Boi do Bibel Mangurupi Hamu Mangatasi Kecanduan Narkoba?

Setiap taon marjuta halak na mate ala penyalahgunaan narkoba, jala saleleng pandemi COVID-19 on lam godang do halak na ketagihan tu narkoba. Alai nungnga godang halak boi mangatasi kecanduan on, ala diihutton nasida poda na sian Bibel. Jadi molo saonari hamu mengalami situasi on, boi do hamu mangatasi i molo diihutton hamu isi ni Bibel.a

Na lao dibahas di artikel on

Boasa ikkon diihutton hamu poda na sian Bibel asa boi diatasi hamu kecanduanmuna tu narkoba?

Akka peneliti mandok godang do halak jotjot gabe ketagihan narkoba, ala nasida merasa kesepian, tertekan, khawatir, jala stres. Alai Bibel boi do mangurupi hamu marhasil mangatasi akka tantangan na boi mambahen hamu kecanduan. Alana molo diparsiajari hamu Bibel, boi ma hamu marale-ale tu Debata jala marhaporseaon tu Ibana. (Psalmen 25:14) Molo diulahon hamuna i, dang merasa kesepian be hamu jala sanggup ma hamu mangatasi masalah na idaon dang sanggup diatasi hamu sandiri.—Markus 11:22-24.

Adong opat cara na dipaboa di Bibel na ikkon diulahon hamu asa unang kecanduan be tu narkoba

1. Ikkon ditanda hamu do Debata Jahowa.b (Johannes 17:3) Ibana do Debata na manoppa saluhutna. Didok do Ibana Debata na marhuaso ala dang adong batas ni huasona. Disarupahon do Ibana songon Bapak na parholong. Lomo do rohana naeng akrab tu hamu jala mamakke huasona i lao mangurupi hamu. (Jesaya 40:29-31; Jakobus 4:8) Asing ni i, marjanji do Ibana lao mambahen denggan ngolumuna di ari na naeng ro molo dipillit hamu lao makkaholongi Ibana.—Jeremia 29:11; Johannes 3:16.
2. Pangido ma asa diurupi Jahowa hamu. Martangiang ma hamu tu Debata jala pangido ma asa diurupi Ibana hamu mangatasi kecanduanmuna i. Jala boi ma hamu gabe ‘badia [ias] jala palasson rohana’. (Rom 12:1) Bahenonna ma hamu margogo marhite tondi parbadiana, dilehon ma tu hamu gogo ‘lobi sian gogo ni sahalak jolma’. (2 Korint 4:7; Lukas 11:13) Tondi parbadia on ma na mambahen hamu margogo jala sanggup mangatasi kecanduan narkoba, jala mambahen hamu boi patuduhon “pangalaho na imbaru” sesuai tu lomo ni roha ni Debata.—Kolosse 3:9, 10.
3. Sesuaihon ma cara berpikirmuna asa songon cara berpikir ni Debata. (Jesaya 55:9) Urupan ni Debata do hamu asa “dipaimbaru roha dohot pikkiranmuna”. Diurupi do hamu lao mangubah cara berpikirmuna asa boi diatasi hamu kecanduanmuna na marnarkoba i. (Epesus 4:23) Sian Bibel do boi botoonmuna cara berpikir ni Debata, jadi ikkon taratur do i dijaha hamu. (Psalmen 1:1-3) Godang do muse manfaat na boi dijalo hamu molo olo hamu diurupi sasahalak lao marsiajar Bibel. (Ulaon ni Apostel 8:30, 31) Disediahon Saksi Jahowa do kursus marsiajar Bibel gratis. Diundang do hamu muse asa ro tu parpunguannami ala diparsiajari do disi isi ni Bibel dohot carana lao mangulahon i.
4. Pillit ma dongan na denggan. Boi do donganmuna mambahen hamu gabe lam mura manang gabe lam susa lao mangatasi kecanduanmuna marnarkoba. (Poda 13:20) Alani i ma lomo roha ni Debata hita mardongan tu akka halak na manomba Ibana, asa boi nasida mangurupi hita mangulahon na denggan. (Psalmen 119:63; Rom 1:12) Manat ma hamu mamillit hiburan alana aha na ditonton hamu, na dibege hamu, dohot na dijaha hamu boi mempengaruhi pangalahomuna. Hindari ma akka na boi mambahen hamu gabe maol mangulahon na denggan.—Psalmen 101:3; Amos 5:14.

Ayat ni Bibel na boi mangurupi hamu mangatasi kecanduan narkoba

Psalmen 27:10: “Nang pe ditadikkon omakku dohot bapakku au, alai jagaon ni Jahowa do au.”

“Dang hutanda ise bapakku jadi hurasa dang adong guna ni ngolukkon. Alai dung hutanda Jahowa jala husadari na benar-benar dihaholongi Ibana au, gabe huboto ma arga do hape ngolukkon jala gabe boi ma au mangatasi kecanduanku na sala i.”—Si Wilby sian Haiti.

Psalmen 50:15: “Jou-jou ma hamu tu Au tikki susa hamu, asa hupalua hamu.”

“Ayat on jotjot do mangurupi au asa unang menyerah lao mangalo kecanduan na sala, nang pe hea au tergoda muse mangulahon na sala i. Jala hurasahon do na torus ditepati Jahowa janjina.”—Si Serhiy sian Ukraina.

Poda 3:5, 6: “Marhaposan tu Jahowa ma ho sian nasa roham, jala unang ma ho mangasahon pikkiranmu sandiri. Di saluhut dalanmu parrohahon ma Ibana, dung i bahenonna ma tigor akka dalanmu.”

“Ayat on mangurupi au asa mangandalhon Jahowa, dang mangandalhon diriku sandiri. Ai holan marhite gogo na sian Ibana do au boi sanggup mengubah pangalahokku na so denggan i.”—Si Michele sian Italia.

Jesaya 41:10: “Unang ho mabiar, ai hudongani do ho. Unang ganggu roham, ai Au do Debatam. Jagaokku do ho jala urupanku, tiopokku do ho gomos marhite tangan kananku na mangulahon na sittong.”

“Pittor busisaon do au molo dang huallang narkoba i. Alai ayat on paposson rohakku na urupan ni Jahowa do au mangatasi rasa khawatir jala tutu do diulahon Ibana i.”—Si Andy sian Afrika Selatan.

1 Korint 15:33: “Unang ma olo hamu dioto-otoi. Molo mardongan hamu tu halak na so denggan, sega do pangalahomuna na denggan i.”

“Ala mardongan au tu akka halak na so denggan gabe marnarkoba ma au jala gabe kecanduan. Asa boi au mangatasi kecanduanki ikkon huputus do hubunganku tu akka donganki. Jala ikkon mardongan ma au tu akka halak na marpangalaho na denggan sesuai tu lomo ni roha ni Debata.”—Si Isaac sian Kenya.

2 Korint 7:1: “Tapaias ma diritta sian akka na mambahen ramun daging dohot pikkiranta.”

“Ayat on paposson rohakku asa unang menyerah lao pasidikkon akka na mambahen sega dagingku. Jala gabe lam berupaya ma au lao mangatasi kecanduanku.”—Si Rosa sian Kolombia.

Pilippi 4:13: “Margogo do au di sude na masa, ala dilehon Debata do huaso tu au.”

“Huboto do molo holan mangandalhon dirikku sandiri dang sanggup au mangatasi kecanduanku marnarkoba. Alani i martangiang ma au tu Debata asa diurupi au. Dilehon Ibana do gogo na huhaporluhon lao mangatasi kecanduanki ”—Si Patrizi sian Italia.

Akka pengalaman: Boi mangatasi kecanduan ala mangihutton poda na sian Bibel

Si Joseph Ehrenbogen dipagodang-godang di lingkungan ni akka halak na so denggan. Ujungna mulai ma ibana ketagihan alkohol, marisap, marganja, jala mamakke heroin. Piga-piga hali naeng mate do ibana ala nungnga palobihu mangallang narkoba. Alai adong do sada ayat ni Bibel na paposson rohana na boi dope ibana berubah. Jaha ma pengalamanna i di artikel “Marsiajar Mangargai Borua dohot Diri Sandiri”.

Berupaya do si Dmitry Korshunov lao mangatasi ketagihanna minum alkohol, alai jotjot do ibana gagal. Jadi molo naeng diboto hamu songon dia ibana marhasil mangatasi i, tonton ma video “Magigi do Ahu Mangida Diringku”.

Diorai do di Bibel molo taihutton perawatan medis lao mangatasi kecanduan narkoba?

Daong. Didok di Bibel, “Dang porlu pangubati tu halak na sehat, tu na marsahit do.” (Mateus 9:12) Songon na didok Institut Nasional Penyalahgunaan Narkotika A.S, “Kecanduan narkoba i sahit na rumit do. Biasana asa boi mangatasi kecanduan on dang cukkup sekedar keinginan manang tekad lao berubah.” Memang bantuan na sian Debata dao do umhebat sian tekad na sian diritta. Alai godang do halak mandok asing ni mangihutton petunjuk na sian Bibel, porlu do nasida mandapot bantuan sian medis.c Sahalak bawa na margoar si Allen mandok, “Tikki lao mangatasi kecanduan minum alkohol, haccit hian do hurasa sude dagingkon. Jadi nang pe hurasa porlu huihutton isi ni Bibel asa boi pasohon kecanduankon, sadar do au na porlu muse mandapot bantuan sian medis.”

Diorai do di Bibel mamakke narkoba di bidang medis?

Daong. Alana didok di Bibel boi do dipakke alkohol lao gabe ubat. Manang molo adong na marsahit jala naeng mate, dilehon do alkohol asa unang pahaccittu dirasa. (Poda 31:6; 1 Timoteus 5:23) Alai songon alkohol, narkoba pe boi do dipakke lao mangorui rasa sakit. Alai boi do muse narkoba mambahen sasahalak gabe kecanduan. Jadi ala taboto massai berbahaya akibatna, porlu ma hita hati-hati tikki mamakke narkoba lao gabe ubat penghilang rasa sakit.—Poda 22:3.

a Nang pe artikel on fokus lao paboahon songon dia carana mangatasi kecanduan narkoba, alai akka prinsip na dibahas dison boi do muse mangurupi halak mangatasi masalah na asing, termasuk kecanduan alkohol, marisap, marjuji, pornografi, dohot media sosial.

b Jahowa, i ma goar ni Debata na disurat di Bibel. (Psalmen 83:18) Ida artikel “Ise do Jahowa i?”

c Godang do pusat pengobatan, rumah sakit, dohot rehabilitasi na boi mangurupi halak mangatasi kecanduan. Alai setiap halak porlu do mamillit jala mambahen keputusan na denggan taringot jenis perawatan na songon dia na lao diulahon.—Poda 14:15.