Lao Dipaujung Jesus do Hapogoson

Tikki di tano on Jesus, dipatudu ibana do na holong rohana tu akka jolma, tarlumobi tu akka halak na pogos dohot halak na susa. (Mateus 9:36) Jala dilehon ibana do ngoluna gabe tobusan. (Mateus 20:28; Johannes 15:13) Satokkin nai, dipatudu Jesus ma muse holongna tu jolma. Lao bahenonna ma dang adong be na pogos di saluhut tano on. Saut ma i molo nungnga mamaretta Harajaon ni Debata tu tano on.

On ma na didok Bibel na lao diulahon Jesus:

• “Sai anggiat ma dibela ibana akka na dangol na adong di tonga-tonga ni bangso i. Sai anggiat ma dipalua ibana akka na pogos.”—Psalmen 72:4.

Songon dia ma hita patuduhon pangargaion tu sude naung diulahon Jesus dohot na lao bahenonna? Taparsiajari ma “barita na uli taringot tu Harajaon ni Debata”. (Lukas 4:43) On do tema ni barita na uli na dipasahat Jesus tikki di tano on. Jaha ma artikel “Aha do Harajaon ni Debata i?”