Lam tu Dengganna Marbarita—Mambahen Parsiajaran Bibel sian Buku Barita na Uli sian Debata! di jolo ni pintu
Boasa Ringkot: Laho mambahen sasahalak asa gabe sitindangi, ingkon boi do hita gabe pangajari hata ni Debata. (Mateus 28:19, 20) Boi do hita denggan mangajarhon hasintongan mamangke alat dohot tudutudu na dilehon tu hita. Buku Barita na uli sian Debata! dibahen laho mangurupi hita mangajarhon hasintongan tu halak. Sasintongna, boi do tapangke buku on laho mambahen parsiajaran Bibel dohot sasahalak na baru tajumpangi di jabuna.
Ulahon ma On Saleleng Sabulan:
Martangiang ma, pangido ma asa taronjar roha muna mambahen parsiajaran Bibel. Dung i, pangido ma pangurupion sian Debata asa boi mandapot sahalak parsiajar Bibel jala asa boi gabe guru na denggan.—Pilippi 2:13.
Saleleng panombaon na sasaripe manang tingki marsiajar Bibel sahalak muna, rimangi ma presentasi on asa masuk tu roha muna. Dung i, boi ma hamu barani laho mambahen parsiajaran Bibel di jolo ni pintu.