Unang Ulahon On Tingki Mambahen Parsiajaran Bibel

Pagodanghu na Dipatorang: Ndang ingkon dipatorang hamu sasude. Dipangke Jesus do sungkunsungkun tingki mangajari angka halak. (Mat 17:24-27) Marhite sungkunsungkun, boi ma taboto naung sadia godang parbinotoan dohot haporseaon ni parsiajar Bibel. (be-IN 253 ¶2-3) Alai, ingkon sabar do hita paimahon alusna. Molo sala pe, unang ma pintor tapaboa alusna. Tabahen ma muse sungkunsungkun na boi mangurupi ibana asa mamboto alus na sintong. (be-IN 238 ¶2-3) Palanpalan ma mangkatai tingki paboahon hatorangan na baru.​—be-IN 230 ¶4.

Mangararati: Unang ma gabe rarat tingki patorangkon parsiajaran i. (Joh 16:12) Na taparsiajari i ma na tapatorang. (be-IN 226 ¶4–227 ¶1) Molo pagodanghu hatorangan na tapaboa, boi do gabe ndang tangkas parsiajaran i. (be-IN 235 ¶3) Molo nunga diantusi ibana sadasada paragraf, uduti ma tu paragraf na mangihut.

Ndang Mandodo Roha: Ingkon boi do hita mandodo roha, ndang holan na patorangkon parsiajaran i. (Luk 24:32) Patangkas ma ayat na diondolhon di parsiajaran i. (2Kor 10:4; Heb 4:12; be-IN 144 ¶1-3) Bahen ma tudosan na mura diantusi. (be-IN 245 ¶2-4) Pingkirhon ma situasinasida tingki mangulas parsiajaran i. Sungkun ma: ”Songon dia do pangkilalaanmu taringot na taparsiajari on?” ”Parange ni Jahowa dia ma na tarida sian parsiajaran on?” ”Aha do labana molo taulahon na taparsiajari on?”​—be-IN 238 ¶4-6; 259 ¶1.