Nunga Mangarade Hamu tu Ulaon Parningotan na laho Ro?

Tingki i 13 Nisan 33 DM. Diboto Jesus do, on ma tingki na parpudi rap ibana dohot angka siseanna andorang so mate ibana. Naeng diulahon ibana do Paska na parpudi dohot nasida jala mambahen sada ulaon na imbaru, i ma Borngin Parningotan. Ringkot mambahen panghobasion tu ulaon on. Andorang so ulaon i nunga disuru ibana si Petrus dohot si Johannes asa paradehon angka na porlu tusi. (Luk. 22:7-13) Mulai sian i, on ma na porlu siulahonon ni halak Karisten laho pabadiahon ari Parningotan ganup taon, asa mambahen panghobasion tu ulaon on. (Luk. 22:19) Aha do na porlu diparade tu ulaon Parningotan di 3 April on?

Siparrohahonon ni Angka Penyiar:

Atur ma asa sae gokhon Parningotan sibagihononmu.
Bahen ma daftar na laho sigokhonon parsiajar Bibel, hombar jabu, dongan singkola, dongan sakarejo, dohot aleale, jala tagokhon ma na nasida.
Jaha jala rimangi ma panjahaion Bibel tu ari parningotan.
Ro ma tu Borngin Parningotan i jala rade manjanghon angka na ro.