Urupi ma Parsiajar Bibelmuna Asa Dang be Mangulahon na So Denggan

Molo denggan pangalaho ni sasahalak, boi ma gabe jonok hubunganna tu Jahowa. (1Ptr 1:14-16) Molo boi dipaso parsiajar Bibelta kebiasaanna na so denggan, pasti godang do manfaat ni i tu keluargana, tu kesehatanna, dohot tu parhepengonna.

Takkas ma paboa tu parsiajar Bibelta taringot aturan ni Jahowa, boasa ikkon diulahon ibana i, jala aha manfaatna molo diulahon i. Urupi ma ibana asa boi muba cara marpikkirna. Alana boi do i mangurupi ibana mangulahon lomo ni roha ni Jahowa. (Eps 4:22-24) Papos ma rohana, boi do Jahowa mangurupi ibana pasohon kebiasaanna na so denggan i, nang pe maol ibana pasohon i. (Plp 4:13) Molo ro muse tu rohana naeng mangulahon kebiasaanna i, paboa ma tu ibana ikkon martangiang do ibana tu Jahowa asa diurupi. Urupi ma ibana mamboto situasi na songon dia do na boi mambahen ibana tergoda lao mangulahon kebiasaanna i. Jala jujui ma ibana mangulahon kegiatan na denggan. Pasti las do rohamuna molo boi parsiajar Bibelmuna muba ala diurupi Jahowa.

TONTON MA VIDEO DRAMA URUPI MA PARSIAJAR BIBELMUNA ASA DANG BE MANGULAHON NA SO DENGGAN, DUNG I ALUSI MA SUKKUN-SUKKUN ON:

• 

  Songon dia do akka sintua dohot si Nita patuduhon na pos do roha ni nasida boi do si Tio pasohon kebiasaanna na so denggan?

• 

  Aha do muse na diulahon si Nita lao mangurupi si Tio?

• 

  Aha do na diulahon si Tio asa diurupi Jahowa ibana?