Informasi tu Akka na Ro

BARANG NA MAGO DOHOT NA DAPOT Molo adong barang na dapotmuna jala dang diboto hamu ise pemilikna, boan ma tu Departemen Barang Hilang dan Ditemukan. Molo adong barangmuna na mago, sukkun ma tu departemen on, jala paboa ma barang aha na mago i. Molo adong dakdanak na terpisah sian natua-tuana, boan ma tu departemen on. Alai asa unang gabe repot godang halak, dipangido do tu akka natua-tua asa manjaga ianakkonna.

NA RADE MANGURUPI Molo rade hamu naeng dohot mangurupi di parpunguan regional on, paboa ma tu Departemen Informasi dan Dinas Sukarela.

PANDIDION Tempat duduk tu akka na lao tardidi dibahen di jolo na jonok tu panggung, kecuali adong perubahan. Dipangido do tu akka na lao tardidi asa hundul di jolo sebelum dipasahat jamita pandidion di ari Sabtu manogot. Akka na lao tardidi diboan ma andukna dohot pakkean na sopan.

PETUGAS TATA TERTIB Petugas tata tertib ditugasson lao mangurupi sude hadirin. Ihutton ma petunjuk na dibahen nasida tikki di parkiran, tikki masuk manang kaluar sian gedung, tikki mambuat tempat duduk, manang na asing.

P3K Persediaan on holan tu keadaan darurat.

SUMBANGAN Godang do hepeng na dihaporluhon tu parpunguan on, songon paradehon tempat duduk, tata suara, peralatan audio video, dohot akka na asing. Sude akka na diparade mangurupi hita asa boi denggan menikmati acara on, na boi mambahen hita lam jonok tu Jahowa. Sumbangan na dilehon hamu boi manutupi akka biaya na dipakke tu parpunguan regional on, jala mangurupi ulaon marbarita di liat portibi on. Diparade do piga-piga kotak sumbangan di gedung on. Boi do muse hamu mangalehon sumbangan melalui donate.jw.org. Mauliate ma di akka sumbanganmuna i. Mandok mauliate do Punguan na Mangaradoti Organisasi ala rade hamu mendukung.

TEMPAT DUDUK Pikkirhon ma halak na asing. Ingot ma, tempat duduk boi diparade holan tu keluarga, na sakendaraan dohot hamu, na sajabu dohot hamu, dohot parsiajar Bibelmuna. Unang ma peakkon barangmuna di tempat duduk na so dihunduli hamu.