Lam tu Dengganna Marbarita—Marbarita tu Halak na Marhata na Asing

Boasa Ringkot: Disarihon Jahowa do na ringkot tu partondion ni halak ”sian ganup bangso.” (Ulaon 10:34, 35) Alani i ma, Jesus mandok laho baritahononna barita na uli tu ”liat portibi on” dohot ”tu saluhut bangso.” (Mateus 24:14) Si Sakaria manuriranghon jangkonon ni angka halak ”sian saluhut dila ni bangso” ma barita i. (Sakaria 8:23) Mangihuthon pangungkapon na ni ida ni apostel Johannes, angka halak na malua sian haporsuhon bolon, dohot ma i angka na marroan ”sian nasa bangso, marga dohot houm dohot hata.” (Pangungkapon 7:9, 13, 14) Songon naung hea taulas, tingki pajumpang hita dohot sasahalak na marhata na asing, ingkon marsitutu ma hita marbarita tu ibana.