Isara laho Marbarita Marhite Mamangke Meja manang Rak Buku

Pasahathon barita na uli marhite mamangke meja manang rak buku na marroda marlaba do i boi mangurupi halak laho mananda hasintongan. (Joh. 6:44) Dibahen i, angka sintua dijujui asa manguluhon ulaon marbarita di inganan na torop jolma mamolus naung ditontuhon tu sada huria. Ala rak buku na marroda on boi dipapindapinda, ndang pola sai ingkon tapangido tu manang ise asa dipaloas hita laho mangulahon i. Ise do na boi dohot? Penyiar na marbisuk, marparange na denggan, jala malo mangalehon alus. Di toru on adong pigapiga isara na boi mangurupi angka penyiar asa marhasil.

Ulahon:

Rama, lambok, jala rade mangurupi. Deba penyiar burju laho manise angka jolma na mamolus. Molo adong na manjonok laho mangida angka buku, boi ma didok, ”Buat ma buku na dia lomo rohamu.”
Jongjong ma jonok tu meja manang tu rak buku i. Dipigapiga inganan, denggan do molo angka penyiar jongjong jonok hirahira sameter sian meja manang rak buku i. Alai na asing mandok isara sisongon on olo mambahen angka na mamolus maila manang alang rohana laho mambuat buku i, antong denggan ma unang pola pajonokhu jongjong tu meja manang rak ni buku i alai, molo adong na ro mangida buku didapothon ma tu si. Tingki sasahalak ro jonok tu meja i, sungkun ma, ”Hea do sungkunsungkun rohamu songon sungkunsungkun na adong dison?”
Usahahon ma mambuka Bibel.
Paboa ma songon dia isara laho marsiajar Bibel tu manang ise pe na mambuat buku parsiajaran, songon buku Alkitab Ajarkan. Patuduhon ma video Boasa Ringkot Marsiajar Bibel?
Sungkun ma songon dia laho manghatai muse dohot halak na lomo rohana manangihon. Molo jabuna ndang di inganan ni hurianta naung ditontuhon isi ma formulir Silakan Tindak Lanjuti (S-43), hatop ma lehon tu sekretaris ni huria.