MARSITUTU MA HAMU DI ULAON MARBARITA | ASA LAM MARLAS NI ROHA MARBARITA
Mangurupi Parsiajar Bibel Asa Ro Marpungu
Parpunguan, i ma sada bagian na massai penting lao manomba Jahowa. (Ps 22:22) Sude halak na manomba Jahowa pasti do marlas ni roha jala dipasu-pasu. (Ps 65:4) Biasana, hatop do maju parsiajar Bibel molo taratur ro marpungu.
Songon dia do caramuna mangurupi parsiajar Bibelmuna asa ro marpungu? Torus ma togihon ibana asa dohot marpungu. Patudu ma tu nasida video, Aha do na Dipatupa di Bale Harajaon? Paboa ma aha manfaatna molo ro marpungu. (lff pelajaran 10) Boi do dipaboa hamu aha naung diparsiajari di parpunguan manang paboa ma aha na lao diparsiajari di parpunguan na mangihut. Lehon ma tu nasida publikasi na lao dipakke di parpunguan. Jala tawarhon ma bantuan tu ibana. Mungkin porlu do ibana ikkon dijemput. Jadi dang sia-sia pengorbananmuna i tikki diida hamu ro nasida tu parpunguan.—1Kor 14:24, 25.
TONTON MA VIDEO DRAMA URUPI MA PARSIAJAR BIBELMUNA ASA RO MARPUNGU, DUNG I ALUSI MA SUKKUN-SUKKUN ON:
Aha do cara na dibahen si Nita lao mangundang si Tio asa ro tu parpunguan?
Boasa dohot hita marlas ni roha tikki adong parsiajar Bibel na ro tu parpunguan?
“Tutu do Debata di tonga-tongamuna”
Aha do pengalaman na dapot ni si Tio tikki parjolo sahali ibana ro marpungu?