Si Johannes Paboahon na lao Ro Messias

Dung balga si Johannes anak ni si Sakaria dohot si Elisabet, gabe nabi do ibana. Disuru Jahowa do ibana paboahon na lao ro Messias. Dang di sinagoga manang di akka kota ibana paboahon i, alai di padang belantara do. Ro ma akka halak sian Jerusalem dohot luat Judea lao marsiajar sian ibana. Dipaboa si Johannes do cara lao mambahen las roha ni Debata, didok ibana do asa unang diulahon nasida be na jahat. Dung dibege nasida i, godang do na bertobat, jala dididi si Johannes ma nasida di Sunge Jordan.

Sederhana do ngolu ni si Johannes. Sian bulu ni unta do pakkeanna jala belalang dohot madu hutan do sipanganonna. Sukkun-sukkun do roha ni akka halak, ise do sasittongna si Johannes. Haru halak Parise dohot halak Saduse pe, ro do manjuppangi ibana. Didok si Johannes ma tu nasida, ‘Ikkon berubah do hamu jala bertobat. Unang ma dirippu hamu unjago hamu sian na asing ala anak ni si Abraham hamu. Nang pe anak ni si Abraham hamu, dang na gabe anak ni Debata hamu.’

Godang do na ro manjuppangi si Johannes jala manukkun tu ibana, ‘Aha do na ikkon diulahon hami asa las roha ni Debata mangida hami?’ Didok si Johannes ma, ‘Molo adong dua bajum, lehon ma sada tu halak na so adong bajuna.’ Diboto ho do boasa didok ibana songon i? Lomo do rohana asa diboto akka muridna, molo naeng dibahen nasida las roha ni Debata, ikkon dihaholongi nasida do sude jolma.

Didok si Johannes ma tu sijalo pajak, ‘Jujur ma hamu jala unang oto-otoi halak.’ Didok ibana ma muse tu akka tentara, ‘Unang olo hamu manjalo hepeng suap, jala unang ma margabus.’

Ro ma muse akka malim dohot halak Lepi mandok tu si Johannes, ‘Ai ise do ho? Sude halak naeng mamboto ise do ho sasittongna.’ Didok si Johannes ma, ‘Au do halak na joujou di padang belantara, na manogu-nogu akka halak mulak tu Jahowa, songon na didok Nabi Jesaya.’

Lomo do roha ni akka halak mambege na diajarhon si Johannes. Gabe dirippu nasida ma ibana Messias. Alai didok si Johannes ma, ‘Na lao ro ma na umbalga huasona sian au. Haru mambukka solopna pe, dang patut au. Aek do hubahen mandidi akka halak, alai tondi parbadia do dibahen ibana mandidi.’