Songon Dia do asa Unang Mura-Mura Au Muruk?

Kuis

• Sadia jotjot do hamu muruk?

  • dang hea

  • jarang

  • ganup ari

• Songon dia do hamu tikki muruk?

  • geram

  • merepet

  • mangamuk

• Ise do na unjotjot mambahen hamu muruk?

  • natua-tuam

  • kakak manang adekmu

  • donganmu

Molo disadari hamu na porlu do hamu mengendalihon diri asa unang mura-mura muruk, artikel on boi do mangurupi hamu. Na parjolo, parrohahon ma boasa massai penting asa toktong tenang tikki adong na mambahen hamu muruk.

Boasa penting

Kesehatanmu. Poda 14:30 mandok, “Sehat do pamatang molo dame roha.” Menurut Journal of Medicine and Life, “molo mura-mura hita muruk, boi do gabe bermasalah pembuluh darah dohot jantungta”.

Akka donganmu. Bibel mandok, “Unang ma marale-ale ho tu halak na mura-mura muruk, jala unang ma mardongan ho tu parmuruk-muruk.” (Poda 22:24) Molo mura-mura hamu muruk, gabe mabiar do akka halak mardongan tu hamu. Didok sahalak borua na margoar si Jasmine, “Molo dang berupaya hita mengendalihon emositta, gabe mago ma kesempatanta lao mardongan tu halak na burju.”

Reputasim. Si Ethan na marumur 17 taon mandok, “Molo mura-mura hita muruk, gabe roa ma pandangan ni halak taringot hita.” Pikkirhon ma on, ‘Naeng gabe halak na songon dia do hamu ditanda halak? Gabe halak na tenang jala siboan dame do? Manang parmuruk-muruk songon bom na naeng meledak?’ Bibel mandok, “Marbisuk do halak na so hatop muruk, alai na oto do halak na so sabar.”​—Poda 14:29.

Na boi diulahon hamu

Parrohahon ma akka ayat dohot komentar on, jala rimangi ma sukkun-sukkun on.

• Poda 29:22: “Tubu do parbadaan molo adong halak na mura muruk, jala jotjot do halak na mura muruk mambahen na sala.”

  “Tikki remaja au, maol hian do huhilala mengendalihon emosikku. Keluarga sian pihak bapakku pe songon i do. Nga keturunan i di keluargakku.”​—Si Kerri.

  Mura-mura do au muruk? Tikki dipuji au alani sifattu na denggan, hudok do i alani upayakku sandiri. Jadi masuk akkal do molo husalahon keluargakku ala mura-mura au muruk?

• Poda 15:1: “Hata na lambok padaohon rimas, alai mambahen muruk do hata na kasar.”

  “Kuncina, ikkon berupaya do hita mengendalihon emosi. Molo berupaya hita gabe halak na lambok roha jala marpikkiran positif, boi ma hita terhindar sian akka masalah jala dang mura-mura be hita muruk.”​—Si Daryl.

  Boha do reaksikku tikki adong na mambahen au muruk? Jala boasa i massai penting?

• Poda 26:20: “Molo so adong soban, mittop do api.”

  “Molo lambok au mangalusi, boi do i mambahen halak na asing gabe tenang. Jala gabe boi ma denggan pakkataionnami.”​—Si Jasmine.

  Aha do pengaruh ni hata dohot tindakanku? Gabe tenang do situasina manang gabe lam parah?

• Poda 22:3: “Molo dibereng halak na marbisuk adong jea, martabuni do ibana. Alai anggo halak na so marpengalaman, ditorusson do dalanna gabe marjea ma ibana.”

  “Sipata ikkon lao do au sian i, jala hupatenang jo dirikku asa boi denggan marpikkir. Molo nga tenang au, gabe boi ma denggan huhadapi masalah i.”​—Si Gary.

  Tikki adong halak na memancing emosimuna, andigan do hamu ikkon lao sian i? Jala nang pe lao hamu sian i, boha do carana asa unang sappe patuduhon hira na so parduli hamu tu perasaanna?

• Jakobus 3:2: “Sude do hita jotjot sala.”

  “Memang denggan do molo menyesal hita, alai porlu do tong marsiajar hita sian kesalahan na tabahen. Molo nungnga taulahon na sala, ikkon bertekad do hita asa muba.”​—Si Kerri.

Saran: Bahen ma tujuan. Bertekad ma lao mengendalihon emosimuna saleleng piga-piga tikki, ra saleleng sabulan. Surat ma tujuanmuna i, jala ida ma aha do kemajuan naung dibahen hamu.