Songon dia do Parsiajaran Bibel na Dibahen Saksi Jahowa?
Lomo do roha ni Saksi Jahowa manogihon hamu marsiajar Bibel. Molo marsiajar Bibel hamu, gabe boi ma botoonmuna:
Songon dia carana asa bahagia
Songon dia carana asa jonok tu Debata
Janji ni Debata taringot masa depan
Lao tabahas ma
Molo marsiajar Bibel au, dipaksa do au annon gabe Saksi Jahowa?
Molo nga hea au marsiajar Bibel dohot Saksi Jahowa, boi do muse au marsiajar?
Songon dia do carana marsiajar Bibel i?
Diurupi sahalak Saksi Jahowa ma hamu marsiajar Bibel topik per topik. Boi do hamu marsiajar mamakke bukku Mangolu Saleleng ni Lelengna. Sian bukku i, boi ma diboto hamu aha na diajarhon di Bibel jala aha manfaatna di hamu. Asa boi diboto hamu taringot i, tonton ma video on.
Margarar do lao marsiajar?
Gratis do marsiajar Bibel dohot Saksi Jahowa. Alana hea do didok Jesus tu akka siseanna, “Ala dang margarar dijalo hamu sudena i, lehon hamu ma i dang margarar.” (Mateus 10:8) Alani i ma dang margarar marsiajar Bibel dohot hami. Jala dang pola ikkon manggarar molo naeng mangido Bibel dohot bukku Mangolu Saleleng ni Lelengna.
Sadia leleng do au marsiajar Bibel?
Adong 60 pelajaran di bukku Mangolu Saleleng ni Lelengna. Hamu do na manottuhon sadia godang do na lao diparsiajari hamu sahali marsiajar. Adong do na mamutusson mamparsiajari sada pelajaran manang lobi setiap minggu.
Songon dia do carana asa boi au marsiajar?
1. Isi ma formulir onlinena. Data pribadi na dibahen hamu di formulir i, dipakke Saksi Jahowa holan lao menghubungi hamu.
2. Adong do Saksi Jahowa na lao menghubungi hamu. Dipaboa ibana ma annon songon dia carana marsiajar Bibel. Jala molo adong sukkun-sukkunmuna, boi do annon dialusi ibana i.
3. Atur hamu ma songon dia jala andigan hamu marsiajar. Boi do dipillit hamu naeng marsiajar Bibel langsung dohot halakna, manang lewat telepon, video call, surat, manang e-mail. Biasana sajom do sahali marsiajar. Alai boi do dipangido hamu naeng satokkin manang leleng marsiajar sesuai tu keadaanmuna.
Boi do jolo hucoba marsiajar?
Boi. Asa boi dicoba hamu, isi ma formulir onlinena. Tikki dihubungi Saksi Jahowa hamu annon, paboa ma tu ibana holan naeng mencoba dope hamu. Dilehon ibana ma annon tu hamu brosur Mangolu Saleleng ni Lelengna, na isina holan tolu pelajaran. Molo nga sae dipelajari hamu brosur i, boi do diputusson hamu naeng lanjut marsiajar manang na dang.
Molo marsiajar Bibel au, dipaksa do au annon gabe Saksi Jahowa?
Daong. Lomo do roha ni Saksi Jahowa mangurupi halak marsiajar Bibel. Alai dang hea dipaksa hami manang ise pe gabe Saksi Jahowa. Diargai hami do keputusan na dibahen sude halak taringot haporseaon ni nasida.—1 Petrus 3:15.
Boi do Bibelhu sandiri na hupakke?
Boi. Boi do dipakke hamu Bibel terjemahan na dia pe. Godang do halak na lomo rohana mamakke Bibel na sering dijaha nasida. Molo hami, lomo do rohanami mamakke Bibel Hata ni Debata tu Akka Jolma na Naeng Mangolu di Tano na Imbaru.
Boi do huajak na asing dohot marsiajar?
Boi. Boi do diajak hamu donganmuna manang keluargamuna.
Molo nga hea au marsiajar Bibel dohot Saksi Jahowa, boi do muse au marsiajar?
Boi. Olo do ra ullomo rohamuna marsiajar Bibel mamakke bukku na baru on. Alana nungnga disesuaihon cara marsiajarna tu keadaan ni akka halak saonari on. Uttabo do marsiajar Bibel mamakke bukku on, alana godang do video dohot gambar di bukku on.
Boi do au marsiajar Bibel sahalakku dang pola diurupi hamu?
Boi. Memang unggodang do halak na merasahon manfaatna ala diurupi Saksi Jahowa marsiajar Bibel. Alai adong do memang halak na mulana marsiajar Bibel sandiri. Di bagian Bantuan Lao Marsiajar Bibel, adong piga-piga bahan pelajaran na boi mangurupi hamu marsiajar Bibel sandiri. Gratis do lao mangida i sude. Piga-piga bahan pelajaran i, i ma:
Akka Video—Ajaran na Penting sian Bibel. Dipatorang do akka ajaran dasar na sian Bibel di akka video i.
Alus ni Bibel. Di bagian on, adong do akka artikel na marisi sukkun-sukkun na dialusi sian Bibel.
Ayat Alkitab Dijelaskan. Di bagian on, adong do akka artikel na patorakkon lapatan ni sada ayat dohot istilah na sering tabege sian Bibel.