Asa Lam Denggan Hita Marsiajar Bibel

BOASA RINGKOT: Molo taparsiajari Bibel, gabe ‘tangkas ma taboto bidangna, ganjangna, timbona dohot bagas ni parbinotoan taringot tu Debata’. (Eps 3:18) Diurupi ma hita asa tongtong ias, jala ndang mangihuthon portibi na jahat on. Gabe boi ma hita “maniop hata ni Debata na parohon hangoluan”. (Plp 2:15, 16) Tingki naeng marsiajar, pillit ma bahan na dia na ringkot di hita, dung i parsiajari ma i. Aha do na ingkon taulahon asa adong na tadapot tingki manjaha dohot marsiajar Bibel?

CARA MANGULAHON I:

• Tandai ma ayat jala bahen ma catatan di Bibelmuna, na tercetak manang na elektronik

• Tingki manjaha Bibel, sungkun ma dirimuna: ‘Ise do na mangkatai dison? Aha na dihatai? Andigan? Didia? Boasa? Songon dia?’

• Bagas ma parsiajari. Pangke ma angka bahan riset, jala lului ma taringot sada topik manang sada ayat di Bibel

• Rimangi ma aha do guna ni bahan i tu hamu

• Ulahon ma angka naung diparsiajari hamu.​—Luk 6:47, 48

TONTON MA VIDEO TONGTONG MANIOP HATA NI DEBATA—MARHITE PARSIAJARAN PRIBADI NA DENGGAN, DUNG I ALUSI MA SUNGKUN-SUNGKUN ON:

• Boha do pandapot ni angka donganta taringot parsiajaran pribadi?

• Boasa ingkon jolo martangiang hita andorang so marsiajar?

• Boha do carana asa lam taantusi hatorangan sian Bibel?

• Angka aha do na boi tatandai tingki marsiajar?

• Tingki marsiajar, boasa ringkot tarimangi hatorangan i?

• Dung marsiajar, aha do na ingkon taulahon?