Manfaat ni Tobusan ni Jesus
Sahali sataon, Saksi Jahowa dohot marjuta halak di liat portibi on mangarayahon Parningotan Ari Hamamate ni Jesus, songon na diparettahon ibana. (Lukas 22:19) Acara on mangurupi hita patuduhon pangargaion tu na diulahon Jesus, i ma mangalehon dirina humokkop jolma. Jala dipatorang do di acara i, aha do manfaat ni tobusan ni Jesus tu hita saonari dohot di ari na naeng ro.—Johannes 3:16.
Nang pe ro hamu manang daong, boi do dapotmuna manfaat sian tobusan ni Jesus. Didok Jesus adong dua na penting na ikkon taulahon:
1. Marsiajar taringot Debata dohot Jesus. Tikki martangiang Jesus tu Bapakna, didok ibana, “On do hangoluan na saleleng ni lelengna, ikkon tandaon ni nasida do Ho Debata na Sasada i, na sittong i dohot Jesus Kristus na sinurum.”—Johannes 17:3.
2. Mangulahon aha na diparsiajari. Diparettahon Jesus do hita asa mangulahon aha na diajarhon ibana di ngolutta. Uppamana, di ujung ni jamitana na terkenal di dolok, dipuji ibana do halak na ‘manangihon dohot mangulahon hatana’. (Lukas 6:46-48) Suang songon i do didok ibana di tikki na asing, “Saonari nungnga diboto hamu akka i, alai marlas ni roha ma hamu molo diulahon hamu i.”—Johannes 13:17.
Lomo do rohamuna mandapot unggodang hatorangan taringot Debata dohot Jesus? Lomo do rohamuna mamboto songon dia carana mangulahon aha na diparsiajari? On ma piga-piga cara na boi mangurupi hamu.
Kursus marsiajar Bibel
Gratis do kursus marsiajar Bibel on jala nungnga mangurupi godang halak mangattusi Bibel dohot mangulahon isina di ngolu ni nasida.
Kunjungi ma Petunjuk Lao Marsiajar Bibel lao mamboto unggodang taringot kursus on.
Tonton ma video Cara Mangattusi Isi ni Bibel lao mamboto songon dia kursus marsiajar Bibel on dibahen Saksi Jahowa.
Akka parpunguan Saksi Jahowa
Rap marpungu do Saksi Jahowa dua hali saminggu di inganan na digoari Bale Harajaon. Di parpunguan i, diulas hami do na diajarhon Bibel dohot songon dia carana mangulahon i di ngolutta.
Sude do boi ro tu parpunguan i dang holan Saksi Jahowa. Boi do hamu ro langsung tu acara i manang marhite video-conference sesuai tu situasimuna.
Tonton ma video Aha do na Dipatupa di Bale Harajaon? lao mamboto songon dia do akka parpunguan i diulahon.
Lao mamboto parpunguan na jonok di ingananmuna, kunjungi ma Parpunguan ni Saksi Jahowa.
Akka bukku dohot video online
Godang do akka bukku dohot video di situs on, na boi mangurupi hamu mamboto unggodang hatorangan taringot ajaran ni Jesus dohot manfaat ni tobusanna.
Uppamana, boasa hamatean ni sada halak boi parohon manfaat tu marjuta halak? Jaha ma artikel “Songon dia Jesus Paluahon Hita?” dohot “Boasa Jesus Marsitaonon jala Mate?” manang tonton ma video Boasa Ingkon Mate Jesus?