Marsiajar ma Sian Penyiar na Marpengalaman

Taargai do angka penyiar na marpengalaman na adong di huria. Pigapiga sian nasida nunga leleng marsihohot manomba Jahowa. Na asing, olo do ra adong hian hak na sumurungna di ulaon marbarita. Angka donganta on, nunga manghilala songon dia Jesus manguluhon huria di ari parpudi marhite ulaon marbarita na uli. (Mateus 28:19, 20) Dijalo nasida do ”hagogoon na sumurung” tingki mangadopi hasusaan dohot situasi na muba di parngoluon nasida. (2 Korint 4:7) Godang na boi diparsiajari sian angka penyiar na marpengalaman on. Las do roha nasida pabaohon aha na diboto nasida tu hita. (Psalmen 71:18) Alani i, talehon ma tingki laho marsiajar sian nasida. Songon dia do hita mangulahon on?

Tingki Marbarita. Asa boi denggan marbarita, penyiar na baru manang na hurang pengalaman porlu diajarajari. Nasida boi mamparrohahon songon dia angka penyiar naung marpengalaman tingki marbarita. (Ida ma Menara Pengawal 15 February  2015, ”Teruslah Bersemangat dalam Dinas,” paragraf patoluhon sian subjudul ”Bantulah Penyiar Baru.”) Songon dia do hita boi mandapot laba tingki rap marbarita dohot nasida?

Boi do togihonon muna angka penyiar na marpengalaman on rap marbarita dohot hamu? Molo so tolap be ibana, boi do hamu marsiajar Bibel rap dohot parsiajar Bibelmu di jabuna. Dung sae marsiajar, pangido ma asa dipaboa pengalaman dohot poda tu parsiajar Bibel muna i.

Lehon ma Tingki Muna tu Nasida: Molo lomo rohanta mamboto pengalaman ni nasida, lehon ma tingki. Togihon ma nasida asa rap dohot tu panombaon na sasaripe muna jala tangihon ma angka pengalaman nasida. Molo so tolap be ibana, sungkun ma ’boi do bahenon panombaon na sasaripe di jabuna? Tangihon ma pengalamanna songon dia ibana boi mananda hasintongan. Aha do pasupasu na dihilala ibana? Aha do hamajuon ni organisasi di luat i naung diida ibana? Songon dia do panghilalaanna manomba Jahowa saleleng on?

Alai, porlu taingot ndang sai sude diboto donganta on. Dos songon hita, marasingasing do haboion nasida di ulaon marbarita. (Rom 12:6-8) Pigapiga sian nasida ndang boi be godang mangulahon ulaon marbarita. Alai nang pe songon i, godang do na boi taparsiajari sian nasida.