Informasi tu Akka na Ro

NA MARTUGAS DI TATA TERTIB Na martugas di tata tertib dipangido lao mangurupi sude na ro. Ihutton ma tudu-tudu ni nasida tikki di parkiran, di dalan kaluar masuk gedung, lao mambuat hundulan, dohot akka na asing.

PANDIDION Nungnga diparade hian hundulan tu na lao tardidi di jolo, jonok tu panggung. Alai molo adong perubahan, dipaboa do annon didia hundulan tu na lao tardidi. Dipangido do tu akka na lao tardidi asa hundul di hundulan naung ditontuhon andorang so dipasahat jamita pandidion di ari Sabtu manogot. Ganup ma na lao tardidi mamboan anduk dohot pakkean na patut na hombar tusi.

SUMBANGAN Godang do hepeng na dihaporluhon lao paradehon hundulan, tata soara, dohot akka na asing asa denggan tapakke inganan on. Sude akka na diparade mangurupi hita asa denggan manangihon sipasingot ni Jahowa, jala mambahen lam togu parale-aleotta tu Ibana. Sumbanganmuna boi manutupi akka biaya na dipakke di kebaktian on, jala mangurupi ulaon marbarita di liat portibi on. Diparade do piga-piga kotak sumbangan di gedung on. Mauliate ma tu sumbanganmuna. Jala dihamauliatehon Punguan na Mangaradoti Organisasi do i, ala rade hamu mangurupi ulaon ni Harajaon.

P3K Holan tikki situasi darurat.

BARANG NA MAGO DOHOT NA DAPOT Molo adong dapotmuna barang jala dang diboto hamu ise nampunasa barang i, boan hamu ma i tu Departemen Barang Hilang dan Ditemukan. Molo adong barangmuna na mago, sukkun ma tu departemen on, jala paboa ma barang aha na mago i. Dakdanak na lilu manang tersesat diboan ma tu departemen on. Alai asa unang gabe repot godang halak, dipangido tu natua-tua asa mamparrohahon jala manjaga ianakhonna.

HUNDULAN Maradophon ni roha ma tu donganta na asing. Boi do dipapulik hian akka hundulan, alai holan tu keluargamuna, donganmuna sajabu, samotor, manang tu parsiajar Bibelmuna. Unang ma peakkon hamu barangmuna di kursi na so dihunduli hamu.

NA RADE MANGURUPI Molo rade hamu mangurupi di kebaktian on, paboa ma tu Departemen Informasi dan Dinas Sukarela.

PERTEMUAN KHUSUS

Sikkola tu Parbarita Harajaon Perintis na marumur 23 sahat tu 65 taon na lomo rohana marhobas tu Jahowa di gumodang ulaon, digokkon asa dohot tu pertemuan ni Sikkola tu Parbarita Harajaon di ari Minggu arian. Dipaboa do annon tikki dohot inganan ni pertemuan i.