Desember

Dipatudos Jesus do hubunganna tu akka siseanna songon hubungan ni sahalak parmahan tu biru-biruna. (Joh. 10:14) Cocok do gambaran on. Ditanda biru-biru do parmahanna jala ditangihon do soara ni parmahanna i. Hea do sahalak turis mangida on. Didok ibana, “Tikki naeng dipoto hami akka biru-biru i, lari do akka biru-biru i ala dang ditanda soaranami. Dung i ro ma sahalak dakdanak bawa, ibana do parmahan ni biru-biru i. Disi dijou ibana akka biru-biru i, pittor diihutton do ibana.” Pengalaman on paingotton hita tu hata ni Jesus taringot akka siseanna. Didok ibana, “Tangihonon ni nasida ma soarakku.” Saonari nungnga di surgo Jesus. Songon dia ma carana asa boi tatangihon soarana? Cara na utama, i ma mangulahon akka naung diajarhon ibana.​—Mat. 7:24, 25. w21.12 16 ¶1-2

Sebelumna halak na kejam do Apostel Paulus. Dianiaya ibana do halak Kristen. Alai dukkon i, disadari ibana ma kesalahanna jala muba ma ibana. (1 Tim. 1:12-16) Diurupi Jahowa do si Paulus asa boi gabe sintua na parholong jala na serep marroha. Pos do roha ni si Paulus nungnga disesa Jahowa dosana i, jala dang sai merasa bersalah be ibana. (Rom 7:21-25) Dang diharappon si Paulus ikkon sempurna ibana. Alai, berjuang do ibana asa lam denggan akka sifatna jala Jahowa do na diandalhon ibana pasaehon sude tugasna. (1 Kor. 9:27; Plp. 4:13) Songon si Paulus, akka sintua di huria dang sempurna. Alai ikkon berupaya do nasida padenggatton kelemahanna. (Eps. 4:23, 24) Jadi ikkon ringgas do sintua marsiajar Bibel asa diboto ibana aha na porlu dipadenggan. Molo dibahen ibana songon i, urupan ni Jahowa ma ibana asa marlas ni roha jala gabe sintua na parholong.​—Jak. 1:25. w22.03 29-30 ¶13-15

Asa unang tauhumi be akka donganta na asing, ikkon tahaholongi do nasida. (Jak. 2:8) Martangiang ma hita tu Jahowa asa diurupi mambolokkon keinginan lao manguhumi na asing. Asa boi tabolokkon pandangan na negatif tu donganta, ikkon tatanda do ibana. Tatogihon ma ibana rap marbarita manang rap mangan dohot hita. Molo fokus do hita tu akka sifatna na denggan, berarti na maniru Jahowa dohot Jesus do hita. On patuduhon na tatangihon do paretta ni Jesus parmahanta i, na mandok asa unang be manguhumi na asing. Songon biru-biru na manangihon soara ni parmahanna, ikkon songon i ma akka halak na mangihutton Jesus. Torus ma taoloi hata ni Jesus i, dang soal hita bagian ni “punguan na metmet” manang bagian ni ‘biru-biru na asing’.​—Luk. 12:32; Joh. 10:11, 14, 16. w21.12 19 ¶11; 21 ¶17-18

Dung gabe raja si Rehabeam, ro ma akka rakyatna manjuppangi ibana. Dipangido nasida ma asa diorui si Rehabeam karejo ni nasida na massai borat, na dilehon bapakna si Salomo tu nasida. Jadi disukkun si Rehabeam ma pandapot ni akka natua-tua ni Israel. Didokkon natua-tua ni Israel, ikkon dioloi si Rehabeam do pangidoan ni rakyat i asa dioloi rakyat i ibana. (1 Raj. 12:3-7) Alai dihilala si Rehabeam dang cocok nasehat i. Gabe disukkun ma pandapot ni akka donganna magodang. Didok nasida ikkon ditambai si Rehabeam do karejo ni rakyat i. (1 Raj. 12:9-11) Ala adong dua nasehat na berbeda, ikkon disukkun si Rehabeam do tu Jahowa nasehat na dia na dumenggan. Alai pittor diihutton ibana do nasehat ni akka donganna i. Gabe susa ma ibana dohot halak Israel. Sian on hita marsiajar, olo do ra dang lomo rohatta manangihon nasehat na dilehon tu hita. Alai molo sian Bibel do i, taihutton ma i. w22.02 9 ¶6

Akka dongan na matua na serep marroha jala na menyadari keterbatasanna, fokus tu kelebihan ni akka na poso dang tu hahuranganna. Dang dianggap akka na poso i songon sainganna, alai dongan sakarejona. Las do roha ni nasida mangida akka na poso na boi manggattihon nasida mangulahon akka tugas di huria. Di Bibel dipaboa do taringot si Naomi na olo manjalo bantuan sian parumaenna si Rut. Nungnga rap mabalu nasida na dua. Tikki di pardalanan naeng mulak tu Betlehem, dijujui si Naomi do asa mulak si Rut tu hutana. Alai dang olo si Rut, naeng dohot do ibana tu Betlehem. Dang diabbati si Naomi pangidoanna i, las do rohana manjalo bantuan ni si Rut. (Rut 1:7, 8, 18) Hasilna, gabe mandapot manfaat na balga ma nasida na dua! (Rut 4:13-16) Molo serep roha ni akka dongan na matua, pasti olo do nasida maniru si Naomi. w21.09 10-11 ¶9-11

Diboto Jahowa do kesanggupanta be. Bisa jadi boi do talehon unggodang sian na boi dilehon dongan na asing. Alai olo do ra terbatas na boi talean, mungkin alani umur, kesehatan, manang alani tanggung jawab keluarga. Nang pe songon i, unang ma kecil hati hita. (Gal. 6:4) Diargai Jahowa do sude upayatta i. Molo nungnga talehon na undenggan sian ias ni rohatta, pasti las do rohana mangida i. Lomo do roha ni Jahowa asa marlas ni roha hita melayani Ibana jala mambahen pengorbanan na sesuai tu kemampuanta. Molo adong pe masalahta, boi do toktong dame rohatta ala taboto sai urupan ni Jahowa do hita. (Jes. 41:9, 10) Alani i pasti las do rohatta manomba Jahowa, na ‘tama manjalo hasangapon dohot hamuliaon’ sian akka toppaanna.—Pgk. 4:11. w22.03 24 ¶16; 25 ¶18

Lomo do rohatta maniru Jesus. Alai unang pola metmet rohatta molo dang boi hita sempurna maniru Jesus. (Jak. 3:2) Alai coba ma tapikkirhon on: Sahalak murid dang mungkin pittor boi malo songon guruna. Alai molo torus ibana marsiajar jala maniru guruna i, lam malo ma ibana. Dos songon i ma hita, molo taulahon sude na taparsiajari sian Bibel jala berusaha hita padenggatton pangalahotta, lam mura ma hita maniru Jesus. (Ps. 119:59) Nang pe godang halak saonari na egois, alai dang songon i hita. Lomo do rohatta maniru Jesus na sai rade mangurupi na asing. Memang dang boi hita sempurna maniru ibana, alai berupaya ma hita sian nasa gogotta mangihutton “bogas ni patna”. (1 Ptr. 2:21) Molo tabahen songon i, las ma roha ni Jahowa. Jala hita pe marlas ni roha ma. w22.02 24 ¶16; 25 ¶18

Sada cara ni Jahowa mangalehon petunjuk tu naposona, i ma lewat Bibel. Molo taparade tikkitta lao mangarimangi Hata ni Jahowa, gabe rade ma hita mangihutton petunjukna jala boi ma hita marhasil mangulahon tugasta marbarita na uli. (1 Tim. 4:15, 16) Dilehon Jahowa do muse petunjuk tu hita marhite “naposo haposan jala na marbisuk”. (Mat. 24:45) Sipata olo do hita merasa dang masuk akkal petunjuk na dilehon nasida. Contohna petunjuk taringot menghadapi bencana alam na tahilala dang mungkin masa di daerahta. Alai taingot ma akka kisah na disurat di Bibel. Sipata hira na so masuk akkal do petunjuk ni Jahowa i, alai tikki diihutton naposona petunjuk i, gabe selamat ma nasida.​—Pangh. 7:7; 8:10. w22.03 18-19 ¶15-16

Pos situtu do roha ni Jesus na sai ingoton ni Jahowa ibana jala pasti paheheonna. Songon Jesus, toktong ma hita setia tu Jahowa nang pe ikkon mate. Asa boi taulahon i, ikkon ‘marhaposan tu Jahowa do hita sian nasa rohatta’. (Poda 3:5) Taparrohahon ma pengalaman ni donganta si Joshua na marumur 15 taon. Nang pe parah sahitna, alai dang olo ibana manjalo perawatan kesehatan na maralo tu hukum ni Debata. Andorang so mate, didok ibana ma tu omakna, “Omak, nungnga hupasahat ngolukku tu tangan ni Jahowa . . . Pos do rohakku paheheonna do au. Diboto Ibana do na di bagasan rohakku dohot holong ni rohakku tu Ibana.” Porlu do tapikkiri sukkun-sukkun on: ‘Molo ikkon mate au ala mampartahatton haporseaokku, boi do au toktong setia tu Jahowa? Pos do rohakku na paheheonna au?’ w21.04 12-13 ¶15-16

Las do rohatta marbarita na uli, dang soal adong na manjalo manang na dang. Alai alani keadaan, adong do piga-piga donganta na makkilala dang godang na boi diulahon nasida. Molo i do na dihilala hamu, unang ma metmet rohamuna. Ingot ma molo nungnga dibahen hamu na dumenggan, pasti las do roha ni Jahowa. Olo do ra dang boi be hita kaluar sian jabu lao marbarita na uli ala marsahit. Alai, boi do hita toktong marbarita na uli tu dokter manang tu perawat. Unang ma sai tabandingkon na taulahon saonari tu na taulahon najolo i, asa unang metmet rohatta. Alai sai taingot ma songon dia Jahowa mangurupi hita saonari, asa margogo hita jala toktong marlas ni roha nang pe adong tantangan na taadopi. Jala taingot ma, dang taboto dia barita hasittongan na tubu di roha ni sasahalak.​—Pjm. 11:6. w21.05 24-25 ¶14-17

Godang do pasu-pasu na dijalo si Daud sian Jahowa. Dibahen Jahowa do ibana mamora, gabe halak na sangap, jala jotjot dibahen monang tikki marporang. Didok si Daud “tung so habilangan” do sude pasu-pasu ni Jahowa i. (Ps. 40:5) Alai lam leleng, gabe tamak ma ibana. Nang pe nungnga godang istrina, naeng dope dibuat istri ni halak, i ma si Bat-seba istri ni si Uria. Mangulahon seks ma si Daud dohot si Bat-seba, gabe hamil ma borua i. Dung i, dibahen si Daud ma rencana lao pamatehon si Uria, suami ni si Bat-seba. (2 Sam. 11:2-15) Boasa sappe diulahon si Daud i? Na dirippu ibana do dang diida Jahowa sudena i? Ala gabe tamak si Daud, mardosa ma ibana tu Jahowa jala susa do ibana alani i. Alai ujungna muba do si Daud jala disesa Jahowa do dosana i. Pasti mandok mauliate do si Daud tu Jahowa!​—2 Sam. 12:7-13. w21.06 17 ¶10

Olo do ra ragu hita mamandu studi ala tahilala dang godang dope parbinotoanta jala dang malo hita mangajari. Alai sasittongna boi do hita sude mamandu studi. Adong tolu alasan na boi paposson rohatta. Na parjolo, pos do roha ni Jahowa sanggup hita mangulahon tugas i. Na paduahon, Jesus do na manuru hita mangulahon i, jala nungnga dilehon tu Jesus “saluhut huaso na di banua ginjang dohot na di tano on”. (Mat. 28:18) Na patoluhon, boi do Jahowa dohot akka dongan mangurupi hita. Didok Jesus sude na diajarhonna i, sian Bapakna do i. On patuduhon marsiajar do Jesus sian Jahowa. Jadi tatiru ma Jesus. (Joh. 8:28; 12:49) Boi do hita muse marsiajar sian akka dongan, contohna sian pengawas KDL, perintis, manang sian penyiar na berpengalaman. Jala denggan do molo dohot hita mandongani nasida tikki mamandu studi. w21.07 5-6 ¶12

Ala nungnga lam jonok ari ni Jahowa, ikkon lam pos do rohatta tu Ibana. Molo nungnga ro hasusaan bolon, olo do dilehon tu hita akka petunjuk na so masuk akkal tahilala jala na maol diulahon. Haduan, dang langsung Jahowa makkatai tu hita. Alai marhite akka bawa na terlantik do Jahowa mangalehon petunjuk tu hita. Olo do ra gabe ragu hita jala tadok, ‘Toho do on sian Jahowa, manang na holan sian pikkiran ni nasida do on?’ Molo nungnga terbiasa hita mangihutton akka petunjuk na dilehon saonari, gabe ummura ma hita mangihutton akka petunjuk na dilehon tikki masa hasusaan bolon. w22.02 6 ¶15

Hea do diurupi Jahowa si Gidion dohot 300 tentarana monang di parporangan. Tikki diboto halak Epraim i, gabe muruk ma nasida tu si Gidion ala dang ditogihon nasida asa dohot marporang. (Pangh. 8:1) Jadi dipaingot si Gidion ma halak Epraim tu akka pasu-pasu naung dijalo nasida sian Jahowa. Hasilna, gabe “dang muruk be nasida”. (Pangh. 8:3) Serep do roha ni si Gidion, berusaha do ibana asa toktong mardame dohot na asing. Aha ma parsiajaranna tu hita? Unang ma hita songon halak Epraim, na holan mamikkirhon harga dirina. Alai tapasangap ma Jahowa. Jala akka kepala keluarga dohot akka sintua, boi do marsiajar sian si Gidion. Molo adong halak na marsogo ni roha tu hamu, berupaya ma mangattusi boasa sappe songon i perasaanna, jala puji ma akka na denggan naung diulahon ibana. Porlu do serep rohatta asa boi mangulahon i. Alai taingot ma, uppetting do mardame sian mampartahatton harga diritta. w21.07 16-17 ¶10-12

Ala ditoppa hita mirip songon Debata, gabe boi ma tatiru akka sifatna. Gabe boi ma tapatudu holong, asi ni roha, kesetiaan, jala boi ma taulahon na sittong. (Ps. 86:15; 145:17) Molo berupaya hita maniru akka sifat ni Jahowa, on patuduhon na tapasangap do Ibana jala mandok mauliate hita ala nungnga ditoppa mirip songon Ibana. (1 Ptr. 1:14-16) Hasilna gabe tabahen ma las roha ni Jahowa, jala hita pe gabe marlas ni roha ma. Taboto do, ala dilehon Jahowa tu hita kemampuan lao maniru akka sifatna i, boi ma hita memenuhi syarat gabe anggota keluargana. Dilean Jahowa do tano na massai uli gabe inganatta tinggal. Sebelum ditoppa Ibana jolma, jolo ditoppa Ibana do tano on. (Job 38:4-6; Jer. 10:12) Diparade Jahowa do akka na denggan dohot na mambahen las rohatta. (Ps. 104:14, 15, 24) Dung i dipareso Jahowa do akka na ditoppana i, jala diida Ibana ma massai “denggan do i sude”.​—1 Mus. 1:10, 12, 31. w21.08 3 ¶5-6

Sude do hita mandapot tugas lao marbarita na uli dohot mambahen sisean. (Mat. 28:19, 20; Rom 10:14) Jadi porlu do tatingkatton keterampilanta mangulahon i. Boha ma carana? Taparsiajari ma akka saran di brosur Mangajari. Alai unang ma lupa hita, tujuan na paling penting na ikkon tabahen, i ma padenggatton akka sifatta. (Kol. 3:12; 2 Ptr. 1:5-8) Pasti lomo do rohatta naeng mangalehon unggodang tikki lao melayani Jahowa. Alai dang sai boi taulahon i. Taingot ma, di paradeiso do boi talehon sude tikkitta lao melayani Jahowa. Nang pe songon i, berusaha ma hita mambahen na undenggan lao mangulahon tugasta saonari, asa marlas ni roha hita jala tapasangap Jahowa “Debata na marlas ni roha i”. (1 Tim. 1:11) Jadi berupaya ma hita menikmati tugas na tadapot saonari. w21.08 24-25 ¶18-20

Molo Saksi Jahowa do natua-tuamuna, pasti nungnga marsiajar hamu taringot Jahowa sian mulai gelleng. Diboto hamu do Jahowa na manoppa saluhutna, diboto hamu do akka sifatna na luar biasa, dohot janjina taringot Paradeiso. (1 Mus. 1:1; Ul. 17:24-27) Godang do halak na mandok dang adong Debata. Porsea do nasida tu teori evolusi jala didok do na terjadi sandiri saluhut na adong di portibi on. Jala piga-piga halak na porsea tu evolusi, i ma akka halak na timbo sikkolana. Didok nasida, boi do sains membuktihon na sala do Bibel i. Jala didok nasida akka halak na porsea tu Panoppa, i ma halak na so berpendidikan manang na oto. Dang soal nungnga sadia leleng hita manomba Jahowa, ikkon torus do tapatogu haporseaotta tu Ibana. Molo taulahon i, dang tartipu be hita alani “ajaran ni jolma dohot akka hata na so marguna” na so sesuai tu Bibel.—Kol. 2:8. w21.08 14 ¶1-3

Najolo dipasangap si Abel, si Noak, si Abraham, dohot si Job do Jahowa. Jala dipatudu nasida do holong ni rohana tu Jahowa. Songon dia carana? Marhite mangoloi hatana, porsea tu Ibana, jala rade mambahen pengorbanan. Berupaya do nasida mambahen las roha ni Jahowa jala dijalo Jahowa do ibadat ni nasida. Dukkon jaman ni si Musa, dilehon Jahowa ma patik tu halak Israel. Dipaboa do disi songon dia cara manomba Ibana. Dung mate Jesus jala dipahehe, dang tadalatton be Patik ni si Musa. (Rom 10:4) Alana nungnga dilehon tu hita patik na imbaru, i ma “patik ni Kristus”. (Gal. 6:2) Patik na imbaru i dang marisi daftar peraturan na boi dohot na so boi diulahon. Alai boi do tadalatton patik i molo tatiru Jesus jala tadalatton akka parettana. Hasilna, boi ma tabahen las roha ni Jahowa jala hita pe marlas ni roha ma.​—Mat. 11:29. w22.03 20-21 ¶4-5

Lomo do roha ni Jahowa manangihon akka naposona. Taida ma songon dia Jahowa manangihon Jesus, Anakna na parjolo i. Saleleng di portibi on Jesus, ditangihon Jahowa do tangiangna. Contohna tikki martangiang Jesus lao mamillit 12 apostelna. (Luk. 6:12, 13) Dung i, sebelum dipasahat si Judas penghianat i Jesus tu akka musuna, martangiang do Jesus asa sanggup mangadopi ujian na lao masa i. Ditangihon Jahowa do pangidoan ni Jesus i. Disuru do suru-suruan patoguhon Anak hasianna i, ala marsak hian do Jesus tikki i. (Luk. 22:41-44) Saonari pe olo do Jahowa manangihon tangiangta, jala alusanna do i di tikki na pas. (Ps. 116:1, 2) Taida ma pengalaman ni sahalak donganta borua di India. Jotjot do ibana marsak jala holsoan. Didok ibana, “Acara JW Broadcasting^® bulan Mei 2019, mangurupi au asa unang sai marsak be. Jala lewat acara i boi do huhilala na dialusi Jahowa tangiangku.” w21.09 21-22 ¶6-7

Boi do dibayakkon hamu songon dia perasaan ni halak Judea tikki maninggalhon sude artana jala pinda tu inganan na baru? Pasti dang mura i. Ikkon porsea do nasida na sanggup Jahowa paradehon sude kebutuhan ni nasida. Alai sasittongna, nungnga dilehon Jahowa bantuan tu nasida asa siap mangadopi i. Lima taon andorang so ro halak Rom menyerang Jerusalem, nungnga dilehon si Paulus sipasingot on tu nasida, “Unang ma holan hepeng na dipikkiri hamu di ngolumuna, alai las ma rohamuna tu akka na adong di hamu. Ai didok Debata do, ‘Dang tadikkonokku ho jala dang pasombuokku ho.’ Alani i, pos ma rohatta mandok, ‘Jahowa do na mangurupi au, dang mabiar au. Aha ma na boi bahenon ni jolma tu au?’” (Heb. 13:5, 6) Molo diihutton nasida do poda i, pasti ummura do nasida mambahen penyesuaian di inganan na baru i. Alana pos do roha ni nasida paradeon ni Jahowa do sude kebutuhan ni nasida. w22.01 4 ¶7, 9

Songon dia do halak na marasi ni roha i? Burju do ibana, lambok, jala parholong. Taingot do ra ilustrasi ni Jesus taringot bawa Samaria na burju. ‘Asi do rohana’ tu halak Jahudi na dirampok jala dipukkuli. Diobati ibana do lukka ni halak Jahudi i jala dirawat sappe malum. (Luk. 10:29-37) Sian ilustrasi ni Jesus on, taboto ma massai balga do asi ni roha ni Jahowa. Dipatudu Ibana do asi ni rohana ganup ari, ala holong rohana tu hita. Asing ni i, ala parasi roha do Jahowa dang pittor dihukum Ibana hita tikki sala. Panurat psalmen mandok, “Dang hea dibalos Ibana hita hombar tu akka dosatta.” (Ps. 103:10) Alai molo adong halak na mangulahon dosa na serius, tegas do Jahowa. Didisiplin do halak na marsala i. w21.10 8 ¶1-2

Jahowa patuduhon holong na manoktong holan tu akka naposona. Tarida do i sian hata ni Raja Daud dohot Panurirang Daniel. Didok si Daud, “Toktong ma patudu holong ni roham tu akka halak na mananda Ho.” “Toktong do dipatudu Jahowa holong ni rohana sahat tu saleleng ni lelengna tu akka halak na makkabiari Ibana.” Si Daniel mandok, “Ale Jahowa Debata na sittong . . . dipatuduhon Ho do holong ni roham tu akka halak na makkaholongi Ho jala na mangulahon parettam.” (Ps. 36:10; 103:17; Dan. 9:4) Sian akka ayat i taboto ma, dipatudu Jahowa do holong na manoktong tu akka naposona ala ditanda nasida do Jahowa, dihabiari, dihaholongi, jala diulahon parettana. Memang sebelum tasomba Jahowa, nungnga tahilala holongna. Alai dung gabe Saksi Jahowa hita, boi ma tahilala holongna na manoktong i.—Ps. 104:14. w21.11 4 ¶8-9

Songon dia do carana mandalatton paretta ni Jesus na adong di ayat sadari on? Saonari, godang do halak na mamuji-muji akka pamimpin agama na terkenal. Gabe anggota garejana ma nasida, dituhori akka bukkuna, jala disumbangkon do godang hepeng lao mendukung pamimpin agama i. Piga-piga halak porsea hian tu sude hata ni pamimpin agama i. Alai hita dang songon i. Taargai do akka dongan bawa na manguluhon organisasi. Alai taingot do hata ni Jesus na mandok, “Na marhaha maranggi do hamu sude.” (Mat. 23:8-10) Jadi, dang olo hita mamuji-muji akka pamimpin agama manang akka pamimpin politik. Dang olo hita mendukung akka ulaon ni nasida. Toktong do hita netral, ala dang bagian sian portibi on hita. On ma na patuduhon berbeda do hita sian agama na asing na mangakku Kristen.​—Joh. 18:36. w21.10 20 ¶6-7

Asa boi hita badia, ikkon tabahen do Jahowa na paling penting di ngolutta. Dung i tajaga ma pangalahotta asa unang marlea goar ni Jahowa. Sai taingot ma sude na taulahon dohot na tahatahon, berpengaruh do i tu goar ni Jahowa na badia. (3 Mus. 19:12; Jes. 57:15) Molo holong roha ni halak Israel tu Jahowa, ikkon berupaya do nasida mangoloi sude parettana. Di 3 Musa 18:4 didok Jahowa do, “Toktong ma oloi patikku jala ulahon parettakku. Au do Jahowa Debatamuna.” Sebagian sian ‘paretta’ ni Jahowa i disurat do di 3 Musa 19. Contohna paretta taringot mangalehon pelean na disurat di ayat 5-8, 21, 22. Ikkon manat do halak Israel, asa unang sappe ‘ramun dibahen nasida pelean na badia na dilehon tu Jahowa’. Molo tarimangi ayat on, gabe tergerak ma hita mambahen las roha ni Jahowa. Jala songon na tarsurat di Heber 13:15, porlu do talehon pujian tu Debata. w21.12 5-6 ¶14-15

Akka pasangan na baru menikah, boi do marsiajar sian akka naung leleng menikah jala na bersemangat melayani Jahowa. Piga-piga sian nasida mambahen cita-cita gabe pelayan sepenuh waktu. Boi do disukkun hamu songon dia dibahen nasida lao mandapot cita-cita i. Molo diulahon hamu i, on patuduhon na marpos ni roha do hamu tu Jahowa. (Poda 22:17, 19) Hadiah sian Jahowa do pernikahan i, jadi patudu ma na diargai hamu hadiah i. (Mat. 19:5, 6) Lomo do roha ni Jahowa asa marlas ni roha hamu. Alani i, pareso hamu ma aha na uppetting di ngolumuna. Martangiang ma hamu tu Jahowa jala lului ma akka prinsip ni Bibel na cocok tu situasimuna, dung i ulahon ma i. Molo melayani Jahowa do na uppetting di ngolumuna, pasti pasu-pasuon ni Jahowa do hamu jala lehononna ma tu hamu las ni roha. w21.11 18-19 ¶16, 18

Dang hea si Jakobus merasa dirina untimbo sian na asing. Dang merasa lebih istimewa ibana ala anggi ni Jesus ibana, manang ala adong tugasna na istimewa di huria. Di suratna i, jotjot do didok si Jakobus “akka dongan na huhaholongi”. On patuduhon dang hea si Jakobus merasa undenggan ibana sian na asing. (Jak. 1:16, 19; 2:5) Alai sarupa do ibana songon akka dongan na asing, jolma na so sempurna. Parsiajaranna: Molo adong parsiajar Bibelta, unang ma tabahen hira jolma na sempurna hita, asa unang gabe metmet rohana jala marpikkir dang mungkin sanggup ibana mangoloi Jahowa. Sebalikna jujur ma hita paboahon hahurangatta. Jala tapaboa ma, sai diurupi Jahowa do hita asa boi muba. Molo taulahon i, gabe boi ma ibana mambahen kemajuan. w22.01 11-12 ¶13-14

Molo tatiru cara marpikkir ni Jesus, gabe lam mirip ma pangalahotta tu ibana. (Heb. 1:3) Olo do ra didok rohatta dang mungkin boi tatiru Jesus, ala sempurna do ibana. Ingot ma, ditoppa do hita asa boi maniru Jahowa dohot Jesus. Jadi pasti boi do tatiru nasida. (1 Mus. 1:26) Dung i, adong do tondi parbadia ni Jahowa na boi mangurupi hita. Jadi boi do taulahon akka ulaon na di luar kesanggupanta. Asing ni i, dang hea diharappon Jahowa asa sempurna hita saonari. Sasittongna haduan, dilehon Jahowa do tu akka halak na harapanna mangolu salelengna di tano on tikki 1.000 taon asa gabe sempurna. (Pgk. 20:1-3) Jadi na dipangido Jahowa sian hita saonari berusaha sian nasa gogotta lao mamakke pangalaho na imbaru jala toktong mangasahon Ibana. w22.03 9 ¶5-6

Asa lam jonok hita tu Jahowa ikkon martangiang do hita. Asing ni i, porlu do hita taratur marsiajar Bibel jala ro tu parpunguan. Alai sipata olo do maol hita fokus tikki marsiajar manang marpungu. Attong aha do na porlu taulahon? Tapikkirhon ma aha na mambahen hita dang konsentrasi. Boi do hita terganggu alani panggilan telepon, pesan masuk, manang email. Molo dang boi hamu konsentrasi saleleng marsiajar manang marpungu, martangiang ma tu Jahowa asa diurupi hamu fokus. Memang dang mura on. Alani i sai tapangido ma tu Jahowa asa dilehon tu hita hadameon ‘na boi manjaga roha dohot pikkiranta’.​—Plp. 4:6, 7. w22.01 29-30 ¶12-14

Dang olo Raja Usia manjalo nasehat na dilehon tu ibana. Di sada tikki masuk do ibana tu bagas joro ni Jahowa jala ditutung ibana ma dupa. Hape holan malim do na boi mangulahon i. Gabe dipasingot akka malim ma ibana. Didok ma, “Ale Usia, dang bagianmu manutung dupa tu Jahowa! Holan akka malim do na boi manutung dupa.” Boha do reaksi ni si Usia? “Gabe muruk ma si Usia.” Hape molo serep rohana manjalo sipasingot i jala kaluar sian bagas joro, pasti diampuni Jahowa do ibana. Alai boasa ditolak ibana sipasingot i? Olo do ra ala raja ibana. Didok rohana boi do ibana mangulahon manang aha pe. Alai tindakanna i mambahen sogo roha ni Jahowa. Akibatna marsahit kusta ma ibana “sahat tu na mate”. (2 Kron. 26:16-21) Sian on hita marsiajar, dang soal aha tanggung jawabta di organisasi ni Jahowa, ikkon olo do hita manjalo sipasingot. Molo dang olo hita, gabe sogo ma roha ni Jahowa tu hita. w22.02 9 ¶7

Halak na dikendalihon “pangalaho na leleng”, i ma halak na marpikkir jala bertindak mangihutton parniulaon ni daging. (Kol. 3:9) Misalna halak na egois do ibana, mura-mura muruk, dang diboto mandok mauliate, jala pasangaphu tu dirina. Lomo do rohana mangida pornografi, manotton film na patuduhon seks na so patut, manang kekerasan. Bisa jadi adong do sifatna na denggan jala olo do ra menyesal ibana mangulahon na sala. Alai dang kuat keinginanna lao mangubah cara marpikkir dohot pangalahona na sala i. (Gal. 5:19-21; 2 Tim. 3:2-5) Ala dang sempurna hita, dang boi tabolokkon sude keinginan dohot pikkiran na sala. Sipata tasolsoli do pambahenan dohot pakkataiotta na sala. (Jer. 17:9; Jak. 3:2) Alai tikki tatanggalhon pangalaho na leleng i, dang dikendalihon cara marpikkir dohot parniulaon ni daging be hita jala dang i be na mangarajai diritta.​—Jes. 55:7. w22.03 3 ¶4-5

Akka sintua porlu do berfokus tu sifat ni akka dongan na denggan. Dang adong jolma na sempurna, alai sude do akka dongan di huria adong sifatna na denggan. Memang porlu do torus diurupi akka sintua akka dongan di huria padenggatton cara marpikkir dohot pangalaho ni nasida. Alai songon Apostel Paulus, unang ma berfokus nasida tu kelemahan ni akka dongan. Ikkon ingoton ni nasida do holong ni akka dongan tu Jahowa, kesetiaan ni nasida, dohot akka sifat ni nasida na denggan. Molo sai positif do cara marpikkir ni sintua, boi ma dirasahon akka dongan di huria na dihaholongi nasida. Porlu do muse diingot akka sintua dang hea diharappon Jahowa nasida asa sempurna. Na dipangidona toktong ma nasida setia. (1 Kor. 4:2) Pos ma rohamuna, “dang lupahononna akka naung diulahon hamu dohot holong naung dipatudu hamu tu goarna i. Dipatuduhon hamu do i marhite mangurupi akka na badia i sahat tu saonari”.​—Heb. 6:10. w22.03 31 ¶19, 21