Mardongan tu Marragam Halak

Masalahna

Molo dang olo hita mardongan tu halak sian kelompok na so lomo rohatta, gabe lam negatif do pikkiranta tu nasida. Jadi molo mardongan hita holan tu akka halak na sarupa songon hita, olo do gabe didok rohatta holan caratta, pakkilalaanta, dohot cara marpikkirta i do na sittong.

Na Didok Bibel

“Bungka hamu ma rohamuna tu hami.”—2 KORINT 6:13, surat na di toru.

Aha do maksud ni ayat i? Hata “roha” di ayat i, boi do maksudna pakkilalaanta manang holong ni rohatta. Molo holan tu halak na sarupa songon hita do holong rohatta, boi do gabe dang tarbukka rohatta tu halak na asing. Asa unang songon i, ikkon olo do hita mardongan tu manang ise pe.

Molo Mardongan tu Marragam Halak

Molo lam tatanda halak na asing, gabe taattusi ma boasa cara ni halak i asing sian hita. Molo lam kompak hita tu nasida tahilala ma sarupa do hita dohot nasida. Gabe lam taargai ma nasida jala gabe sapakkilalaan ma hita tu nasida.

Taida ma pengalaman ni si Nazaré. Hea do ibana marpikkiran negatif tu halak pendatang. Dipaboa ibana do aha na mambahen ibana dang negatif be tu nasida. Didok ibana, “Mardongan do au jala rap karejo do au dohot nasida. Adong do halak pendatang na hutanda, dang songon na didok halak nasida. Molo olo hamu mardongan dohot halak sian marragam suku, gabe dang dibeda-bedahon hamu be akka halak, lam holong jala diargai hamu ma nasida.”

Na Boi Diulahon Hamu

Makkata-hatai ma hamu dohot akka halak sian negara na asing, suku na asing, dohot bahasa na asing sian hamu. Coba ma cara on:

Suru ma nasida marcarita taringot nasida.
Undang ma nasida rap mangan dohot hamu.
Parrohahon ma tikki marcarita halak i, jala ida ma na denggan sian nasida.

Gabe positif do pikkiranta tu halak i, molo nungnga taattusi aha na mambahen halak i gabe songon i.

Contoh Pengalaman: Si Kandasamy dohot si Sookammah (Di Kanada)

“Sian mulai dakdanak, tinggal di Afrika Selatan do au. Tikki i masa ma apartheid, i ma peraturan ni pamaretta lao mambeda-bedahon halak kulit hitam sian halak kulit putih. Dipapulik do inganan ni akka halak na asing sukuna. Alani i, gabe negatif do pikkiran ni nasida tu akka halak na asing sukuna sian nasida. Ala kulit hitam hami, leas do halak kulit putih tu hami. Jadi sogo ma rohanami tu halak kulit putih. Alai dihilala hami dang na negatif hami tu nasida, gariada hami do na gabe korban tikki i.

“Asa unang songon i hami, ikkon olo do hami mardongan dohot manang ise pe. Olo ma hami mardongan dohot halak kulit putih. Gabe diboto hami ma sarupa do hape hami dohot nasida. Sarupa do parngoluannami jala sarupa do masalah na diadopi hami.

“Molo adong kesempatan olo do hami mangundang halak kulit putih menginap di jabunami. Gabe lam ditanda hami ma nasida. Ala lam marsitandaan hami, diboto hami ma sarupa do hape hami. Gabe positif ma hami tu nasida.”