Teknologi Canggih—Pasu-pasu Manang Bahaya?—Aha do na Didok Bibel Taringot i?

Baru-baru on, dipaboa akka na malo, pamimpin dunia, dohot ahli teknologi do pandapot ni nasida taringot teknologi canggih manang artificial intelligence (AI). Didok nasida do, massai denggan do AI on, alai didok muse, bahaya do on molo disalagunahon.

• “Saonari on, sada sian teknologi na paling canggih do AI on jala marguna do tu godang halak.  . . .  Alai, AI on boi do mengancam keamanan, hak asasi, dohot kenyamanan pribaditta, jala boi do mambahen rakyat dang porsea be tu pamaretta na dipillit berdasarkan demokrasi.”—Kamala Harris, Wakil Presiden Amerika Serikat, 4 Mei 2023.

• “Nang pe AI on massai berguna di bidang kesehatan, alai godang do pengaruh ni AI on tu kesehatan fisik dohot emosi,” songon i ma na didok tim dokter dohot ahli kesehatan internasional na dipimpin ni Dr. Frederik Federspiel, di sada artikel di jurnal BMJ Global Healtha tanggal 9 Mei 2023.

• “Saonari on, nungnga boi be AI on dipakke lao mambagihon informasi na so sittong. Dang sadia leleng nai, boi ma AI on dang mamakke tenaga kerja manusia. Jala godang ahli teknologi mabiar molo AI on boi mengancam keberadaan ni jolma.”—The New York Times, 1 Mei 2023.

Taida ma songon dia teknologi canggih on dipakke, lao mambahen na denggan do manang lao mambahen bahaya. Aha do na didok Bibel taringot i?

Boasa dang boi dipastihon jolma?

Didok do di Bibel dang boi dipastihon jolma molo teknologi canggih i dipakke holan lao tu na denggan.

1. 1. Nang pe denggan do keinginan ni sasahalak taringot teknologi, alai dang boi dipastihon nasida akibat na so denggan na boi terjadi.

   • “Adong do dalan songon na tigor di roha ni jolma, hape tu hamatean do ujungna.”—Poda 14:12.

2. 2. Dang boi dikendalihon sasahalak, na denggan do dipakke halak teknologi canggih na dibahenna i manang na dang.

   • “Sude halojaokku di tano on, . . . ikkon tinggalhonokku do i tu halak na manggattihon au. Hape so binoto atik na marbisuk manang na oto do ibana haduan. Nang pe songon i, ikkon ibana do nappuna na huula i. Hape nungnga suda gogokku jala hupakke do bisukku lao mangulahon sude ulaonku na di tano on.”—Parjamita 2:18, 19.

Jadi, dang adong na boi memastihon sude na dibahen jolma i sai dipakke tu na denggan. Alani i ma, porlu do hita diurupi Sitoppa hita.

Ise do na boi memastihon sudena i?

Marjanji do Debata dang pasombuonna jolma manang teknologi lao manghancurhon tano on manang manghancurhon jolma.

• “Alai hot do anggo tano on saleleng ni lelengna.”—Parjamita 1:4.

• “Lehononna do tano on gabe parbagianan ni halak na tigor marroha, jala mangolu ma nasida disi saleleng ni lelengna.”—Psalmen 37:29.

Marhite Bibel, diurupi Debata do hita mamboto carana mandapot masa depan na dumenggan, aman, jala dame. Lao mamboto godang hatorangan taringot aha na didok Bibel, jaha ma artikel “Aha do na Boi Menjamin Asa Bahagia Masa Depanta?” dohot “Harapan na Massai Denggan na Lao Saut di Ari na Naeng Ro.”