Jolo Taboto ma Faktana

Masalahna

Molo sala informasi hita, boi do gabe sala penilaianta tu halak. Taida ma contoh on:

Adong do bos na marpikkir molo borua dang sanggup mangulahon karejo na diulahon bawa.
Adong do dibahen halak istilah lao mangalesengi sada suku manang kelompok.
Godang do halak manganggap akka halak na cacat dang marlapatan be ngoluna.

Porsea pe halak tu akka contoh i, ala adong do ra bukti na hea diida nasida. Jadi, i ma alasan ni nasida marpikkiran negatif tu halak na asing. Molo adong na so setuju tusi, dianggap nasida do na oto halak i.

Na Didok Bibel

“Nang roha na so marparbinotoan, ndang denggan.”—PODA 19:2.

Aha do maksud ni ayat i? Molo dang taboto sude faktana, boi do gabe sala penilaianta tu halak.

Molo Taboto Faktana

Molo nga taboto faktana, pasti dang pittor porsea hita tung pe adong na mandok na sala taringot sada suku manang halak na asing.

Contoh Pengalaman: Si Jovica (Di Eropa Tenggara)

Si Jovica na diceritahon nakkin, mulai sian na gelleng nga jotjot ibana mambege barita na roa taringot halak na otik pendudukna di ingananna. Didok ibana, “Gabe sogo do rohakku jala negatif pikkiranku tu halak i. Jala menuruthu dang sala au disi.

“Alai tikki gabe tentara au, terpaksa do ikkon tinggal jala rap sakarejo au dohot halak i. Lam leleng lam hutanda ma nasida. Gariada huparsiajari do bahasana jala hubege lagu daerah ni nasida. Las do rohakku mardongan tu nasida jala gabe muba do pandanganku tu nasida. Alai huboto do, boi do au marpikkiran negatif muse tu nasida. Jadi dang olo au mambege molo adong barita na roa taringot nasida. Jala dang olo au manonton film manang lawak-lawak na mangissaki nasida. Huboto do molo muncul muse pikkiran negatif i gabe sogo do rohakku muse tu nasida.”

Na Boi Diulahon Hamu

Molo adong na marpikkiran negatif taringot sada kelompok, taingot ma dang sude halak di kelompok i songon i.
Taingot ma dang sude taboto taringot halak na asing.
Talului ma informasi sian sumber na boi dihaporseai.