HANGOLUAN NI HALAK KRISTEN

Marbarita di Inganan na Marragam Bahasa

Donganta pajumpang dohot halak na marbahasa na asing

Somalna las do roha ni halak manjalo barita na uli molo dibege nasida barita i di bahasa ni nasida. I do alana tingki ari Pentakosta taon 33 M, dibahen Jahowa do tanda halongangan. Gabe boi ma “halak Jahudi na ro sian saluhut bangso” mambege barita na uli di bahasa ni nasida. Hape sasintongna boi do nasida marbahasa Heber manang Junani. (Ul 2:5, 8) Asing ni i, olo do ra lobi sian sada bahasa na dipangke di sada inganan. Alani i, dibahen do parpunguan di marragam bahasa di inganan i. Olo do ra gabe sarupa daerah dinas ni nasida. Jadi, songon dia do carana asa angka penyiar na sian marragam huria ndang mulak-ulak marbarita tu sada jabu?

Hatai ma jolo (Poda 15:22): Ingkon jolo dihatai angka pengawas dinas do boha asa denggan angka penyiar mangkarejohon daerah dinasna be. Molo otik do daerah dinasna, ra dipangido huria na marbahasa na asing do tu hamu asa unang marbarita tu daerah dinas ni nasida. Alai molo bolak daerah dinas ni nasida, olo do ra dipangido tu hamu asa mangurupi nasida. Jala molo adong di daerah i peminat na mamangke bahasa ni nasida, paboa ma i tu nasida. (od-IN 93 ¶37) Manang molo pajumpang hamu tu halak na mamangke bahasa ni nasida di daerah na asing, paboa ma alamat ni parjabu i tu nasida. (km-IN 7/12 5, kotak) Alai ingot ma, olo do ra dipangke piga-piga bahasa di sada jabu. Molo adong aturan sian pamarenta na paboahon hatorangan taringot parjabu, taihuthon ma i.
Masiurupan (Eps 4:16): Ihuthon ma tudu-tudu sian pengawas dinas. Ra ndang pola diantusi parsiajar Bibelmuna bahasa na dipangke di huriamuna. Molo songon i, pangido ma tu penyiar na mamangke bahasana asa diurupi ibana marsiajar Bibel. Alana, i do ra na mambahen ibana hatop maju.
Parade hian (Poda 15:28; 16:1): Molo marbahasa na asing do parjabu i, unang ma mabiar marbarita na uli tu ibana. Manat ma parrohahon asa taboto bahasa aha na dipangke ibana. Dung i, download ma Bibel dohot angka video di bahasa na diantusi ibana. Asing ni i, boi do tapangke JW Language asa boi marsitandaan dohot ibana.