Ise do na Boi Dihaporseai Hamu?—Aha do na Didok Bibel Taringot i?

Saonari godang do halak na so porsea be tu halak na asing. Alana sering do nasida kecewa dibahen akka halak na seharusna boi dihaporseai. Godang do halak na so porsea be tu . . .

• pamimpin politik na holan mamikkiri dirina sandiri, dang parduli tu rakyatna.

• media berita na paboahon barita na so sittong jala na marpihak.

• ilmuwan na so mamikkirhon na rikkot tu godang halak.

• pamimpin agama na marpihak tu politik, dang tu Debata.

Wajar do gabe sukkun-sukkun roha ni halak, ise be na boi dihaporseai. Alana Bibel pe mandok,

• “Unang ma porsea hamu tu akka pamimpin, manang tu anak ni jolma na so boi mangalehon haluaon.”—Psalmen 146:3.

Na boi dihaporseai hamu

 Didok di Bibel adong do sada pamimpin na boi dihaporseai hamu, i ma Jesus Kristus. Sahalak bawa na burju do ibana, na hea mangolu di tano on. Alai dang holan i na boi mambahen gabe porsea hamu tu ibana. Bibel mandok nungnga dipillit Debata be Jesus “gabe Raja . . . , jala dang na lao marujung Harajaonna i.” (Lukas 1:32, 33) Jesus ma Raja ni Harajaon ni Debata jala nungnga mamaretta be Harajaon i sian surgo.—Mateus 6:10.

• Asa porsea hamu tu Jesus, jaha ma artikel “Ise do Raja ni Harajaon ni Debata?” dohot “Aha do na Lao Diulahon Harajaon ni Debata?”