Isara Mangajar na Denggan

1. Aha do na ringkot asa denggan pangajarionta?

¹ Asa denggan pangajarionta, ringkot do mamangke hata na mura antusan. Lam denggan ma pangajarionta molo taparsiajari isara ni Jesus tingki mangajar.​—2 Tim. 4:2; Joh. 13:13.

2. Aha do lapatan ni mangajar mamangke hata na mura antusan, jala aha do pangkorhon ni on?

² Pangke ma Hata na Mura Antusan: Jamita na dipasahat ni Jesus di dolok, mura diingot ala dipasahat dohot hata na mura antusan. (Mat., bindu 5-7) ”Tarhatotong” do sude halak na manangihon Jesus. Halak na disuru laho manangkup Jesus pe mandok, ”Ndang dung dope adong halak na marjamita songon Ibana.” (Mat. 7:28, 29; Joh. 7:46) Alani i, unang ma tapangke hata na maol antusan, tudosan na so ditanda halak manang hatorangan na ganjang tingki mangajar. Alai, tapangke ma hata na somal jala mura antusan laho patorangkon hasintongan.

3. Boasa adong na mangalehon pagodanghu hatorangan tingki marbarita, jala songon dia do asa unang taulahon on?

³ Tontuhon ma Godangna: Ala mardophon ni roha do Jesus tu halak na ro, ditontuhon ibana ma sadia godang na laho pasahatonna. (Joh. 16:12) Tingki marbarita hita tu sisolhot, halak na baru manjangkon barita na uli manang tu dakdanak, marpangantusion ma hita, asa unang tapaksa nasida manangihon. Manat ma, asa unang mangalehon godang hatorangan, nang pe las roha ni parjabu manangihon. Pos ma rohanta sai dapot ni halak na manjangkon do parbinotoan taringot Jahowa.​—Joh. 17:3; 1 Kor. 3:6.

4. Boasa dumenggan molo taihuthon tema ni parsiajaran sian mangalehon gumodang hatorangan?

⁴ Ihuthon ma Tema ni Parsiajaran: Ndang maol antusan pangajarion ni Jesus, ala ndang pagodanghu hatorangan na dipasahat ibana. Tingki didok Jesus, ”begeon ni saluhut halak na di angka tanoman i ma soarana dung i ruar be ma,” ndang dipatorang ibana dua na tinuju ni halak na dipahehe. (Joh. 5:28, 29) Tingki marsiajar hita, taihuthon ma tema ni parsiajaran i, jala unang ma tatambai hatorangan na asing na so adong di parsiajaran.