Diselamatton si Ester ma Bangsona

Si Ester, i ma sahalak borua Jahudi na tinggal di kota Susan na di Persia. Si Mordahai sepupuna do na mangurus ibana mulai sian na gelleng. Pelayan ni si Ahasweros raja ni Persia do si Mordahai.

Naeng dipillit Raja Ahasweros ma ratu na baru. Jadi, diboan akka pelayanna ma sude borua na bagak di wilayah harajaonna tu istana, termasuk ma si Ester. Sian sude borua i, si Ester ma na dipillit raja gabe ratu. Alai didok si Mordahai do asa unang dipaboa si Ester na halak Jahudi ibana.

Di tikki i, si Haman do na gabe pengawas ni akka pejabat. Ginjang do rohana. Disuru ibana do asa marsomba sude halak tu ibana. Alai dang olo si Mordahai. Gabe muruk ma si Haman, jala naeng dipamate ma si Mordahai. Dung diboto ibana na halak Jahudi si Mordahai, dibahen ma rencana naeng pamatehon sude halak Jahudi na di Persia. Didok ma tu raja, ‘Jahat do halak Jahudi i. Ikkon pamateonmu do nasida.’ Didok si Ahasweros ma, ‘Bahen ma lomom.’ Diloas raja ma si Haman mambahen peraturan. Alani i, dibahen si Haman ma peraturan asa dibunu sude halak Jahudi di tanggal 13 Adar (ujung ni bulan dua sahat tu awal ni bulan tolu). Alai, diida Jahowa do pambahenanna i.

Dang diboto si Ester peraturan i. Alani i, dipaboa si Mordahai ma i tu ibana, jala didok ma, ‘Makkatai ma ho tu raja.’ Didok si Ester ma, ‘Dipamate do na manjuppangi raja molo dang dijou. Nungnga 30 ari au dang dijou raja! Alai lao pe au. Molo dibahen raja annon tukkotna tu au, selamat ma au. Alai molo dang, mate ma au.’

Dung i lao ma si Ester tu alaman ni istana ni raja. Tikki diida raja ibana, dibahen ma tukkotna tu si Ester. Didapotton si Ester ma raja i. Disukkun raja ma, ‘Aha na porlu Ester?’ Didok si Ester ma, ‘Naeng huundang do raja i dohot si Haman tu pesta na hubahen.’ Di pesta i, didok si Ester ma muse asa ro nasida tu pesta na lao dibahen marsogotna i. Dung ro nasida, disukkun raja ma, ‘Aha pangidoanmu Ester?’ Didok si Ester ma, ‘Tolong ma jo au. Adong na lao pamatehon au dohot bangsokku.’ Didok raja ma, ‘Ise na lao pamatehon ho?’ Didok si Ester ma, ‘Si Haman na jahat on.’ Gabe muruk ma raja i jala disuru ma asa dipamate si Haman.

Alai dang boi dibatalhon peraturan naung dibahen si Haman i. Bahkan, raja pe dang boi. Alani i, dibahen raja ma si Mordahai gabe pengawas ni akka pejabat jala diloas do ibana mambahen peraturan na baru. Dibahen si Mordahai ma peraturan na mandok, boi do halak Jahudi mangalo musu molo naeng dipamate nasida. Di tanggal 13 bulan Adar, ditaluhon halak Jahudi ma musu ni nasida. Mulai sian i, dirayahon halak Jahudi ma i ganup taon.