Mangolu di paradeiso di tano on ma angka halak na malua sian ari parpudi
Songon Dia Do Didok Bibel?
Tutu do hita saonari mangolu di ”tingki parpudi”?
Songon dia do alusmuna?
I do
Ndang
Ndang binoto
Na didok Bibel
”Na ro ma angka ari hasusaan, di angka tingki parpudi.” (2 Timoteus 3:1) Molo taida na masa saonari, boi do tadok naung mangolu ”di angka tingki parpudi” hita songon na disurirangkon Bibel.
Aha do muse na taparsiajari sian Bibel?
Di tingki ari parpudi masa ma angka porang, haraparon, gempa bumi dohot angka sahit na posi.—Mateus 24:3, 7; Lukas 21:11.
Saleleng ari parpudi, lam sega do parange dohot partondion ni angka jolma.—2 Timoteus 3:2-5.
Aha do na laho masa tu jolma di ari na naeng ro?
Pigapiga halak mandok . . . na laho diropukhon do tano on dohot nasa isina, deba mandok na laho lam tu dengganna do tano on. Songon dia pandapotmuna?
Na didok Bibel
”Teanon ni angka partigor i do sogot tano i, jala tongtong do nasida maringanan disi.”—Psalmen 37:29.
Aha do muse na taparsiajari sian Bibel?
Angka parjahat do na laho diripashon di ujung ni ari parpudi.—1 Johannes 2:17.
Dipauba ma tano on gabe paradeiso.—Jesaya 35:1, 6.