Referensi tu Parpunguan Hangoluan dohot Pangkobasion na Laho Diparsiajari
© 2023 Watch Tower Bible and Tract Society of Pennsylvania
1-7 MEI
ARTA NA ARGA NA ADONG DI BIBEL | 2 KRONIKA 17-19
“Tiru ma Cara Pandang ni Jahowa Tikki Mangida Halak na Asing”
Dioloi Hamu do Angka na Tarsurat I?
7 Saonari taulas ma taringot tu anak ni si Asa, na margoar si Josapat. Denggan do parangena jala mambahen las roha ni Jahowa. Tingki marpangunsandean tu Jahowa, diulahon ibana do na denggan. Alai, hea do ibana mangulahon na sala. Disuru do anakna mangalap boru ni Raja Ahab na jahat. Sahata do si Ahab dohot si Josapat mamorangi halak Ram, nang pe nunga dipasingot panurirang Mika ibana asa unang mangulahon i. Di parporangan i, ro ma halak Ram laho mambunu si Josapat. (2 Kron. 18:1-32) Tingki mulak si Josapat tu Jerusalem, disungkun panurirang Jehu ma ibana, “Tung na jadi ma di roham tolongan halak parjahat manang haholongan halak na hinagigihon ni Jahowa?”—Jaha 2 Kronika 19:1-3.
Mangarimangi Holong ni Jahowa
8 Lomo roha ni Debata asa taboto na holong rohaNa tu hita. Ndang holan hahuranganta sambing na diidaNa alai, diida do na denggan di dirinta. (2 Kronika 16:9) Taparrohahon ma songon dia Jahowa mangida na denggan di diri ni Raja Josapat sian Juda. Mangulahon na sala do si Josapat tingki satolop tu Raja Ahab laho mangalo halak Siria, di Ramot di Gilead. Adong 400 panurirang pargapgap mandok na monang do nasida di parporangan i, alai si Mika, panurirang ni Jahowa mandok ndang na laho monang nasida. Jala tutu ma masa i. Mate ma si Ahab di parporangan i, alai malua do anggo si Josapat. Dung i, disuru Jahowa ma si Jehu mamodai si Josapat di hasalaanna i. Didok si Jehu ma tu ibana: “Adong dope tahe jumpang ruhut na denggan sian ho.”—2 Kronika 18:4, 5, 18-22, 33, 34; 19:1-3.
9 Andorang so masa i, disuru si Josapat do halak Lepi dohot angka malim laho tu sude luat ni Juda mangajarhon uhum ni Jahowa. Pangkorhon ni on, angka halak sian bangso na asing pe gabe mananda Jahowa. (2 Kronika 17:3-10) Nang pe mangulahon na sala si Josapat, alai ndang dihalupahon Jahowa na denggan naung diulahonna i. On paposhon rohanta, ala sipata taulahon na sala. Molo tabahen na denggan laho manomba Jahowa, sai dihaholongi ma hita. Jala ndang lupahononNa angka na denggan naung tabahen tu Ibana.
Arta na Adong di Bibel
Tasomba ma Jahowa sian Nasa Roha!
10 Ditiru si Josapat do parange ni amana, i ma si Asa. (2 Kron. 20:31, 32) Songon dia ibana maniru amana? Songon amana, dipatogu si Josapat do angka halak asa tongtong manomba Jahowa. Disuru ibana do sampulu baoa tu Juda laho mangajarhon angka “buku patik ni Jahowa”. (2 Kron. 17:7-10) Jala laho do ibana tu harajaon ni Israel di utara, manjumpangi angka halak di dolok Epraim, asa “mulak nasida ditogihon tu Jahowa”. (2 Kron. 19:4) Si Josapat ma raja “na mangalului Jahowa sian nasa rohana”.—2 Kron. 22:9.
11 Saonari, lomo do roha ni Jahowa asa sude halak di liat portibi on diajari taringot tu Ibana, jala boi do hita dohot mangulahon i. Olo do hamu marbarita ganup bulan? Olo do hamu mangajarhon Bibel tu na asing asa boi nasida manomba Jahowa? Ditangiangkon hamu do taringot on? Molo marsitutu hamu, urupan ni Jahowa ma hamu asa mandapot parsiajar Bibel. Olo do hamu mangajari sasahalak nang pe ingkon godang tingkimuna laho mangulahon i? Songon si Josapat na mangurupi na asing asa manomba Jahowa muse, hita pe boi mangurupi halak na so aktif. Asing ni i, dijumpangi jala diurupi angka sintua do angka halak na dipabali sian huria, atik boha naung marhamubaon nasida.
8-14 MEI
ARTA NA ARGA NA ADONG DI BIBEL | 2 KRONIKA 20-21
“Porsea ma Hamu tu Jahowa Debatamuna”
w14-IN 15/12 23-24 ¶8
Toktong ma Hita Marsada Ala Nungnga Jonok Ujung ni Portibi on
8 Di jaman ni Raja Jehosapat, ro ma “godang tentara” ni musu na gogo naeng mangalo naposo ni Debata. (2 Kron. 20:1, 2) Jadi aha ma na diulahon nasida? Diandalhon nasida do Jahowa jala martangiang do nasida mangido petunjukna. (Jaha 2 Kronika 20:3, 4.) Dang mangalului dalanna be halak Juda. Alai marsada do nasida sude. Bibel mandok, “Marpungu ma sude halak Juda di jolo ni Jahowa. Marpungu do nasida rap dohot istri ni nasida, anakkon ni nasida, dohot anakkon ni nasida na gelleng dope.” (2 Kron. 20:13) Sude do halak Juda mangandalhon Jahowa, dang soal na matua manang na poso. Jala diulahon nasida do na diparettahon Jahowa. Ala toktong nasida marsada, dijaga Jahowa ma nasida sian musu. (2 Kron. 20:20-27) Sitiruon na denggan do nasida tu naposo ni Jahowa di jaman saonari on. Porlu do hita toktong marsada asa boi menghadapi tantangan.
Akka Pasangan na Baru Menikah—Fokus ma Melayani Jahowa
7 Makkatai ma Jahowa tu si Jehosapat marhite si Jehasiel sahalak bawa sian marga Lepi. Didok ibana, “Marbaris ma hamu, jongjong, jala ida ma Jahowa paluahon hamu.” (2 Kron. 20:13-17) Memang hira dang masuk akkal petunjuk i. Alai Jahowa do na mangalehon petunjuk i, dang jolma. Ala pos rohana tu Debata, diulahon si Jehosapat do sude petunjuk na sian Jahowa. Tikki lao ibana marporang mangalo akka musu i, dang akka tentara na jago na dibahen ibana marbaris di jolo. Alai akka parende do. Jala ujungna monang do nasida. Jadi takkas ma dialusi Jahowa do tangiang ni si Jehosapat i.—2 Kron. 20:18-23.
Arta na Adong di Bibel
it-2-IN 1182 ¶13-1183 ¶1
Si Jehoram
Ala mangoli tu si Atalia boru ni si Ahab do si Jehoram, gabe diulahon ibana ma na so sittong di jolo ni Jahowa. Dang diihutton ibana bapakna si Jehosapat na sai mangulahon na sittong di jolo ni Jahowa. (2Raj 8:18) Asing ni i, dipamate ibana do onom anggina dohot deba pejabat ni Juda. Dibahen ibana do muse rakyatna maninggalhon Jahowa jala manomba akka debata na so sittong. (2Kron 21:1-6, 11-14) Godang do masalah na ro saleleng mamaretta ibana, termasuk ma i masalah sian keluargana dohot masalah sian bangso na asing. Misalna, memberontak ma halak Edom tu halak Juda. Dung i, dohot ma muse halak Libna. (2Raj 8:20-22) Alani i dikirim Panurirang Elia ma sada surat lao pasingotton si Jehoram. Didok di surat i, “Alani i, paroon ni Jahowa ma jea tu bangsom, tu akka anakmu, tu akka istrim, dohot tu sude na adong di ho. Jala na lao godang ma sahitmu, dohot ma i marsahit butuha. Lam posi ma sahit butuhami ganup ari, sappe kaluar ma ususmu.”—2Kron 21:12-15.
Saut ma sude na nidok ni Jahowa i. Dipasombu Jahowa ma ro halak Arab dohot halak Palistim mangalo nasida, jala ditawan ma akka istri dohot akka anak ni si Jehoram. Holan anak siappudanna do na malua, i ma si Jehoahas (digoari do tong ibana si Ahasia). Dipalua Jahowa pe ibana, ala diingot Jahowa do parjanjianna tu si Daud. “Dukkon masa i sude, dibahen Jahowa ma marsahit butuha si Jehoram. Jala dang boi be dipamalum sahitna i. Dung lewat dua taon, lam posi ma sahitna i, sappe kaluar ma ususna. Gabe mate ma ibana alani sahitna i.” Alai “dang adong na marlungun ni roha tikki na mate i ibana. Dung i, dikuburhon ma ibana di Kota ni si Daud, alai dang di kuburan ni akka raja.” Jala gabe raja ma si Ahasia anakna manggattihon ibana.—2Kron 21:7, 16-20; 22:1; 1Kron 3:10, 11.
15-21 MEI
ARTA NA ARGA NA ADONG DI BIBEL | 2 KRONIKA 22-24
“Dipasu-pasu Jahowa do Halak na Barani”
w09-IN 1/4 24 ¶1-2
Gabe Ditinggalhon si Jehoas do Jahowa Ala Mardongan tu Halak na Jahat
MASA do hajahaton na massai balga di Jerusalem, inganan bagas joro ni Debata. Baru do Raja Ahasia mate tarbunu. Hape dukkon i diulahon si Atalia omak ni si Ahasia ma na jahat. Diparettahon ibana ma asa dipamate sude anak ni Ahasia. Hape pahoppuna do nasida. Diboto hamu do boasa diulahon ibana i?— Asa boi ibana marhuaso di Juda.
Alai adong do sada pahoppu ni si Atalia na marhasil ditabunihon jala poso-poso dope ibana di tikki i. Goarna i ma si Jehoas. Diboto hamu do boasa boi ditabunihon ibana?— Adong ma boru ni si Jehoas na margoar si Jehoseba na muli tu sahalak Sintua Malim na margoar si Jehoyada. Ibana ma na manabunihon si Jehoas di bagas joro ni Debata. Jadi nasida na dua ma na manabunihon jala na manjaga si Jehoas di bagas joro i.
w09-IN 1/4 24 ¶3-5
Gabe Ditinggalhon si Jehoas do Jahowa Ala Mardongan tu Halak na Jahat
Onom taon ma si Jehoas ditabunihon di bagas joro i. Saleleng di bagas joro i, marsiajar do ibana taringot Debata Jahowa dohot akka parettana. Dung marumur pitu taon ibana, diangkat si Jehoyada ma ibana gabe raja. Diboto hamu do boha cara ni si Jehoyada mangulahon i jala aha ma na masa tu oppung boru si Jehoas, i ma Ratu Atalia na jahat i?—
Dipapungu si Jehoyada ma sipsip akka pamimpin ni pengawal raja dohot akka pengawal ni istana. Dipaboa si Jehoyada ma tu nasida na ditabunihon ibana dohot istrina do saleleng on anak ni Raja Ahasia. Dung i, dipatudu si Jehoyada ma si Jehoas tu akka pengawal i. Gabe diboto nasida ma ikkon si Jehoas do sasittongna na gabe raja. Dung i, dibahen nasida ma rencana.
Diboan si Jehoyada ma si Jehoas kaluar sian bagas joro i. Jala dibahen ma mahkota tu uluna. Dung diida akka halak i, “martopak ma nasida huhut mandok, ‘Sai ganjang ma umur ni raja i!’” Jongjong do akka pengawal i di sakaliling ni si Jehoas lao manjaga ibana. Dung dibege si Atalia soara ni natorop i, lao ma ibana mamereng tusi jala muruk ma ibana. Alai disuru si Jehoyada ma asa dipamate akka pengawal i si Atalia.—2 Raja-Raja 11:1-16.
it-2-IN 413 ¶2
Dikuburhon, Kuburan
Ala diulahon Sintua Malim Jehoyada na sittong saleleng ngoluna, “dikuburhon ma ibana di kuburan ni akka raja di Kota ni si Daud”. Holan ibana do na so pinoppar ni raja na hea mandapot hasangapon sisongon i.—2Kron 24:15, 16.
Arta na Adong di Bibel
it-2-IN 1344 ¶3
Si Sakaria
12. Anak ni Sintua Malim Jehoyada. Dung mate si Jehoyada, dang disomba si Jehoas be Debata Jahowa. Alana unlomo do rohana manangihon hata ni akka pejabatna sian hata ni panurirang ni Jahowa. Dipasingot si Sakaria anak ni Sintua Malim Jehoyada do halak Juda (2Kron 22:11), alai dang olo nasida manangihon. Gariada didangguri nasida do si Sakaria pakke batu di halaman ni bagas joro sappe mate. Sebelum mate si Sakaria didok ibana do, “Sai diida Jahowa ma pambahenanmon, jala baloshononna do i tu ho.” Toho do terjadi hata ni Sakaria on. Alana dang sadia leleng, ro ma halak Siria mangalo halak Juda. Dung i dipamate akka parkarejona do si Jehoas, ai dipamate ibana do “akka anak ni Malim Jehoyada”. Septuaginta Junani dohot Vulgata Latin mandok, dipamate pe si Jehoas lao mambalos mudar ni “anak” ni si Jehoyada. Alai molo teks Masoret dohot Pesyita Siria mamakke hata “akka anak” ni si Jehoyada. Boasa dipakke di teks hata “akka anak”? Olo do ra lao patuduhon na mararga situtu do si Sakaria, anak ni Sintua Malim Jehoyada i. Jala tugasna pe, i ma sahalak panurirang dohot malim.—2Kron 24:17-22, 25.
22-28 MEI
ARTA NA ARGA NA ADONG DI BIBEL | 2 KRONIKA 25-27
“Boi do Lehonon ni Jahowa tu Ho Lobi sian i”
it-2-IN 1180 ¶8-1181
Jehoas
Digarar si Amasia raja ni Juda ma 100.000 tentara ni si Jehoas raja ni Israel. Alana, naeng marporang mangalo halak Edom ibana. Alai disuru “naposo ni Debata na sittong” ma asa dipaulak si Amasia akka tentara i. Hape nungnga dilehon si Amasia hian uang muka tu akka tentara i saratus talenta perak (660.600 dolar). Alani i, gabe muruk ma akka tentara i. Alana nungnga diharappon nasida, dapot ni nasida do jarahan sian halak Edom. Jadi dung mulak nasida tu luat ni nasida na di utara, gabe dijarah nasida ma akka kota na di harajaon selatan, mulai sian Samaria (markas ni nasida) sahat tu Bet-horon.—2Kron 25:6-10, 13.
Songon dia do Carana ‘Mandai’ Haburjuon ni Jahowa?
16 Rade ma mambahen pengorbanan. Molo tabahen pengorbanan tu Jahowa, dang na berarti dang boi taulahon aha na tahalomohon. (Pjm. 5:19, 20) Alai molo dang olo hita mambahen pengorbanan holan alani na tahalomohon i, sarupa ma hita dohot bawa na di tudosan ni Jesus. Bekerja keras do ibana asa sonang ngoluna. Alai gabe dilupahon ibana do Debata. (Jaha Lukas 12:16-21.) Si Christian, na tinggal di Prancis mandok, “Saleleng on, dang godang dope tikkikku na hupakke tu Jahowa dohot tu keluargakku.” Jadi gabe perintis ma ibana dohot istrina. Asa boi nasida merintis, ikkon ditinggalhon halak i do karejona. Gabe tukang bersih-bersih ma halak i. Dibahen halak i ma sederhana ngoluna. Aha do manfaat ni pengorbanan ni nasida i? Didok si Christian, “Nungnga dinikmati hami be na marbarita i. Jala, las do rohanami mangida akka kunjungan dohot studinami marsiajar taringot tu Jahowa.”
Arta na Adong di Bibel
w07-IN 15/12 10 ¶1-2
Olo do Hamu Diajar-ajari Dongan na Togu Haporseaonna?
MULAI sian marumur 16 taon si Usia nungnga gabe raja be ibana di Juda. Lobi sian 50 taon ibana mamaretta disi. Mulai sian ujung ni abad pasiahon sahat tu mula ni abad paualuhon SM. Mulai sian remaja, “sai diulahon ibana do na sittong di jolo ni Jahowa”. Boasa boi songon i? Catatan sejarah mandok, “Toktong do disomba ibana Debata saleleng mangolu si Sakaria. Ai diajari si Sakaria do ibana asa makkabiari Debata na sittong. Saleleng disomba ibana Jahowa, sai dipasu-pasu Debata na sittong do ibana.”—2 Kronika 26:1, 4, 5.
Dang godang na dipaboa Bibel taringot si Sakaria, penasehat ni raja Usia on. Nang pe songon i, balga do pengaruh ni si Sakaria tu si Usia. Alana ‘diajari si Sakaria do si Usia asa makkabiari Debata na sittong’. Songon on ma na didok The Expositor’s Bible taringot si Sakaria, “Godang do parbinotoanna taringot Hata ni Debata, denggan do cara marpikkirna. Jala malo do ibana mangajari halak taringot na binotona.” Asing ni i, songon on ma na didok sahalak pakar Alkitab taringot si Sakaria, “Takkas do diboto ibana surirang ni Debata, malo do ibana, burju, jala mabiar tu Debata. Balga do pengaruh ni si Sakaria tu si Usia.”
29 MEI–4 JUNI
ARTA NA ARGA NA ADONG DI BIBEL | 2 KRONIKA 28-29
“Toktong Manomba Jahowa Nang pe Dang Sisomba Jahowa Natua-tuamuna”
Tiru ma Aleale ni Jahowa
8 Ndang songon si Rut, si Hiskia tubu di tongatonga ni bangso na manomba Jahowa. Alai, godang halak Israel di tingki i ndang mangoloi Jahowa. Jahat do Raja Ahas amang ni si Hiskia. Ditogihon si Ahas do halak Juda manomba ganaganaan jala mambahen ramun bagas joro ni Jahowa. Dipelehon si Ahas do anakna marhite api. Godang do parungkilon na masa tingki dakdanak si Hiskia!—2 Raj. 16:2-4, 10-17; 2 Kron. 28:1-3.
Tiru ma Aleale ni Jahowa
9 Angka ulaon na jahat na binahen ni si Ahas, boi do on mambahen si Hiskia gabe halak na jahat jala mangalo tu Debata. Saonari, ala manaon godang hasusaan, adong na mandele jala “disolsoli rohana ma Jahowa” dohot organisasiNa. (Poda 19:3, Bibel siganup ari) Na asing muse mangkilala ndang denggan parngoluon ni keluargana, on mambahen ndang denggan parngoluonna. Diulahon ma muse songon na niulahon ni natuatuana. (Hes. 18:2, 3) Tutu do pandapot sisongon i?
10 Sian parngoluon ni si Hiskia, taboto ma ndang tutu pandapot sisongon i! Ndang boi hita muruk tu Jahowa, alana ndang Jahowa na mambahen hita susa. (Job 34:10) Tutu, parniulaon ni natuatua boi do i mangkorhon na denggan manang na roa tu ianakhonna. (Poda 22:6; Kol. 3:21) Alai, ndang angka na masa di parngoluon ni keluarganta na manontuhon parngoluonta. Dipaloas Jahowa do hita laho mamillit aha na laho taulahon. (5 Mus. 30:19) Songon dia do si Hiskia mamillit na dumenggan di ngoluna?
11 Nang pe si Hiskia anak ni raja Juda na jahat, alai ndang gabe jahat ibana. Ndang adong be raja na burju di Juda dungkon ibana. (Jaha 2 Rajaraja 18:5, 6.) Tutu do, ndang adong tiruan na denggan sian amangna, alai adong do halak na asing na gabe sitiruon na denggan di si Hiskia. Umpamana, si Jesaya, si Mika dohot si Hosea, na gabe panurirang di tingki i na patoguhon rohana mangulahon na sintong. Dipaias ibana ma bagas joro sian angka na ramun, dirumpakhon ma angka ganaganaan jala didok ma tu bangso i asa marhamubaon nasida. (2 Kron. 29:1-11, 18-24; 31:1) Tingki ro raja Sanherib na sian Assur laho mamorangi Jerusalem, barani jala marhaporseaon do si Hiskia tu Jahowa. Porsea situtu do ibana na paluaon ni Debata nasida jala dipapos do roha ni angka rakyatna. (2 Kron. 32:7, 8) Hea do ginjang roha ni si Hiskia, alai dijalo do sipasingot ni Jahowa jala marhamubaon. (2 Kron. 32:24-26) Ndang dibahen si Hiskia na masa di tingki naung salpu mangkorhon tu ngoluna di ari na naeng ro. Alai, tongtong do dipatogu paralealeonna tu Jahowa jala gabe sitiruon na denggan.
Arta na Adong di Bibel
w12-IN 15/2 24-25
Setia do si Natan Mendukung Ibadat na Sittong
Naposo ni Jahowa na setia do Panurirang Natan. Jadi tikki dipaboa si Daud rencanana lao pajongjokkon bagas joro, semangat hian do si Natan mendukung rencana ni si Daud i. Alai dang jolo disukkun ibana boha pandangan ni Jahowa taringot i. Holan pandanganna sandiri do na dipaboa tu si Daud. Jadi di borngin i didok Jahowa ma tu si Natan, dang si Daud na lao pajongjokkon bagas joro di Ibana, alai anakna do. Nang pe songon i, dibahen Jahowa do perjanjian tu si Daud na lao ‘hot tahtana saleleng ni lelengna’.—2 Sam. 7:4-16.
Dang sadalan pandangan ni si Natan tu lomo ni roha ni Debata taringot pajongjokkon bagas joro. Alai serep do roha ni Panurirang Natan, dang olo ibana marungut-ungut. Jala olo do ibana mangihutton petunjuk ni Jahowa. Gabe sitiruon do Panurirang Natan di hita tarlumobi molo dipissang hita. Di pudian ni ari, dipakke Jahowa dope si Natan gabe panurirangna. On patuduhon na lomo do roha ni Jahowa tu ibana. Bahkan dipakke Jahowa do Panurirang Natan dohot Panurirang Gad mangajar-ajari si Daud lao mangatur 4.000 parmusik na martugas di bagas joro.—1 Kron. 23:1-5; 2 Kron. 29:25.
5-11 JUNI
ARTA NA ARGA NA ADONG DI BIBEL | 2 KRONIKA 30-31
“Manfaat na Tadapot molo Marpungu”
it-1-IN 942 ¶2
Si Hiskia
Semangat do Ibana Lao Padenggatton Ibadat na Sittong. Dung gabe raja si Hiskia tikki marumur 25 taon, semangat do ibana lao padenggatton ibadat na sittong. Na parjolo diulahon ibana, i ma padenggatton bagas joro asa boi muse dipakke. Dung i, dipapungu ibana ma akka malim dohot halak Lepi, jala didok ibana ma tu nasida, “Lomo do rohakku mambahen parjanjian tu Jahowa Debata ni halak Israel.” Marhite parjanjian on, hira na diresmihon ma muse parjanjian hukum di Juda. Alana dang diulahon nasida saleleng on parjanjian hukum i. Dung i, denggan ma diatur ibana halak Lepi, asa boi muse nasida martugas di bagas joro. Jala dibahen ibana ma muse asa adong akka parmusik dohot akka parende di bagas joro. Ala bulan Nisan do tikki i, ikkon dirayahon halak Israel do Paskah. Alai ramun dope bagas joro, halak Lepi, dohot akka malim. Jadi di ari pasappulu onomhon di bulan Nisan, dipabadia ma muse bagas joro dohot akka peralatanna. Dibahen ma sada acara khusus lao pabadiahon sude halak Israel. Na parjolo, diboan akka pejabat ma pelean hasesaan ni dosa tu harajaon i, tu inganan na badia, dohot tu halak Juda. Dung i, dipelehon ma muse marribu binatang na diboan bangso i.—2Kron 29:1-36.
it-1-IN 942 ¶3
Si Hiskia
Ala dang badia be halak Juda di tikki i, dang boi be nasida mangarayahon Paskah di tikki naung ditottuhon. Jadi sahata ma si Hiskia, akka pejabatna, dohot sude halak na di Jerusalem lao mangarayahon Paskah sabulan dukkon tikki naung ditottuhon. Jadi disuru ibana ma akka halak mamboan surat lao manjou halak Juda dohot halak Israel mulai sian Ber-seba sahat tu Dan. Direhei halak Israel do akka halak na mamboan surat ni raja i. Nang pe songon i adong do deba halak Aser, halak Manasse, dohot halak Zebulon na olo patutoru dirina jala ro tu Jerusalem. Adong do tong halak Epraim dohot halak Isasar na ro. Asing ni i, godang do tong na so halak Israel ro lao manomba Jahowa tu Jerusalem. Pasti godang do tantangan na dihadapi halak Israel na di utara asa boi ro tu Jerusalem jala pasti direhei akka halak do nasida. Alana, dang manomba Jahowa be halak Israel na di utara jala sering do halak Asiria ro mangancam nasida.—2Kron 30:1-20; 4Mus 9:10-13.
it-1-IN 942 ¶4-5
Si Hiskia
Dung dirayahon halak Israel na di Jerusalem Paskah, dirayahon nasida ma Perayaan Roti na So Marragi saleleng pitu ari. Alani las ni roha ni nasida, dirayahon nasida ma muse i saleleng pitu ari. Nang pe godang masalah ni halak Israel di tikki i, dipasu-pasu Jahowa do nasida. Alani i, “las situtu ma roha ni akka halak na marpungu di Jerusalem. Ai mulai mamaretta si Salomo anak ni si Daud raja ni Israel, dang hea dope masa songon i di Jerusalem”.—2Kron 30:21-27.
Dang holan parsatokkinan las ni roha ni halak Israel dohot halak Juda mangarayahon perayaan i. Alai tarida do i sian pambahenan ni nasida. Alana sebelum mulak nasida tu jabuna be, lao do sude halak Israel na ro tu perayaan i tu sude kota na di Juda mangaruppakkon akka tugu sisombaon, akka tiang sisombaon, dohot akka inganan panombaon. (2Kron 31:1) Alai sebelumna pe nungnga dibahen si Hiskia sitiruon tu nasida. Diropukkon ibana do ulok tombaga na binahen ni si Musa. Ai sahat tu tikki i, dilehon halak Israel do pelean tu ulok tombaga i asa nakkok timusna. (2Raj 18:4) Dung i dibahen si Hiskia ma muse akka malim dohot halak Lepi na martugas di bagas joro gabe piga-piga punguan, jala dipastihon ibana do asa adong balanjo ni nasida. Dipaingot si Hiskia do halak Israel dohot halak Juda asa mangihutton hukum taringot mangalehon saparsappulu naung ditottuhon lao boanon ni nasida. Jala dipaingot do nasida asa mangalehon bagian ni akka malim dohot halak Lepi. Las do roha ni halak Israel dohot halak Juda mangulahon i.—2Kron 31:2-12.
Arta na Adong di Bibel
‘Marlas ni Roha ma Hamu Molo Diulahon Hamu Angka I’
14 Cara na asing muse, i ma rade manangihon. Didok di Jakobus 1:19, hita ingkon “hatop manangihon.” Jahowa ma na gabe sitiruon taringot rade manangihon. (1 Mus. 18:32; Jos. 10:14) Umpamana, rimangi ma pangkataion ni si Musa dohot Jahowa na disurat di 2 Musa 32:11-14. (Jaha.) Sasintongna, ndang ingkon dipaboa si Musa aha na di rohana, alai dipaloas Jahowa do si Musa paboahon songon dia pangkilalaanna. Jadi, olo jala sabar do hamu manangihon poda ni donganta, nang pe hea ibana mangulahon na sala di tingki naung salpu? Gari Jahowa, ditangihon do tangiang ni angka halak na marhaporseaon.
15 Serep do roha ni Jahowa tingki manangihon naposona songon si Abraham, si Rahel, si Musa, si Josua, si Manoa, si Elia, dohot si Hiskia. Alani i, tasungkun ma dirinta, ‘Olo do ahu maniru Jahowa asa mangulahon na sarupa? Molo adong sipaingot na denggan sian angka dongan, olo do ahu mangargai nasida? Olo do ahu manangihon jala mangulahon sipaingot na i? Adong do piga-piga angka dongan di huria dohot keluargangku na mangkaporluhon pangurupionku? Molo songon i, aha ma na laho ulahononku?’—1 Mus. 30:6; Pangh. 13:9; 1 Raj. 17:22; 2 Kron. 30:20.
12-18 JUNI
ARTA NA ARGA NA ADONG DI BIBEL | 2 KRONIKA 32-33
“Patogu ma Akka Dongan na Marsitaonon”
it-1-IN 214 ¶6
Halak Asiria
Si Sanherib. Dung 14 taon si Hiskia mamaretta, ro ma si Sanherib anak ni si Sargon II menyerang Juda (732 SM). (2Raj 18:13; Jes 36:1) Dung i mangalo ma si Hiskia tu halak Asiria, alana nungnga susa halak Juda saleleng on dibahen halak Asiria alani pambahenan ni si Ahas bapak ni si Hiskia. (2Raj 18:7) Gabe ro ma si Sanherib menyerang Juda jala nungnga ditaluhon ibana 46 kota (bandingkon tu Jes 36:1, 2). Di Lakis do markemah halak Asiria. Sian i dipangido si Sanherib ma tu si Hiskia 30 talenta mas (hira-hira 11.560.000 dolar) dohot 300 talenta perak (hira-hira 1.982.000 dolar). (2Raj 18:14-16; 2Kron 32:1; bandingkon tu Jes 8:5-8.) Nang pe nungnga dilehon si Hiskia pangidoan ni si Sanherib, alai disuru si Sanherib do muse halak mandok tu si Hiskia asa menyerah. (2Raj 18:17–19:34; 2Kron 32:2-20) Alai di bagasan saborngin, dipamate Jahowa ma 185.000 tentara ni halak Asiria jala gabe mulak ma halak Asiria na sombong i tu Niniwe. (2Raj 19:35, 36) Dung sahat si Sanherib di Niniwe, dipamate dua anakna ma ibana. Jala anakna na asing ma na gabe raja manggattihon ibana, i ma si Esar-hadon. (2Raj 19:37; 2Kron 32:21, 22; Jes 37:36-38) Disurat do akka kejadian i di prisma Sanherib dohot di prisma Esar-hadon. Holan taringot parmate ni akka tentara Asiria do na so disuratton disi.—GAMBAR, Jilid 1, halaman 957.
w13-IN 15/11 19 ¶12
Manfaat ni Pitu Parmahan, Ualu Pamimpin tu Hita
12 Sai rade do Jahowa mangurupi hita menghadapi masalahta. Alai lomo do rohana molo jolo berusaha hita menghadapi masalahta i. I ma na diulahon si Hiskia. Makkatai do ibana “tu akka pejabatna dohot akka tentarana” jala diputushon nasida ma manutup “akka mata mual na adong di luar ni kota. . . . Dibahen si Hiskia ma sian nasa gogona lao padenggatton akka tembok naung maruppak. Dipajongjong ibana ma muse akka menara di ginjang ni akka tembok i. Dung i dipajongjong ibana ma sada nai tembok na asing di luar ni akka tembok i. . . . Jala dibahen ibana ma godang sinjata dohot perisai.” (2 Kron 32:3-5) Dipakke Jahowa do akka bawa na barani lao manjaga naposona di tikki i, i ma si Hiskia, akka pejabat ni si Hiskia, dohot akka panurirang na setia.
w13-IN 15/11 19 ¶13
Manfaat ni Pitu Parmahan, Ualu Pamimpin tu Hita
13 Alai diulahon si Hiskia ma muse ulaon na urrikkot sian manutup mata mual manang pajongjokkon tembok ni kota. Dipapungu si Hiskia ma rakyatna jala dipatogu ma roha ni nasida. Didok ibana tu nasida, “Unang ma mabiar hamu tu raja ni Asiria. . . . Ai gumodang do na mandongani hita sian na mandongani ibana. Jolma do na dipangasahon ibana. Alai hita, Jahowa Debatanta do na mangurupi hita jala na marporang humokkop hita.” Porlu do taingot sipasingot on: Pasti diurupi Jahowa do naposona! Dung dibege halak Juda hata ni si Hiskia on, “gabe togu ma roha” ni nasida. Jadi hata ni si Hiskia do na mambahen halak Juda gabe barani. Songon naung dipaboa Jahowa hian marhite panurirangna, lehonon ni Jahowa do parmahan na lao manjaga naposona. Jala nungnga terbukti parmahan na burju do si Hiskia, akka pejabatna, akka tentarana, Panurirang Mika, dohot Panurirang Jesaya.—2 Kron 32:7, 8; jaha Mika 5:5, 6.
Arta na Adong di Bibel
Songon dia do Halak na Botul-Botul Bertobat?
11 Dialusi Jahowa do tangiang ni si Manasse. Boi do diida Jahowa sian tangiangna i, na botul-botul ibana nungnga muba. Alani i, disesa Jahowa ma sude hasalaan ni si Manasse jala diloas ma ibana muse gabe raja. Dipatudu si Manasse do sian tindakanna na botul-botul ibana bertobat. Dang songon si Ahab ibana, olo do ibana muba. Dihancurhon ibana ma sude patung tu debata na so sittong jala dijujui ibana do muse bangso Israel asa mulak manomba Jahowa. (Jaha 2 Kronika 33:15, 16.) Pasti ikkon barani jala togu do haporseaon ni si Manasse asa boi diulahon ibana i. Alana nungnga martaon-taon ibana gabe contoh na so denggan tu keluargana, tu akka pejabatna, dohot tu akka rakyatna. Hape dung matua ibana, naeng dipadenggan si Manasse ma sude masalah na hea dibahen ibana. Nang pe hera na so adong be guna ni i, alai adong do hasil na denggan. Ditiru pahoppuna si Josia do teladanna na denggan i. Diulahon si Josia do na sittong di jolo ni Jahowa tikki gabe raja ibana.—2 Raj. 22:1, 2.
12 Aha do na taparsiajari sian pengalaman ni si Manasse? Dung disadari si Manasse hasalaanna, dipatutoru ibana do dirina. Alai dang holan i na diulahon ibana. Martangiang do muse ibana mangido asi ni roha ni Jahowa, jala dipauba ibana do pangalahona. Berupaya do ibana padenggatton akka masalah na hea dibahen ibana. Dung i, berupaya do ibana mangalehon na undenggan lao manomba Jahowa. Diurupi ibana do rakyatna asa mulak muse manomba Jahowa. Sian contoh ni si Manasse on marsiajar ma hita, boi dope muba halak na mangulahon dosa na balga. Boi ma muse taida “na burju do [Jahowa] jala rade manalpuhon hasalaan”. (Ps. 86:5) Olo do Jahowa manalpuhon hasalaan ni halak na botul-botul bertobat.
19-25 JUNI
ARTA NA ARGA NA ADONG DI BIBEL | 2 KRONIKA 34-36
“Pittor Hatop do Diulahon Hamu na Diparsiajari Hamu?”
it-1-IN 987 ¶9
Si Hulda
Tikki naeng dipadenggan bagas joro, dapot ni Sintua Malim Hilkia ma “bukku na marisi Patik”. Dung i dijahahon ma i di jolo ni si Josia. Dung dibege si Josia i, disuru ibana ma halak mandapotton si Hulda lao manukkun aha do lapatan ni na tarsurat di bukku i. Dung i dipaboa si Hulda ma hata ni Jahowa na mandok na lao masa do sude na tarsurat di “bukku” i ala nungnga ditinggalhon bangso i Jahowa. Jala didok si Hulda do muse ala dipatutoru si Josia do dirina di jolo ni Jahowa, dang na lao masa jea i di ngoluna. Alai na lao dikuburhon do ibana di bagasan dame rap dohot akka ompuna.—2Raj 22:8-20; 2Kron 34:14-28.
w09-IN 15/6 10-11 ¶20
Holong do Rohatta tu Jabu ni Jahowa?
20 Saleleng dipadenggan bagas joro, dapot ni Sintua Malim Hilkia ma “bukku na marisi Patik ni Jahowa na dipasahat tu si Musa.” Dung i dipasahat si Hilkia ma i tu si Sapan, sekretaris ni raja. Jala dijahahon si Sapan ma i tu si Josia. (Jaha 2 Kronika 34:14-18.) Dung dibege si Josia i, diribak ibana ma abitna. Jala disuru ibana ma halak manukkun lapatan ni na tarsurat di bukku i tu si Hulda. Dipaboa si Hulda ma hata ni Jahowa na mandok na lao paroon ni Jahowa do jea tu halak Juda ala nungnga ditinggalhon nasida Jahowa. Alai diargai Jahowa do sude na diulahon si Josia lao mendukung ibadat na sittong, nang pe ikkon terjadi jea na tarsurat di bukku i. (2 Kron. 34:19-28) Aha ma na boi taparsiajari sian on? Tatiru ma si Josia na pittor hatop bertindak lao mangihutton petunjuk ni Jahowa. Alana molo tapaleleng-leleng mangulahon petunjuk ni Jahowa, boi do hita gabe songon halak Juda na ujungna gabe maninggalhon Jahowa. Jala pos do rohatta, pasti las do roha ni Jahowa molo semangat hita mendukung ibadat na sittong songon na diulahon si Josia.
Arta na Adong di Bibel
Dioloi Hamu do Angka na Tarsurat I?
15 Saonari, aha do na taparsiajari sian si Josia? Nang pe si Josia sahalak raja na burju, alai diulahon ibana do hasalaan na mambahen ibana gabe mate. (Jaha 2 Kronika 35:20-22.) Aha do na masa? Marporang ma si Josia dohot si Neko, i ma raja ni Misir. Hape sasintongna, ndang porlu ibana marporang. Nunga didok si Neko, na so olo ibana marporang tu si Josia. Didok di Bibel, hata ni si Neko “sian pamangan ni Debata”. Alai, laho do si Josia marporang jala tarbunu. Boasa dialo ibana si Neko? Ndang dipaboa alusna di Bibel.
16 Sasintongna, boi do diboto si Josia molo hata ni si Neko sian Jahowa. Songon dia carana? Ingkon sungkunonna do nian panurirang Jeremia. (2 Kron. 35:23, 25) Ingkon dipingkiri si Josia do angka na masa. Ndang laho mamorangi Jerusalem si Neko, alai tu Karkemis do ibana laho. Jala ndang dileai ibana Jahowa manang bangsoNa. Andorang so manontuhon sipillitonna, ndang manat dipingkiri si Josia taringot on. Aha do parsiajaranna? Molo adong sitaononta jala ingkon tatontuhon sipillitonta, ingkon jolo tapingkiri do lomo ni roha ni Jahowa.
17 Tingki manontuhon sipilliton, ingkon jolo tarimangi do prinsip sian Bibel na boi mangurupi hita jala songon dia hita mangulahon i. Tasulingkiti ma angka prinsip i di publikasinta manang manungkun pandapot ni angka sintua. Las do rohanasida mangurupi hita mangantusi prinsip sian Bibel. Tarimangi ma situasi on: Adong donganta borua na tungganedolina ndang Sitindangi Ni Jahowa. Sada tingki, naeng marbarita na uli ma ibana. (Ul. 4:20) Tingki i, didok tungganedolina ma asa unang laho ibana marbarita, ala nunga leleng nasida ndang paduadua. Naeng ditogihon tungganedolina ibana tu sada inganan. Dirimangi donganta on ma pigapiga ayat asa marbisuk ibana manontuhon sipilliton. Diboto ibana, ingkon unduk do tu Debata jala nunga diparentahon Jesus sude siseanna asa marbarita. (Mat. 28:19, 20; Ul. 5:29) Alai diingot ibana, ingkon unduk do tungganeboru tu tungganedolina, jala ingkon dilehon do tingki asa rap dohot tungganedolina. (Eps. 5:22-24; Plp. 4:5) Ingkon dipingkirhon ibana: Na sai diorai tungganedolina do ibana marbarita, manang asa rap do nasida na dua di tingki i umbahen na dipangido asa unang marbarita? Tatontuhon ma sipilliton na denggan jala palashon roha ni Debata.
26 JUNI–2 JULI
ARTA NA ARGA NA ADONG DI BIBEL ESRA 1-3
“Sai Rade ma Hamu Dipakke Jahowa”
Rimangi ma Parnidaan ni si Sakaria
MASSAI las do roha ni halak Israel. Dibahen Jahowa do taronjar roha ni Raja Sirus na sian Persia lao paluahon halak Israel naung marpulu taon ditawan di Babel. Dibahen Raja i do pengumuman tu sude halak Jahudi na boi do nasida mulak tu huta ni nasida, lao pajongjokkon muse “jabu ni Jahowa Debata ni Israel”. (Esr. 1:1, 3) Pasti las do roha ni halak i mambege pengumuman i, gabe boi ma nasida muse mulak manomba Jahowa di huta ni nasida di Jerusalem.
Linggoman ni Raja dohot Hureta do Hamu
2 Diboto si Sakaria do, angka sisomba Jahowa do na mulak tu Jerusalem tingki i. Jala nasida ma angka “na pinahehe ni Jahowa rohana” laho manadingkon jabu dohot bisnisna di Babel. (Esr. 1:2, 3, 5, Bibel siganup ari) Olo do nasida pinda sian inganan naung leleng diingani nasida tu inganan na so hea dope diida nasida. Rade do nasida mardalan hirahira 1.600 kilometer. Gok do parjahat dohot mara disi. On patuduhon na ringkot do di nasida pajongjongkon bagas joro ni Jahowa.
Arta na Adong di Bibel
w06-IN 15/1 18-19 ¶1
Akka na Denggan sian Bukku Esra
1:3-6. Songon halak Israel na ikkon tinggal dope di Babel, godang do Saksi Jahowa na so boi dohot merintis manang mangurupi di inganan na makkaporluhon parbarita. Alai nang pe songon i, olo do nasida mendukung jala patoguhon akka halak na boi merintis. Jala olo do nasida mangalehon sumbangan sian ias ni rohana lao mendukung ulaon i.