Sungkunsungkun Na Dialusi Bibel

Boi do salpu hapogoson sian tano on?

Sahalak borua maniop bongkorbongkor huhut mangkaol dakdanak borua — Songon dia do debata manalpuhon hapogoson?—Mateus 6:9, 10.

Marjuta halak mate ganup taon alani hapogoson, hurang gizi dohot sahit. Nang pe godang halak na mora di tano on, alai gumodang do halak na pogos. Dipaboa do di Bibel na sai adong do hapogoson.—Jaha Johannes 12:8.

Asa unang adong be hapogoson, porlu do adong pamarenta na burju jala na ris mambagihon pangurupion. Asing ni i, ingkon pasohoton ni pamarenta do porang na mambahen hapogoson. Marjanji do Debata na laho pajongjongonNa harajaon na mamarenta di liat portibi on, na manalpuhon hapogoson.—Jaha Daniel 2:44.

Ise do na laho manalpuhon hapogoson?

Nunga dipillit Debata anakNa, i ma Jesus laho mamarenta tano on. (Psalmen 2:4-8) Salpuhonon ni Jesus ma hapogoson, sitaonon dohot hajahaton.—Jaha Psalmen 72:8, 12-14.

Jesus, ”Raja ni hadameon” mambahen dame portibi on. Sude halak marlas ni roha ala boi pajongjongkon jabuna jala gok sipanganon di tano on.—Jaha Jesaya 9:5, 6; 65:21-23.

Laho mandapot gumodang hatorangan, ida ma pasal 8 sian buku on Apa yang Sebenarnya Alkitab Ajarkan?, na dipabinsar ni Sitindangi Ni Jahowa

Rade do di www.jw.org/id