Lam tu Dengganna Marbarita​—Mangkatai tu Sude Halak di Luatta

BOASA RINGKOT: Nunga dipaboa si Sakaria hian, olo do angka halak sian marragam bangso manjangkon barita nauli. (Sak 8:23) Alai ise ma na mangajari nasida? (Rom 10:13-15) Dilehon do tu hita tanggung jawab dohot hasangapon laho marbarita na uli tu angka halak di luatta.—od-IN 84 ¶10-11.

SONGON DIA MANGULAHON:

• Parade hian ma. Adong do jumpangmuna halak na marbahasa na asing? Pangke ma aplikasi JW Language laho mamparsiajari cara marbarita tu nasida. Manang, patudu ma tu nasida cara mandapot gumodang hatorangan di bahasa nasida sian jw.org

• Parohahon ma. Molo marbarita sian jabu tu jabu do hamu, parrohahon ma atik adong na boi ditogihon mangkatai. Ra, adong do halak na lewat, manang halak na paimahon di mobil. Tingki marbarita di inganan na ribur, marsitutu ma asa boi marbarita tu sasahalak

• Ringgas ma. Marsitutu ma asa boi manjumpangi halak na so di jabu tingki hamu marbarita tu luat i. Boi do hamu ro muse di tingki na asing, manang di ari na asing. Adong do halak na boi mandapot barita na uli sian surat, telepon manang tingki di dalan

• Jumpangi ma muse. Hatop ma ro laho manjumpangi muse. Molo asing do bahasamuna sian bahasana, pangido ma donganta na mamboto bahasa i manjumpangi ibana. Molo ndang adong dope dapotmuna donganta na boi mangkatai di bahasana, tongtong ma jumpangi ibana muse.—od-IN 94 ¶39-40

TONTON MA VIDEO MARBARITA ”SAHAT RO DI UJUNG NI TANO ON”, DUNG I, ALUSI MA SUNGKUNSUNGKUN ON:

• 

  Aha do na diulahon angka donganta laho manjumpangi angka halak di luat na pinjil? (1Kor 9:22, 23)

• 

  Aha do ambatambat na diadopi nasida?

• 

  Aha do pasupasu na dihilala nasida?

• Aha ma na boi diulahon hamu asa boi mangkatai tu gumodang halak di luatmuna?