Kata Pengantar tu Bagian 8

Dilehon Jahowa do bisuk tu si Salomo, jala disuru do ibana mambangun bagas joro. Alai di pudian ni ari dang setia be ibana tu Jahowa. Hamu akka natua-tua patorang ma tu gellengmuna, na mardongan dohot na so sisomba Jahowa do si Salomo. Alani i ma dang setia ibana tu Jahowa. Tarbagi do harajaon ni Israel, jala dang setia tu Jahowa be rakyatna alani akka raja ni nasida. Di tikki i, godang do nabi ni Jahowa na disiksa jala dipamate. Alani si Izebel, dang manomba Jahowa be halak Israel di harajaon na di utara, jala gabe susa ma ngolu ni nasida. Alai adong dope halak na setia, songon Raja Jehosapat dohot Nabi Elia.