Pengantar

Bukku Akka Ayat na Mangurupi Halak Kristen, dirancang asa lam mura hamu mangalului ayat ni Bibel manang kisah na adong di Bibel na boi dipakke hamu tikki adong masalah na dihadapi hamu. Bukku on pe boi do dipakke hamu mangalului akka ayat na cocok lao patoguhon na asing. Jala boi do on pakkeonmuna mangurupi nasida mambahen keputusan na mambahen las roha ni Jahowa. Pillit ma topik na sesuai tu kebutuhanmuna. Di setiap topik adong do dibahen akka sukkun-sukkun dohot penjelasan singkat taringot kisah na adong di Bibel. (Ida kotak “Cara Mamakke Bukku on”.) Gabe boi ma hatop dapotmuna akka nasehat, petunjuk, dohot ayat ni Bibel na boi menghibur rohamuna. Boi do muse dapotmuna akka ayat ni Bibel na denggan na boi dibagihon hamu tu na asing lao mangajari, patoguhon, jala menghibur nasida.

Cara Mamakke Bukku on

Lao mangalului sada topik, boi do dilului hamu di kotak pencarian manang lului sesuai tu kategori. Akka topik di bukku on dibagi gabe pitu kategori: Hubungan tu Jahowa, Huria, Keluarga, Pangalaho, Parngoluan Siganup Ari, Sifat, dohot Tantangan. Pillit ma sada kategori jala lului ma topik na cocok tu hamu. Alai molo dang diboto hamu di kategori dia do topik na lao dilului hamu, lului ma i mamakke bagian Sude Topik. Di ganup topik, adong do piga-piga poin na marisi pernyataan dohot sukkun-sukkun. Di toru ni ganup poin, adong do akka ayat ni Bibel. Tikki dijaha hamu akka ayat i, pikkirhon jala rimangi ma aha hubungan ni ayat i tu pernyataan na adong disi, manang songon dia ayat i boi mangalusi sukkun-sukkun na adong disi. Piga-piga topik dibagi gabe piga-piga bagian asa ummura dilului. Di piga-piga ayat adong dibahen hata “Ida muse”, na tujuanna lao mangalehon informasi tambahan na berkaitan tu topik i. Di godang topik dibahen do “Contoh na adong di Bibel”, na marisi akka ayat dohot penjelasan singkat taringot ayat i. Akka penjelasan i boi do mangurupi hamu mamboto aha na porlu dipikkirhon hamu tikki manjaha ayat i.

Godang do ayat ni Bibel na berkaitan tu sada topik. Alai dang sude ayat i dibahen di bukku on. Nang pe songon i, boi do dipakke hamu akka ayat i lao mangariset. (Poda 2:1-6) Carana, jaha ma referensi silang ni ayat i di terjemahan Bibel Hata ni Debata tu Akka Jolma na Naeng Mangolu di Tano na Imbaru. Jala molo tersedia, jaha ma keterangan tambahanna. Asing ni i, asa lam takkas diattusi hamu arti ni sada ayat dohot parsiajaranna, ida ma Tudutudu na Dipangke Sitindangi Ni Jahowa Laho Marsiajar di bagian hatorangan ni akka ayat manang pakke ma Indeks Publikasi Menara Pengawal. Jaha ma referensi na terbaru asa diboto hamu pemahaman na terbaru taringot sada ayat.

Sai anggiat ma boi bukku on mangurupi hamu mandapot parbinotoan dohot bisuk ni Debata na adong di Bibel. Lam jotjot dipakke hamu bukku on, lam pos ma rohamuna na “mangolu do hata ni Debata i jala marhuaso”.—Heb 4:12.