Makkaholongi

Masalahna

Molo marsahit hita porlu do tikki dohot upaya sian hita asa boi hita malum. Suang songon i ma, asa unang mambeda-bedahon halak hita, porlu do tikki dohot upaya sian hita. Alana dang boi pittor mago i sian rohatta. Aha ma na boi taulahon asa boi mago i sian rohatta?

Na Didok Bibel

Gambar: 1. Halak Asia mambukahon pintu tu halak kulit hitam na mamboan kopi. 2. Halak kulit hitam mambagihon kopi tu dongan sakarejona, termasuk tu boru India na di gombar na parjolo.

“Patuduhon hamu ma holong. Ai holong ni roha do na boi mambahen jolma marsada.”—KOLOSSE 3:14.

Aha do maksud ni ayat i? Molo burju hamu tu halak na asing, gabe marsada do hamu. Molo lam holong rohamuna tu nasida, gabe dang dibeda-bedahon hamu jala dang negatif be pikkiranmuna tu nasida.

Na Boi Diulahon Hamu

Gambar: 1. Halak India manogu halak Kulit Putih naeng naik tangga huhut maniop belanjaanna. 2. Halak Kulit Putih mangalean kue tu tetanggana na halak Asia.

Lao patuduhon holongmuna tu halak na sian kelompok na so pola lomo rohamuna, pikkirhon ma carana makkaholongi nasida. Dang maol mangulahon akka cara on. Coba ma cara on:

Tung pe sederhana caratta patuduhon holong, boi do gabe dang mambeda-bedahon halak be hita

Molo adong pendatang na mangalului alamat, urupi hamu ma. Manang molo di bus, lehon ma hundulanmuna asa boi nasida hundul.
Coba ma makkata-hatai dohot nasida nang pe dang pola malo nasida makkatai di bahasamuna.
Sabar ma hamu molo tung pe dang diattusi hamu aha na diulahon nasida.
Asi ma rohamuna tikki dipaboa nasida masalahna.