Di tikki i, hundul do raja di Gerbang ni Benjamin.+ 8 Alani i, kaluar ma si Ebedmelek sian istana ni raja jala makkatai ma ibana tu raja. Didok ma, 9 “Ale raja tuannami, ulaon na jahat do na dibahen tu Panurirang* Jeremia i. Nungnga disappatton nasida ibana tu inganan panampungan ni aek. Mate nama ibana disi alani haraparon, ai dang adong be roti di kota on.”+

10 Dung i didok raja i ma tu si Ebedmelek halak Etiopia i, “Boan ma 30 halak bawa sian on. Angkat ma Panurirang Jeremia i sian lubang inganan panampungan ni aek i andorang so mate dope ibana.” 11 Dung i diboan si Ebedmelek ma akka bawa i mandongani ibana. Lao ma nasida tu inganan na di toru ni ruangan panimpanan ni arta na di istana.+ Dibuat nasida ma sian i akka kain naung buruk dohot akka kain naung maribak. Dipaturun nasida ma sudena i mamakke tali tu si Jeremia na adong di inganan panampungan ni aek i. 12 Dung i didok si Ebedmelek halak Etiopia i ma tu si Jeremia, “Bahen ma akka kain na buruk i dohot kain na maribak i di toru ni gedek-gedekmu, asa unang haccitan ho dibahen tali i.” Dung i diulahon si Jeremia ma songon i. 13 Diangkat nasida ma si Jeremia mamakke tali jala ditarik ma ibana kaluar sian inganan panampungan ni aek i. Mulai sian i, toktong ma si Jeremia tinggal di Alaman ni Panjaga.+

14 Dung i disuru Raja Sedekia ma halak lao mamboan Panurirang Jeremia manjuppangi ibana di dalan masuk na patoluhon na adong di jabu ni Jahowa. Didok raja i ma tu si Jeremia, “Adong naeng sukkunokku tu ho. Unang tabunihon manang aha pe sian au.” 15 Dung i didok si Jeremia ma tu si Sedekia, “Molo hupaboa pe tu ho ale tuan, pasti pamateonmu do au. Jala molo hupodai pe ho, dang na lao tangihononmu au.” 16 Alani i, sipsip ma Raja Sedekia marsumpa tu si Jeremia. Didok ma, “Songon pastina Jahowa mangolu,* Debata na mangalehon ngolu tu hita, dang pamateonku ho jala dang pasahatonku ho tu tangan ni akka halak na naeng pamatehon ho.”

17 Dung i didok si Jeremia ma tu si Sedekia, “Songon on do hata ni Jahowa, Debata Pamimpin ni Akka Tentara,* Debata ni Israel, ‘Molo olo ho tuan menyerah tu akka pejabat ni raja ni Babel, toktong ma ho mangolu jala dang na lao ditutung kota on. Toktong ma ho mangolu+ rap dohot keluargam. 18 Alai molo dang olo tuan menyerah tu akka pejabat ni raja ni Babel, dipasahat ma kota on tu tangan ni halak Kasdim jala ditutung nasida ma kota on.+ Dang na lao boi ho malua sian tangan ni nasida.’”+

Dibahen nasida do patmuna lonong di bagasan gambo.

Jala saonari nungnga marbalik be nasida jala mundur.’

23 Diboan ma sude istrim dohot akka anakmu tu jolo ni halak Kasdim. Dang na lao malua ho sian tangan ni nasida, ditakkup raja ni Babel ma ho.+ Jala alani ho, ditutung ma kota on.”+

24 Didok si Sedekia ma tu si Jeremia, “Unang ma sappe adong halak na mamboto na tahatai on, asa unang mate ho. 25 Molo dibege akka pejabat naung makkatai au dohot ho, jala ro nasida mandapotton ho lao mandok, ‘Paboa ma jo tu hami aha na didokkon ho tu raja i. Unang tabunihon sian hami manang aha pe, asa unang dipamate hami ho.+ Jala paboa ma aha na didok raja i tu ho.’ 26 Alusi ma nasida songon on, ‘Na hupangido do tu raja i asa unang dipaulak au muse tu jabu ni si Jehonatan asa unang mate au disi.’”+

27 Di pudian ni ari, ro do akka pejabat i manukkun si Jeremia. Dialusi si Jeremia ma nasida songon paretta ni raja i. Alani i, dang disukkuni akka pejabat i be ibana, ai dang adong nanggo sahalak pe na mamboto aha na dihatai nasida. 28 Sahat tu ari na ditaluhon Jerusalem, toktong do si Jeremia di Alaman ni Panjaga.+ Disi dope ibana tikki ditaluhon Jerusalem.+

39 Di bulan na pasappuluhon, di taon na pasiahon pamarettaon ni si Sedekia, ro ma Raja Nebukadnesar* na sian Babel dohot sude tentarana mangalo Jerusalem. Dikepung nasida ma kota i.+

2 Di ari na pasiahon, di bulan na paopatton, di taon na pasappulu sadahon pamarettaon ni Raja Sedekia, nungnga marhasil be nasida mangaruppakkon tembok ni kota i.+ 3 Ro do sude pejabat ni raja ni Babel, hundul ma nasida di Gerbang Partonga-tonga.+ Hundul do disi Sumgar* na margoar Nergal-sareser, Rabsaris* na margoar Nebo-sarsekim, dohot Rabmag* na margoar Nergal-sareser dohot sude pejabat ni raja ni Babel na asing.

4 Dung diida si Sedekia raja ni Juda dohot sude akka tentarana na masa i, lari ma nasida.+ Kaluar ma nasida sian kota i di tikki borngin. Lari ma nasida sian taman ni raja lewat sian gerbang na di holang-kolang ni tembok na marlappis dua. Dung i lao ma nasida tu dalan na tu Araba.+ 5 Alai dilumba tentara ni Kasdim ma nasida jala ditakkup ma si Sedekia di gurun na di Jeriko.+ Ditakkup ma ibana jala diboan tu si Nebukadnesar* raja ni Babel i di Ribla+ di luat ni Hamat.+ Dihukum si Nebukadnesar ma si Sedekia disi. 6 Dibunu raja ni Babel ma akka anak ni si Sedekia di Ribla. Di jolo ni si Sedekia do dibunu raja i nasida. Dipamate+ raja ni Babel i do muse sude akka halak na sangap di Juda. 7 Dibahen raja i ma buta mata ni si Sedekia. Diikkat ma ibana mamakke ratte tombaga, dung i diboan tu Babel.+

8 Ditutung halak Kasdim ma sappe habis istana ni raja dohot akka jabu ni bangso i.+ Diruppakkon nasida do muse akka tembok ni Jerusalem.+ 9 Diboan si Nebusaradan+ kepala ni panjaga i ma akka halak na mangolu dope di kota i. Diboan ma nasida tu Babel. Diboan do muse akka halak na marpihak tu ibana dohot manang ise pe na adong disi.

10 Alai ditinggalhon si Nebusaradan kepala ni panjaga i do deba akka halak na pogos di Juda, i ma akka halak na so adong manang ahana pe. Di ari i, dilehon ibana ma akka ladang anggur dohot akka porlak na asing lao* dikarejohon nasida.+

11 Alai taringot tu si Jeremia, dilehon si Nebukadnesar* raja ni Babel i do paretta tu si Nebusaradan kepala ni panjaga i songon on, 12 “Boan ma ibana jala urus ma ibana. Unang hahua ibana, jala lehon ma manang aha pe na dipangido ibana.”+

13 Alani i, ro ma si Nebusaradan kepala ni panjaga i, Rabsaris* na margoar Nebusasban, Rabmag* na margoar Nergal-sareser, dohot sude akka halak na sangap di harajaon ni Babel i. 14 Disuru nasida ma halak lao mamboan si Jeremia kaluar sian Alaman ni Panjaga.+ Dung i, dilehon ma si Jeremia tu si Gedalia+ anak ni si Ahikam+ pahoppu ni si Sapan,+ asa di jabu ni si Gedalia si Jeremia tinggal. Songon i ma si Jeremia boi tinggal rap dohot penduduk na asing.

15 Tikki dipenjara si Jeremia di Alaman ni Panjaga,+ didok Jahowa ma tu ibana, 16 “Lao ma ho jala dokkon ma tu si Ebedmelek+ halak Etiopia i, ‘Songon on do hata ni Jahowa, Pamimpin ni Akka Tentara,* Debata ni Israel, “Parookku ma jea tu kota on, songon naung hudokkon i. Dang parookku na denggan tu kota on. Di ari tikki masa i, idaonmu ma sudena i.”’

17 “‘Alai di ari i, paluaokku do ho,’ ninna Jahowa, ‘dang pasahatonku ho tu tangan ni akka halak na dihabiari ho.’

18 “‘Pasti bahenokku do ho selamat, dang na lao mate ho dibahen podang. Na lao malua do hosam,+ ai porsea do ho tu Au,’+ ninna Jahowa.”

40 Dung dipalua si Nebusaradan+ kepala ni panjaga i si Jeremia di Rama,+ makkatai ma muse Jahowa tu ibana. Di tikki i diborgol do tangan ni si Jeremia, jala rap do ibana dohot sude halak Jerusalem dohot halak Juda na lao diboan tu Babel. 2 Dung i, diboan kepala panjaga i ma si Jeremia jala didok ma tu ibana, “Nungnga dipaboa Jahowa Debatam hian na lao diparo jea tu inganan on. 3 Dipasaut Jahowa ma sudena i songon na nidokna i. Ai nungnga mardosa bangsomuna i tu Jahowa jala dang dioloi nasida hatana. Alani i ma masa on sude tu hamu.+ 4 Saonari bukkaokku ma borgol na di tanganmi. Molo olo ho, ihutton ma au lao tu Babel asa huurus ho. Alai molo dang olo ho mangihutton au tu Babel, unang pola dohot ho. Ida ma sude luat na di jolomon, lao ma ho manang na tudia pe lomo ni roham.”+

5 Di tikki marpikkir dope si Jeremia na lao mulak do ibana manang na dang, pittor didok si Nebusaradan ma tu ibana, “Alai mulak ma ho tahe muse tu si Gedalia+ anak ni si Ahikam+ pahoppu ni si Sapan+ na dipillit raja ni Babel lao mangawasi akka kota ni Juda. Rap tinggal ma ho dohot ibana di tonga-tonga ni rakyat i, jala lomom ma manang na tudia ho lao.”

Dung i dilehon kepala ni panjaga i ma tu ibana akka sipanganon dohot hadiah, jala dipasombu ma ibana lao. 6 Dung i lao ma si Jeremia tu Mispa+ mandapotton si Gedalia anak ni si Ahikam. Maringanan ma ibana disi, di tonga-tonga ni akka halak na tinggal dope di luat i.

7 Di pudian ni ari, diboto sude pamimpin ni tentara na di luat i dohot akka tentara ni nasida ma naung dipillit raja ni Babel si Gedalia anak ni si Ahikam mangawasi sude luat i. Diboto nasida ma naung dipillit si Gedalia lao mangawasi akka na pogos na so dohot diboan tu Babel, dohot ma i akka bawa, borua, dohot dakdanak.+ 8 Dung i ro ma nasida manjuppangi si Gedalia di Mispa.+ Akka halak na ro i, i ma si Ismael+ anak ni si Netania, si Johanan+ dohot si Jonatan akka anak ni si Karea, si Seraya anak ni si Tanhumet, dohot akka anak ni si Epai halak Netopa, rap dohot si Jersania+ anak ni halak Maakat, rap dohot akka tentara ni nasida. 9 Marsumpa ma si Gedalia anak ni si Ahikam pahoppu ni si Sapan tu nasida dohot tu akka tentara ni nasida. Ninna ma, “Unang pola mabiar hamu mangoloi halak Kasdim. Tinggal ma hamu di luat on, jala oloi hamu ma raja ni Babel. Pasti dang manang na mahua hamu.+ 10 Alai ianggo au, toktong do au di Mispa, asa adong gabe wakilmuna* di jolo ni halak Kasdim na ro lao manjuppangi hita. Alai ianggo hamu, papungu hamu ma anggur, akka parbue ni hau di musim panas, dohot miak. Pamasuk hamu ma sudena i tu inganan panimpanan, jala tinggal ma hamu di akka kota naung ditaluhon hamu.”+

11 Dung i, dibege sude halak Jahudi na adong di Moab, di Ammon, di Edom, dohot di akka luat na asing ma na dipasombu raja ni Babel akka halak na mangolu i dope tinggal di Juda. Diboto nasida do muse na dipillit raja ni Babel i si Gedalia anak ni si Ahikam pahoppu ni si Sapan mangawasi nasida. 12 Alani i, marmulakan ma sude halak Jahudi na marserak di piga-piga inganan tu luat ni Juda. Ro ma nasida manjuppangi si Gedalia di Mispa. Dipapungu nasida ma godang situtu anggur dohot akka parbue ni hau di musim panas.

13 Ro ma si Johanan anak ni si Karea dohot sude pamimpin ni akka tentara na di sude luat i mandapotton si Gedalia di Mispa. 14 Didok nasida ma tu ibana, “Ai na so diboto ho do naung disuru si Baalis raja ni halak Ammon i+ si Ismael anak ni si Netania lao pamatehon ho?”+ Alai dang porsea si Gedalia anak ni si Ahikam tu nasida.

15 Ro ma sip-sip si Johanan anak ni si Karea mandapotton si Gedalia di Mispa. Didok ibana ma, “Lao nama au naeng mambunu si Ismael anak ni si Netania, dang adong na mamboto i. Ai boasa pola huroa pamateonna ho? Boasa pola ikkon marserak muse halak Juda naung marpungu i? Jala boasa pola ikkon mate akka halak Juda na mangolu on dope?” 16 Alai didok si Gedalia+ anak ni si Ahikam ma tu si Johanan anak ni si Karea, “Unang pola ulahon songon i, ai dang tutu na nidokmi taringot tu si Ismael.”

41 Di bulan na papituhon, ro ma tu Mispa si Ismael+ anak ni si Netania anak ni si Elisama. Sahalak sian pinoppar ni raja do ibana jala halak na sangap di harajaon i. Ro ma ibana rap dohot sappulu halak donganna mandapotton si Gedalia anak ni si Ahikam. Di tikki mangan nasida di Mispa,+ 2 jongjong ma si Ismael anak ni si Netania dohot sappulu halak donganna i. Dipamate nasida ma si Gedalia anak ni si Ahikam pahoppu ni si Sapan pakke podang. Songon i ma ibana pamatehon halak naung dipillit raja ni Babel lao mangawasi luat i. 3 Dibunu si Ismael do muse sude halak Jahudi na rap dohot si Gedalia di Mispa. Songon i nang sude akka tentara ni halak Kasdim na adong disi.

4 Andorang so diboto akka halak na masa i, sadari dung na mate i si Gedalia, 5 ro ma 80 halak sian Sikem,+ sian Silo,+ dohot sian Samaria.+ Nungnga dicukkur nasida be sude janggut ni nasida jala nungnga diribak nasida pakkean ni nasida. Diseati nasida do muse daging ni nasida.+ Jala diboan nasida do pelean sipanganon* dohot haminjon*+ lao diboan tu jabu ni Jahowa. 6 Lao ma si Ismael anak ni si Netania sian Mispa mandapotton nasida. Tangis do ibana saleleng na mardalan i. Dung pajuppang nasida, didok si Ismael ma, “Ro ma hamu, dapotton ma si Gedalia anak ni si Ahikam.” 7 Alai dung sahat nasida sude di kota i, pittor dibunu si Ismael anak ni si Netania dohot akka donganna i ma nasida. Disappatton ma bakke ni nasida tu panampungan ni aek.

8 Alai adong do sappulu halak sian nasida na mandok tu si Ismael, “Unang pamate hami, ai adong do disippan hami gandum, barli,* miak, dohot madu di ladang.” Alani i, dang jadi dipamate si Ismael nasida rap dohot akka dongan sabangso ni nasida. 9 Disappatton si Ismael ma bakke ni akka halak naung dibunu ibana i tu panampungan ni aek na balga, na dibahen Raja Asa tikki marporang ibana dohot si Baesa raja ni Israel.+ Digohi ibana ma panampungan ni aek i dohot bakke ni halak naung dibunu ibana.

10 Diboan si Ismael ma akka halak na mangolu dope di Mispa,+ dohot ma i akka boru ni raja dohot sude halak na adong di Mispa, i ma akka halak naung dipasahat si Nebusaradan kepala ni penjaga i lao diawasi si Gedalia+ anak ni si Ahikam. Diboan si Ismael anak ni si Netania i ma nasida sude jala lao ma nasida manaripar tu luat ni halak Ammon.+

11 Dung dibege si Johanan+ anak ni si Karea dohot sude pamimpin ni tentara akka ulaon na jahat na diulahon si Ismael anak ni si Netania i, 12 diboan nasida ma sude akka bawa jala lao ma nasida mangalo si Ismael anak ni si Netania. Juppang ni nasida ma ibana di jonok ni kolam na balga di Gibeon.

13 Diida akka halak naung ditakkup si Ismael i ma naung ro si Johanan anak ni si Karea dohot sude pamimpin ni tentara, gabe las ma roha ni nasida. 14 Marbalik ma sude akka halak na ditakkup sian Mispa+ i mangalo si Ismael. Dung i mulak ma nasida rap dohot si Johanan anak ni si Karea. 15 Alai lari do si Ismael anak ni si Netania dohot ualu halak donganna i. Lao do nasida tu luat ni halak Ammon.

16 Diboan si Johanan anak ni si Karea dohot sude akka pamimpin ni tentara i ma akka halak na mangolu dope, i ma akka halak na sian Mispa na dipalua sian si Ismael anak ni si Netania. Dung na dipamate i si Gedalia+ anak ni si Ahikam, diboan ma akka bawa, tentara, borua, dakdanak, dohot pejabat ni istana mulak sian Gibeon. 17 Dung i lao ma nasida jala tinggal di inganan marborngin appuna ni si Kimkana na jonok tu Betlehem.+ Naeng lao do nasida tu Mesir.+ 18 Ai nungnga mabiar nasida tu halak Kasdim i. Mabiar do nasida ala nungnga dipamate si Ismael anak ni si Netania i si Gedalia anak ni si Ahikam, i ma halak naung dipillit raja ni Babel lao mangawasi luat i.+

42 Dung i, ro ma sude akka pamimpin ni tentara, si Johanan+ anak ni si Karea, si Jersania anak ni si Hosaya, dohot sude bangso i. Mulai sian na mora sahat tu na pogos, mulai sian na poso sahat tu na matua. 2 Didok nasida ma tu Panurirang* Jeremia, “Tolong ma jo, tangihon ma pangidoannami on. Martangiang ma jolo ho tu Jahowa Debatami. Pangido ma tudu-tudu lao di hami dohot di akka halak na tinggal on dope. Najolo, massai godang do hami. Alai saonari, saotik nama hami na mangolu+ songon na niidam. 3 Sai anggiat ma dipaboa Jahowa Debatami tu hami dalan na ikkon sidalanannami jala aha na ikkon diulahon hami.”

4 Didok Panurirang Jeremia i ma tu nasida, “Olo, martangiang pe au tu Jahowa Debatamuna i, songon na pinangidomuna. Manang aha pe na didok Jahowa, paboaokku do i tu hamu. Dang na lao tabunihonokku sian hamu nanggo sada hata pe.”

5 Didok nasida ma tu si Jeremia, “Jahowa ma na gabe saksi na sittong jala na setia di hami. Lok ma hona hukum hami molo dang diulahon hami sude na didok Jahowa Debatami marhite ho. 6 Ai nungnga dipangido hami ho lao mangido tudu-tudu lao di hami. Alani i, manang na denggan manang na roa pe na didok Jahowa Debatanami i tu hami, oloannami do hatana i. Denggan ma ngolunami molo dioloi hami hata ni Jahowa Debatanami i.”

7 Dung sappulu ari, makkatai ma muse Jahowa tu si Jeremia. 8 Alani i, dijou si Jeremia ma si Johanan anak ni si Karea, sude akka pamimpin ni tentara na rap dohot ibana dohot sude rakyat i, mulai sian na mora sahat tu na pogos, mulai sian na poso sahat tu na matua.+ 9 Didok ibana ma tu nasida, “Nungnga disuru hamu au lao pasahatton pangidoanmuna tu Jahowa Debata ni halak Israel. Songon on ma hatana, 10 ‘Molo toktong hamu tinggal di luat on, pajongjongokku ma hamu gabe sada bangso jala dang na lao huhancurhon hamu. Paloasokku ma hamu tinggal di luat on jala dang na lao usirokku hamu. Ai hupauba nama aha naung hutottuhon hian di rohakku* taringot tu hasusaan na lao sibahenokku tu hamu.+ 11 Unang pola mabiar hamu tu raja ni Babel na dihabiari hamu saleleng on.’+

“‘Unang pola mabiar hamu tu ibana,’ ninna Jahowa, ‘ai donganakku do hamu asa selamat hamu jala malua sian tanganna. 12 Patuduhonokku ma asi ni rohakku tu hamu,+ jala raja ni Babel pe asi ma rohana mangida hamu. Paloasonna ma hamu mulak tu luatmuna sandiri.

13 “‘Alai molo didok hamu do, “Daong, dang olo hami tinggal di luat on!” jala dang dioloi hamu hata ni Jahowa Debatamuna, 14 marhite mandok, “Dang olo hami. Lao nama hami tu Mesir.+ Ai di Mesir dang idaonnami be porang, dang begeonnami be soara ni tarompet lao marporang, jala dang hurangan roti hami disi. Disi nama hami tinggal,” 15 ale halak Juda na tinggal dope, tangihon hamu ma hata ni Jahowa. Ai molo didok hamu do songon i, songon on ma hata ni Jahowa Pamimpin ni Akka Tentara* Debata ni Israel, “Molo dijugulhon hamu do lao tu Mesir jala tinggal* disi, 16 ro ma podang na dihabiari hamu tu Mesir, jala masa ma haraparon na dihabiari hamu disi. Alani i, mate ma hamu di Mesir.+ 17 Jala sude halak na marjugul lao tu Mesir asa tinggal disi, mate ma alani podang, haraparon, dohot sahit na masa di godang inganan. Dang adong nanggo sada pe sian nasida na lao malua jala selamat sian jea na huparo tu nasida.”’

18 “Ai songon on do hata ni Jahowa Pamimpin ni Akka Tentara, Debata ni Israel, ‘Songon rimashu dohot murukku na huusehon tu penduduk ni Jerusalem,+ songon i ma rimashu huusehon tu hamu molo lao hamu tu Mesir. Dohonon ni halak ma goarmuna tikki mamburai, marlea ma hamu, jala direhei halak. Mabiar ma akka halak mangida na masa tu hamu,+ jala dang na lao idaonmuna be ingananmuna.’

19 “Ale halak Juda na mangolu dope, nungnga diorai Jahowa hamu asa unang lao tu Mesir. Unang ma lupa hamu naung hupasingot hamu sadari on, 20 molo diulahon hamu na sala, ikkon mate do hamu. Ai hamu do na marsuru au asa makkatai tu Jahowa Debatamuna i. Didok hamu do, ‘Martangiang ma jo ho tu Jahowa Debatanta i. Pangido ma tudu-tudu lao di hami. Paboa ma tu hami manang aha pe na didok Jahowa Debatanta i, pasti ulahononnami do i.’+ 21 Jala nungnga hupaboa tu hamu sadari on songon dia hatana. Alai dang dioloi hamu hata ni Jahowa Debatamuna i. Jala dang olo hamu mangulahon paretta na pinaboa ni Ibana tu hamu marhite au.+ 22 Alani i boto hamu ma, ikkon mate do hamu alani podang, haraparon, dohot sahit di inganan na lao sitopotonmuna lao gabe ingananmuna tinggal.”+

43 Disuru Jahowa ma si Jeremia pasahatton hatana tu sude rakyat i. Dung sae si Jeremia paboahon sude na diparettahon Jahowa Debata ni nasida i, 2 ro ma si Azaria anak ni si Hosaya, si Johanan+ anak ni si Karea, dohot sude akka halak na ginjang rohana mandapotton ibana. Didok nasida ma, “Na margabus do ho! Dang adong disuru Jahowa Debatanta i ho lao mangorai hami asa unang lao tu Mesir jala tinggal disi. 3 Alai na dijujui si Baruk+ anak ni si Neria i do ho lao mandok songon i tu hami. Ai lomo do rohana mangida hami dipasahat tu halak Kasdim, asa dipamate jala diboan tu Babel.”+

4 Alani i, dang dioloi si Johanan anak ni si Karea hata ni Jahowa, songon i do nang sude pamimpin ni akka tentara, dohot sude rakyat i. Dang olo nasida toktong tinggal di luat ni halak Juda. 5 Gariada, diboan si Johanan anak ni si Karea dohot sude pamimpin ni akka tentara i do sude halak Juda na tinggal i dope. Dohot ma i akka halak naung mulak sian luat ni bangso na asing, i ma inganan ni nasida marserak i.+ 6 Diboan nasida do akka bawa, borua, dakdanak, akka boru ni raja, dohot sude halak naung dipasahat si Nebusaradan+ kepala ni panjaga i tu si Gedalia+ anak ni si Ahikam+ pahoppu ni si Sapan.+ Diboan nasida do muse Panurirang* Jeremia dohot si Baruk anak ni si Neria. 7 Borhat ma nasida tu luat Mesir, ai dang dioloi nasida hata ni Jahowa. Lao ma nasida sahat tu Tahpanhes.+

8 Dung i makkatai ma muse Jahowa tu si Jeremia di Tahpanhes. Didok ma, 9 “Buat ma akka batu na balga, tabunihon ma i di toru ni lante na sian batu bata na di jonok ni pintu ni istana ni si Firaun di Tahpanhes. Dung i, tutup ma sudena i pakke semen. Ulahon ma songon i di jolo ni akka halak Jahudi. 10 Dokkon ma songon on tu nasida, ‘Songon on ma hata ni Jahowa Pamimpin ni Akka Tentara* Debata ni Israel, “Jouokku ma naposokku si Nebukadnesar* raja ni Babel.+ Bahenokku ma tahtana di ginjang ni akka batu na hutabunihon on. Paherbangonna ma kemah ni harajaonna di atas ni akka batu i.+ 11 Ro nama ibana mangalo Mesir.+ Adong ma deba na mate alani sahit na posi, deba diboan tu luat ni musu, jala na deba nai mate alani podang.+ 12 Tutungokku ma akka inganan panombaon ni halak Mesir.+ Tutungon ni raja i ma akka inganan i jala diboan ma akka debata ni nasida. Mura do raja ni Babel i manaluhon sude luat ni Mesir i, dos songon sahalak parmahan mamakke bajuna, dang pola maol i di ibana. Tutu, borhat do ibana sian i, jala dang adong na mangabbati ibana. 13 Tutungonna ma akka tiang* ni Bet-semes* na adong di Mesir, jala tutungonna ma sude inganan panombaon ni halak Mesir.”’”

44 Songon on ma hata ni Debata marhite si Jeremia tu sude halak Jahudi na tinggal di Mesir,+ na tinggal di Migdol,+ di Tahpanhes,+ di Nop,*+ dohot di luat Patros,+ 2 “Songon on ma hata ni Jahowa Pamimpin ni Akka Tentara,* Debata ni Israel, ‘Nungnga diida hamu sude jea na huparo tu Jerusalem+ dohot tu sude kota na di Juda. Saonari, nungnga hancur be akka kota i jala dang adong be na mangingani.+ 3 Hubahen pe songon i ala dibahen hamu do haccit rohakku. Lao do hamu mangalehon pelean+ tu akka debata na asing. Disomba hamu do akka debata na so ditanda hamu, jala na so ditanda akka ompumuna.+ 4 Sai torus do husuru* akka panurirang* naposokki tu hamu. Torus do nasida husuru. Didok nasida do, “Tolong ma, unang ulahon hamu akka ulaon na dihagigihon Debata.”+ 5 Alai dang ditangihon hamu jala dang diparrohahon hamuna i. Dang olo hamu muba sian pangalahomuna na jahat i. Jala sai torus do dilehon hamu pelean tu akka debata na asing.+ 6 Alani i, usehonokku ma murukku dohot rimashu na marsigorgor i tu akka kota na di Juda dohot tu akka dalan ni Jerusalem. Hancur ma sudena i jala gabe inganan na harsang songon na masa saonari.’+

7 “Saonari songon on ma hata ni Jahowa, Debata Pamimpin ni Akka Tentara, Debata ni Israel, ‘Ai boasa diparo hamu jea na massai balga on tu dirimuna sandiri? Na lomo do rohamuna mate sude bawa, borua, dakdanak, dohot akka poso-poso sian Juda, asa unang adong be na tinggal nanggo sahalak? 8 Dung lao hamu tu Mesir jala tinggal disi, boasa dibahen hamu haccit rohakku marhite ulaon ni tanganmuna, marhite mangalehon pelean tu akka debata na asing? Na lao mate nama hamu sude, jala sude bangso na di tano on+ mangaleai jala mamburai hamu. 9 Naung lupa do hamu tu hajahaton ni akka ompumuna, tu hajahaton ni akka raja ni Juda+ dohot tu hajahaton ni akka istri ni nasida?+ Naung lupa do hamuna tu hajahatonmuna sandiri dohot tu hajahaton ni istrimuna+ na diulahon nasida di akka luat ni Juda dohot di akka dalan na di Jerusalem? 10 Sahat tu sadari on dang manolsoli dope rohamuna,* dang mabiar hamu.+ Dang diihutton hamu patik dohot aturan na hulehon tu hamu dohot tu akka ompumuna.’+

11 “Alani i songon on ma hata ni Jahowa, Debata Pamimpin ni Akka Tentara, Debata ni Israel, ‘Nungnga huputusson di rohakku na ikkon parookku jea tu hamu asa hancur sude Juda. 12 Takkupokku ma sude halak Juda na mangolu i dope, i ma akka halak na marjugul lao tu Mesir asa tinggal disi. Na lao mate ma nasida sude di Mesir.+ Na lao mate ma nasida dibahen podang jala mate dibahen haraparon. Mulai sian na mora sahat tu na pogos, mulai sian na poso sahat tu na matua, mate ma dibahen podang dohot haraparon. Diburai ma nasida, direhei, dileai, jala mabiar do sude halak mangida na masa tu nasida.+ 13 Hukumokku ma akka halak na tinggal di Mesir dos songon di tikki Au manghukum halak Jerusalem. Hukumokku ma nasida mamakke podang, haraparon, dohot sahit na masa di godang inganan.+ 14 Nang pe lao halak Juda na mangolu i dope tu Mesir jala tinggal disi, dang na lao malua manang selamat nasida sian jea. Masihol situtu do roha ni nasida naeng mulak tu Juda jala tinggal disi. Alai dang adong na boi mulak sian nasida tu Juda. Dang adong be na lao mulak, asing ni piga-piga halak na malua i.’”

15 Dung i ro ma sude halak na tinggal di Mesir,+ di Patros,+ rap dohot punguan ni godang halak, i ma akka bawa na mamboto istri ni nasida mangalehon pelean tu debata na asing, dohot akka istri ni nasida na jongjong disi. Didapotton nasida ma si Jeremia jala didok ma, 16 “Dang olo hami manangihon sude hata na pinaboam tu hami marhite goar ni Jahowa. 17 Alai ikkon ulahononnami do sude hata naung kaluar sian pamangannami. Ikkon lehononnami do pelean, jala ikkon diusehon hami do pelean siinumon+ tu Ratu Surga.* Songon i do najolo diulahon hami dohot akka ompunami, dohot akka rajanami, dohot akka pamimpinnami di akka kota na di Juda dohot di akka dalan di Jerusalem. Ai di tikki i, butong do hami mangallang roti, cukkup do sude sipanganonnami, jala dang hona mara hami di tikki i. 18 Alai mulai sian na so dilehon hami akka pelean tu Ratu Surga* i, jala dang diusehon hami akka pelean siinumon tu ibana, gabe hurangan do hami di sasude. Mate do hami dibahen podang dohot haraparon.”

19 Laos didok akka borua i do, “Dipaloas akka suaminami do hami mangalehon pelean tu Ratu Surga,* jala mangusehon pelean siinumon tu ibana. Diboto nasida do dibahen hami akka kue na marbentuk Ratu Surga lao gabe pelean tu ibana.”

20 Dung i makkatai ma si Jeremia tu sude jolma na pungu disi, tu akka ama-ama, dohot tu akka istri ni nasida, dohot tu sude halak na makkatai tu ibana. Didok ibana ma, 21 “Dang lupa Jahowa tu akka pelean na dilehon hamu, akka ompumuna, akka rajamuna, akka pamimpinmuna, dohot na dilehon sude halak na di luat on di akka kota na di Juda dohot di akka dalan na di Jerusalem.+ Diingot Ibana do sudena i! 22 Dang tarpaida-ida ni Jahowa be pangalahomuna na jahat i dohot pambahenanmuna na dihagigihon i. Alani i do dibahen Ibana tarulang luat on, gabe inganan na massai ngeri, gabe diburai halak, jala dang diingani be songon na masa saonari.+ 23 Ai dilehon hamu do akka pelean i jala nungnga mardosa hamu tu Jahowa. Dang dioloi hamu hata ni Jahowa, dang diihutton hamu patikna, parettana, dohot sipasingot sian Ibana. Alani i do masa jea on tu hamu songon na masa saonari.”+

24 Dung i didok si Jeremia ma muse tu sude halak dohot tu sude borua i, “Ale hamu halak Juda na tinggal di Mesir, tangihon hamu ma hata ni Jahowa. 25 Songon on ma hata ni Jahowa, Pamimpin ni Akka Tentara, Debata ni Israel, ‘Nungnga diulahon hamu dohot akka istrimuna be janji na binahenmuna i. Digohi hamu do sudena i marhite tanganmuna. Didok hamu do, “Pasti ikkon ulahononnami do janji naung binahennami lao mangalehon pelean tu Ratu Surga* jala mangusehon pelean siinumon tu ibana.”+ Hamu akka bawa dohot akka istrimuna, pasti ulahononmuna jala pasautonmuna do janjimuna i.’

26 “Alani i tangihon ma hata ni Jahowa, hamu halak Juda na tinggal di Mesir, ‘“Marsumpa ma Au di bagasan goarhu na sangap i,” ninna Jahowa, “dang adong be nanggo sahalak pe sian halak Juda+ na tinggal di luat ni Mesir na mandok goarhu di bagasan sumpana. Dang dohonon ni nasida be, ‘Marsumpa ma au songon pastina mangolu* Jahowa Tuan Natumimbul i!’+ 27 Saonari nungnga hutottuhon be di rohakku, dang na lao bahenokku na denggan tu hamu. Alai parookku ma jea tu hamu.+ Na lao mate nama sude halak Juda na tinggal di Mesir dibahen podang dohot haraparon, sahat tu na mate nasida sude.+ 28 Holan piga-piga halak do na selamat sian podang jala na boi mulak sian Mesir tu Juda.+ Sian i, botoon ni sude halak Juda na lao tu Mesir i ma hata ni ise do na saut, hatakku do manang hata ni nasida!”’”

29 “‘On ma tanda na lao lehonokku tu hamu,’ ninna Jahowa, ‘tanda na patuduhon pasti hukumokku do hamu di inganan on. Sian i botoonmuna ma, pasti saut do hatakku taringot tu jea na lao parookku tu hamu. 30 Songon on ma hata ni Jahowa, “Pasahatonku ma si Firaun Hopara raja ni Mesir i tu tangan ni akka musuna dohot tu tangan ni akka halak na naeng pamatehon ibana. Pasahatonku ma ibana dos songon di tikki Au pasahatton si Sedekia raja ni Juda tu tangan ni si Nebukadnesar* raja ni Babel, i ma tu tangan ni musuna dohot tu tangan ni halak na naeng pamatehon ibana.”’”+

45 Di taon na paopatton pamarettaon ni si Jehoyakim anak ni si Josia raja ni Juda i, disurat si Baruk+ anak ni si Neria ma sude hata na didiktehon si Jeremia+ tu ibana. Didok Panurirang* Jeremia+ ma songon on tu ibana,

2 “Songon on ma hata ni Jahowa Debata ni Israel taringot tu ho Baruk, 3 ‘Didok ho do, “Marjea ma au, nungnga marsak situtu au, alai ditambahon Jahowa dope sitaonokki! Nungnga loja au alani holsoan, jala dang adong dapot au hasonangan.”’

4 “Paboa ma tu ibana, ‘Songon on do hata ni Jahowa, “Ruppakkonokku ma aha naung hupajongjong, jala cabutokku ma aha naung husuan. Songon i ma bahenokku tu sude luat on.+ 5 Alai torus do dilului ho hasangapon* tu dirim sandiri. Unang be lului akka sisongon i.”’

“‘Ai na lao parookku nama jea tu sude jolma,’+ ninna Jahowa. ‘Alai manang na tudia pe ho lao, bahenokku do malua hosam.’”+

46 Songon on ma hata ni Jahowa tu Panurirang* Jeremia taringot tu akka bangso.+ 2 Songon on ma hatana taringot tu Mesir,+ taringot tu tentara ni si Firaun Neko+ raja ni Mesir, na di pinggir ni Sunge Euprat naung ditaluhon si Nebukadnesar* raja ni Babel di Karkemis, di taon na paopatton pamarettaon ni si Jehoyakim+ anak ni si Josia raja ni Juda,

 4 Hamu akka na hundul di atas ni hoda, parade hamu ma hodamuna jala nakkok ma hamu.

Buat be ma ingananna jala pakke ma takkuluk bosimuna.

Patajom hamu ma akka tombak* sappe marhillong, pakke hamu ma baju partahananmuna.

 5 ‘Boasa massai mabiar situtu nasida huida?

Mundur do nasida, ditaluhon do akka tentara ni nasida.

Lari do nasida sahatop ni hatopna, dang olo nasida mangida tu pudi.

Biar ni roha do na adong manang didia pe,’ ninna Jahowa.

 6 ‘Na hatop marlojong, dang boi lari jala tentara na gogo dang boi malua.

Hancur ma bahenokku kota i dohot pendudukna.’

 9 Hamu akka hoda maju ma hamu!

Mardalan ma hamu hatop, hamu akka kareta porang!

10 “Ari ni Jahowa Tuan Natumimbul Pamimpin ni Akka Tentara* i do i, ari lao mambalosson akka musuna. Mate ma nasida dibahen podang. Sappe butong ma podang i jala puas manginum mudar ni nasida. Ai massai godang do halak na dipamate* Jahowa Tuan Natumimbul Pamimpin ni Akka Tentara i di luat na di sabola utara di labbung ni Sunge Euprat.+

13 Songon on do hata ni Jahowa tu Panurirang Jeremia taringot tu si Nebukadnesar* raja ni Babel na lao ro marporang tu luat ni Mesir.+

14 “Paboa ma i di Mesir, baritahon ma i di Migdol.+

Baritahon ma i di Nop* dohot di Tahpanhes.+

15 Boasa dipamate sude tentaram na gogo i?

16 Massai godang situtu do na tartuktuk jala na madabu.

Didok nasida do tu donganna,

23 Nang pe idaon songon na so boi dibolus tombakna i,’ alai ditaba nasida do akka hau na disi, ninna Jahowa.

Ai unggodang do nasida sian belalang, dang taretong godang ni nasida.

24 Na lao dipaila ma penduduk ni Mesir.

Na lao dipasahat ma ibana tu bangso na sian utara.’+

25 “Didok Jahowa Pamimpin ni Akka Tentara, Debata ni Israel i ma, ‘Saonari parookku ma hukuman tu Amon+ na sian No,*+ tu si Firaun, tu Mesir, tu akka debatana,+ dohot tu akka rajana. Tutu, hukumokku ma si Firaun dohot sude na porsea tu ibana.’+

26 “‘Pasahatonku ma nasida tu tangan ni akka halak na naeng mambunu nasida. Pasahatonku ma nasida tu tangan ni si Nebukadnesar* raja ni Babel+ dohot tu akka tentarana. Alai dukkon i, na lao diingani ma muse Mesir songon najolo i,’ ninna Jahowa.+

28 Ale ho Jakkob naposokku, unang pola mabiar ho, ai Au do na mandongani ho,’ ninna Jahowa.

47 Songon on ma hata ni Jahowa tu Panurirang* Jeremia taringot tu halak Palistim+ andorang so ditaluhon si Firaun huta Gasa. 2 Songon on ma hata ni Jahowa,

“Ida ma, na lao ro ma aek sian utara.

Doras do mardalan aek i.

 5 Botak* nama Gasa.

Jala nungnga dipasip Askelon.+

 6 Ale podang ni Jahowa!+

Sadia leleng nai ho dang marna so?

Masuk ma ho muse tu ingananmu.

Maradi ma ho jala toktong ma ho disi.

48 Songon on ma hata ni Jahowa Pamimpin ni Akka Tentara* Debata ni Israel tu Moab,+

“Marjea ma Nebo,+ ai nungnga dihancurhon be ibana!

Nungnga dipaila be Kiriataim+ jala nungnga ditaluhon.

Nungnga dipaila be inganan marlinggom* na togu i jala nungnga dihancurhon.+

 2 Dang pujion ni nasida be Moab.

Direncanahon nasida do di Hesbon+ lao manghancurhon ibana.

Didok do, ‘Beta ma tahancurhon sude bangso i.’

 4 Nungnga hancur be Moab.

Nungnga mangangguki be akka dakdanak.

 5 Di dalan lao nakkok tu Luhit, tarbege do soara ni halak na mardalan na huhut sai tangis.

Di dalan na lao turun sian Horonaim, tarbege do soara ni halak na mangandungi alani posi ni hasusaan i.+

 6 Lari ma hamu, selamatton hamu ma dirimuna!

Ikkon gabe songon sada hau juniper na di gurun ma hamu.

10 Hona bura ma halak na marmeam-meam mangulahon tugas na sian Jahowa!

Hona bura ma halak na so mambuat podang sian ingananna lao mambunu!

12 “‘Alani i, na lao juppang ma tikkina, suruokku ma akka halak mangusehon nasida songon anggur,’ ninna Jahowa. ‘Dung i, diusehon ma nasida jala dipakosong ma akka inganan ni nasida i. Diputtarhon ma akka gucci na balga inganan ni nasida i. 13 Na lao maila ma halak Moab alani Kamos debatana i, dos songon halak Israel na maila alani Betel na diasakkon nasida najolo i.+

14 Barani do ho mandok, “Akka tentara na gogo do hami, nungnga rade hami lao marporang.”’+

Didok Raja Pamimpin ni Akka Tentara na margoar Jahowa.+

Dokkon ma tu nasida, ‘Nungnga maponggol be tukkot na togu i, tukkot na uli i!’

19 Ale penduduk ni huta Aroer,+ jongjong ma hamu di akka dalan.

Jala parrohahon hamu ma, sukkun hamu ma tu akka bawa dohot tu akka borua na lari i, ‘Ai aha na masa?’

20 Nungnga dipaila be halak Moab, jala nungnga mabiar nasida sude.

Tangis jala mangandungi ma sagogo ni gogona.

Paboa ma di Arnon+ naung dihancurhon Moab.

21 “Nungnga ro be hukuman tu tano na datar i,+ tu Holon, tu Jahas,+ tu Mepaat,+ 22 tu Dibon,+ tu Nebo,+ tu Bet-diblataim, 23 tu Kiriataim,+ tu Bet-gamul, tu Bet-meon,+ 24 tu Keriot,+ tu Bosra, dohot tu sude kota na di Moab na dao manang na jonok.

26 ‘Bahen ma ibana mabuk,+ ai ginjang do rohana tu Jahowa.+

27 Najolo direhei+ ho do kan halak Israel?

Dang tutu adong naeng ulahonon ni nasida.

Nungnga manjirir be akka rattingmu na lomak i tu laut.

Nungnga manaripar be i sahat tu laut, tu Jaser.

Nungnga hupaso be anggur na mardalan sian inganan pamoroan.

Dang adong be na mandege-dege anggur disi huhut marlas ni roha.

Dang soara ni na marlas ni roha be na tarbege disi.’”+

34 “‘Soara ni na marsurak sian Hesbon+ tarbege do i sahat tu Eleale.+

Jala aek na di Nimrim pe nungnga koring.+

Ai dihancurhon nama sude hamoraon na pinapunguna i.

39 ‘Massai mabiar situtu do Moab i!

Mangandungi ma hamu sagogo ni gogona, ale penduduk ni Moab!

40 “Ai songon on do hata ni Jahowa,

‘Ai parookku nama taon panguhuman tu Moab,’ ninna Jahowa.

45 ‘Dang na lao diurupi akka halak na lari mangalului parlinggoman tu Hesbon.

46 ‘Marjea ma ho ale Moab!

Nungnga mate be sude na manomba debata Kamos.+

47 Alai di ujung ni na masa i, papunguokku do sude halak Moab na ditakkup musu,’ ninna Jahowa.

‘Songon on ma ujung ni barita panguhuman tu Moab.’”+

49 Songon on ma hata ni Jahowa taringot tu halak Ammon,+

“Na so adong do anak ni si Israel?

Na so adong do na lao mampartahatton tanona?

Boasa dibuat Malkam+ tano parbagianan ni si Gad?+

Jala boasa tinggal akka na manomba Malkam di kota ni Israel?”

‘Buaton ni halak Israel ma luat ni akka halak na mambuat tanona,’+ ninna Jahowa.

 3 ‘Ale Hesbon, tangis ma ho sagogo ni gogona, nungnga hancur be kota Ai!

Mangandungi ma hamu akka penduduk ni kota na di sakaliling ni Rabba.

Pakke ma abit goni.

 6 “‘Alai dukkon masa i, papunguokku do akka halak Ammon naung diboan musu,’ ninna Jahowa.”

7 Songon on ma hata ni Jahowa Pamimpin ni Akka Tentara taringot tu Edom,

“Na so adong be bisuk di Teman?+

Na so adong be halak na malo na boi mangalehon poda na denggan?

Na so marguna be bisuk ni nasida i?

 8 Mundur ma hamu jala lari!

Ale penduduk ni Dedan,+ martabuni ma hamu tu akka rura na bagas!

10 Alai bahenokku ma si Esau salang-salang.

12 Ai songon on do didok Jahowa, “Ida ma! Tung boi ma ho malua sian hukuman? Ai haru halak na so tama minum sian makkuk rimashi pe ikkon minum do sian makkuk i. Lam ma ho, pasti ikkon dihukum do ho. Jala ikkon minum do ho sian makkuk i.”+

13 “Marsumpa ma Au marhite dirikku sandiri,” ninna Jahowa, “na lao gabe inganan na massai ngeri+ nama huta Bosra. Dileai halak ma huta i, dihancurhon, jala diburai. Jala maruppak ma sude kotana saleleng ni lelengna.”+

17 “Gabe inganan na massai ngeri+ ma luat ni Edom. Ganup halak na lewat sian i tarsonggot jala mabiar. Direhei nasida ma luat i alani sude jea na masa tu luat i. 18 Dos songon huta Sodom dohot Gumora dohot akka kota na di sakalilingna naung hancur,+ songon i ma na masa,” ninna Jahowa, “dang adong nanggo sahalak pe na tinggal disi, manang na maringanan disi.+

19 “Ida ma! Songon singa+ na kaluar sian tombak na di labbung ni Sunge Jordan na ro menyerang inganan panjappalan na aman di Edom, songon i ma sasahalak ro lao mangalo Edom. Alai lari do ibana bahenokku sian luat i. Bahenokku ma halak na tarpillit i mangarajai luat i. Ai ise ma huroa na songon Au? Ise ma na boi mangalo Au? Ise ma parmahan na boi mangabbati lomo ni rohakku?+ 20 Alani i ale jolma, tangihon ma aha naung ditottuhon Jahowa taringot tu Edom, jala aha na dipikkirhon Ibana taringot tu penduduk ni Teman:+

Pasti disarat do akka anak ni biru-biru,

Jala tarulang do bahenonna inganan ni nasida alani pangalaho ni nasida.+

21 Humutur do tano on alani soara ni nasida tikki na madabu i.

Adong do soara ni na mangandungi!

Tarbege do soara i sahat tu Laut Merah.+

23 Songon on ma hatana taringot tu Damaskus,+

Gabe mabiar ma roha ni nasida,

Dos songon aek na di laut ma akka jolma na so hea tenang alani biarna.

24 Nungnga mago be habaranion ni Damaskus.

Naeng lari do ibana, alai dang tolap alani biarna.

28 Songon on ma hata ni Jahowa tu Kedar+ dohot tu akka harajaon ni Hazor, na ditaluhon ni si Nebukadnesar* raja ni Babel i,

30 “Lari ma hamu jala lao ma hamu dao, ale penduduk ni Hazor!

Martabuni ma hamu di akka rura na bagas,” ninna Jahowa.

Jala pulik do nasida tinggal di inganan na asing.

34 Di mula ni pamarettaon ni si Sedekia+ raja ni Juda i, songon on ma didok Jahowa tu Panurirang* Jeremia taringot tu Elamit,+ 35 “Songon on ma hata ni Jahowa Pamimpin ni Akka Tentara, ‘Ponggolhonokku ma panah ni Elamit,+ i ma sinjata na mambahen nasida jago. 36 Parookku ma alogo sian sude inganan* tu atas ni Elamit, jala bahenokku ma nasida marserak tu sude inganan i. Marserak ma akka halak Elamit tu sude bangso.’”

37 “Hancurhonokku ma halak Elamit di jolo ni musu ni nasida dohot di jolo ni akka halak na naeng pamatehon nasida. Parookku ma jea tu nasida, i ma rimashu na marsigorgor i,” ninna Jahowa. “Parookku ma podang lao mangalele nasida sappe mate nasida sude.”

38 “Bahenokku ma tahtakku di Elamit,+ jala pamateonku ma raja dohot pamimpin ni Elamit,” ninna Jahowa.

39 “Alai di ujung ni akka na masa i, papunguokku do muse akka halak Elamit naung diboan musu,” ninna Jahowa.

50 Songon on ma hata ni Jahowa marhite Panurirang* Jeremia taringot tu Babel+ dohot taringot luat ni halak Kasdim:

 2 “Paboa ma i di tonga-tonga ni akka bangso jala baritahon ma.

Pasang ma tanda* jala baritahon ma i.

Unang tabunihon manang aha pe!

Dokkon ma ‘Nungnga ditaluhon be Babel.+

Nungnga dipaila be debata Bel.+

Nungnga mabiar be Merodak,

Nungnga dipaila be akka patungna,

Jala nungnga mabiar be akka patungna na dihagigihon* i.’

 3 Ai nungnga ro sada bangso sian utara+ lao mangalo ibana.

4 “Molo dung juppang tikkina,” ninna Jahowa, “rap ro ma halak Israel dohot halak Juda.+ Mardalan ma nasida huhut tangis.+ Jala rap ma nasida mangalului Jahowa Debata ni nasida.+ 5 Sukkunon ni nasida ma dalan na lao tu Sion, jala lao ma nasida tusi+ huhut mandok, ‘Beta ma hita lao, asa parsidohot hita tu parjanjian na binahen ni Jahowa na marlakku saleleng ni lelengna jala na so boi dihalupahon i.’+ 6 Diboan do bangsokki songon biru-biru na lilu.+ Lilu do nasida dibahen parmahan ni nasida sandiri.+ Diboan do nasida tu akka dolok. Madang-adang do nasida sian dolok na sada tu dolok na sada nai. Gabe lupa ma nasida tu hutana. 7 Suda do nasida diallang manang ise pe na pajuppang dohot nasida.+ Jala didok musu ni nasida do, ‘Dang marsala hami. Ai nasida do naung mangulahon dosa tu Jahowa, mual ni hasittongan i, i ma Jahowa na diasakkon ompu ni nasida.’”

10 Na lao dibuat ma sude arta ni halak Kasdim.+

Jala puas do sude pakkilalaan ni halak na mambuat artana i,”+ ninna Jahowa.

12 Nungnga dipaila be omakmu.+

Gabe lungun do roha ni borua na manubuhon ho.

15 Marsurak ma hamu di sude inganan, marsurak ma hamu tanda lao marporang.

Nungnga menyerah be ibana.

Balos hamu ma ibana,

Bahen hamu ma tu ibana dos songon na binahenna tu na asing.+

17 “Nungnga songon biru-biru na marserak+ be Israel i. Nungnga dibahen akka singa be nasida marserak.+ Raja ni Asiria ma na parjolo mangallang nasida.+ Dung i si Nebukadnesar* raja ni Babel ma na mangaropuk holi-holi ni nasida.+ 18 Alani i, songon on ma hata ni Jahowa Pamimpin ni Akka Tentara* Debata ni Israel, ‘Hukumokku ma raja ni Babel dohot luatna i, dos songon carakku manghukum raja ni Asiria.+ 19 Boanokku ma mulak Israel i tu inganan panjappalanna.+ Mangallang ramba ma ibana sappe puas di Karmel, di Basan,+ di akka dolok na di Epraim,+ dohot di Gilead.’”+

21 “Lao ma ho marporang mangalo luat ni Merataim dohot penduduk ni Pekod.+

Lok ma dibunu nasida sude jala dipamate,” ninna Jahowa.

“Ulahon ma sude na huparettahon tu ho.

23 Nungnga diponggolhon jala nungnga dihancurhon be tokkok na mangattuk sude bangso di tano on!+

Nungnga gabe inganan na massai ngeri be Babel i di tonga-tonga ni akka bangso!+

26 Ro ma ho sian akka inganan na dao lao mangalo ibana.+

Bukka ma gudang panimpanan ni gandumna.+

Papungu ma akka arta na dibuat ho sappe martimbun-timbun, dos songon gandum na dipapungu.

Hancurhon ma ibana,+

Unang pasombu nanggo sahalak pe mangolu.

Markemah ma hamu di sakalilingna asa unang adong na malua.

Balosson ma tu ibana hombar tu pambahenanna,+

Ulahon ma tu ibana dos songon na binahen ni ibana tu na asing.+

33 Songon on ma hata ni Jahowa Pamimpin ni Akka Tentara,

Dang dipaloas nasida lao.+

34 Alai gogo do na manobus* nasida.+

Ditanda do Ibana Jahowa Pamimpin ni Akka Tentara.*+

36 Ro do podang i lao mangalo akka panurirang na so sittong, gabe diulahon nasida ma ulaon ni halak na oto.

Ro do podang i lao mangalo akka tentarana, jala gabe mabiar ma nasida.+

Ro do podang i manegai artana, jala na lao dibuat do sudena i.+

38 Marjea ma aek na di kota i, ai na lao koring nama i.+

40 “Dos songon huta Sodom dohot Gumora+ dohot akka kota na di sakalilingna naung hancur dibahen Debata,”+ ninna Jahowa, “dang adong nanggo sahalak pe na tinggal disi, manang na maringanan disi.+

42 Panah dohot tombak* do sinjata ni nasida.+

Kejam do nasida jala dang asi roha ni nasida mangida jolma.+

Marsada do nasida sude marbaris lao marporang mangalo ho, ale penduduk ni Babel.+

44 “Ida ma! Songon singa na kaluar sian tombak na di labbung ni Sunge Jordan na ro menyerang inganan panjappalan na aman di Edom, songon i ma sasahalak ro lao mangalo Edom. Alai lari do nasida bahenokku sian luat i. Bahenokku ma halak na tarpillit i mangarajai luat i.+ Ai ise ma huroa na songon Au? Ise ma na boi mangalo Au? Ise ma parmahan na boi mangabbati lomo ni rohakku?+ 45 Alani i ale jolma, tangihon ma aha naung ditottuhon Jahowa taringot tu Babel,+ jala aha na dipikkirhon Ibana taringot tu luat ni halak Kasdim:

Pasti disarat do akka anak ni biru-biru,

Jala tarulang do bahenonna inganan ni nasida alani pangalaho ni nasida.+

51 Songon on do hata ni Jahowa,

Aloon ni nasida ma ibana sian sude inganan di ari tikki ro jea i.+

 3 Unang pasombu ditarik akka pemanah ni Babel panah ni nasida.

Unang pasombu nanggo sahalak pe tentarana jongjong mamakke baju partahanan.

Unang patudu asi ni rohamuna tu akka doli-doli ni nasida.+

Pamate ma sude tentarana i.

 5 Ai dang na lao ditinggalhon* Debata ni nasida, Jahowa Pamimpin ni Akka Tentara* i halak Israel dohot halak Juda.+

Alai anggo di roha ni Debata Nabadia ni Israel i gok hasalaan do luat ni halak Kasdim* i.

Unang ma olo hamu mate alani hasalaanna.

Ai saonari ma tikkina dibalos Jahowa ibana.

Balosonna ma ibana alani sude pambahenanna.+

 8 Toppu do ruppak jala hancur Babel i.+

Mangandungi ma hamu alani ibana!+

Buat ma balsam* lao mangubati ibana, atik boha boi dope ibana malum.”

 9 “Nungnga taubati be Babel i, alai dang boi be ibana malum.

Tatinggalhon ma ibana, lao ma hita tu luatta be.+

10 Nungnga dipatuduhon Jahowa be hukum na tigor tu hita.+

Alani i tabaritahon ma sude na binahen ni Jahowa Debatanta i di Sion.”+

11 “Patajom ma akka anak panah,+ buat ma akka perisai na bulat.*

On ma tikkina dibalos Jahowa musuna, dibalos do ibana alani pambahenanna tu bagas joro i.

12 Pasang ma akka tanda*+ di tembok ni Babel.

Atur ma asa lam denggan inganan i dijaga, suru ma asa rade akka panjaga.

Atur ma asa adong halak na rade menyerang sian inganan na buni.

17 Pangalaho ni ganup halak patuduhon dang marroha jala dang marparbinotoan nasida.

18 Dang marlapatan sude akka patung i,+ tama do i lao gabe sirehe-rehean.

Ai molo dung juppang ari panguhuman i, dihancurhon do i sude.

Ditanda do Ibana Jahowa Pamimpin ni Akka Tentara.”*+

Hupakke do ho lao manghancurhon akka harajaon.

21 Hupakke do ho lao mangattuk hoda dohot na hundul di atasna.

Hupakke do ho lao mangattuk kareta porang dohot na mamboan kareta porang i.

22 Hupakke do ho lao pamatehon bawa dohot borua.

Hupakke do ho lao pamatehon bawa na matua dohot bawa na poso.

Hupakke do ho lao pamatehon doli-doli dohot anak boru.

23 Hupakke do ho lao manghancurhon akka parmahan dohot binatang na diparmahan nasida.

Hupakke do ho lao manghancurhon akka partani dohot akka binatang appunana.

Hupakke do ho lao manghancurhon akka gubernur dohot akka pejabat.

Bahenokku ma ho gabe dolok na habis tartutung.”

27 “Pasang ma tanda* di luat i.+

Ombus ma tarompet na sian tanduk di tonga-tonga ni akka bangso.

Parade ma akka bangso na lao mangalo ibana.

Jou ma akka harajaon Ararat,+ Mini, dohot Askenas+ lao mangalo ibana.

Suru ma halak lao papunguhon akka tentara mangalo ibana.

Boan ma akka hoda dos songon godang ni sapunguan sihapor na poso.*

30 Dang olo be marporang tentara ni Babel.

Holan na hundul nama nasida di akka benteng ni nasida.

Nungnga mago be gogo ni nasida.+

Nungnga gabe songon borua na gale nasida.+

Nungnga habis tartutung jabu ni nasida.

Jala nungnga diponggolhon palang ni gerbang ni nasida.+

33 Songon on ma hata ni Jahowa, Debata ni Israel,

“Kota Babel i dos songon inganan pardegean.

Saonari ma tikkina lao didege-dege ibana sappe padat.

Ai satokkin nai nama tikkina lao dipanen.”

Dibahen ibana do au gabe songon gucci na kosong.

Dos songon ulok na balga,+ diboddut ibana do au,

Dibahen ibana do akka artakku na denggan i tu butuhana sappe gok.

Dibolokkon ibana do au.

35 Didok penduduk ni Sion ma,+ ‘Sai anggiat ma hona tu Babel hajahaton na binahenna tu au dohot tu dagingku!’

Didok Jerusalem ma, ‘Lok ma penduduk ni Kasdim na martanggung jawab tu mudarhu.’”

36 Alani i songon on ma didok Jahowa,

Bahenokku ma koring+ lautna dohot akka sumurna.

38 Marauang do nasida sude dos songon singa na poso.

Jala mangorong do nasida songon anak ni singa.”

Nungnga gabe inganan na massai ngeri di tonga-tonga ni bangso be kota Babel!

42 Nungnga banjir be kota Babel dibahen aek ni laut.

Jala nungnga ditutupi akka galumbangna be kota i.

43 Gabe inganan na massai ngeri ma akka kotana, gabe inganan na harsang jala gabe songon gurun.

Dang adong be na mangingani jala dang hea be dilewati manang ise pe.+

45 Ale bangsokku, kaluar ma hamu sian tonga-tonga ni kota i!+

Selamatton hamu ma dirimuna+ sian rimas ni Jahowa na marsigorgor i!+

46 Unang pola mabiar jala unang pola hitir-hitir hamu alani barita na lao tarbege di luat i.

50 Hamu akka na malua sian podang, torus ma hamu marlojong, unang ma maradian hamu!+

51 “Nungnga dipaila be hami, ai nungnga hubege hami akka hata na mangaleai.

Tarbege do soara ni nasida di sude inganan.

Alani i pasti do Ibana ro mambalos nasida.+

58 Songon on ma hata ni Jahowa Pamimpin ni Akka Tentara,

59 Dilehon Panurirang* Jeremia ma paretta tu si Seraya anak ni si Neria+ pahoppu ni si Maseya di tikki lao si Seraya tu Babel rap dohot si Sedekia raja ni Juda di taon na paopatton pamarettaonna i. Si Seraya i ma sahalak pengurus ni akka perlengkapan ni raja. 60 Disurat si Jeremia ma di sada bukku sude jea na lao masa tu Babel, songon akka hata naung tarsurat dison taringot tu Babel. 61 Didok si Jeremia ma tu si Seraya, “Molo dung diida ho kota Babel jala molo dung sahat ho disi, jahahon ma gogo sude na tarsurat on. 62 Dung i dokkon ma, ‘Ale Jahowa, nungnga didokkon Ho na lao hancur nama inganan on, jala dang na lao diingani jolma manang binatang be inganan on, gabe luat na tarulang ma inganan on saleleng ni lelengna.’+ 63 Molo dung sae dijahahon ho bukku on, ikkat ma bukku on tu sada batu jala danggurhon ma tu tonga-tonga ni Sunge Euprat. 64 Dung i dok ma, ‘Songon on ma na lao masa tu Babel, na lao lonong nama i. Dang mumbang be+ ibana alani jea na lao diparo tu ibana. Jala gale nama penduduk ni luat i.’”+

Olat ni on ma hata ni si Jeremia.

52 Marumur 21 taon ma si Sedekia+ tikki gabe raja, jala saleleng 11 taon ma ibana mamaretta di Jerusalem. Si Humuntal+ boru ni si Jeremia na sian Libna do omakna. 2 Sai diulahon ibana do na jahat di jolo ni Jahowa, songon na binahen ni si Jehoyakim.+ 3 Masa pe songon i, ala muruk do Jahowa tu Jerusalem dohot tu Juda. Ujungna dipalao Ibana ma nasida sian jolona.+ Dung i, mangalo ma si Sedekia tu raja ni Babel.+ 4 Di ari na pasappuluhon, di bulan na pasappuluhon, di taon na pasiahon pamarettaon ni si Sedekia, ro ma Raja Nebukadnesar* na sian Babel dohot sude tentarana mangalo Jerusalem. Markemah ma nasida di jolo ni kota i, jala dibahen ma tembok makkaliangi kota i.+ 5 Dihaliangi ma kota i sahat tu taon na pasappulu sadahon pamarettaon ni Raja Sedekia.

6 Di ari na pasiahon, di bulan na paopatton,+ masa ma haraparon di kota i, jala dang adong be sipanganon ni akka halak na di luat i.+ 7 Ujungna, diruppakkon ma tembok ni kota Jerusalem. Gabe lari ma sude tentara di tikki borngin sian kota i. Lari ma nasida sian gerbang na di holang-kolang ni tembok na marlappis dua na jonok tu taman ni raja. Tikki dihaliangi halak Kasdim dope kota i, lao ma nasida tu dalan na tu Araba.+ 8 Alai dilele tentara ni halak Kasdim ma si Sedekia,+ jala dapot ma ibana di Gurun Jeriko. Gabe lari ma sude tentara ni si Sedekia maninggalhon ibana. 9 Ditakkup ma si Sedekia jala diboan tu raja ni Babel di Ribla, di luat ni halak Hamat. Dung i, dihukum ma ibana. 10 Dipamate raja ni Babel ma akka anak ni si Sedekia di jolona. Jala dipamate raja ni Babel i do muse sude pamimpin ni Juda di Ribla. 11 Dibahen raja ni Babel ma mapitung mata ni si Sedekia.+ Diratte ma patna mamakke ratte na sian tombaga, jala diboan ma ibana tu Babel. Dipenjarahon ma ibana disi sahat tu na mate.

12 Di ari na pasappuluhon, di bulan na palimahon, di taon na pasappulu siahon Raja Nebukadnesar* raja ni Babel i mamaretta, ro ma si Nebusaradan pegawai ni raja i tu Jerusalem.+ Si Nebusaradan do kepala ni akka pengawal ni raja ni Babel. 13 Ditutung si Nebusaradan ma jabu ni Jahowa,+ istana ni raja, sude jabu na adong di Jerusalem, dohot sude jabu na balga di luat i. 14 Tikki i, adong do akka tentara ni halak Kasdim na rap dohot si Nebusaradan kepala ni akka pengawal i. Diruppakkon akka tentarana i ma tembok na makkaliangi kota Jerusalem.+

15 Diboan si Nebusaradan kepala ni panjaga i ma piga-piga halak na so sangap dohot akka halak na mangolu dope di kota i. Diboan ibana do muse akka halak na marpihak tu raja ni Babel dohot akka tukkang na malo na mangolu dope.+ 16 Alai ditinggalhon si Nebusaradan kepala ni panjaga i do deba akka halak na pogos di luat i. Dipaksa do nasida gabe hatoban jala mangula porlak anggur.+

17 Diruppakkon halak Kasdim ma tiang ni jabu+ ni Jahowa na sian tombaga. Diropukkon nasida ma muse akka kareta+ dohot Laut Tombaga+ na adong di jabu ni Jahowa. Dung i, diboan nasida ma sude tombaga i tu Babel.+ 18 Diboan nasida do muse inganan ni sirabun, akka sekop, akka alat pamatehon api, akka makkuk,+ akka cakkir,+ dohot sude barang na sian tombaga na dipakke di bagas joro i. 19 Dibuat si Nebusaradan kepala ni panjaga i ma akka baskom,+ akka inganan ni gara ni api, akka makkuk, akka inganan ni sirabun, akka inganan ni lampu,+ akka cakkir, dohot akka makkuk na sian mas murni dohot perak.+ 20 Massai godang do tombaga na sian dua tiang i,+ sian Laut Tombaga i, sian 12 patung lombu jantan na di toru ni Laut Tombaga i, dohot sian akka kareta na binahen ni Raja Salomo di jabu ni Jahowa. Dang tartimbang be tombaga i alani godangna.

21 Ganup tiang timbona 18 asta.* Kaliling ni ganup tiang 12 asta.+ Tobalna nasa opat jari-jari.* Jala kosong do isi ni sude tiang i. 22 Ulu ni tiang i dibahen sian tombaga. Lima asta ma timbo ni ganup ulu ni tiang i.+ Adong do muse jaring dohot hiasan buah delima di sakaliling ni ulu ni tiang i na dibahen sian tombaga. Sarupa do muse ukkuran ni tiang na paduahon i, songon i nang akka hiasan buah delimana. 23 Adong 96 buah delima na tarida di ulu ni tiang i. Sude buah delima na di sakaliling ni jaring i adong 100.+

24 Diboan si Nebusaradan kepala ni panjaga i ma si Seraya+ malim kepala* i. Diboan do muse si Sepania+ wakil ni malim kepala i dohot tolu sijaga pintu.+ 25 Diboan si Nebusaradan ma sahalak pejabat ni istana na mamimpin akka tentara. Diboan ibana ma pitu penasehat ni raja na adong di kota i. Jala diboan ma muse sekretaris ni pamimpin ni tentara. Sekretaris i do na papunguhon akka halak na di luat i lao gabe tentara. Diboan ibana do muse 60 rakyat na adong dope disi. 26 Diboan si Nebusaradan kepala ni panjaga i ma nasida sude tu raja ni Babel di Ribla. 27 Dipamate raja ni Babel ma nasida sude di Ribla+ na di luat Hamat. Songon i ma halak Juda dipalao sian luat i jala diboan tu luat ni musu.+

28 Songon on ma godang ni halak na diboan si Nebukadnesar* tu kotana: Di taon na papituhon diboan do 3.023 halak Jahudi.+

29 Di taon na pasappulu ualuhon pamarettaon ni si Nebukadnesar,*+ diboan do 832 halak sian Jerusalem.

30 Di taon na paduapulu toluhon pamarettaon ni si Nebukadnesar,* diboan si Nebusaradan kepala ni panjaga i ma 745 halak Jahudi tu kotana.+

Jadi 4.600 halak ma sude na diboan tu luatna.

31 Dung gabe raja ni Babel si Epil-merodak, dipalua ibana ma si Jehoyakin+ raja ni Juda sian penjara.+ Tikki i, i ma ari na paduapulu limahon, bulan na pasappulu duahon, taon na patolupulu pituhon dung dipenjarahon Raja Jehoyakin di Babel. 32 Burju do si Epil-merodak tu si Jehoyakin. Jala dibahen do untimbo jabatanna sian akka raja na asing na adong di Babel. 33 Digatti si Jehoyakin ma baju tahananna, jala toktong ma ibana rap mangan dohot raja saleleng ni ngoluna. 34 Ganup ari, sai diparade raja ni Babel do sipanganonna saleleng mangolu ibana sahat tu na mate.